نفيسي وبلولة شغالات «شات» ههههه

Post: #1
Title: نفيسي وبلولة شغالات «شات» ههههه
Author: طارق جبريل
Date: 01-26-2014, 12:19 PM
Parent: #0

-نفيسي: ياولدي اقطعولي خلوني اللمشي البلد
- إنت ضايقي كدي فوق شنو
- يا حبيب قساي هناك حباني وصحباتي وبلدي وهني شيتكم كله كُتور
- نان نحن مانا حبانك.. بعدين مو ياها بت بلولة دي بنخليكي تنضمي معاها
- إنت باقيلي جنيت.. انضم معاها كيفن وانا هني وهي في البلود بهنوك
- أصبريلي دقايق انا بخليكي تنضمي معاها
- أنا ما قلتلك شيتكم كله ماهو ياهو..
(ضرب تليفون لي ود العم وقاله أدخل في الاسكايب وشغله وادي حبوبتك بلولة خلها التنضم معانا)
- أها جيبي إضنيك النخليكي تنضمي مع بت بلولة..
- ودة أكنو شنو الخرابات ديل العلي الدفيق اليابس في راس الشوكة ألت الكروق (سماعات اللاب توب)
- إنت بس غزيهن في اضنينك واتكلمي مع بت بلولة..
- ودي مني دي المتقولعي كدي وخراباتها في لاااابرة في الطلزيون دي (شاشة الاسكايب)
- دي بت بلولة انت بس انضمي معاها قوليلا ألو..
- نان الشي مالو مو متل تاالفون دكان ود تميم
- أماني ما حجتك كتيري إنت بس قولي ألو
- هلوووووووووووو
- أييي... نفيسي
- هي وووووووووووووووووووب علي إنت يا بلولة جيتي من وين الشي دة لا يبقى كافته جن
- شن عرفني آآآنفيسي تراهم البطان ديل قالولي أنضمي مع بت بغداد وغزولي خرابات سوود كدي
في اضنيني علي حصاية التمُر وختولم طل(.........)يون في عِبي وقالولي انضمي
- وحات نضري الشي لا يبقى جن.. كيفن اشوفك وانت في شبا
- آآآآبعرفه آآآنفيسي اصلو قلبي دة بقى يسوي في الررررب ررررب رررررب
- نان آآآبلولة مالك متقولعي كدي و«شــ.....» يتلولحن علي المشلعيب كدي.. جنيتي
- نان يا بت بغداد جانا جنس سموم من ولدوني ما شوفتة زيه.. دحين فطرتو شي
- أييي.. جابولم قراصة وشيتا كدي يقولوا السُجك هش ورُخوص متل البُطان
الملَقِنَهم للطهار..
- ههههههههههه هيي سوووووود علي ودة أكنو شنو
- آآآبعرفه تراني مسكتو لوغدتو أماني ماهو طاعم.. خليت «الحَرِف» ضومة ضومة وقَبَل عليهو ههههه
- إنت عاد آآآآبتتقدري باقيلي فسحوكي وشبعتي في الحوامة
- أسكتي يا بلولة.. نحن مو ميتين بهنوك ضومة ضومة
- كيفن
- من دخل هني دخلوني في أويضة فيها طلزيون وفيها شيتا كدي علي راس الكُنوش
قالوا كدي هبشوهوا إن كان كدي يجيني الهواااا بااااااااارد متل اللكني قاعدي في قيفة بحر الساموري
وقلت كدي اتشنقلت علي قفاي وقلعت توبي ورفع رجليني والمحفضة مدلدلة من نصي كدي
والهوااا دة ضربني في «جـ.....» لااااامن بقيت ارجف وقلتلم الشي أغمتو.. أنا ضومة بِرِد هههههه
- ههههههههه بت «الغلــ......»... ههههههههه (النسوان الكانن قعدات جنبها ختن الطرح في وشوشن
ميتات من الضحاك والبنات قامن جاريات كلو كلو)..
- هههههه نحن مانا عايشين يا بلولة ضومة ضومة موسى غمتني في بيتو في شبا وود عمو غمتك
بهنوك وبقينا نرمي في البُطان لانا فارزين شي لانا عارفين اليخربنا..
- ايييي يوما اسود عرسولنا القرونة ديل هههههههههههههه
- دحين قاعدي تشوفي الطيب ولدي..
- أيي شوفته امبارح مندلي علي تمركم
- لا يبقى الراجل «اللـــ...» ود «اللـ.....» حماهو يسقي برسيمو تاني وضبلن عليه
- بري آآآبعرفه لكن فتح ولدي جاء طالع قالي سقينا البرسيم.. إنت البرسيم اليغمتك
قاعدي في الطراوة البرسيم وين تطيري..
- اسكتي يا بلولة... جابولي «حُقة» جديييييييد وليها غتاية صفرا (علبة بندول فوار)
وأصلو عندهم صعوط هني يكهرب يخليكي راقدي علي الدِلِق ضومة ضومة
- لا يبقى أليل نصارى يا خرابة هههههههههه
- آآآبعرفه... وحاتك من أختلي سفة أموع علي كعك العيد ههههههههههههههههه
- الرسول آآآنفيسي جيبيلي منو
- إييي شيتا كتير يدوني ليه وأغمتو فشان أجيبو ليكي معاي.. وعندهم جيران كدي سمحين خلاص
جابولي تياب وملايات... أماني ماهن عندهم نسوان سمحات
- كيفن
- وحاتك يا بلولة المرة من شدة ماها سمحي أقرب أقرصها في «صُـ.....» واليدين متمرات وفيهن حِني
ماها متل ألتنا علي «نوريق» العيش.. ملولوة كدي في الاصابعين علي بيت الزنانين...
- صلاتي علي محمد
- أييي وقالولي حتى البكيات هني عندهم حني في قعر الرجلين
- هي سووووووووود علي
- نان إنت قايلاهن متل رجلينك المشققات علي قَعَر «القِحِف»
- ههههههه الله لا كسبك
- وحاتك يا بلولة الكرعين من تحت مللللللللللللللللللللللللس لا تعرفن كرعين لا تعرفن «ضراع» ههه
- وووااااااكغستنا نحن الرجلينا لدغن بالعقارب
- إييي العقارب اليلحقنك أبوي
- ههههههههههههههههههههههههه
- وأصلو بلولة ما شوفتلي واحدي ساولا مشاط.. وكتين التياب ديل يقعن من روسيهن
تلقاهن مدردمات شعرن علي درادم «البقنيي» ههههههههههههه

تيت تيت تيت تيت النيت قطع
هههههههههههههههههههههههههههههههههه

Post: #2
Title: Re: نفيسي وبلولة شغالات «شات» ههههه
Author: ست البنات
Date: 01-26-2014, 12:45 PM
Parent: #1

يسعلني الله يا طارق ود عمي جبرين نفيسي دي ولا عت تنضم مع بلولة شيئ !
نفيسي عت تسحر في حريم فوق !
وحات ربي جنس وصفها ليهن دا عيلي يصبحن ناشفات متل العاضاهو عقرب جمال !
يا يا با بركة الما شافتني ضمة , باقيلي كانت عدمتني العافي !

يا دابي روندا من ويصيفها للحررم !
اماني ان كان عارفاتنها عينها حاري كدي ما كانن انكشفن قدامها !
هن باقي مطرطشات ساكت !

ست البنات.

Post: #15
Title: Re: نفيسي وبلولة شغالات «شات» ههههه
Author: طارق جبريل
Date: 01-26-2014, 04:37 PM
Parent: #2

Quote: يسعلني الله يا طارق ود عمي جبرين نفيسي دي ولا عت تنضم مع بلولة شيئ !
نفيسي عت تسحر في حريم فوق !
وحات ربي جنس وصفها ليهن دا عيلي يصبحن ناشفات متل العاضاهو عقرب جمال !
يا يا با بركة الما شافتني ضمة , باقيلي كانت عدمتني العافي !

يا دابي روندا من ويصيفها للحررم !
اماني ان كان عارفاتنها عينها حاري كدي ما كانن انكشفن قدامها !
هن باقي مطرطشات ساكت !

ست البنات.

ناس تنقاسي ازيكم ياخي

Post: #3
Title: Re: نفيسي وبلولة شغالات «شات» ههههه
Author: هشام كمال عبادي
Date: 01-26-2014, 12:56 PM
Parent: #1

هههههههههههههههههه

ود جبريل سلام مربع يا حبيب ..
والله ما قادر اكتب ليك تعليق زاتو من شدة الضحك ..
دموعي جرن من الوصيف ، النقاط دي تصدق زادت الموضوع تشويق كمان ..

متعك الله بالصحة ..

Post: #4
Title: Re: نفيسي وبلولة شغالات «شات» ههههه
Author: علي عبدالوهاب عثمان
Date: 01-26-2014, 01:11 PM
Parent: #3

Quote: ودة أكنو شنو الخرابات ديل العلي الدفيق اليابس في راس الشوكة ألت الكروق (سماعات اللاب توب)

أستاذنا طارق جبريل .. بهذه الصورة ( في إقتباس ) ارجعتنا الى تلك الحاضنة الجميلة ..
يا سلام .. ما يعملها ألا واحد موهوب وشايل الوطن في دواخلة بكل تفاصيله ..
بصراحة انت رائع ..
اختيار موضوع هو اصل الابداع ..

شكراً طارق على هذا الابداع

Post: #5
Title: Re: نفيسي وبلولة شغالات «شات» ههههه
Author: عبدالحفيظ ابوسن
Date: 01-26-2014, 01:55 PM
Parent: #4

هههههههه
تحية ودجبريل وضيوفك
واخص ست البنات للنص الموازي
ضحكتنا الله يفرج همك
تعرف ده حاصل في بيوتنا جد والله
اندهاش الوالد والوالدة عليهم الرحمة وهم بشوفو اولادهم ناس برة عيان بيان

Post: #18
Title: Re: نفيسي وبلولة شغالات «شات» ههههه
Author: طارق جبريل
Date: 01-26-2014, 04:42 PM

Quote: هههههههه
تحية ودجبريل وضيوفك
واخص ست البنات للنص الموازي
ضحكتنا الله يفرج همك
تعرف ده حاصل في بيوتنا جد والله
اندهاش الوالد والوالدة عليهم الرحمة وهم بشوفو اولادهم ناس برة عيان بيان

ود ابو سن كيفنك
مرة واحدي قريبتي قالولا الفاكس دة بيوصل الكلام والكتابي لاااعند الناس
قامت وقفت جنبو وقالتلو: الرسول آآآآآالفاكس شحدتك بي الله تسلملي علي خضر ولدي وتقولو امك مشتهاك

Post: #6
Title: Re: نفيسي وبلولة شغالات «شات» ههههه
Author: عبدالحفيظ ابوسن
Date: 01-26-2014, 01:57 PM
Parent: #4

هههههههه
تحية ودجبريل وضيوفك
واخص ست البنات للنص الموازي
ضحكتنا الله يفرج همك
تعرف ده حاصل في بيوتنا جد والله
اندهاش الوالد والوالدة عليهم الرحمة وهم بشوفو اولادهم ناس برة عيان بيان

Post: #7
Title: Re: نفيسي وبلولة شغالات «شات» ههههه
Author: عبدالحفيظ ابوسن
Date: 01-26-2014, 01:57 PM
Parent: #4

هههههههه
تحية ودجبريل وضيوفك
واخص ست البنات للنص الموازي
ضحكتنا الله يفرج همك
تعرف ده حاصل في بيوتنا جد والله
اندهاش الوالد والوالدة عليهم الرحمة وهم بشوفو اولادهم ناس برة عيان بيان

Post: #8
Title: Re: نفيسي وبلولة شغالات «شات» ههههه
Author: ست البنات
Date: 01-26-2014, 02:18 PM
Parent: #7

أب سن أخوي ,

سلام,

عمتن لينا مخرفي وكت ولدها جاب ليها تليفزيون قالت:
انتو الكركعوبة دي مالها زي بسم الله !

وحات ربي تجيبلك الزول اححمار قبل عيونك عيلي الخدارايي المفقوشة !
والحريم ركبتهن عيللي المنقة والقاعون !
إن شفتو إن ما قريت اية الكرسي النوم ماب يجيك !
عليك الله يا حومد إحمد اخوي شيل الشئ دا ختو في الدونكا لا يزهلل البطان شئ !
يسعلني الله من ساعة ما شفتو اقرأ في القرعان لامن كرعي يبسن ,
وعرق من راسي لا كرعي !
ونهاري كلو انده في شيخي جامع التور يزقنفو من وشينا !

بسسم الله انحصبنا الله من محن الخواويج !
مختار الصحاح:
الخدارايي المفقوشة : البطيخة المقطوعة.
القاعون : الشمام.
ربكبتهن عيلي المنقة: يعني سمينة.

ست البنات.

ست البنات.

Post: #9
Title: Re: نفيسي وبلولة شغالات «شات» ههههه
Author: ست البنات
Date: 01-26-2014, 02:24 PM
Parent: #8

وكمان وكت فجاة كدي النسوان اتكوزنن في السودان ولبسن الجونتات والشرابات والحجاب ,
عمتنا المخرفي دي قالت :

بسسم الله الحريم بقن عيللي ضكر الحمام ساوات شراريبهن يخوجلن فوقنا !
وبقن عيلي الرجال صايداتننا السلام عليكم .. السلام عليكم !
متين الحريم عد يقولن السلام عليكم ؟ نان هن رجال؟
تب دبيتكن بالله !
ست البنات.

Post: #10
Title: Re: نفيسي وبلولة شغالات «شات» ههههه
Author: ست البنات
Date: 01-26-2014, 03:10 PM
Parent: #9

يا طارق ود عمي جبرين انت ويين؟؟

جبت الدفيق اليابس والمشلعيب والهمبريب الساقط وشلت باقيلي فاس الما وراها ناس ولا شيني الحكايي؟؟
ما تجي صاد تتملنا النضم دا , ما تخلينا مموشنيين و توهدبنا ساكت!
اها قاعدينلك في ضل الشاتي قبال النهار ما يقيل فوقنا في الصنانة دي تعال فسراع .

ست البنات.

Post: #12
Title: Re: نفيسي وبلولة شغالات «شات» ههههه
Author: عبدالحفيظ ابوسن
Date: 01-26-2014, 03:21 PM
Parent: #10

ست البنات ياخية
اسعدك الله
والله يغطي عليك
معرس لي شايقية من القرير هادي ستطاشر سنه ونحمد الله , ما بعرف لغوتم انضم بيها لكن بعرفا
كتر خيرك ياخ

Post: #21
Title: Re: نفيسي وبلولة شغالات «شات» ههههه
Author: طارق جبريل
Date: 01-26-2014, 04:47 PM
Parent: #10

Quote: يا طارق ود عمي جبرين انت ويين؟؟

جبت الدفيق اليابس والمشلعيب والهمبريب الساقط وشلت باقيلي فاس الما وراها ناس ولا شيني الحكايي؟؟
ما تجي صاد تتملنا النضم دا , ما تخلينا مموشنيين و توهدبنا ساكت!
اها قاعدينلك في ضل الشاتي قبال النهار ما يقيل فوقنا في الصنانة دي تعال فسراع .

ست البنات.

تراني الجيت يا ناس تنقاسي

Post: #11
Title: Re: نفيسي وبلولة شغالات «شات» ههههه
Author: najma
Date: 01-26-2014, 03:15 PM
Parent: #9

حكى حبوبات جميل والاجمل دعوتك لنا بالحضور

Post: #13
Title: Re: نفيسي وبلولة شغالات «شات» ههههه
Author: Osman Musa
Date: 01-26-2014, 04:14 PM
Parent: #11

طارق وست البنات
أمرقوا من ده البكان .
أحميتونا الشغل .

Post: #14
Title: Re: نفيسي وبلولة شغالات «شات» ههههه
Author: ست البنات
Date: 01-26-2014, 04:29 PM
Parent: #13

أخوي عثمان موسى ,

سلام ,

أها انت ماشى تقرع ولا جاي تحشلك برسيم ؟
عليك الله حشللي قيبيضة للعمبلوك الليلي دا جيعان من الصباح !
ولاعقبان وقت تبقى راجع جيبلي تمباك معاك , عبور ستي نور دا لفخلي حوقتي فرطقا لي حيتي حيتي !

ست البنات.

Post: #24
Title: Re: نفيسي وبلولة شغالات «شات» ههههه
Author: طارق جبريل
Date: 01-26-2014, 04:50 PM
Parent: #14

Quote: Omran Hassan Salih · متابعة · الأكثر تعليقا · يعمل لدى ‏المدير التنفيذي لوكالة فيوتشر إيفنت للدعاية والإعلان‏
- وحاتك يا بلولة المرة من شدة ماها سمحي أقرب أقرصها في «صُـ ... و ... لـ ...» واليدين متمرات وفيهن حِني )) ياخي تمها حكاوي تربالياتنا ما فيها عيب :)

انت يا قريبي مالك جاييي بي تحت
لا يبقى بكري كاتلك شي

Post: #23
Title: Re: نفيسي وبلولة شغالات «شات» ههههه
Author: طارق جبريل
Date: 01-26-2014, 04:49 PM
Parent: #13

Quote: طارق وست البنات
أمرقوا من ده البكان .
أحميتونا الشغل .

عثمان
القصي كانت دايرالا صورة متل ألاتك ديلاك

Post: #22
Title: Re: نفيسي وبلولة شغالات «شات» ههههه
Author: طارق جبريل
Date: 01-26-2014, 04:48 PM
Parent: #11

Quote: حكى حبوبات جميل والاجمل دعوتك لنا بالحضور

لووووووه نجمة ياخي كيفنك ونعلك طيبي

Post: #20
Title: Re: نفيسي وبلولة شغالات «شات» ههههه
Author: طارق جبريل
Date: 01-26-2014, 04:46 PM
Parent: #9

Quote: وكمان وكت فجاة كدي النسوان اتكوزنن في السودان ولبسن الجونتات والشرابات والحجاب ,
عمتنا المخرفي دي قالت :

بسسم الله الحريم بقن عيللي ضكر الحمام ساوات شراريبهن يخوجلن فوقنا !
وبقن عيلي الرجال صايداتننا السلام عليكم .. السلام عليكم !
متين الحريم عد يقولن السلام عليكم ؟ نان هن رجال؟
تب دبيتكن بالله !
ست البنات.

Post: #19
Title: Re: نفيسي وبلولة شغالات «شات» ههههه
Author: طارق جبريل
Date: 01-26-2014, 04:44 PM
Parent: #8

Quote: أب سن أخوي ,

سلام,

عمتن لينا مخرفي وكت ولدها جاب ليها تليفزيون قالت:
انتو الكركعوبة دي مالها زي بسم الله !

وحات ربي تجيبلك الزول اححمار قبل عيونك عيلي الخدارايي المفقوشة !
والحريم ركبتهن عيللي المنقة والقاعون !
إن شفتو إن ما قريت اية الكرسي النوم ماب يجيك !
عليك الله يا حومد إحمد اخوي شيل الشئ دا ختو في الدونكا لا يزهلل البطان شئ !
يسعلني الله من ساعة ما شفتو اقرأ في القرعان لامن كرعي يبسن ,
وعرق من راسي لا كرعي !
ونهاري كلو انده في شيخي جامع التور يزقنفو من وشينا !

بسسم الله انحصبنا الله من محن الخواويج !
مختار الصحاح:
الخدارايي المفقوشة : البطيخة المقطوعة.
القاعون : الشمام.
ربكبتهن عيلي المنقة: يعني سمينة.

ست البنات.

ست البنات.

Post: #17
Title: Re: نفيسي وبلولة شغالات «شات» ههههه
Author: طارق جبريل
Date: 01-26-2014, 04:40 PM
Parent: #4

Quote: أستاذنا طارق جبريل .. بهذه الصورة ( في إقتباس ) ارجعتنا الى تلك الحاضنة الجميلة ..
يا سلام .. ما يعملها ألا واحد موهوب وشايل الوطن في دواخلة بكل تفاصيله ..
بصراحة انت رائع ..
اختيار موضوع هو اصل الابداع ..

شكراً طارق على هذا الابداع

حبيبنا علي عثمان
ياخي كيفنك ونعلك طيب
والله كلامك السمح دة قاعد يرقدني خل ضومة ضومة
الله يجبر بي خاطرك يا الحبيب

Post: #16
Title: Re: نفيسي وبلولة شغالات «شات» ههههه
Author: طارق جبريل
Date: 01-26-2014, 04:38 PM
Parent: #3

Quote: هههههههههههههههههه

ود جبريل سلام مربع يا حبيب ..
والله ما قادر اكتب ليك تعليق زاتو من شدة الضحك ..
دموعي جرن من الوصيف ، النقاط دي تصدق زادت الموضوع تشويق كمان ..

متعك الله بالصحة ..

اضحك ابوي
ماها جايبي تمنها ياخي
اضحك يا هشام

Post: #25
Title: Re: نفيسي وبلولة شغالات «شات» ههههه
Author: إسحاق بله الأمين
Date: 01-26-2014, 05:17 PM
Parent: #16

ياهو دا الكلام الطاعم وسمح والببكينا نحنا في غربة السجم والرماد دي يا أخوي طارق
عمي ود آدم جابو ولدو الحج
قام ولدو جاب ليهو زيتون أسود كبار، ومد ليهو واحدة
أبوه قال ليهو دا شنو؟ قال ليه دا زيتون
قال ليهو: أياهو المذكور في الكتاب
قال ليهو آآي يا أبوي
قام دخّلها في خشمه، وبسرعة تفاها وصر وشو وقال بغضب لولده: كتر خيرك يا ولدي جبتني لمكة عشان تأكلني طور الجمال

القاموس:
طور الجمال: مخلفات "بعر" الجمال "لا مؤاخذة"

Post: #26
Title: Re: نفيسي وبلولة شغالات «شات» ههههه
Author: ست البنات
Date: 01-26-2014, 06:13 PM
Parent: #25

سلام يا الحيبان,

غايتو النضم دا كوم والخلعة الساويها الشئ الاسمو الانترنت في أهلنا دى كوما كبير بالحيل !
بس خلوا حش قشوشون ولقيط تمر الهبوب وسنين المناجل وقعدوا ينفرجو وينكلموا مع البطان الانشتتو في ام ريكا والواق الواق !
وكمان جابتلها حكاية تشوف الزول البتنضم معاهو في وشيك !
ملحوظة :

عاشة دخلولا التلفون وقام محمد ولدها من ام ريكا ضربلها قالتلو دا منو ؟
قالها انا محمد ولدك يمة,

ختت السماعة وقالتلو:
هي بس , الله خلا محمد وليدي في ام ريكا ,
شوف مسخرة البطان الفاضيين ديل !
قالولك أنا نييي !
شوف قلة ادب الجنا دا , كمان جايي تهاظر معاي أنا قدرك ؟!
أصبر خلي عباس يجي ان ما حدستو ليك .

ست البنات.

Post: #27
Title: Re: نفيسي وبلولة شغالات «شات» ههههه
Author: الطيب شيقوق
Date: 01-27-2014, 07:28 AM
Parent: #26

ود عبادي

Quote: النقاط دي تصدق زادت الموضوع تشويق كمان

هو في احلى من العنكوليب البدفسوهو جوة وما تعرفو الا تدقو فتاشة بس؟

غايتو الما عندو فتاشة حق راح من نضمي ود جبريل دا

ابشر يا ود جبريل اخوك فتاشتو سبلوقة بس

Post: #28
Title: Re: نفيسي وبلولة شغالات «شات» ههههه
Author: عبدالعزيز عثمان
Date: 01-27-2014, 08:18 AM
Parent: #27

افو الشي ده ما فاتنا،،ود موسي ،انبسط ،ان راجيلك غني من اوجاي سف الترابه دي،،اكتح يابا من عسل ودجبرين وست السمحين،وود شيقوق الجاك مطير للعينين.

Post: #29
Title: Re: نفيسي وبلولة شغالات «شات» ههههه
Author: نادر النور آدم
Date: 01-27-2014, 09:04 AM
Parent: #28

شوف لك نصيبة .. عندنا حبوبتن لينا اولادها وبناتها متفرقين في أنحاء العالم
مرة هنا ومرة هنا ومرة هنا
أها صادفتها في اجازة مشيت سلمت عليها في بيتها
عشان اتظارف قلت ليها يا حبوبة انتي عاد مبسوطة اليومين ديل
قاعدة في البلد ورجعتي على بيتك ونسوانك ..

قالت لي بري والله بدور السفر

Post: #39
Title: Re: نفيسي وبلولة شغالات «شات» ههههه
Author: طارق جبريل
Date: 01-27-2014, 01:27 PM
Parent: #29

Quote: شوف لك نصيبة .. عندنا حبوبتن لينا اولادها وبناتها متفرقين في أنحاء العالم
مرة هنا ومرة هنا ومرة هنا
أها صادفتها في اجازة مشيت سلمت عليها في بيتها
عشان اتظارف قلت ليها يا حبوبة انتي عاد مبسوطة اليومين ديل
قاعدة في البلد ورجعتي على بيتك ونسوانك ..

قالت لي بري والله بدور السفر

حبوبتكم دي بايظة يا فردة

Post: #33
Title: Re: نفيسي وبلولة شغالات «شات» ههههه
Author: طارق جبريل
Date: 01-27-2014, 10:23 AM
Parent: #28

Quote: افو الشي ده ما فاتنا،،ود موسي ،انبسط ،ان راجيلك غني من اوجاي سف الترابه دي،،اكتح يابا من عسل ودجبرين وست السمحين،وود شيقوق الجاك مطير للعينين.

عبد العزيز كيفنك ياخ

Post: #32
Title: Re: نفيسي وبلولة شغالات «شات» ههههه
Author: طارق جبريل
Date: 01-27-2014, 10:22 AM
Parent: #27

Quote: هو في احلى من العنكوليب البدفسوهو جوة وما تعرفو الا تدقو فتاشة بس؟

غايتو الما عندو فتاشة حق راح من نضمي ود جبريل دا

ابشر يا ود جبريل اخوك فتاشتو سبلوقة بس

جيت يا مقطوع الطاري

Post: #31
Title: Re: نفيسي وبلولة شغالات «شات» ههههه
Author: طارق جبريل
Date: 01-27-2014, 10:21 AM
Parent: #26

Quote: سلام يا الحيبان,

غايتو النضم دا كوم والخلعة الساويها الشئ الاسمو الانترنت في أهلنا دى كوما كبير بالحيل !
بس خلوا حش قشوشون ولقيط تمر الهبوب وسنين المناجل وقعدوا ينفرجو وينكلموا مع البطان الانشتتو في ام ريكا والواق الواق !
وكمان جابتلها حكاية تشوف الزول البتنضم معاهو في وشيك !
ملحوظة :

عاشة دخلولا التلفون وقام محمد ولدها من ام ريكا ضربلها قالتلو دا منو ؟
قالها انا محمد ولدك يمة,

ختت السماعة وقالتلو:
هي بس , الله خلا محمد وليدي في ام ريكا ,
شوف مسخرة البطان الفاضيين ديل !
قالولك أنا نييي !
شوف قلة ادب الجنا دا , كمان جايي تهاظر معاي أنا قدرك ؟!
أصبر خلي عباس يجي ان ما حدستو ليك .

ست البنات.

باقيلي نصايب تنقاسي اكتر من ألات شبا

Post: #38
Title: Re: نفيسي وبلولة شغالات «شات» ههههه
Author: طارق جبريل
Date: 01-27-2014, 01:26 PM
Parent: #26

Quote: سلام يا الحيبان,

غايتو النضم دا كوم والخلعة الساويها الشئ الاسمو الانترنت في أهلنا دى كوما كبير بالحيل !
بس خلوا حش قشوشون ولقيط تمر الهبوب وسنين المناجل وقعدوا ينفرجو وينكلموا مع البطان الانشتتو في ام ريكا والواق الواق !
وكمان جابتلها حكاية تشوف الزول البتنضم معاهو في وشيك !
ملحوظة :

عاشة دخلولا التلفون وقام محمد ولدها من ام ريكا ضربلها قالتلو دا منو ؟
قالها انا محمد ولدك يمة,

ختت السماعة وقالتلو:
هي بس , الله خلا محمد وليدي في ام ريكا ,
شوف مسخرة البطان الفاضيين ديل !
قالولك أنا نييي !
شوف قلة ادب الجنا دا , كمان جايي تهاظر معاي أنا قدرك ؟!
أصبر خلي عباس يجي ان ما حدستو ليك .

ست البنات.

الله يصرفك ياخ

Post: #30
Title: Re: نفيسي وبلولة شغالات «شات» ههههه
Author: طارق جبريل
Date: 01-27-2014, 10:20 AM
Parent: #25

Quote: ياهو دا الكلام الطاعم وسمح والببكينا نحنا في غربة السجم والرماد دي يا أخوي طارق
عمي ود آدم جابو ولدو الحج
قام ولدو جاب ليهو زيتون أسود كبار، ومد ليهو واحدة
أبوه قال ليهو دا شنو؟ قال ليه دا زيتون
قال ليهو: أياهو المذكور في الكتاب
قال ليهو آآي يا أبوي
قام دخّلها في خشمه، وبسرعة تفاها وصر وشو وقال بغضب لولده: كتر خيرك يا ولدي جبتني لمكة عشان تأكلني طور الجمال

القاموس:
طور الجمال: مخلفات "بعر" الجمال "لا مؤاخذة"

مبااااااالغة يا ود بلة هههههههههههههههههههههه

Post: #34
Title: Re: نفيسي وبلولة شغالات «شات» ههههه
Author: علي محمد الفكي
Date: 01-27-2014, 10:46 AM
Parent: #30

طارق
يديك العافية
بي كلامك الطاعم دا مسحت عننا شئ من اوجاع الغربة دي وتعبه
لكن بنت بغدادي وصافة وصف يخوف
بلولة لعلو ما جاها شي من وصف بنت بغدادي ..

Post: #40
Title: Re: نفيسي وبلولة شغالات «شات» ههههه
Author: طارق جبريل
Date: 01-27-2014, 01:28 PM
Parent: #34

Quote: طارق
يديك العافية
بي كلامك الطاعم دا مسحت عننا شئ من اوجاع الغربة دي وتعبه
لكن بنت بغدادي وصافة وصف يخوف
بلولة لعلو ما جاها شي من وصف بنت بغدادي ..

ود الفكي كيفنك ابوي
ياخي بت البغاديد دي كارثة

Post: #35
Title: Re: نفيسي وبلولة شغالات «شات» ههههه
Author: الطيب شيقوق
Date: 01-27-2014, 10:56 AM
Parent: #30

Quote: جيت يا مقطوع الطاري

باقي ليك العنكوليب دا بنفات ؟

Post: #36
Title: Re: نفيسي وبلولة شغالات «شات» ههههه
Author: إسحاق بله الأمين
Date: 01-27-2014, 12:24 PM
Parent: #35

Quote: باقي ليك العنكوليب دا بنفات ؟

قال العارف الشعبي:
إتي شن بتشبهي غير الحليب القبيل حلبو
اللا حمّض ولا اتغير طعمو على الشربو
يا عنكوليب فداسي النقرشو ونقو
شوفتك ترفع الفي الفراش مدو

وقال آخر:
عنكوليبتي حلوة وفصوصه دقاق
مروية من النيل وسلسله الدفاق
بنية الكرام مهرتي ندية الساق
من شدة حلاته بتسبب العشراق

ود شيقوق سلامات

Post: #37
Title: Re: نفيسي وبلولة شغالات «شات» ههههه
Author: ملهم كردفان
Date: 01-27-2014, 12:38 PM
Parent: #36

شيخ الحروف المبهجه ومولانا باتع سر الحكى الظريف
دكتور طارق
لكن مكيف فى البرد ده ياشيخنا

Post: #43
Title: Re: نفيسي وبلولة شغالات «شات» ههههه
Author: طارق جبريل
Date: 01-27-2014, 05:01 PM
Parent: #37

Quote: شيخ الحروف المبهجه ومولانا باتع سر الحكى الظريف
دكتور طارق
لكن مكيف فى البرد ده ياشيخنا

ملهمنا الجميل ازيك ياخ
ياخي حبوبتنا جات عندنا في الصيف

Post: #42
Title: Re: نفيسي وبلولة شغالات «شات» ههههه
Author: طارق جبريل
Date: 01-27-2014, 01:30 PM
Parent: #36

Quote: قال العارف الشعبي:
إتي شن بتشبهي غير الحليب القبيل حلبو
اللا حمّض ولا اتغير طعمو على الشربو
يا عنكوليب فداسي النقرشو ونقو
شوفتك ترفع الفي الفراش مدو

وقال آخر:
عنكوليبتي حلوة وفصوصه دقاق
مروية من النيل وسلسله الدفاق
بنية الكرام مهرتي ندية الساق
من شدة حلاته بتسبب العشراق

مبااااااالغة يا اسحق ياخ

Post: #41
Title: Re: نفيسي وبلولة شغالات «شات» ههههه
Author: طارق جبريل
Date: 01-27-2014, 01:29 PM
Parent: #35

Quote: باقي ليك العنكوليب دا بنفات ؟

مسنوح

Post: #44
Title: Re: نفيسي وبلولة شغالات «شات» ههههه
Author: Yousuf Taha
Date: 01-28-2014, 00:38 AM
Parent: #41

ههههههههههههههههههههههههههههههههههههههههههههههههههههههههههههههههههههههههههههههههه

Post: #45
Title: Re: نفيسي وبلولة شغالات «شات» ههههه
Author: طارق جبريل
Date: 01-28-2014, 11:07 AM
Parent: #44

Quote: Galal Eissa Omar
اخونا ود جبريل و اختنا ست البنات .. ده ابداع ما بعدو ابداع .. و الله و الله بضحك لامن شرقتا ... زماااان ايام الجهل و نحنا في القضارف حبوبتن لينا الله يرحمها ويحسن اليها اسمها ستي نور بتجينا مره مرة من الشمالية لزوم التغيير و كده اها كل الامور معاها تمام بس ليك تتخيل تعابيروشها ونظراتا لما المصيبة السودا القاعدالا فوق طقطوقة في كيم الصالة تقول تررررررن تررررررن ... و هاك دي يا ستنا بس من زاوية اخري .. خالتن لي الله يرحمها ويحسن اليها من تنقاسي كل ما تروح منها حاجة في االونسة عشان تحاول تتذكرا بتقول اللهم صلي علي المرسلين و المرسلات وقدر ما نقول ليها يا خالة مافي حاجة اسمها مرسلات ردها الاجير .. هي كدي حقرتكم بالنسوان دي اصلو ما دايرين تخلوها .. شفتو الومن رايتش دي كيف .. سعيد جدا بي طلة المبدع الرايع ود شيقوق و معا من اجل حكي اجمل ....يا ستنا .. مختار الصحاح شنو البتقولي عليهو دي دايرة مختار الشايقية في شرح معاني الحنية

عمر ازيك ياخ

Post: #46
Title: Re: نفيسي وبلولة شغالات «شات» ههههه
Author: ست البنات
Date: 01-28-2014, 03:44 PM
Parent: #45

انت آ طارق ود عمي جيبرين الزول دا نضم ولا لا الليلي ؟؟؟
فيحال جاي اشيل سوق تنقاسي اجيبلي لبقة اسدبها خشمي واليسبها اضني ديل !ضوومة !

ست البنات.

Post: #47
Title: Re: نفيسي وبلولة شغالات «شات» ههههه
Author: ست البنات
Date: 01-31-2014, 08:17 PM
Parent: #46

طارق ود عمي جيبرين ,

سلام ,
أنا كيف مشغولي ومنوهدبي عليك لا تكون نطيت لفأس الما وراها ناس مع الوثبي الجديدي دي !!؟
هي قالوا الوثبي جاي يعقبوها ويكتبونا جواب جديد اكنهم يعدلوا فيهو النضم !

اها لملم البوطان وتعال صاد !

ست البنات.

Post: #48
Title: Re: نفيسي وبلولة شغالات «شات» ههههه
Author: طارق جبريل
Date: 02-01-2014, 10:34 PM
Parent: #47

Quote: طارق ود عمي جيبرين ,

سلام ,
أنا كيف مشغولي ومنوهدبي عليك لا تكون نطيت لفأس الما وراها ناس مع الوثبي الجديدي دي !!؟
هي قالوا الوثبي جاي يعقبوها ويكتبونا جواب جديد اكنهم يعدلوا فيهو النضم !

اها لملم البوطان وتعال صاد !

ست البنات.

سمح يا ستهم