مالوا المشير؟ مالوا البشير؟

مالوا البشير
مالوا المشير
سمعنا تحت تحت
بانه عاوز يفوت
فايت مروح وين
سايبنا فايت وين
ما لسة الوكت بدري

مالوا البشير
مالوا المشير
هانت عليه العشرة
والعشرة ما عشرة سنين
عشرتين وخمسة
الولدوه لمن ات جيت
اتخرج هسة
والبنية الجكست
عنست
والعرست
خرفت
واللبنت
شالها الطير

مالوا المشير
مالوا البشير
قالوا عاوز يمش
بعد ما ضلمت نور الشمش
والقمرة حردت
خنقت
والناس اتجننت
والزهجت هاجرت
شردت
وكتمت.. كتمت
وفد نقطة ما مطرت

يا مطيرة صبي لينا
يا مطيرة صبي لينا