|
أتنحيت ؟ بعد ما نحن جبنا الزيت ؟
|
أتنحيت ؟ بعد ما نحن جبنا الزيت ؟ بعد خليت تكلنا كرو ! لا معراكة لا كورية لا كبريت ؟ أتنحيت ؟ تخيل أسرة من فد بيت . وأحد باقي في حلفا . وأخوهو التاني في توريت . حصانك نخة من اللف . ومن السف . كيف صالون حلاقة بخلي زول شبعان وزي بيل قيت . ؟؟؟؟ أتنحيت ؟ الماهية رطلين جاز وصحنين فول . وأنا العيان أنا الجنيت . ..... ___________ ونتابع التنحي .
|
|
|
|
|
|
|
|
Re: أتنحيت ؟ بعد ما نحن جبنا الزيت ؟ (Re: Osman Musa)
|
أتنحيت ؟ لا بلاي ! حتحتوها ياخ حتحيت . وكندكتوا الرماد الحار ... علي رأس المدارس نار . وشلعتوها . شخبتوها ياخ شخبيت . شيء بي بمبان . شيء بي كرباج . شيء بي رصاص . شيء بي أشباح . وكم سفاح . حيرتونا كيف بلد البحر والنيل بتطلع كيت ؟ و السوداني دأك الزول كيفن بنقلب عفريت ؟ ... ونتابع التنحي .
| |
|
|
|
|
|
|
Re: أتنحيت ؟ بعد ما نحن جبنا الزيت ؟ (Re: يحي قباني)
|
أتنحيت ؟ لا بلاي ! بعد هديتوا ناصياتو العراض البيت ؟ كيف أسد الكداد أب عاج بلجمو خيت ؟ وكيف النيل صبح جدول ؟ وكيف الويكة أنعدمت ؟ والبكاني والجنني كيفن تشحد أم سوميت ؟؟؟؟ وكيفن تشحد أم سوميت ؟؟؟؟ مين ديل ياخ ؟ ومن وين ديل ؟ ومن وين جيت ؟
| |
|
|
|
|
|
|
Re: أتنحيت ؟ بعد ما نحن جبنا الزيت ؟ (Re: Osman Musa)
|
عزيزنا العزيز ود قباني ياخ من جد أخوك حزنان . .. ياخ بلد الجمال بباح ولا جابودي لا عنجاوي لا دوبيت بقت في العالم الاخر نوادينا ومقابرنا . بعد ما كان عشانا ربيت . بقيت في التاكسي أنت تبيت . وأنا العتالي مشغول بالي من ما جيت .
| |
|
|
|
|
|
|
Re: أتنحيت ؟ بعد ما نحن جبنا الزيت ؟ (Re: Osman Musa)
|
أتنحيت ؟ ده هو ال ACTION . وده الخج البقلب البامية فاصوليا . حياتنا حلم .. نساكك في الحلم يا ريت . أتنحيت ؟ والدولار يعفص الخزنة بي الأفلاس ؟ ونحن بندفع البرتيت ؟ وعان شيخ حسبو يا رأجل ! يغالت في المغالتين ديك . دي مختو........ ودي م ...... أتعبتونا . شتتوا الوطن تشتيت . وشتتوا الوطن تشتيت .
....... نتابع حكايات التنحي
| |
|
|
|
|
|
|
Re: أتنحيت ؟ بعد ما نحن جبنا الزيت ؟ (Re: محمد الطيب محمد)
|
أتنحيت ؟ تعال عاين صفوف الجاز تعال عاين صفوف العيش تعال عاين صفوف الزيت . وين أم تكشو . وأم بق بق ؟ والبني كربو والشربوت . من التكل الرحيب رأحن . ؟ بقينا نلقط الكوشة . وفينا تفجروا الدنميت . مساكين نحن يا رئيس ... زمان ما كنا مرتاحين جنيهنا قوي . قبل ما تحصل الخجة وقبل ما يظهر التشليت . قبل ما يظهر التشليت . قبل ما يظهر التشليت .
| |
|
|
|
|
|
|
Re: أتنحيت ؟ بعد ما نحن جبنا الزيت ؟ (Re: Osman Musa)
|
عزيزتنا بت المشرف سلامنا الكتير يصلك عبر نفاج الفيس . ويلقاك في تمام العافية . الأستاذ محجوب ربنا يطول عمرو هو مدرستنا الفارهة ومكتبتنا العامرة . محجوب يا بت المشرف هو درب للكتيرين له التحية والمحبة . ..
ألف شكر
| |
|
|
|
|
|
|
Re: أتنحيت ؟ بعد ما نحن جبنا الزيت ؟ (Re: Osman Musa)
|
أتنحيت ؟ بكل سهولة يا Mr. ؟ أتنحيت ؟ وين سلة غذاء العالم ؟ وين دهب الفرنسية ؟ نحاسب مين ؟ هو أنت نسيت ؟ بنات الجامعة ماتن جوع . عديل بي الجوع . عيال الجامعة طفرانين وتعبانين . بس يا أخوي شن سويت ؟ أتنحيت ؟
| |
|
|
|
|
|
|
Re: أتنحيت ؟ بعد ما نحن جبنا الزيت ؟ (Re: Osman Musa)
|
يا عثمان موسي... ثم ان قريحتي قد جادت بواحده ،،مجاراة لك.. وهي كانت علي الكي بورد مباشرة دون مسودة الله انعل عدم العرفة،،طشت ياعثمان.. وقدر ما لكلكت وبعبصت،،،عييك،غتست لكن اصبر ساي عثمان،،،جاييك لكن قلت لي علي ضمانتك نردم ساي... اصلو نحن ناس بتيخ صااااغط،،ماذي الجماعة ,,
| |
|
|
|
|
|
|
|