Post: #2
Title: Re: الوثبة الكبري لبشة ...نقبل التعليقات الظريفة
Author: عباس الدسيس
Date: 01-28-2014, 06:43 AM
Parent: #1
ترجمة خطاب بشة...
بداية خطاب البشير .... الناس كل الناس ـ تشبه لي بداية اغنية الكحلاوي ..قالو قالو علي شقي ومجنون ـ صحيح مجنون ـ انتو سبب جنوني يا حلوين ـ ازيد في الجن ـ واجن جني يا حلوين ـ وانتو سبب جنوني يا حلوين ..... غايتو جنس عبط من بشة ...
|
Post: #3
Title: Re: الوثبة الكبري لبشة ...نقبل التعليقات الظريفة
Author: عباس الدسيس
Date: 01-28-2014, 06:45 AM
Parent: #2
بلغة الجوال ..
شكلو كدة والله أعلم بشة لقى الذاكرة اتملت الموضوع علق وما قادر يدوس ولا زرار
.
قال احسن ينفذ ضبط المصنع
ويبدا يجرب 25 سنة تاني
مراسلنا خالد ابقرجة
|
Post: #4
Title: Re: الوثبة الكبري لبشة ...نقبل التعليقات الظريفة
Author: عباس الدسيس
Date: 01-28-2014, 06:53 AM
Parent: #3
ترقبو اخر كتاب لي في مطلع الشهر القادم .... اسم الكتاب ( تفسير العسير لفهم خطاب البشير) سعر الكتاب 1000 جنيه او اشتري كتابين واحصل على الثالث مجانا. Almistro Romyou
ان شاء الله بكرة الدولار تحصلوا صدمة ووجع قلب من خطاب الرئيس وما يقدر يدافر الجنيه ويحصلوا انخفاض لمن يحصلوا البنك المركزي حقنا ويقوم يدعموا وان شاء الله ناس الحركات المسلحة يحصل ليهم طمام بطن لمن ينقلوهم ويعالجوهم كلهم في الخرطوم ويحصل السلام..وان شاء الله التقاوي الفاسدة تنخلع جوة واطاتها وتقوم تشوف معانا الحاصل شنو يمكن تفهم وهي مخلوعة..وان شاء الله الفصاحة تكون جهجهت الصادق والترابي والميرغني وغازي ما يلقوا طريقة غير يعلنوا انضمامهم للوثبة القادمة وان شاء الله نحن المافهمنا ديل ربنا يدينا يقين ونؤمن إنو أمير المؤمنين لا يسعى الا لمصلحتنا جميعا مقدما ذلك على مصلحة حزبه وأهل بيته وأهل بلده وقيادات حزبه وأهل بيتهم وأهل بلدهم ومن كسر لهم تلج الى يوم الدين..قولوا آمين Osama Idrous
هل تم استبدال الخطاب الرئاسي في اللحظات الاخيره وتحويله لدعايه مجانيه ينصب لصالح الحزب الحاكم خاصه وان الرئيس تاخر اكثر من عشره دقائق وكانت هنالك حاله من الارتباك تبدو علي تحركات اعضاءف المراسم فتح الباب الذي يدخل منه الرئيس واغلق اكثر من مره مما يدل ان هنالك حوارا كان يدور ولا ننسي الاخطاء التي وقع فيها الرئيس حيث بلغت خمسه وعشرين خطاء مما يدل علي انه لم يطلع عليه حيدر عبد العاطي
الحزامي أسئله جاده ماذا كان رئيس الجمهوريه يريد ان يقول ؟ من الذى كتب هذا الكلام ؟ هل فهم غيرى شيئا ؟ Ibrahim El-Mirghani
الكلام في موضوع خطاب الريس دة كتر....و قد تم طرح الخطاب من جانبه بصورة بليغة علمية جبرية قسرية إمرؤ قيسية لا يفهمها عامة الشعب مصطفى الصاوي
خطاب البشير ونحن قوم جلوس حولهم ما .. كماء حولها قوم جلوس البشير يفاجئ الجماهير بلا مفاجأة Rashid Abdelgadir
أفضل طريقة لاستدراك مشكلة خطاب اليوم ؛ الصبر علي نقده وان يحتمل المؤتمر الوطني ذلك في المدونات والصحف فهذا قد يفكك بعض معانيه ويفسرها وايما محاولة لتسويقه هكذا ستكون هفوة اضافية محمد حامد جمعه
محتاجين لفك شفرة الكلمات الآتية : إندغام - أحابيل !! Ismail Abdullai El-Azhari
منقول
|
Post: #5
Title: Re: الوثبة الكبري لبشة ...نقبل التعليقات الظريفة
Author: عباس الدسيس
Date: 01-28-2014, 07:07 AM
Parent: #4
اظرف ما في الخطاب اعمامك الجلاكين ناس الصادق والترابي بشة هبل بيهم هبالة خلاهم مدحشين
وناس غازي كان علي رؤسهم الطير
اما بقية الجماعة تراهم سكارى وما هم بسكارى
بتاع قناة السودان قال بعمل لقاء بعد الخطاب مع منو ود الميرغني .... قال عشان ما تكون في مشاكل
المشاكل انت عامل وشك زي طربيزة اللحام
ومن المفارقات بشة اقول ليك الوثبة عشان الفقر والجوع والوزيرة اشراقة تصرح الخطاب دسم ...المراة دي طاير ليها
|
Post: #6
Title: Re: الوثبة الكبري لبشة ...نقبل التعليقات الظريفة
Author: عباس الدسيس
Date: 01-28-2014, 07:12 AM
Parent: #5
|
Post: #7
Title: Re: الوثبة الكبري لبشة ...نقبل التعليقات الظريفة
Author: محمد حيدر المشرف
Date: 01-28-2014, 07:19 AM
Parent: #5
هههههههه ..
غايتو دي الذ نكته قيلت لحدي هسع:
مسطول بعد نهاية الخطاب
قال للجمبو اها يعني بكرة اجازة و لا شنو???
|
Post: #11
Title: Re: الوثبة الكبري لبشة ...نقبل التعليقات الظريفة
Author: حمد عبد الغفار عمر
Date: 01-28-2014, 07:25 AM
Parent: #7
أخاف شوق العمر كلو (يفاجئك) يوم في عيني
|
Post: #8
Title: Re: الوثبة الكبري لبشة ...نقبل التعليقات الظريفة
Author: ولياب
Date: 01-28-2014, 07:19 AM
Parent: #5
أفضل ما في تلك اللحظات أن صغيري مروان كان متحكر في الريموت وحلف ما يغيروا ليهو قناة طيور الجنة .
|
Post: #9
Title: Re: الوثبة الكبري لبشة ...نقبل التعليقات الظريفة
Author: Medhat Osman
Date: 01-28-2014, 07:21 AM
Parent: #5
صباح اليوم.
وداد: لكن يا عمر عفيت منك امبارح اندمغت الناس كل الناس و خليتهم يجروا ورا كتب التفاسير.
البشير؛ الناس كل الناس ديل كانوا بقوا رؤساء لو كانوا بيقدرو يقولو نوع كلامي داك.
|
Post: #10
Title: Re: الوثبة الكبري لبشة ...نقبل التعليقات الظريفة
Author: عباس الدسيس
Date: 01-28-2014, 07:24 AM
Parent: #9
Galal E Omar
شكلك كده انتا في حالة اندغامية لافاك بالحبايل .. الحقيقة الوحيدة المفيدة في المو ضوع ده انو ود المهدي بقي زي شدرة الدوم مزروع في بيت المعارضة و ضلو في بيت النظام و دي في حد ذاتا وثبة اندغامية محتبلة .. تحياتي يا جميل
|
Post: #12
Title: Re: الوثبة الكبري لبشة ...نقبل التعليقات الظريفة
Author: عباس الدسيس
Date: 01-28-2014, 07:28 AM
Parent: #10
عاجل جدا:
البشير يصدر قرارات هامة:
أصدر الرئيس قرارا يقضي بالبدء الفوري في وضع مسودة لإعداد مشروع ورقة متعلقة بتشكيل لجنة خاصة لدراسة حيثيات جميع متطلبات آليات العمل لإعداد جدول زمني دقيق لاستصدار مفكرة توضح الطرق العامة بتحديد سبل إنشاء مجلس معني بحل جميع المعوقات التي تعرقل عملية تذليل العقبات المرتبطة بإعداد مذكرة تفاهم بخصوص أنك حتى الآن قاعد تقرأ بَس عاجبني وضعك وإنت تحاول تفهم...
والله وليّ التوفيق
Nada Salih
|
Post: #13
Title: Re: الوثبة الكبري لبشة ...نقبل التعليقات الظريفة
Author: فرح الطاهر ابو روضة
Date: 01-28-2014, 07:38 AM
Parent: #12
يا الدسيس
هي وثبة
ولا فنجطة
|
Post: #14
Title: Re: الوثبة الكبري لبشة ...نقبل التعليقات الظريفة
Author: عباس الدسيس
Date: 01-28-2014, 07:46 AM
Parent: #13
الجديد في الخطاب البشير تاني ما برقص بقي زول بتاع وثبات بي خشمو المكنه خفت
|
Post: #15
Title: Re: الوثبة الكبري لبشة ...نقبل التعليقات الظريفة
Author: عباس الدسيس
Date: 01-28-2014, 07:50 AM
Parent: #14
Quote: · Khartoum Polytechnic
منو قال شنو في هناي الهنايات بتاعت الحاجات ديك الفي البتاع بتاع الهناي .. قال بتاع قال. هي البتاعه ذاتا اكان ما البتاع كان بقت بتاعه؟ يا اخي خلينا بلا بتاع معاك... انا ذاتي جني و جن البتاعات البتجي مع البتاعه.. و اشمعني البتاع ده بالذات؟ مش كان احسن لو كان البتاعات كووووولها لموها في بتاع واحد عشان مافي ود مقنعه يقول ما في بتاع.... |
|
Post: #16
Title: Re: الوثبة الكبري لبشة ...نقبل التعليقات الظريفة
Author: مجاهد محمد الهادي
Date: 01-28-2014, 07:56 AM
Parent: #15
سلام يا دسيس
|
Post: #17
Title: Re: الوثبة الكبري لبشة ...نقبل التعليقات الظريفة
Author: عبدالكريم أحمد الامين
Date: 01-28-2014, 08:12 AM
Parent: #16
** الدسيس.
** صباح الأحابيل والإندغام فى ظلال الوثبه الثُلاثيه..
## وبما أن الشعب غير مُثقف فيصعب عليه فهم مثل هذه الخطابات الإندغاميه التى تتفئ ظلال الاحابيل فى وجود الجلاكيم الديناصوريه ##
## سُئل البشكير:- مامعنى الأحابيل والإندغام..
## فقال :- الله لاكسبا يا......... كاتب لى كلمات لا إنت عارفا ولا أنا عارفا ولا بكرى عارفا .. لكن برضو حلوه منك أهو نشغلم أسبوع أسبوعين ##
(اللهم أنقذنا من البشكير وعصابته)
|
Post: #18
Title: Re: الوثبة الكبري لبشة ...نقبل التعليقات الظريفة
Author: عباس الدسيس
Date: 01-28-2014, 12:35 PM
Parent: #17
الطلعو من المولد بدون حمص ناس التلفزيونات
البشير غشه الناس المساكين وخلاهم احرسو التلفزيون
كانت اكبر نسبة مشاهدة للقنوات السودانية
تصدقو الناس الداقيس ديل نسبو اعملو حملة اعلانات !!!!
|
Post: #19
Title: Re: الوثبة الكبري لبشة ...نقبل التعليقات الظريفة
Author: Asim Fageary
Date: 01-28-2014, 12:41 PM
Parent: #18
يا عبس يا وجيه .. سلام مربع
تعرف يا عبس حضرتني حاجة طريفة جداً
وهي زمان لمن كان الحاجات ستات الفول بتكون الحاجة شايلة ليها طشت فوقها راسها
فيه الفول والتسالي وغيره من الأصناف تلك
يقوموا أولاد الحي الشواطين يجي واحد ويهمز الحاجة يقوم الطشت يقع وأي واحد ياخد الفيها النصيب ويقوم جاري
قامن الحاجات ديل إتأقلمن مع موضوع الهمز بقت الواحد تنزل الطشت أول حاجة تخته في الواطة بعدين تديها نطة
أها النطة ما ياها نطة بشة ذاتها !
|
Post: #22
Title: Re: الوثبة الكبري لبشة ...نقبل التعليقات الظريفة
Author: عباس الدسيس
Date: 01-28-2014, 01:03 PM
Parent: #19
Quote: Mahjoub Derar
في الدقيقة 22.48 هناك شخص ما يعدل الرئيس عندما اخطأ .....
|
مبااااااااااالغة يا محجوب انت زول دقيق بصورة عجيبه الدنيا ما بتدي حريف مفروض تكون مستشار رئيس
الكان بصحح فيهو غندور الظاهر زهج من عك بشه
|
Post: #20
Title: Re: الوثبة الكبري لبشة ...نقبل التعليقات الظريفة
Author: صديق الموج
Date: 01-28-2014, 12:51 PM
Parent: #18
عباس الدسيس يا بتاع المعارضة انت خلى ما فى مفأجاة
هسه كونو الرئيس يقول السودانيين السودانيين الف مره وينصب الفاعل ما مفاجأة طول
عمركم تقولو لينا الفاعل مرفوع بالضمة الظاهرة على اخره..
جانى تلفون من اهلى فى صفرجت قالو لى هسه هم فاتحين خشمهم وراجين الترجمه
لكن الفهمتو انا الرئيس قال ليكم العبو (ارنب نط ) بتشبعو وتنسو همومكم مش ياها الوثبة زاتا
والله صحى!!!!!
اخيرا قالو الترابى قال ليهه طول عمرى بلف وادور لكن زى ده والله ما ادونا ليه حيرتنا يا بشه،،،
|
Post: #21
Title: في انتظار مفاجأة رئيسنا التاني... مع الفارق طبعا!
Author: سيف النصر محي الدين
Date: 01-28-2014, 01:01 PM
Parent: #20
اشراقة دي لمن قالت دسم قايلاهو خطاب و للا شوربة كوارع؟
|
Post: #23
Title: Re: الوثبة الكبري لبشة ...نقبل التعليقات الظريفة
Author: محمد مجيدو
Date: 01-28-2014, 01:05 PM
Parent: #1
يا عبس ....
الريس دقس بالترابي .....
وبعد المقاطعه الطويله ....
الراجل تنازل وكلف نفسو .. وجاب معاهو بتيخه ..
واخرتها ... وثبه .. وارخبيل .....
ياااخ ....زعلت ليهو....
|
Post: #24
Title: Re: الوثبة الكبري لبشة ...نقبل التعليقات الظريفة
Author: عباس الدسيس
Date: 01-28-2014, 02:12 PM
Parent: #23
مسدار الوثبــة
وثبـة ووثبتيـن والتالتة بـرة الدولة
والقافلين عليك خسرو الرهان والـجولة
يسألك الكريم رب العباد المولي
حلقات المسلسل ام خطابك اولي ؟
يا عمر البشير انا معترض..ما راضي
ممكن انسي ليك كل الحصل في الماضي
الواجعني منك .وفي سبيلو بقاضـي
يا خسارة المسلسل زمنو راح في الفاضي
اتلاقو الجميع كل عِمّة تضرب عِمّة
والناس يا عمر.. آمالا كان في القمة
نسمع بالخطاب قلنا الحكاية مهــــمة
دا الجامعنا ليهو من العصر بالذمة ؟!
يا عمــر البشير الدولة رسبت رسة
وأضحت للجهاز .. نص البلد مُنتسبة!!
السبب القبيل خلي الخلوق مُحتسبة
قنبلة الرئيس طلعت اشاعة ووثبة!!
يا عمر البشير حبل الصبر اتمطي
والـسودان يسير ..بس إلا زي البطة
منتظرين قرارك وقلنا زي الشطـــة
يوم طلع القرار القصة طلعت نطـــة
يا عمر البشير الوثبة تب مرغوبـــة
نتمني العمار لي ارضنا المحبوبة
في عز الخريف ما تشكر الراكوبة
لكن بالخطاب فعلا قلبتا الهوبة
يا عمر البشير هاك الكلام الواعي
البترول يطير ..سودانا ارضو زراعي
خليك للسلامة وللتقدم ساعـــي
لكن للخطاب صدقني مافيش داعي
يا عمر البشير ..ضيعتا زمن الامــة
قلنا لقيت علاج ممكن يزيل الحمي
عاملين للخطاب قومة وشمار و هلمة
قايلنو اسكريم.. لكن طلع داردمــــة!!
أحمد مجذوب
|
Post: #25
Title: Re: الوثبة الكبري لبشة ...نقبل التعليقات الظريفة
Author: الطيب مصطفى
Date: 01-28-2014, 02:31 PM
Parent: #24
ياعباس ... بالله لو سمحت ناول الإقتراح ده لود الباوقة ...
بدل يقول هيع كع ... الأسد النتر .... أرجو إستخدام ... هيع كع الأسد الوثب!
|
Post: #27
Title: Re: الوثبة الكبري لبشة ...نقبل التعليقات الظريفة
Author: ادريس خليفة علم الهدي
Date: 01-28-2014, 03:59 PM
Parent: #25
بعد فشل السيد الرئيس في نيل لقب واثب مظلي ثلاثة مرات متتالية
وبعد ان انفكت عقدته في المرة الرابعة قرر يثب بالشعب السوداني الفضل
تحياتي يا عبس
|
Post: #26
Title: Re: الوثبة الكبري لبشة ...نقبل التعليقات الظريفة
Author: عباس الدسيس
Date: 01-28-2014, 02:42 PM
Parent: #24
الاعزاء
محمد حيدر المشرف
حمد عبد الغفار عمر
ولياب
Medhat Osman
فرح الطاهر ابو روضة
مجاهد محمد الهادي
عبدالكريم أحمد الامين
Asim Fageary
صديق الموج
سيف النصر محي الدين
محمد مجيدو
اولا اسف للرد بالجملة تعليقاتكم اثرت المفترع وهي في خانة الظريفه يصعب التعقيب عليها.
تحياتي وتقديري
|
Post: #28
Title: Re: الوثبة الكبري لبشة ...نقبل التعليقات الظريفة
Author: هشام كمال عبادي
Date: 01-28-2014, 04:22 PM
Parent: #26
ريمكس الوثبة ..
|
Post: #29
Title: Re: الوثبة الكبري لبشة ...نقبل التعليقات الظريفة
Author: أحمد التجانى حمودى
Date: 01-28-2014, 06:50 PM
Parent: #28
|
Post: #30
Title: Re: الوثبة الكبري لبشة ...نقبل التعليقات الظريفة
Author: علي دفع الله
Date: 01-28-2014, 06:57 PM
Parent: #29
|
Post: #31
Title: Re: الوثبة الكبري لبشة ...نقبل التعليقات الظريفة
Author: Idris Logma
Date: 01-28-2014, 09:53 PM
Parent: #30
هدية للجنرال الهارب من العدالة ومن تفسير الاندغام في ظلال الاحابيل من خلال الوثبة ،،، قاتلك الله والناس اجمعين
البشير اكبر كارثة ابتلي به شعب السودان العظيم
|
Post: #32
Title: Re: الوثبة الكبري لبشة ...نقبل التعليقات الظريفة
Author: محمد نور عودو
Date: 01-28-2014, 11:16 PM
Parent: #31
عباس الدسيس
سلامات
|
Post: #33
Title: Re: الوثبة الكبري لبشة ...نقبل التعليقات الظريفة
Author: مهدي صلاح
Date: 01-28-2014, 11:28 PM
Parent: #32
|
Post: #34
Title: Re: الوثبة الكبري لبشة ...نقبل التعليقات الظريفة
Author: مهدي صلاح
Date: 01-28-2014, 11:36 PM
Parent: #33
ما قدرتا اقاوم لطش الصورة من بوست مجاور
|
Post: #35
Title: Re: الوثبة الكبري لبشة ...نقبل التعليقات الظريفة
Author: محمود على
Date: 01-29-2014, 00:05 AM
Parent: #34
حبابك يا الدسيس
اليك ترجمة الخطاب!!
|
Post: #36
Title: Re: الوثبة الكبري لبشة ...نقبل التعليقات الظريفة
Author: Nagat Sid Ahmed Elshiekh
Date: 01-29-2014, 01:36 AM
Parent: #35
سلام يا عباس...
|
Post: #37
Title: Re: الوثبة الكبري لبشة ...نقبل التعليقات الظريفة
Author: محمد الطيب محمد
Date: 01-29-2014, 05:15 AM
Parent: #36
|
Post: #38
Title: Re: الوثبة الكبري لبشة ...نقبل التعليقات الظريفة
Author: ود الباوقة
Date: 01-29-2014, 05:39 AM
Parent: #37
اقبض
|
Post: #39
Title: Re: الوثبة الكبري لبشة ...نقبل التعليقات الظريفة
Author: عباس الدسيس
Date: 01-29-2014, 06:58 AM
Parent: #38
Quote: Tarig Jibreel
هسي الزول كان قاعد يلعب نط الحبل قدام بيتهم ساكت
يجوا يكشوهوا ناس الأمن يقولوا ليه: وثبتك تهكمية
دة كلام دة |
|
Post: #40
Title: Re: الوثبة الكبري لبشة ...نقبل التعليقات الظريفة
Author: عباس الدسيس
Date: 01-29-2014, 08:42 AM
Quote: رئيس البرلمان: كل السودانيين بالـفيس بوك وتويتر راضون عن خطاب الوثبة
أطلق رئand#64511;س البرلمان الفاتح عز الدand#64510;ن جملة بشرand#64510;ات للشعب السوداني استناداً إلى تفسand#64511;ره لخطاب الرئand#64511;س أمس اand#65271;ول، وعبر عن تفاؤله بالخطاب لمشاركة رموز البلد السand#64511;اسand#64511;ة «الترابي، المھدي» فيه ولتعاطي الجمand#64511;ع حوله، وأكد أن الخطاب and#64510;ؤسس لمستقبل جدand#64510;د للبلد، في ذات اand#65271;ثناء أكد أن لغة الخطاب الرفand#64511;عة واحتand#64511;اجه لتفسand#64511;ر وand#65273;and#64510;ضاحات and#65275; and#64510;عand#64511;به ، ووصفھا بالموجھات العامة، في وقت كشف فand#64511;ه الفاتح عن قand#64511;امه باستقصاء آراء المواطنand#64511;ن بالبand#65276;د وبالخارج من خand#65276;ل الشارع العام والمواقع اand#65273;لكترونand#64511;ة اand#65275;جتماعand#64511;ة «فand#64511;س بوك، وتوand#64510;تر»، مؤكداً وجود رضاء عام عن خطاب الرئand#64511;س، نافand#64511;اً أن and#64510;كون محبطاً كما and#64510;روج البعض. |
انتو الكيزان عندهم تويتر وفيس بوك خاص بيهم ؟؟؟
اها ده قالو جابوهو عشان التغيير !!!!
|
Post: #41
Title: Re: الوثبة الكبري لبشة ...نقبل التعليقات الظريفة
Author: عباس الدسيس
Date: 01-29-2014, 08:52 AM
Parent: #40
Quote: الوطنى يعلن عن خطاب ثانى للبشير والبرلمان يكشف عن بشريات مرتقبة
المصدر:
|
http://www.sudanyiat.net/news.php?action=showandid=34973
والله تاني لو عملتو مبارة بين الهلال والمريخ وجبتوهو بين الشوطين ما تلقو زول احضرو ليكم .
بلا وثبة بلا تفنجطه معاكم
|
Post: #42
Title: Re: الوثبة الكبري لبشة ...نقبل التعليقات الظريفة
Author: mohmmed said ahmed
Date: 01-29-2014, 09:01 AM
Parent: #41
حكى لى صديسق يعمل فى مؤسسة حكومية كبرى ان مدير الشركة كلف نائبه المصرى بكتابة خطاب باللغة الانجليزية للموظفين بالشركة يحثهم على بذل الجهد وانهم شركاء فى النجاح
المصرى كلف صديقنا السودانى بكتابة الخطاب
السودانى كتب خطاب معقول المصرى قرا الخطاب وعلق
والله خطاب كويس
بس يا محمد عاوزك تفهمنى
عاوزك تكتبى لى كلام كبير كبير ما عندوش معنى
اها خطاب بشة دى
نوع كلام كبير كبير ما عندوش معنى
|
|
