ا س ت ق ي ل ي ا ث ق ي ل

استقيل .....يا ثقيل
خلي .......الهمبريب
يفتح شبابيك الحبيب
خلي البندقية تصمت تنخرس
خلي شتيلات الحرية التنغرس
النيل قال ليك .......استقيل
القمرة جات بالدرب العديل
والنجمة ..في راس السما
مستنية ..لحظات الرحيل
والمساجد...... والكنائس
العوانس .......والعرائس
البيحبو .........والعجائز
المنابر......... والبنابر
الملكية ,,,,,,والعساكر
اللي زاير... والمسافر
دايرنك تستقيل
الصوامع ..والمصانع
دخانها...... لرب السما
داعياه تحقيق المستحيل
استقيل يا ثقيل
عشان نغني اغاني الخليل
ونرجع مع الكاشف نميل
استقيل
خلينا ....نرجع للحواري
ولمشوار.. ...العصاري
نغني مع الطير الخداري
خداري البي حالي
ماهو داري
استقيل
رجع للجنوب شمالها
ولامدرمان جمالها
وللخرطوم نضارة
ولبحري الطراوة
استقيل
عشان تصفي مياه توتيل
ويشفي العليل
ويبسم زولي الجميل
استقيل
عشان يعود لكردفان خيرها
الجوة وبرة
وتعود جبل مرة
جميلة بالمرة
خضرة وزرقة
حمرة وصفرة
وفي جبال النوية
يقلبوا الهوبة
من الفرحة
استقيل

دى من اشعارك يا عمر ؟؟

نعم اخي معاوية

ماشاء الله
ماعندك عوجة

ما يجي يقول لينا حيلهم بينهم "ا لصلح خير"

مسكين من يظن بإستقالة الرئيس ..ستنحل مشاكل السودان...!!!

من سنة حفروا البحر ..من حفرة لي حفرة ...والاخيرة دي ح تكون بئر ..ومعاها فيل كمان..

قال استقيل قال!!!

____
تحياتي؛؛؛

في زول منّكم عيّنه عشان يقول ليه استقيل ؟


:)

وقت ما قادرين عليه ... نقع الدعاء