الشعب يريد ..... اندغام.... النظام ....

إندغااام ... بغُنــــــه

يا وثبه يا نمة
يا مدحة يا عمة
يا واحة في الصحراء
يا مقطعين دوباااي ....

الانقاذ .. وما ادراك ...ما الانقاذ ....
معقوله ....
يودونا البحر كدا بمزاجنا
ويرجعونا عطشانين ....؟؟؟؟

في البدايه ....
قالوا هنالك مفاجاة ساره ... ستعم القرى والحضر ....
وبعدين طلعوا اشاعه .. انو البشير ح يتنازل لبكري .....
والناس فرحت ... وقالت ...الله اكبر ... والستات تزغرد ..
وتعال شوف منبرنا دا .. والمنابر الجنبنا .. والجرائد ...
والجماعة ديلاك .... ما خلوا تحليلايه وتنظير شديد .......
قدونا .. قد ...

اندغام اندغاع
حتى
يتلحس الشعب
او ينام

Quote: اندغام اندغاع حتى يتلحس الشعب او ينام

أبوروضه ... سلام

هو لسه الشعب ما اتلحس ؟؟؟
دا اكتر شعب ملحوس ... لاحااااســـــه ....

كن بخير ,,,

وبعد شويه ... قالوا لا .... لا ياااخ ..
دا ما بتنازل لزول ... انتو قايلنو عوووير ؟؟؟
اصلوا مكنشكش كنكيش شديد !!! ..
وصعب اقتلاعه من معاقله ...
بوتيكس ذو قوه ثلاثيه ...

الواثب اب

Quote: الواثب اب

الواثب الجيلاني ......

اها الناس احتارت ... وبداوا ينظروا تااني من جديد ...
يا ربي تكون المفاجاة الجميله دي شنووو ؟؟؟

وبدأت الامخااخ تشتغل ... والسيناريوهات تتطاقش ...
يولعوا سجارة .. ويطفوا سجاره ... ويختوا سفه .. و يتفوها تاني .....
ودا كلوا ليه ؟؟؟ عشان يوصلوا لما هي .. هذه المفاجأه ...

ناس تقول ... حل المجلس الوطني ...
ناس تقول ... حل جهاز المغتربين ..
ناس تقول ... اعفاء كل الولاة من مناصبهم
ناس تقول .... تقسيم الولايات الى خمسه ... ودمج الوزارات الزايده الما ليها لزوم...
واحدين توقعوا الغاء الضرائب والجبايات رحمتن بالمساكين ...
وفرضها فقط للاغنياء والهوامير الحراميه ....

واحدين توقعوا التوصية بحل مجلس ادارة مشروع الجزيره واعادته لسابق عهده القديم ..
والعمل على اعادة سودانير .. والخطوط البحريه ... والسلم التعليمي القديم ... وبخت الرضا ...
وكل شي جميل تم تدميره في عهدهم ... يجب احياؤه من جديد ..... وعلى قدم وسااق ..
( يحي العظام وهي رميم )
ديل انقذونا .. ولا دمرونااا .....؟؟؟؟

وناس مشت لبعيد في التفكير ..
وقالوا البشير حيعفو عن كل من حمل السلاح ضد الحكومه .. امثال ..
عبد العزيز الحلو .. مالك عقار .. عبدالواحد .. منى اركو ... وجبريل ...والبقيه ...
ويتم استيعابهم في العمل داخل الحكومه....
وتنتهي كل مشاكل البلاد والعباد ....
ونعيش في تبات ونبات .... ونبقى زي بقية العالم المتحضر ..
سودان خالي من الامراض والمشاكل والعطاله .....
وكل شي يكون متوفر وزياده ...
ونصدر الباقي للدول النايمه ....
حلم .. جميل ... ياريتو يتحقق ....

اها امبارح .. وبعدما سمعنا كلام ريسنا الهمام ...
واصبنا بصدمة المفاجاه ....
والوثبه الحره... والاندغام .. الحصل لينا ..
حنقعد نحلل الخطاب دا ....يمكن اسبوع لقدام تاني....
واكيد حا نستعين بكل القواميس الموجوده في المكتبات ..
ومن ذوي الخبره والمعرفه في اللغات المستعصية علينا
من احابيل .. واندغامات .. ووثبات .. وهلمجر ..

محمد يا حبيب....

دى أحابيل أحلام وثب الدهر عليها وشرب....

دى أحابيل أحلام وثب الدهر عليها وشرب....

-----

يا سمعه ....
وانت الصادق .....
ديل رمونا .... بطيرٌ احابيل .....

وبعد ما الاسبوع دا ما يخلص
ونكون يادوب انتهينا من كل التحليلات المخبريه ....وقبل ما نصل للنتيجه ...
حيطلعوا لينا .... بوثيقة جديده فيها اصلاح شامل للامة السودانيه ..
توصيتن بخطاب الريس ....
ونبدأ تاني .. من اول وجديد ..... نضمي ... وتنظير .... وتحليل .. وتكبير ....
وعمرنا كلوا ... نقضديهو جنس دا .....

Quote: يودونا البحر كدا بمزاجنا ويرجعونا عطشانين ....؟؟؟؟

عمـــــــــــــك ادنا سيك في القبول عديل،،،،،
سلامات حبيبنا مجيدو يا ابوجلابيه وتوب وخاتم.

يا هندســـه ...
ما تنسى خاتم زي حق تربااااس .... خخخخخخخ

مشتاغييين ياااخ ....
وان شاء الله تكون استفدتا من الخطاب المفاجعه .....

ومما تقدم ....وبصراحه كدا ... وانتو سيد العارفين ...
انو ناس الانقاذ ديل .. قاعدين يدقسوا في الشعب المسكين....
وحيستمروا كده يدقسونا ...
الا ان نلحس كوعنا ....
او يجعل الله من امرنا رشداً

وتقول لي .. معارضه ..
وجبهة ثوريه ..... وما عارف شنوووو ؟؟؟

ديل اخطر من الشيطان الرجيم زاتوووو ....
واعوذ بالله من شر النفاثات في العقد ...

نسال الله أن يأخذ بأيدينا ونواصينا إلى الحق إنه ولي ذلك والقادر عليه ،

وقوموا الى صلاتكم ... يهديكم الله ....

Quote: Quote: الواثب اب الواثب الجيلاني ......

تحياتي أستاذ مجيدو
سؤال خارج النص
إنتو البتاع ده بتجيبو من وين ؟
نحن الفرق بين الإدغام و الإندغام طلع زيتنا و فهمنا كمل
ألحقونا بحاجة كان نحصل لينا و لو وثبة واحدة بس.

كاااااااااااااك الاندغام هيين كعب الاختزاب هي قثدي الاحتراب

مجيدو يا حبيب

الرجل اصلوا واثب مظلي

حامد .. يا صديغ ..
طااال ..... اندغامي .. ليلة السبتِ

الوليد اخوي .. حبابك ....
البتاع دا .... مزروع في حوشنا ...
لو اتزنقتاااا ... تعال .. نديك سبيطه ...
تحياتي ,,,

أدريس .. يا حبوووب ..

واثب بغني عليهوو ..جاهل وقلبو قاسي .. قلبي خاضع ليهو ..
لي في المسالمه غزال ...

اساسي .. يا نفسيات ..

انتا صورة قريبي دي عاجباك ولاشنوو ؟؟؟؟

عندي معاهو صور كتيره .. ما لقيت الا دي ....؟؟؟

الله يشفيك ....

Quote: اساسي .. يا نفسيات .. انتا صورة قريبي دي عاجباك ولاشنوو ؟؟؟؟ عندي معاهو صور كتيره .. ما لقيت الا دي ....؟؟؟

كااااااااااااااااااااااااااااك قريبنا ده مشرشحنا وسط الاندغامييين كويس م جاب ليك الوالي اصلو بشبهك شديد

اتفق مع صلاح عووضه فيما ذهب اليه ...
ولو ارتجل الرئيس خطابه لكان افضل ..
بدلا من هذا الاحراج ....

Quote: صلاح الدين عووضة * الآن بعد أن إنتهت (مفاجأة) الرئيس أقر وأعترف أنني (جُبنت) جبناً لن أسامح عليه (ذاتي الصحفية) بسهولة.. * فقد كنت شرعت في كتابة كلمة تحت العنوان هذا نفسه أعلاه أتشكك من خلالها في إمكان وجود (مفاجأة) تستحق كل (قومة النفس!!) الصحفي- والشعبي- هذه.. * ثم حين بلغت السطر الخامس قلت بيني وبين نفسي.. يا (واد)- ويا (واد) هنا على سبيل المجاز طبعاً- ربما (تصدق!!) هذه المرة و(يخذلني) المؤتمر الوطني الذي لم يخذل من قبل أحداً توقع من تلقائه مفاجأة ذات بُعد (ديمقراطي) أبداً.. * فقد علمنا التأريخ- والتأريخ أكبر معلم في المجال هذا- أن الأنظمة التي تأتي عبر (القوة) لا تعرف ثقافة المفاجآت التي تبشر بإنتخابات (صادقة!!) وإن لبثت في الحكم ما لبث مبارك والقذافي وعلي صالح.. * لا تعرف الثقافة (النبيلة) هذه حتى ولو كان الحاكم يريد تقديم (تنازلات)- من واقع تأزم سياسي أو إقتصادي ما- تمهد لمشاركة فيها (حمل جماعي للهم!!).. * وإلى نحو من ذلك أشرت في كلمة قبل أيام- بعنوان ( وخلاص!!)- أستشهد عبرها بما يمكن أن تفعله أى (حاشية) ينطبق عليها المثل الشعبي القائل (حاج محمد لقى واطة!!).. * وقد راودني إحساس- وأنا أستمع إلى خطاب الرئيس مساء الأول من أمس- أن الحاشية التي (حدانا هنا في السودان) قد (أفرغت!!) الخطاب هذا من أية إشارة إلى (مفاجآت) كان ينتوي البشير الإعلان عنها حقاً).. * ولو تُرك الرئيس (يرتجل) خطابه- رغم إن الإرتجال للرؤساء غير محمود- لكان أفضل له، ولنا، ولقادة المعارضة الذين (تجشموا) عناء الحضور سيما الترابي الذي ما كان ليحضر لو علم أن ليس ثمة مفاجأة (ولا يحزنون).. * فالرئيس مثلاً- حسب إحساسنا- أراد أن يقول أن هنالك ضائقة إقتصادية حقيقية تستدعي (وضع الأيدي على الأيدي).. * ولكن (أقلام!!) نفر من الحاشية هذه جعلت الخطاب يقول- ما معناه- أن هنالك ضائقة نعم، ولكنها (مش أوي يعني) مقارنة بضائقة ما قبل الإنقاذ حين كان الناس لا يعرفون (البيتزا).. * والرئيس أراد أن يقول- وفقاً لشعور خامرنا- أن الإنتخابات السابقة شابها من الشوائب ما جعل المعارضة محقة أن امتنعت عن خوضها.. * ولكن الأقلام (إياها) لجأت إلى تفلسف موغل في (اللولوة) خلاصته أن الشوائب المذكورة هى (محض إحساس في نفوس المعارضين!!).. * والرئيس أراد أن يقول أن الوضع السياسي (مأزوم فعلاً جراء إفتقار البلاد إلى السلام).. * ولكن الأقلام (المتفلسفة!!) قالت- في تعميم لا لزوم له- أن الواقع السياسي مأزوم داخل أحزاب البلاد السياسية كافة دونما توقف عند حقيقة أن الأحزاب هذه ( لا تحكم!!).. * أخي الرئيس: أبعد (المتفلسفين!!) عن خطاباتك القادمة التي تسبقها إعلانات مكثفة عن (مفاجأة).. * فإن كان قلبك أنت على البلاد- في المرحلة الحرجة هذه- فهم قلوبهم على (مصالحهم!!).. * ولا بأس أن (ترتجل) بعيداً عن (أقلامهم!!!!). الصحافة