أقبلني لأقبلك !

قبول الآخر

ما ضر الوطن سوي ان حكومة الإنقاذ رفضت قبول الجميع , رفضتهم في مشاركتها السلطة ,, ورفضتهم في قبولهم كمعارضة , فوصمتهم بكل قبيح لدرجة الخيانة العظمي
ورفضتهم حتي في الخدمة المدنية , فإبتكرت الصالح العام

ثم كانت النتيجة الكارثية
لم تخرج دراسة إلا وكنا الأسوأ
الشفافية ,, حقوق الانسان ,,, الدول الفاشلة ,,, الحريات الشخصية
ألخ
وهذه نتيجة عملية علي خطأ مبدأ رفض الآخر ,, وإحتكار السلطة ,,, وإحتكار الصوت الواحد ,, وإحتكار الوطنية وكل الإحتكارات

ده درب ممشي ,, سكة الدمار
وقالو
من جرب المجرب أحاطت بيهو الندامة
فشنو مانجي نخلق واقع افتراضي افضل هنا ,, في داخل المنتدي ولا اقصد يوتوبيا رومانسية ,, نقبل بعض
آي صاح الآخر مرات بقول كلام يوجع القلب ,, ويخليك تتمني تخش الشاشة وتمس رقبتو وتموت معاهو ,,, لكن وات زين ?

بوست عنوانو جيد والمتن ايضا
تقول تخش فيهو ,, تنشغل منو
تخش بعد فترة تلقي نفسك غلطان وتحمد الله الما خشيت
يتحول بقراءة إستباقية لواحد تاني انه قصد مخفي , وعاك وعيك ما تفرز الغلطان منو ولا البدا منو
في خلافات وخلافات عميقة
لكن زي ما قال الغناي
بالريدة بتحل
فخلونا نحلها بقبول الآخر

خليتونا نلاوز من البوستات زاتو