عرف ليكم البشير انو انتو بتاعين تنظير قعد ينظر ليكم

شفتوا كيف !!!
شغلكم نضيف يا كيزان

جاكم بنظرية الوثبة

يلا كللكم جاهزين للوثوب الجماعي

وثبة الرياضيين :-



وثبة اهل السياسة :-

المنظر والفيلسوف عمر البشير جاء في خطابة كلمة الاندغام واحابيل والسيرورة

بالجد كدا ممكن شرح معاني الكلمات دي

Quote: Ahmed Magzoub مسدار الوثبــة =============== ============ وثبـــة ووثبتيــن والتالتة بــرة الــدولــة والقافلين عليك خسرو الرهان والـجولة يسألك الكريم رب العباد المولــــــــــي حلــــقات المسلسل ام خطابك اولي ؟ ... يا عـــــــــمر البشير انا معترض.. ما راضي ممكن انسي ليك كل الحصل في الماضـي الواجعني منك . وفي سبيلــو بقاضــــــــي يا خسارة المسلسل زمنو راح في الفاضي ... اتلاقو الجميع كل عمة تضرب عمــــة والناس يا عمر.. آمالا كان في القمـــة نسمع بالخطاب قلنا الحكاية مهــــمة دا الجامعنا ليهو من العصــــــر بالذمة ؟ ... يا عمــر البشير الدولة رسبت رسبــة و اضحت للجهــــاز .. نص البلد منتسبة السبب القبيل خلي الخلوق محتسبة قمبلة الرئيس طلعت اشاعة ووثبــــــة ... يا عمر البشير حبل الصبر اتمطـــي والـسودان يسير ..بس إلا زي البطة منتظرين قرارك وقلنا زي الشطـــة يوم طلع القرار القصة طلعت نطـــة ... يا عمر البشير الوثبة تب مرغوبـــة نتمني العمار لي ارضنا المحبوبة في عز الخريف ما تشكر الراكوبة لـــــكن بالخطاب فعلا قلبتا الهوبة ... يا عمــر البشير هاك الكلام الواعي البترول يطير ..سودانا ارضو زراعي خليك للسلامة وللتقدم ساعـــي لكن للخطاب صدقني مافيش داعي ... يا عمر البشير .. ضيعتا زمن الامــة قلنا لقيت علاج ممكن يزيل الحمي عاملين للخطاب قومة وشمار و هلمة قايلنو اسكريم.. لكن طلع داردمــــة