Post: #1
Title: سري للعاية .. اجتماع مفاجيء لرئاسة الجمهورية بالوزراء صباح اليوم
Author: د.محمد حسن
Date: 01-28-2014, 12:06 PM
يدخل الرئيس واجما ومكفهرا لا يسلم على احد ويجلس في مكانه المخصص
الرئيس : منو الكتب الخطاب ده
مصطفى اسماعيل : اعتقد يا ريس يا امين حسن عمر والا كمال بخيت
امين حسن : يا مصظفى بطل فتن وبعدين كمال ما معانا
وزير جديد : والله يا ريس انا ذاتي خجلت من الخطاب
الرئيس : يخجك الصقط انا ما قلت عايز زول يخحل لي
غندور : انت يا ريس زعلان ليه ما اهو كده الامور حتمشي تمام
الرئيس : بس انا متفق مع كارتر والترابي
كرتي : تااااااني الترابي يا ريس والله ده لو اتفقت معاه يبيعك نص النهار
الرئيس : هسة انا اودي وشي وين
غندور : بسيطة يا ريس انا حاتفق مع احمد البلال ونعمل ححلقة جديدة وانا اتكلم وادقس ليك الناس
الرئيس : طيب اها دقست الناس ، ناس سودانيز اونلاين والراكوبة ديل البدقسهم منو
احمد بلال وزيردايم : شوف يا ريس انت اعمل زغبير
الرئيس: كيف يعني زغبير؟
احمد بلال : يعني يا ريس اضان جلد ونحن بنجيه ليك الزبالين الجوة وحنحاول مع بكري لكن بكري ماااا اظن يوافق الراكوبة وسودانيز نحظرهم
الرئيس : طيب والدم اللي في البنطلون جا منين؟.
مصطفى اسماعيل : يا ريس ما تكبرها شديد ، انا بصفتي وزير استحمار حاجيب ليك شوية اتراك يعملو ليهم مصنع طرشي ونفتتحو ونجيب قيقم وترجع للعادة القديمة تعرض ونحن نصفق
الرئيس: تاني القيقم؟
احمد بلال : خلاص نجيب ندى القلعة
وما زال الاجتماع قائم
|
Post: #2
Title: Re: سري للعاية .. اجتماع مفاجيء لرئاسة الجمهورية بالوزراء صباح اليوم
Author: ابو جهينة
Date: 01-28-2014, 12:26 PM
Parent: #1
سرك باتع يا أب شنب يا أبو التومات
كامل تضامني مع الوزير الجديد الذي نال من أول جلسة طارئة دعوة ( يخجك الصقط )
***
بالله أول بأول يا دكتور
|
Post: #3
Title: Re: سري للعاية .. اجتماع مفاجيء لرئاسة الجمهورية بالوزراء صباح اليوم
Author: ادريس خليفة علم الهدي
Date: 01-28-2014, 03:08 PM
Parent: #2
سلام يا دكتور
مية مرة قلنا ليك خليك في وراد واو .. الافغاني ده بودرك .. وبخليك تنطط
تحياتي
|
Post: #4
Title: Re: سري للعاية .. اجتماع مفاجيء لرئاسة الجمهورية بالوزراء صباح اليوم
Author: د.محمد حسن
Date: 01-29-2014, 08:20 AM
Parent: #2
يا ريس يا جميل
ما تبقى لئيم
الوزير الجديد عايز يقبت اقدامه عايزين توثبوه؟
خليك قريب
|
Post: #5
Title: Re: سري للعاية .. اجتماع مفاجيء لرئاسة الجمهورية بالوزراء صباح اليوم
Author: د.محمد حسن
Date: 01-29-2014, 08:32 AM
Parent: #4
| Quote: مية مرة قلنا ليك خليك في وراد واو .. الافغاني ده بودرك .. وبخليك تنطط |
وارد واو كان سلعة محلية بعد الانفصال اصبح سلعة دولية
وبما اننا دولة اسلامية فنحن لا نشجع الكيف الصليبي
فالافغاني فيه رائحة الجنة لانه سلعة مجاهدة
|
Post: #6
Title: Re: سري للعاية .. اجتماع مفاجيء لرئاسة الجمهورية بالوزراء صباح اليوم
Author: د.محمد حسن
Date: 01-29-2014, 09:18 AM
Parent: #5
نواصل الجلسة
نائبالرئيس : انت يا ريس هو الحاصل شنو؟
الرئيس: الحاصل انو في خطاب نحن متفقين عليه غيروهو وادوني خطاب انا زاتي ما فاهم فيه حاجة
عندور : بسيطة يا ريس
الرئيس : بسيطة كيف ؟ هسة اودي وشي من الناس الاتفقت معاهم وين ، والشمشارة بتاعين الراكوبة والزفتاونلاين ديل؟
كرتي: انا بحلها ليك بش انت هسة امشي اديس .. انا عنديا احساس نو ده من نافع
مصطفى اسماعيل : يا جماعة نحن ما نوزع الاتهامات .. الرئيس يلقي خطاب تاني لما يرجع من اديس
الرئيس : على الطلاق اجي من اديس ما اخلي فيكم نفاخ النار
وزير جديد 2 : يا ريس انا ما معاهم انا اول يوم احضر اجتماع الليلة
وزير جديد 3: يا ريس نحن حنعمل ورشة عمل لقيادات الحزب
الرئيس : ورنيش يفقع مرارتكاتلهي واسكت
نائب الرئيس : والله انا شايف كلام مصطفى وغندور منطقي انت سافر ونحن هنا حنرتبالموضوع وفي سرية تامة
الرئيس : انا هسة ماشي لكن على الطلاق الكتب الخطاب ده الا يشوف ليه بلد تانية
ورفعت الجلسة في انتظار عودة الرئيس
|
|