Post: #1
Title: يا حليل زمان الطهور بالدخان او البوخة
Author: Mahjob Abdalla
Date: 01-28-2014, 02:16 AM
يا حليل زمان الطهور بالدخان او البوخة
الزمن ده عجيب.
اول ما يتولد الطفل الدكتور يقول لهم نطهرو؟ و طوالي يروحو مطهرينو.
في الزمن القبالنا بسنتين كانو بطهرو الاولاد بالدخان و الولد ما بطهروهو الا لما يبلغ او قبال البلوغ بسنتين لانو بقولو لو الواحد طهروهو في عمر اصغر من كدا ممكن يجربق. و للناس الما عارفين جربقة يعني شنو معناتا الجلد بنمو و بغطي للموضوع و احتمال تحتاج لطهورة جديدة.
نرجع لموضوع الطهور بالدخان, الجماعة يولعو النار في حفرة كبيرة مفتوحة بالجنب و من فوق. بالجنبة دي لزوم اضافة حطب الصندل و الطلح و البحور و كما المتابعة تحسبا لاي حوادث و الفوق ده لزوم يختو فوقها الولد المطهر.
بعد اكمال طقوس الطهور و اخر خطواتها ان يقرقر المطهر بعد قطع الفائض تاكيدا علي شجاعته و طبعا بتسمع زغاريد خلف القطية من الجانب الاخر
بعد القطع طوالي يبطحوهو فوق الحفرة و يرمو ليهو شوال رملة فوق صليو عشان ما يتحرك لمدة كم ساعة ما محسوبة لكن لغاية الجرح يجف تماما. قالو حصلت حادثة لواحد و كان يصرخ شديد. الجماعة قالو الزول ابيض ساكت وصهينو منو. بعد ما قضي المدة و رفعوهو لقو العفش اتحرق و بقي فحمة ساكت. يا ساتر.
لو الامور مشت كويس بقولو بعد نهاية االبوخة هذه ممكن طوالي الواحد يمشي بيت العرس.
داك كلو كوم لكن مصائب زمنكم ده شنو؟
|
Post: #2
Title: Re: يا حليل زمان الطهور بالدخان او البوخة
Author: محمد فضل الله المكى
Date: 01-28-2014, 10:08 AM
Parent: #1
المحجوب .. يا زول مالك ؟
طايره ليك عرسه في راسك ولا شنو ؟
شوف تحت السرير بتلقى المره خاتَّه ليك ساطور وشوال فاضي ؟
ألمي حار ولا لِعِب قعونج ترا ؟
|
|