Post: #1
Title: كوستي ما فيها صفوف بنزين
Author: عبدالحفيظ ابوسن
Date: 01-22-2014, 07:19 AM
Parent: #0
لكن فيها باعوضة مبالغة
وتمنيت لو كان فيها صفوف بنزين
|
Post: #2
Title: Re: كوستي ما فيها صفوف بنزين
Author: عبدالحفيظ ابوسن
Date: 01-22-2014, 07:22 AM
Parent: #1
تجي ماشي وتعاين للطلمبات من بعيد
ما تشوف ليك أي صف بنزين
وتمشي للبعدها
برضو مافي صفوف
تستغرب الناس دي بتجيب الكلام ده من وين
|
Post: #3
Title: Re: كوستي ما فيها صفوف بنزين
Author: عبدالحفيظ ابوسن
Date: 01-22-2014, 07:32 AM
Parent: #2
ليومين علي التوالي لا يوجد بكوستي ولا نقطة بنزين واحدة , الطلمبات فااااضية ,,,
|
Post: #4
Title: Re: كوستي ما فيها صفوف بنزين
Author: عبدالحفيظ ابوسن
Date: 01-22-2014, 07:39 AM
Parent: #3
سألت بتاع ركشة
لقيت بنزين وين
قال
اشتري جالون ب 40 ج
وتسعيرة الحكومة 25 ج
|
Post: #5
Title: Re: كوستي ما فيها صفوف بنزين
Author: علي دفع الله
Date: 01-22-2014, 07:40 AM
Parent: #3
| Quote: ليومين علي التوالي لا يوجد بكوستي ولا نقطة بنزين واحدة , الطلمبات فااااضية ,,, |
ههههههههههههههههههههههههههه
والله يا حفيكو انا من قريت العنوان عرفتك حا توصلنا للمحطة دي ههههههههه
---------------
وبخصوص الباعوض اقعوا الناموسيات المشبعة ملارية السقط دي حارة خلاس
تحياتي
|
Post: #6
Title: Re: كوستي ما فيها صفوف بنزين
Author: محمد أبوالعزائم أبوالريش
Date: 01-22-2014, 08:09 AM
Parent: #5
| Quote: لكن فيها باعوضة مبالغة |
إنتو غبيانين براكم ..... ناموسيات الإغاثة القطرية بتاعة موسم الأمطار الفات، شوف عيني في السوق ...... مالكم، عميتو منها؟
|
Post: #7
Title: Re: كوستي ما فيها صفوف بنزين
Author: محمد مجيدو
Date: 01-22-2014, 08:21 AM
Parent: #1
| Quote: ليومين علي التوالي لا يوجد بكوستي ولا نقطة بنزين واحدة , الطلمبات فااااضية ,,, |
يا دفعه ....
حاولوا شغلوا العربيات عندكم بالباعووض .....
ولا حاجة اللئم ......
|
Post: #9
Title: Re: كوستي ما فيها صفوف بنزين
Author: عبدالحفيظ ابوسن
Date: 01-22-2014, 08:32 AM
Parent: #7
حبابكم
علي
ابوالريش
مجيدو
باعوضة حتي الساعات الاولي من شروق الشمس ,, وتبدأ قبل مغيب الشمس
الناموسية ب 40ج
فحص الملاريا 10 ج
دوا الملاريا
حقن 35ج
حبوب 75
ده إنت مجلي الدكتور وطبيت نفسك براك
هههههه
حقو نستفيد من الباعوضة والله
وشوف عيني انا زاتي النواميس و الخيم لافة في السوق
واحد جاب لي ناموسية اغاثة ب 15 ج ,, والله عوارة مني ساي ابيت اشتريها
|
Post: #8
Title: Re: كوستي ما فيها صفوف بنزين
Author: محمد علي عثمان
Date: 01-22-2014, 08:30 AM
Parent: #1
الخرطوم حتحصل كوستي قريب، و موصوع الصفوف ده موضوع عابر
|
Post: #10
Title: Re: كوستي ما فيها صفوف بنزين
Author: عبدالعزيز عثمان
Date: 01-22-2014, 08:42 AM
Parent: #8
والله يا حفيظ ،،خلينا من قصة البنزين والرغيف،،ياخي الكاروهات مالن،،،الكسره عيبها لي،،،قبال مية سنة في عربات،،،وطيب...
ياخي انا المزعلني كسلنا ده،،،البتقول ليهو كلو ياخي المراريا دي وردتها حاره ،،وبتهرد كبدك وكلاك وفشفاشك،،،النواميس،،الناموسيات،،يقول ليك ده غلبا وشغلانيه طوالي،،شوف العيال من الشمش حيه اكمدن في الناموسيه ،وانت وامهن زاتكم انكمدو،،،اجدع للجهله تميرات خليهن اقرشو لمن انومو،،ورش غرفتكم دي،غفلوها،،وارقدو كلكم سوا،،،ااي اخوان بس،،،الله ما امر بالهلاك...
اخر الكلام،،،،جني وجن المراريا،،،اصابتني في عام قديم واحد 7 مرات،،ورتني الويل،،،فصرت اشيل معاي نا موسيتي وفليتي ،اول شي وانا ع البلد.لا تفارغني ابد
|
Post: #11
Title: Re: كوستي ما فيها صفوف بنزين
Author: عبدالحفيظ ابوسن
Date: 01-22-2014, 09:55 AM
Parent: #10
مرحب محمد علي
اها ده الخايفين منو بدل ندرة وعدم
عبدالعزيز ياصاحب
الاسبوع القبل الفات , يوم الاثنين ضهر , شعرت بي حمي مشيت البيت وشلت معاي الحبوب , فتحت يوم الجمعة لا أكل لا شراب والله , قلت هي ! انا داير اموت ولا شنو ! الملاريا دي كنا بناكلها مع الملفات الجد شنو !
بقت ملاريا كافرة عديل
ياخ القصة ما النوم ! داير تصلي وتتوضا ,, جاك ضيف تتونس معاهو , تراجع للشفع ,, مرقت للدكان تجيب لبن ,,, داير تاكل ,,, ولا مشيت الحمام
المهم قالو في مرهم تتمسح بيهو ,, جربتو كويس ,, واحد صاحبي قال لي ختيتو في راس التلفزيون , نقط في الشاشة قداها , اها خفت منو
|
Post: #12
Title: Re: كوستي ما فيها صفوف بنزين
Author: ملهم كردفان
Date: 01-22-2014, 10:11 AM
Parent: #11
مادام ماالبنزين رااااقد الواحد يشترى ليهو جالون
ويشبع بيهو الناموسيه منها
يطرد الباعوض من البيت كلو
وهو ينوم مسطوووول
صباح التخديره والنصر والمرابيع والرديف
وام هانى وربك
وماحول كوستى لحدى الجبلين جنوبا ولحدى الدويم شمالا ياحفيظ
|
Post: #13
Title: Re: كوستي ما فيها صفوف بنزين
Author: عبدالحفيظ ابوسن
Date: 01-22-2014, 10:26 AM
Parent: #12
ههههه
يا ملهم
ياخ نسيت حلتنا يا صاحب
جيت ماري فيها ساي
الحلة الجديدة
وبيتي علي مرمي نظر من النيل الأبيض
|
Post: #14
Title: Re: كوستي ما فيها صفوف بنزين
Author: ملهم كردفان
Date: 01-22-2014, 10:37 AM
Parent: #13
Quote:
ههههه
يا ملهم
ياخ نسيت حلتنا يا صاحب
جيت ماري فيها ساي
الحلة الجديدة
وبيتي علي مرمي نظر من النيل الأبيض |
الحله الجديده
والنادى
وعمك احمد سرور
ودهبايه
وعمنا عبد الله مصباح
ومجدى وفيصل عبد الله مصباح
...
كوستى ...
صلاح كوستى
جميل
السينما
البحر البنطون
السمك الجباده
الرماى
الطرور
اليراعه
مصنع النسيج
الشرق مش فيهو الجزيره البنمشى ليها رحلات بعد مانقطع بالبنطون
تقريباً طيبه ناسى الإسم ياحفيظ
...........
الحله الجديده انسى بس حلوه حلوه حلوه
|
Post: #15
Title: Re: كوستي ما فيها صفوف بنزين
Author: عبدالحفيظ ابوسن
Date: 01-22-2014, 08:45 PM
Parent: #14
وعاد الوقود لكوستي اليوم
وتحسن الوضع
ملهم
اظنك من حلتنا يا صاحب
|
Post: #17
Title: Re: كوستي ما فيها صفوف بنزين
Author: محمد علي عثمان
Date: 01-22-2014, 09:25 PM
Parent: #1
صورة توضح تفاقم أزمة الدواء بالبلاد
January 22, 2014
(حريات)صور صف الادوية
مع عجز حكومة المؤتمر الوطني عن توفير العملات الصعبة اللازمة للاستيراد تفاقمت أزمة الدواء بالبلاد ، لتلحق بأزمة إنعدام الخبز والغاز والوقود في العاصمة والولايات .
(حريات) تنشر صورة لإصطفاف العشرات من المواطنين أمام صيدلية تابعة للتأمين الصحي بالخرطوم بعد تفاقم أزمة الدواء !
|
Post: #18
Title: Re: كوستي ما فيها صفوف بنزين
Author: محمد علي عثمان
Date: 01-23-2014, 03:18 AM
Parent: #17
B]ودمدني تشهد ندرة في عدد من السلع الإستراتيجية
January 22, 2014
الخبز(تاج السر ود الخير – اليوم التالي)
كشفت جولة ولاية الجزيرة أمس انعداما وندرة في عدد من السلع الإستراتيجية بودمدني ورصدت الصحيفة اشتباكا بالأيدي في صفوف الخبز والمواصلات العامة وكشفت جولة الصحيفة تكدس أعداد كبيرة من المركبات العامة والخاصة أمام محطات الوقود بودمدني في ظل انعدام شبه تام للبنزين مما أدى إلى تكدس المواطنين بالمواقف العامة. وفي ذات السياق أدى انعدام الغاز في مراكز البيع والمستودع الرئيسي بودالمجذوب إلى صعوبة الحصول على غاز الطهي الذي انعدم بالمدينة لأكثر من أسبوع رغم ارتفاع سعر الأسطوانة زنة (12) كيلو إلى (70) جنيها في بعض مراكز البيع التجاري.
ونتيجة للأزمة الحادة في سلعة الدقيق شهدت مخابز المدينة ازدحاما ملحوظا أمام المخابز البلدية والآلية، بينما شكا عدد من أصحاب المخابز من تناقص حصة الدقيق في الأيام الماضية.
|
Post: #19
Title: Re: كوستي ما فيها صفوف بنزين
Author: ملهم كردفان
Date: 01-23-2014, 09:35 AM
Parent: #18
Quote: ملهم
اظنك من حلتنا يا صاحب |
انا من الأبيض بس عندى اهل فى كوستى كان منهم على سلامه الزاكى الإحيمر مصنع النسيج
وفى قرابه مامفهومه مع ناس مجدى عبدالله مصباح
وناس يمنى محمد توم ليهم فرع فى حلتنا فى الابيض ونحنا اكتر من اهل
وعندى صاحب عجيب اسمو كمال عمر صابر فى النصر تقريباً
وكمال محمد احمد كمال كهربا فى ربك
.........
وانت برضو من ضمن الاصدقاء بس ما أظنك عجوز زينا ومن مواليد الستينات
احترامى
|
Post: #20
Title: Re: كوستي ما فيها صفوف بنزين
Author: عبدالحفيظ ابوسن
Date: 01-23-2014, 11:08 AM
Parent: #19
شكرا محمد عثمان
وكتر خيرك
ملهم
لا حولاااااااااااا
يمني محمد توم ! لا ياخ !
شوف السودان ده بصغر كيف !
يمني دفعة وصديق ابتدائي السبعينات ,, ومن يوم داك ماعارفو وين ولا بلدو وين
كنت رئيس الجمعية الادبية بنمرة 1 , وكان هو ومحمود حسن بابكر من الفنانين , وأذكر ليهم منولوج حتي الآن رغم مرور اكثر من 30 عام وباللحن كمان
يا الفوال أسرع وأنا جيت
وبالعبار بكب الزيت
يا الفوال اوعك ماتغش
ويا الفوال زيد المش
لا حولااااااااا
ياخ
انا لله يا صاحب
كان يسكن المرابيع جمب المدرسة
|
|