حلمة ودالباوقة بتاعت المكرونة فيها شرح وأضح لخطاب الرئيس

الحلمة بتاعت ال 25 مخدة مستعملة
+ 25 مخدة جديدة . الحلمة دي ما حلمة أسباكيتي ساكت .
الحلمة فيها شرح وتفاصيل عجيبة للخطاب القادم و لمستقبل الأمة .

ختري يا ود الباوقة يا أخوي .
أتاريك عارف الكلام ده ولابدبو من قبل خمسة أسابيع .
وعملتها لينا حلمة و مكرونة بي البشميلي ؟

ياعثمان ود الباوقة ولو خابر شئ
وانا وانت ولا فارزين شئ
وهو ذاتو وهم،اللي هم هم ،،ولا عارفين شئ
الحكاية صفرجت ،منو العوض وعليه...

نعم يا عبدالعزيز .
الصفرجة الشاملة والماملة والعامة حصلت .
ومسكينة المكرونة البهتوها ودخلت في الحلمة لا يد لا كراع .
...
علي كل حال الحلمة هي كامل الخطاب

سلام أخوي عثمان
لو ما ساي ود الباوقة مالو ومال المكرونة بالباشميل
ياخي كان يشوف ليهو عصيدة ولا قراصة
أصلو أكل ما عندك ليهو بطن بحلمك وبجيب ليك حمار النوم
تحياتي لك ولود الباوقة شيخ عمر صاحبي

اقبض يا ود عمي

عزيزنا اسحاق
سلامات
وثبة صاحبك علي قدح المكرونة بعد عودتو من سفرية الرياض
هي السبب في الحلمة التاريخية .
والحلمة يا اسحاق جات ترجمة صريحة للخطاب المكتوب بي لغة الايسبيكتي الايطالية .
تحياتي

سؤال : يا عزيزنا ود الباوقة .
بعد التحية
سؤال : عمك الطيب صالح عليه الرحمة .
من أين أتي هؤلاء ؟ الفي الصورة
السؤال القديم المتجدد .

هل ما زالوا يتحدّثون عن الرخاء والناس جوعى ؟ وعن الأمن والناس في ذُعر ؟ وعن صلاح الأحوال والبلد خراب ؟

الخرطوم الجميلة مثل طفلة يُنِيمونها عُنوةً ويغلقون عليها الباب ، تنام منذ العاشرة ، تنام باكية في ثيابها البالية ، لا حركة في الطرقات . لا أضواء من نوافذ البيوت . لا فرحٌ في القلوب . لا ضحك في الحناجر . لا ماء ، لا خُبز ، لاسُكّر ، لا بنزين ، لا دواء . الأمن مستتب كما يهدأ الموتى .
نهر النيل الصبور يسير سيره الحكيم ، ويعزف لحنه القديم " السادة " الجدد لايسمعون ولا يفهمون .

..
تحياتي