Post: #1
Title: عالم دين سوداني يفتي بجواز استخدام "دخان الطلح" و "الحناء" للرجال / علي موقع صحيفة السودانية/
Author: علي الكرار هاشم
Date: 01-23-2014, 12:02 PM
السودانية ـ خاص ( الدمام ) أفتى أحد علماء الدين السودانيين بجواز استخدام "دخان الطلح " للرجال لما فيه من فائدة للجسم ونوه الشيخ حسب الرسول ابوكساوي بجواز استخدام الرجل للدخان اذا كان لزوجته لكنه حذر من استخدامه لممارسة عمل قوم لوط لان في ذلك تشبه بالنساء .
وأفتى الشيخ ابوكساوي أيضا بجواز استخدام "الحناء " للرجال سواء في الأيدي أو الرجلين او الرأس مستدلاً باستخدام الرسول صلى الله عليه وسلم لها اذا اشتكى الما في رجليه .. ومعروف ان الدخان والحناء هي عادة سودانية تستخدمها النساء بعد الزواج باعتبارها تقليد سوداني راسخ .
الجدير بالذكر ان الشيخ ابوكساوي هو امام وخطيب مسجد سجن الاحداث بمدينة الدمام شرق المملكة العربية السعودية وهو من اعيان ومشايخ منطقة الجزيرة بالسودان .
http://www.alsudaniya-sd.com/news.php?action=showandid=1108
|
Post: #2
Title: Re: عالم دين سوداني يفتي بجواز استخدام andquot;دخان الطلحandquot; و andquot;الحناءandquot; للرجال / علي موق
Author: علي الكرار هاشم
Date: 01-23-2014, 12:05 PM
Parent: #1
مولانا ابوكساوي ناشط جدا وله تواصل فعال في الاعلام الحديث
وصفحته عامرة جدا بالفيسبوك
كان له تواصل ممتاز مع بورداب الرياض في رمضان الماضي
وهو رجل عرف بعلاقاته الواسعة وصلاته المتميزة مع كل الجهات
|
Post: #3
Title: Re: عالم دين سوداني يفتي بجواز استخدام andquot;دخان الطلحandquot; و andquot;الحناءandquot; للرجال /
Author: سيف النصر محي الدين
Date: 01-23-2014, 04:08 PM
Parent: #2
يعني الكان مانع الرجال من الدخان هو حكم الدين؟
و هل اذا أفتى شخص بجواز استعمال الرجال للدخان طوالي نقوم
نولع حفرنا؟
و هل أساسا الموضوع ده ديني؟ و هل نزل بشأنه قرآن او روي بخصوصه حديث ؟
غايتو الشيوخ ديل باقي لي يا علي الكرار غالبن البسووه و يبدو انو معظمهم ما عندهم موضوع من أصلو ؟
|
Post: #4
Title: Re: عالم دين سوداني يفتي بجواز استخدام andquot;دخان الطلحandquot; و andquot;الحناءandquot; للرجال /
Author: ملهم كردفان
Date: 01-23-2014, 04:57 PM
Parent: #3
تحيه طيبه ياعلى الكرار
...................
من الفيس
الفاضل عبد الله محمد
..................
اهم شي لما تجي تتدخن تقول " نويت الدخان لغرض غير اللواط "
و ترفع جلابيتك و تصنقر ..
دا كلام شنو يا ناس؟
من الله خلقنا شفنا العندو رطوبة مثلا بدخنوه و الحنا بيستعملوها الرجال لاغراض طبية
و هي في الاصل عشبة طبية قبل ان تكون للتجميل ..
السؤال لماذا أقحم الدين هنا؟
و الرسول ص كان يستعمل الكحل للزينة و للعلاج
و يوواحد ما قال للصحابة دا من الدين
و لكن لأنه مفيد و غير منهي عنه فعله و علي نهجه سيفعله الناس الي يوم القيامة ..
يا جماعة راعوا للدين حرمته و قدسيته و لا تقحموه في كل شي فيسئ له الناس بغير علم..
...................
أوجه نفس الكلام للشيخ بتاع الفتوى دى ياعلى
احترامى
|
Post: #5
Title: Re: عالم دين سوداني يفتي بجواز استخدام andquot;دخان الطلحandquot; و andquot;الحناءandquot; للرجال /
Author: Dania Elmaki
Date: 01-23-2014, 10:32 PM
Parent: #4
من زمان الرجال الكبار بيقعدوا يمدوا رجليهم في الحفره لاغراض طبيه. بيختوا في الفره دوم او هبيل لعلاج الرطوبه.
|
|