القبض على شاب حفرة الدخان فراغ السلطة !###

استطاعت الأجهزة العدلية القبض على الشاب الذي انتشرت صورته عبر أجهزة وبرامج التواصل المختلفة وخاصة الوتساب ، وهو يجلس على " حفرة دخان "
في أوضاع مخلة بالذوق والآداب العامة وبعيداً عن تعاليم ديننا الحنيف ، في سلوك رفضه جميع أفراد المجتمع وطالبوا ببتره .
وكانت الأجهزة العدلية قدر الثقة حيث استطاعت أن تلقي القبض عليه عن طريق البحث الإلكتروني والتوصل له .
وأفادت مصادر أن المتهم بعد القبض عليه أفاد انه يعاني من "الرطوبة " .
. والصور المنتشرة لا علاقة لها بالرطوبة . ونمسك عن الخوض في التفاصيل حتى يقول التحري كلمته النهائية

* بالله نحن ما عند نا غاز وبنزين وكمان البلد قذرة وفساد
يقول ليك الشاب دا
نشوف ح يحاكمو بشنو !!!!

خلاص الشرطه فالحه جابت الديب من ديلو علي قول المصريين

ابو الزهراء سلامات

يا أبو الزهراء .. سلام مربع


خلاص المسلسلات التركية والمصرية بقت ما قادرة تلهي الناس

قالوا أحسن ينشروا الأخبار الزي دي تعمل للناس إثارة وتزيد من صرف الناس عن المشاكل الحقيقية

اهم شيء اسألو في التحقيق الغاز الولع بيهو الطلح جابو من وين ؟؟؟؟

Quote: يجلس على " حفرة دخان " في أوضاع مخلة بالذوق والآداب العامة

المشكلة في الجلوس على حفرة الدخان
والا الاوضاع المخلة بـ(الذوق والآداب العامة) ؟!

مافي أي مبرر يخلي الناس ديل يقبضوا على الزول ده !

الزول البدخن خايب ساي ودي حركات نسوان
ده رأي كمواطن ساي
لكن بسأل
هل الدخان للرجال جريمة منصوص عليها في قوانين السودان
وسؤال تاني
هل هو ادخن في مكان عام ولا داخل بيتو ,,
طيب لو داخل بيتو وواحد صورو وتم نشر الصور بواسطة شخص آخر غيرو ,, طيب مثل موازي التعري في الشارع جريمة لو واحد قاعد عريان جوة بيتو هل هي جريمة ,,, لو واحد صورو ونشرها هل يعد العريان مجرم
غايتو انا مسيح الرجال عندي عيب لكن برضو افهم
جد والله

Quote: هل الدخان للرجال جريمة منصوص عليها في قوانين السودان

تحياتى الأخ زهير و الأخ عبدالحفيظ و الأخوه الكرام

قبل كم يوم قرأت لأحد المحامين أسمه / معاوية خضر الأمين الآتى :

Quote: بحثت في القوانين فلم اجد ان جلوس الرجال علي حفرة الدخان جريمة بل انها من باب السلوك الخاص وزمان سمعت بان الدخان يعالج الرطوبة عند العجائز والمسنين وتسمي بالساونا الان اتركو الاولاد مع الساونا وبلاش فضائح

كثير من العادات و الأشياءفى حياتنا لا توجد عليها نصوص أو مواد فى القانون
لكن فى أشياء تعارف عليها الناس فى مختلف بيائتهم و مجتمعاتهم و فى أشياء معروفة
تخص النساء دون الرجال فعندما يقوم بها الرجل تضعه فى خانة التشبه بالنساء و هو
مرفوض فى الكثير من مجتمعاتنا ... فهذا التصرف مرفوض و فى مجتمعنا يعتبر نوع
من الشذوذ ... الزول الطابق البوخة دا مشى فى دربه لكن الصوره و نشر صورته
على الملأ لايختلف عنه ...
الغاظنى فى كلام المحامي ( أتركوا الاولاد مع الساونا وبلاش فضائح ) !!!!
يا راااااااااجل ....

Quote: وكانت الأجهزة العدلية قدر الثقة حيث استطاعت أن تلقي القبض عليه عن طريق البحث الإلكتروني والتوصل له .

شنو يعني بحث الكتروني؟ يعني كتبوا شاب حفرة الدخان في قوقل ماب و ضغطوا إنتر. العالم دي متين تخلي الطنقعة
الفاضية دي، اليقرا الكلام ده يفتكرهم اف بي اي و لا مصيبة زمان.

بعدين ياخ، الناس دي مالها و مال زول جلس في حفرة دخان و لا اتكوع في حفرة مايكرويف و لا حتى قعد في خازوق ?who cares

.Personally, I don't give a sh*t whatsoever

ده إستهلاك غير مبرر للمحروقات... الحطب ده مش من المحروقات؟... الشاب ده تسبب في إرتفاع أسعار البنزين والغاز .. لازم يتمسك ويتحاكم كمان قليل أدب ومبذر .... بعد القبض على هذا الشاب ترقبوا إنخفاض كبير في أسعار المحروقات

لو جينا للعادات والتقاليد الســـودانية، فالغالب فيها أن مجرد الحديث عن موضوع مثل هذا يعتبر عيب

وحتى النســـــــــاء عندما يتحدثن عن الدخــان لا يتحدثن عنه في حضور الرجــال

وما مربوط بالر\وبة ولا حاجة بس موضوع الرطوبة جاء كنتيجة ثانوية بعدما بدأ وظل كنوع من أنواع التجميل للمرأة

ومسألة الرجال بيدخنوا دي حاصلة من زمـــان في رجــال بيدخنوا لكن هو ســلوك غير مقبول في المجتمع الســوداني

وفي حاجة تانية بقولوا الطفل لما يكون في مرحلة التسنين بعرضه لشوية دخان عشان ما يحصل ليه إســهال

على العموم أنا بعتقد مجرد الخوض في هذا الموضوع وفقاً للعادات السودانية عيب ولا يصح تناقله ناهيك عن ممارسته صورة وصوت

وينتشر عبر الميديا

ولكن الملفت للنظر ليس هذا التصرف بل الملافت للنظر هو إنشغال المجتمع بتصرفات لا تتعدى كونها نشــاذ ولا تتناغم مع المعروف

وكمان الحاجة التانية المحيرة القوانين التي تنجر نجراً في حينها للتجريم

وزي ما قالوا الكثيرين العاوز يتدخن يدخن لكن ما يتصور لينا وهو بيدخن

عشان ما يجينا واحد بكرة يتصور لينا وهو في الحمام ملط ولا واحد يتصور لينا وهو بيعملوا ليه في مساج كامل (فل بودي مساج)

ولا حتى عاوزين نشوف صورة مرة ولا راجل قاعد يتحنن !

الدخان بى طقوسو المعروفه .. فعل نساء ... مرتبط بممارسة الجنس

وعيب كبير يمارسو رجل ... بدون الدخول فى انو عاوز بيهو شنو .. لانو دى ما بقدر اعرفها الا ظن فقط

مسألة نشر الموضوع ده فى النت بكل تاكيد يستوجب الملاحقة والعقوبة

ما قصرتوا تب ياناس شرطة الآداب وغيرها من الأقسام شباب فديو الواتساب شاب حفرة الدخان شباب حفل زفاف رجل لرجل ألخ ... ممكن تشوفوا لينا المخلين بالكبائر مرتكبي الفظائع وهم فيكم وبينكم يتقدمون صفوف المساجد والمقابر والحج والعمرة والسياحة ويجاهرون بطغيانهم وجرائمهم ويتحدون الأنظمة والقوانين ؟ متى نسمع ونرى أن أحدهم تم القبض عليه ؟؟؟ ممكن نحلم
تحياتي صاحب البوست وضيوفه
الشفيع

أها الدخان ده يعتبر شروع في شنو؟

حفرة الدخان دي لو في مكان عام كان لقينا سبب لعسس الدولة الرسالية..

بلد اللصوص والحرامية فيها يحكمون الناس ويصلون بهم، ويطاردون إنسان مريض نفسياً..
___
الحاج نور كان إماماً للناس ومجاهداً ;)

حا يحاكموه بي تهمة شنو؟

القانون الجنائي السوداني....ما فيه لا طلح ولا حفرة دخان؟

والاصل ( ان لا جريمة ولا عقوبة الا بنص قانوني)

No punishment without law

هناك استثناء...لا ينطبق في مثل حالة حفرة الدخان
خاصة اذا كانت الشملة موجودة بمسرح الفعل.

ثم ثانيا وحتي لو حاولوا تطبيق الاستثناء وتحويل صاحب الصورة الي محاكمة مع استبعاد اعترافه
فهل يمكن ان يصل القاضي لقناعة بأن يصدر حكما لا تشوبه شبهة او شك معقول؟؟؟

تألا يمكن للولد او محاميه ان يأتو بصورة القاضي شخصيا في حفرة دخان
والارجح ان لا يكون القاضي قد سمع بالاعيب الفوتوشوب.

زهير
تحياتى العميقه لشخصكم الكريم

والله قصة غريبة
بعد شوية واحد اكون شايل حاجبو ومتحنن
و في ناس تجي تقول ليك مافي مادة في القانون بتحاكم الزول ده
قادر الله غايتو الحرية الشخصية دي طلعتوا ميتين ابو اهلها
حرية شنو دي سفالة ما اكتر كان حرية شخصية ولا غيرها

الواحد خلى للنسوان شنو تاني بعد الدخان وفي ناس برضو بتدافع

Quote: الحاج نور كان إماماً للناس ومجاهداً ;)

بل شيخه كان اماما للناس ايضا ياياسر
تحياتي زهير

شكل الصورة انو ولد خايب وعايب مافي شك ولا اجزم ولكن ظاهريا
ربنا يغفر لينا وليه
وحرق حطب ما اذى ليه انسان
ليه مايقبضو الناس الحرقو قلب الامهات بقتل اولادهم في حرب لامبرر لها وقالو ليهم ليكم الجنة
وانتم شهداء وتاني غيروا رايهم قالو ديل فطائس
ليش مايمسكوا الناس الحرقو قلب المواطن المسكين واكلو قروش شارع الانقاذ الغربي واكلو الاغاثة القطرية
واكلو تعويضات المغتربين المساكين بتاعة حرب العراق والكويت الجات من الامم المتحدة
واكلو واكلو وضرروا ناس كتيرين بدعوى الصالح العام
ندين بشدة السلوك الشاذ
كما ندين القنون الاعمى

إدخن سااااااااي يا ولد ..
و أدها كمان حبة دلكة ..

عوجة بتجيك مافي ..

الزيك كتااااااااار .. مالين البلد ..
و بصدروا في (القرارات)

Quote: والله قصة غريبة بعد شوية واحد اكون شايل حاجبو ومتحنن و في ناس تجي تقول ليك مافي مادة في القانون بتحاكم الزول ده قادر الله غايتو الحرية الشخصية دي طلعتوا ميتين ابو اهلها حرية شنو دي سفالة ما اكتر كان حرية شخصية ولا غيرها الواحد خلى للنسوان شنو تاني بعد الدخان وفي ناس برضو بتدافع

شايل حاجبو دي زاتا....الا زول يمشي يبلغ فيه ويجيب ليهم الصوف المنتوف
منو الحا يكون عارف حاجبو قبل وبعد (ومع ذلك في نص في القانون ممكن يحاكمو)
متحنن دي مافيها حاجة....الا كان ناقش (حتي يطاله نفس النص الفوق)
فالعرف السوداني اجاز للعريس ان يحنن كرعيه ويديه ولاصحابه المثل ما عدا الكرعين...

الدخان والطلح ديل ما لاقاني ليهن نص.

يا نزار شيل الحواجب ده عاوز ليهو اثبات هههههههههههههه صوف الصوف ده عند البهائم
شعر شعععععر يا نزار ركز شوية لكن ما دام قلت صوف خلي اشيلو ساي الصوف ما فوكا حاجة

Quote: شايل حاجبو دي زاتا....الا زول يمشي يبلغ فيه ويجيب ليهم الصوف المنتوف منو الحا يكون عارف حاجبو قبل وبعد (ومع ذلك في نص في القانون ممكن يحاكمو) متحنن دي مافيها حاجة....الا كان ناقش (حتي يطاله نفس النص الفوق) فالعرف السوداني اجاز للعريس ان يحنن كرعيه ويديه ولاصحابه المثل ما عدا الكرعين...

Quote: الدخان والطلح ديل ما لاقاني ليهن نص.

نجيب ليك شيخ دفع الله حسب الرسول ههههههههههههه
يا زول ما في راجل بتدخن لو فيها نص ولا ما فيها

وين جنابو عمر، يجي يتغزّل لينا في (إنجازات) الشرطة؟

هسع الولد دا أكان حِمل الشرطة برضو اكانت حا تقبض عليهو ؟!

وتقبض عليهو بياتو قانون وياتو مسوغ يعني؟

هل في نص قانوني بيجرم حمل الرجال والا ولادتهم..

اتمنى انه الشرطة تعي دورها وتبطل البصبصة في حفر الناس..

Quote: الزيك كتااااااااار .. مالين البلد .. و بصدروا في (القرارات)

قطع شك...


تعرف مرة انا والمدام قاعدين فى العربية فى شارع النيل
بدون اى مقدمات واحد لابس ملكى دق لى القزاز بى خرطوش شايلو
وبعدين انا تاكى الكرسى فتحت القزاز زعلتنى الحركة لكن قلت النشوف آخرو شنو
قلت مرحب ياشيخنا... قال لى لو سمحتو انزلو اقعدوا لينا فى الرصيف
قلت لى والله ماشايف فى حاجة بتخلينى اقوم من جوة عربيتى عشان اقعد فى الشارع العام انا مرتاح هنا كتر خيرك
قال لى لا هو ما على كيفك... ياتنزل يا تتحرك من هنا.... قلت لى دا منو القال ليك الكلام دا
قال لى أنزل اتفاهم مع الضابط.. اها اتلفت لقيت دورية واقفة مليانة عساكر ومعاهم الضابط جوة...
رفعت كرعينى فوق الطبلون وقلت لى كدى امشى نادى لى الضابط بتاعك دا وتعال انت زاتك معاو...
زولك مشى على البوكس والمدام بتسأل فينى الحاصل شنو قلت ليها النشوف انا زاتى ماعارف (عامل عوير)
لمن اتلفت لقيت البوكس دور وفات.... غايتو رجيتم مسااااااااافة لمن ماجو كملنا باقى ونستنا ومشينا.....
قلت احتمال تكون جاتم اشارة مُستعجلة ولا حاجة

دحين العقلية دى فى منها كتير اليومين دى بعيد عنكم..

حليلك ياعمر عثمان

يا جماعة الشرطة عايزة تعرف الزول دا جاب الطلح دا من وين ..
دفع ضرايب البوخة ولا "شحدو" من جيرانهم ..

بالطبع هذه سلوكيات مرفوضة باجماع الجميع وهي توضح تدني المستوى الإخلاقي لبعض الشباب "نسال الله لهم الهداية" ..
ولكن هذا الشاب لم يرتكب اي جريمة يعاقب عليها القانون ..
ويمكن ان يعاقب على نشره الصور وترويجها اذا ثبت انه هو من قام بالتوريج لها لأغراض خاصة به ..

المانع ان يعاج هذا الشاب نفسه بالطلح او غيره اذا صح ادعاءه بأنه يعاني من الرطوبة ..

الود ده بتكون ريحتو طلح طلح لو قفلوهو مع المساجين بجيهو وجع رقبه


العله فى نشر الفيديو او الصوره ..الإستخدام السىء للتكنولوجيا بقى يظهر الحاجات دى
والشواذ موجود ين من زمن حفروا البحر يازهير
وكانوا برضو بتدخنو وبدخنو البرنجى والبينسون والروثمان
وكانو زمان وبمسكو الجلابيه بى جنبه كمان
وبخشو دار الرياضه امدرمان

حسبى الله ونعم الوكيل

شعب عجيب وغريب ماعندو حل نهائي...

كان قبضوه اوب
وكان خلوهو اوبيين...

قنبلة نووية واحدة تمسح جيلنا ده والقبليهو والبعديهو ...عشان يجو ناس تانيين غيرنا ...يكونوا احسن من الناس القاعديين ديل..

آآآآآآآآآآآمين يارب.

لا حول ولا قوة إلا بالله ..

أشتغربت أن عاصم فقيرى الليبرالى يستغرب هكذا سلوك ..

بريمة

Quote: لا حول ولا قوة إلا بالله .. أشتغربت أن عاصم فقيرى الليبرالى يستغرب هكذا سلوك .. بريمة

يا بريمة يا أخوي إنت فاكر الليبرالية دي شنو بالضبط

الليبرالية دي يا بريمة أنا أقول ليه سلوكك دا في مجتمعنا غلط وهو لو ليبرالي يجي يقول لي لاء ما غلط ويديني تبريره

لكن لا بضربوا لاء بفرض عليه ما يدخن

يا ليتك تفهمني يا بريمة

يا شباب

من الغرائب أنو جماعة (نحن أحلي من بنات حوا ) دي جماعة شواذ سودانيين في الفيس البوك في غاية السعادة من البوست دي والله البلد ح تجنن الواحد ظواهر جديدة وغريبه
ديل قالوا هم موجودين علي الارض ومحامي منهم مشي النيابة اليوم للشاب دا وأطلق سراحو بالضمان المالي

* سمعتوا بكدا !!!!!!؟
وينكم يا ناس الحقوا الاولاد خربت ام بني قش
لا حولا ولا قوة الا بلله