ماسورة 44 بوصة

خطاب البشير

تمخضت الفأرة فولدت فأرة

اقام ايام يجهد قريحته ففسر الماء بعد الجهد بالماء

دخل بي حمد وطلع بي خوجلي

غفر الله لنا على ما ضيعناه من وقت فيه

لا جديد

لم يتحدث عن الفساد
والمؤسسات العدلية
وتحقيق العدالة
والعدل اساس الحكم

انا زعلان علي الترابي و غازي جوا عشمانين ذينا

محمد صديق
مخطئ من ظن يوماً ان للثعلب ديناً

انا مبسوط لمنظر عواجيز السياسة السودانية وشرب المقلب المر باين على وجوههم

المفاجأة
ألبشير يفوز بجائزة جينيس للارقام القياسية
كأول رئيس دولة يقدم لشعبه
خطاب ، لم يفهمو منو شي ، وبهذا
بنقول ليهو الف مبرروك

إنتهيت نمشي خلاص ؟

Quote: المفاجأة ألبشير يفوز بجائزة جينيس للارقام القياسية كأول رئيس دولة يقدم لشعبه خطاب ، لم يفهمو منو شي ، وبهذا بنقول ليهو الف مبرروك

يا علوووب ... سلام

الجائزه المفروض تكون للشعب ... ولا شنوووو ؟؟؟؟؟

تحياتي ,,,

وين محاسبة المجرمين والمفسدين في الدولة .. وين
حلول الفقر توظيف الخريجين
وين التعليم والصحة ..
وين الحريات
وين حق الشهداء الماتو
و وجع اهلهم لسه ما راح..
والقائمة لسة تطويلة
بشة الناس البدلو خطابك هبلوا بيك

الـكــذبـة
على وزن
الــوثــبـة

اأدهشت الخلوق تب مافي شك يا بشّه
قبلك وين رئيس؟ لي شعبو كضّب وغشّ؟
وشعبك يا البشير : من المغس ماإتعشي
و قولك في العقول ياخ لا إتفهم لا خشّ
***************************
أدهشت الخلوق والعالم إت (ألجمتو)
و عربينا الفصيـــــح الليله كيف عجّمتو ؟
العالم عموم يابشّه إتّ هجمتو
صح قلت الخطاب . لكن نسيت ترجمتو!!!!!!
**************************
كل مخلوق يقول : إيه قاصدو بشّه عناهو ؟
إلا غلبنا قولك آآآآالبشير معناهو
خليت كل ابو : محرج يقول لي جناهو :
ياخ قول بشّه خلّو . شوف رقيصو _ غناهو
*************************
أمااااانه في ذمتك (كان عندك اصلا" ذمّه)
هسّي خطابك ال خجّلنا داير لمّه؟؟؟؟؟؟؟
تاء تأنيث هي كيف بي مذكّرا" تتلم!!!!!!!
و إيه ال إندغام ؟ بي شرحو ياخ إهتمّ
***************************
كان أديتو شااااااااافع كان خطابك يعدلو
أيا الحيّرت للعلماء البعرفوا و يقروا
متلك يافضيحه حقيــــــقه مابنقدروا
خلّيت الرجال للعمّه مغسه يعدلوا
***********************
والقول البحيّر للبلد بي طولا
إيه معناها ياعمرالبشير : سيروره؟؟؟؟؟؟
تكون قاصد: تسير . من سيره ؟ . مامعقوله!!!!
يبقي قصدت سلطان الأغاني : سرورا
******************************
و بيني وبينك آآآآآآريس : لغاتك لينه
قويها حبـــــــــه أقرأ : كذا وكيف وأين .
و الكتب الخطاب قول ليهو : سطله دي بيــــــنه
وصنفك هيل أمس يابشه صنفا" عينه
***************************
و خطابك حقّو يمنعوا منّوا منعا شااااامل
ممنوع منو كل عيّان وأوعي يجامل
و ممنوعات حريم شايلات جنين و حوامل
ممنوع منّو كل إنسان هو عقلا" كااامل
****************************
و خجّلت البلد وأحرجت كل سوداني
وخبرك في الخلوق وصل البعيد والداني
وقدر يابشه غلطاتك هي ياخ واجعاني
ما بتساوي وجع الشعب :شوفو بعاني
***************************
كوس حل لي غلاء الأسمنت ورخّص سيخك
و مالقيتلك وزيرا" ليك يزيد توبيخك؟
خطابك بيهو عاد خجّلت نافعك وشيخك
هسّي في داعي لي سيروره لي بتّيخك ؟؟؟؟
****************************
و بدل ماتوفّر اللقمه التكوسا الناس
و تحاكم الدقون وتقول كفايه خلاس
بدل ماتخدّر البلد الحرقتو يباس
جيت تمغسنا بي عربي : مفصّل وخاص
***************************
مغايس العربي أهون من مغايسك برضو
أيا القسّمتو سودانك ممحّق ارضو
و العفي بي قرار زولا" هتك لي عرضو
بي عربيهو حقّو الليله آآآآآآناس ترضو

زرياب عبدالله