هل يعقل أن نكون بهذه الدرجة من التخلف ....

طلب مني أحد أفراد أسرتي في السودان وتحديداً في مدينة كسلا أن أرسل له وأنا في الرياض كتاب فتح الباري شرح صحيح البخاري وهو كتاب يقع في 17 مجلد ...... إشتريته .... وعندما أردت الشحن إتصلت بشركة فيديكس ولديها فرع بمقر عملي وطلبت منهم شحن الطرد وتمنحنا شركة فيديكس تخفيض هائل .. وعندما أخبرتهم أنني أريد الشحن للسودان .. إعتذر لي الموظف قائلاً .. طبعاً إنت عارف نحنا شركة أمريكية والسودان ..... وأتم العبارة بإشارة من يديه مفهومة .... أقرب مكان شحن هو البريد السعودي .. على بعد خطوات .. قالوا لي سنشحنه .. لكن مسؤوليتنا حتى الخرطوم فقط .. قلت كويس .. شحنت بتاريخ 20/1/2014م .... وأخذت أتابع بالنت عن طريق البريد السعودي .... تم التسليم بالخرطوم .. المرسل إليه لم يستلم .. تم تسليم الطرد للخرطوم في نفس يوم الشحن .. والموضوع غير قابل للمتابعة بالنت .. الآن فهمت لماذا حدود مسؤلية البريد السعودي تنتهي حتى الخرطوم ....

مكتب البريد السوداني ليس له موقع في النت
لماذا؟
من المسؤول عن ذلك؟
أيعقل هذا؟

شحنت طرد في نفس اللحظة وبنفس البريد لمانشستر .. وصل في اليوم الثالث
ومتابع لحظة بلحظة حتى لحظة الإستلام؟

متفائل جدا أنت يا أخ قدور ...:)

قوقلت بحثاً عن بريد السودان .. كتبت مكتب البوستة جاني أي بيت في حي البوستة

كتبت مكتب البريد .... لا شئ

كتبت بالإنجليزي .. جاني أي بريد في العالم إلا حق السودان .. مع إني كتبت حق السودان ..

سلامات استاذنا قدور
حليل زمن البريد بريد بس ممكن تخلي زول في الخرطوم يمشي يتعذب ويسال يمكن تلقي الخبر الاكيد

البلد منتهية والله صحي ... اسكت ساي

Quote: والله صحي

منقول

عادى الخطابات المرسلة إلى
Military Hospital- Omdurman
تذهب إلى:
Maternity Hospital- Omdurman

بمعنى ان موظفى البريد لغتهم الانجليزية محلك سر.

Quote: متفائل جدا أنت يا أخ قدور ...:)

العزيزة آمنة مختار
لك الود والتحايا الطيبات
على الأقل أخيتي آمنة علينا أن نطرح تفاؤلاتنا أمام ساستنا
القادمون .. ليكونوا على بينة منها .. ولو أن تفاؤلاتنا كلها
لا تتعدى أوجب واجبات الدولة .... توفير الدواء ... التعليم
والـ (communication) .... إلخ .. ودي وتقديري آمنة..

Quote: حليل زمن البريد بريد بس ممكن تخلي زول في الخرطوم يمشي يتعذب ويسال يمكن تلقي الخبر الاكيد

سلمك الله يامهاء من كل بلاء
على قولك: حليل زمن البريد .. عندنا على الأقل .. لكن
الناس التانيين طوروا البريد .. ومازال يشكل حضور
شكري وودي وتقديري مهاء ....

والله ياقدور البشوف إعلانات سودابوست في شاشات التلفزة يقول يجبوها من الواق واق ويوصلوها مش كسلا بل أرياف كسلا ، شيء عربات وشيء لبس وشيء مبنى فخم ، وكمان طلع ماسورة زي طفرة الاتصالات تلاشت وأنتهت ، ولا بواكي وكل هذا وذالك من أعمال التمكين اللعين بلدا أضحت بلا وجيع كمية كيزان وبعض من رتب عسكرية انتهازية تسلطوا على رقاب وأرزاق العباد والبلاد - وأضاعوا المال العام بشكل غير مسبوق في عمر السودان الحديث والقديم ...
الله يكون في العون
الشفيع

Quote: Incorrect: on route Correct: en route

الأخ عوض عبدالله
لك الود والتحايا الطيبات
ولك الشكر والثناء والتقدير على تصحيح المعلومة .. وأعترف لك تماماً أنني
لم أكن على علم بهذا التفريق الدقيق بين استعمال الكلمة في الحالتين وإليك
يرجع الفضل في هذه المعرفة .. بعد أن بحثت ووجدت المقال أدناه .. عرفت
الفرق .. ودي وتقديري ....

I think this mix up, another one that’s not a classic troublesome pair,
in that one is correct and one is incorrect, comes from people
writing down what they think they’ve heard. This has come up with
Here! Here! vs. Hear! Hear! and would of vs. would have, too. I’ve started
noticing this one a lot on Twitter, too, so it might be that people just stick
down what they think it might be when typing in a hurry.
Incorrect: on route. Correct: en route

The incorrect usage does make sense in a funny kind of way,
and it sounds the same too, but, it really isn’t!

So, as we probably know, it means “on the way” to or from somewhere.
It comes from the French – 18th Century French, so it’s been around for long enough
that it’s stuck and isn’t likely to be that pliable. You can use on route,
but only in a very specific sense, when talking about named roads in places
like America. And then there’ll be a capital in the middle, and you’re not using
it in precisely the same way. So, “On Route 66 I found a lovely motel” – fine.
But in all other cases: “I was en route to Chicago when I happened upon a charming hotel” – also fine.

This also applies to phrases like en masse. If there’s an
“on” sound and the other word looks like it might be French, check it!

أخوى مهدي
نقلك صحيح مائة بالمائة

Quote: والله صحي

Quote: عادى الخطابات المرسلة إلى Military Hospital- Omdurman تذهب إلى: Maternity Hospital- Omdurman

يعلم الله يا أم بدة ضحكتني من الأعماق على الرغم من
أني زعلان شديد .. .. شيطانك يا أم بدة ....
محبتي وودي وتقديري

Quote: شحنت طرد في نفس اللحظة وبنفس البريد لمانشستر .. وصل في اليوم الثالث ومتابع لحظة بلحظة حتى لحظة الإستلام؟

طيب وكت إنت بترسل طرود لحدي مانشستر،
طردي أنا وين؟؟

تحياتي

اخونا قدور سلام ..
تعرف فعلا انا عانيت من المشكلة دي قبل فترة قصيرة ..
كنتا مرسل طرد للخرطوم والراجل كان مصر علي رقم الشارع ورقم المنزل ..
وبعد ما حاولتا اشرح ليهو انو الموضوع دا مستحيل من الناحية النظرية هز راسو بي تعجيب ..
وقال لي انحنا في الهند وحتى في المناطق المتخلفة عندنا ارقام واسماء للشوارع والمنازل ..
وبعد ما سلي لي روحي قال لي خلاص ما بضمن وصول الطرد قبل 14 يوم ..
والله اضطريت اقول ليهو اهلي بيستلمو الطرد في المكتب الرئيسي للبريد في الخرطوم وامري لله ..

دي حالة دي ..


مودتي ..

رحم الله جمهورية السودان

للأسف الأفكار موجودة - حكومة إلكترونية - حوسبة - ووووو

والكفاءات السودانية القادرة على تنفيذ هذه المشاريع متوافرة ومشتتة

يبقى فقط معالجة الخلل الإداري والسياسي الكبير في الدولة السودانية

وحل المشكلة من جذورها

ليعود كل شيء وكل شخص إلى مكانه الطبيعي.

Quote: والله ياقدور البشوف إعلانات سودابوست في شاشات التلفزة يقول يجبوها من الواق واق ويوصلوها مش كسلا بل أرياف كسلا ، شيء عربات وشيء لبس وشيء مبنى فخم ، وكمان طلع ماسورة زي طفرة الاتصالات تلاشت وأنتهت ، ولا بواكي وكل هذا وذالك من أعمال التمكين اللعين بلدا أضحت بلا وجيع كمية كيزان وبعض من رتب عسكرية انتهازية تسلطوا على رقاب وأرزاق العباد والبلاد - وأضاعوا المال العام بشكل غير مسبوق في عمر السودان الحديث والقديم ... الله يكون في العون

وبعدين يالشفيع .... العالم ده كلو الناس ماشة لقدام .. حتى دول ماكان ليها وجود
أو ذكر في العالم .. أصبحت متقدمة على السودان بدرجة تشكل فارق كبير ربما
لن نستطيع اللحاق بها .. المشكلة أن مانطمح فيه ليس مستحيلاً .. أو صعب المنال
بل يمكن لأى وضع سياسي إنجازه .. هل ياترى سننجح في يوم من الأيام أن نعيد
البلد إلى الحالة التى كانت عليها في عام 89 ؟ .... ودي وتقديري ....

Quote: طيب وكت إنت بترسل طرود لحدي مانشستر، طردي أنا وين؟؟

الدرديري .... طردك ياحبيب يجيك من العباسية
لغاية عندك .. ومش بالبوستة يجيك "داجي" ....
ودي وتقديري ومحبتي مع الشوق ....

Quote: بركة الكتاب الراح وانشاء الله ما يتلقي قال ((كتاب فتح الباري شرح صحيح البخاري وهو كتاب يقع في 17 مجلد))) يمين زولك دا ما عندو شغلة يقضاه وانت كمان باري شنو وانصاري شنو وبخاري شنو ،، عالم وه بشكل ،،،

الملك ود القبايل
لك الود والتحايا الطيبات
لك شكري على التعليق .. وأظنك تقصد بآخر عبارة "عالم وهم بشكل"
ولو عرفت طرد الدرديري الفوق منك ده .. كان تقول علينا شنو؟
ودي وشكري وتقديري ....

Quote: كثيرا ما اقول للناس السودان متخلفففففففففجدا فينط في رقبتي واحد ويقول لها . فاقوم اضرب له مثل بنفسه واترابه الذي تخرجوا معه في نفس التخصص فتجد اقغرانه فايتنوا بمائة سنة ضوئية. يا جماعة نحنا شعب ودولة متخلفين جدا . معرفة العلة تقود الي الحل

أخي يحي سليمان
لك الود والتحايا الطيبات
أتفق معك في كل كلمة كتبتها .. وعبارتك الأخيرة التي تقول
"معرفة العلة تقود إلى الحل" أعتقد أنها عبارة حكيمة وتشير
بوضوح إلى بعض ماقصدته بهذا البوست .. كثير من مشكلات
البلد يمكن وضع اليد بسهولة على العلة فيها .. وبالتالي حلها
بصورة جذرية .. وفورية .. ودي ومحبتي وتقديري .....

أخي عوض عبدالله
لك الود والتحايا الطيبات
ولك الشكر والثناء على العودة مرة أخرى ....
ولك الشكر والتقدير على العبارة الرقيقة
التي تدل على معدنك الأصيل .. ودي ومحبتي..

Quote: رحم الله جمهورية السودان للأسف الأفكار موجودة - حكومة إلكترونية - حوسبة - ووووو والكفاءات السودانية القادرة على تنفيذ هذه المشاريع متوافرة ومشتتة يبقى فقط معالجة الخلل الإداري والسياسي الكبير في الدولة السودانية وحل المشكلة من جذورها ليعود كل شيء وكل شخص إلى مكانه الطبيعي.

هاني عربي
لك الود والتحايا الطيبات
صدق حرفك يارجل .. الكفاءات السودانية المتناثرة حول العالم
قادرة على تطوير البلد بما لديها من قدرات فنية .. تطويرها في
كل مجال .. قادرة على انتشال البلد من هذه الوهدة إلى قمة التطور
في أقل من عشرة سنوات .. تبقى المسألة كما قلت .. ضرورة
معالجة الخلل السياسي أولاً ووجود قوة دافعة تستنهض تلك القدرات
للقيام بدورها ثم معالجة الخلل الإداري بإعادة كل شخص لمكانه
الطبيعي وموقعه المناسب لكفاءته لا لولائه .. لا فض فوك هاني
.. ودي ومحبتي ....

Quote: تعرف فعلا انا عانيت من المشكلة دي قبل فترة قصيرة .. كنتا مرسل طرد للخرطوم والراجل كان مصر علي رقم الشارع ورقم المنزل .. وبعد ما حاولتا اشرح ليهو انو الموضوع دا مستحيل من الناحية النظرية هز راسو بي تعجيب .. وقال لي انحنا في الهند وحتى في المناطق المتخلفة عندنا ارقام واسماء للشوارع والمنازل .. وبعد ما سلي لي روحي قال لي خلاص ما بضمن وصول الطرد قبل 14 يوم .. والله اضطريت اقول ليهو اهلي بيستلمو الطرد في المكتب الرئيسي للبريد في الخرطوم وامري لله .. دي حالة دي ..

أخي هشام كمال
لك الود والتحايا الطيبات
الغريبة ياهشام كما قال لك هذا الهندي .. الترقيم سهل وممكن
ومن شأنه تحسين خدمات كثيرة جداً .. سهل وممكن حتى في
أكثر البلاد تخلفاً .. إلا في السودان .. حيث أن كافة النظريات
المثبتة والمعروفة لا تعمل عندنا .. في أى مجال .. سيبك من
ده كلو .. خدمات البريد أصبحت تعتمد على رقم الهاتف ....
يتصل بك البريد ويسألك عن مكانك .. حتى ولو كنت خارج
مقرك وفي أي شارع ممكن يسلمك رسالتك .. طبعاً ثمن كل
ذلك مقدر في قيمة الشحن .. وذلك لا يعمل عندنا في السودان
في الطرد الذي شحنته دفعت مبلغ وقدره .. على أساس الشحن
بالبريد الممتاز .. من يوم 20 يناير وحتى كتابة هذه السطور
28 يناير لم يستلم المرسل إليه .. قال بريد "ممتاز" ..
ودي ومحبتي هشام ....