Post: #1
Title: مسئولين من الخير ... الصمغ العربي ده قروشه وين والنايم بيها منو ؟
Author: يحي قباني
Date: 01-21-2014, 06:36 PM
امس بنيتي الصغيره سالتني
قالت درسوهم انو السودان و معاهو نيجيريا وتشاد
بنتجوا %97 من انتاج العالم في الصمغ العربي ...
قلت ليها صحيح ... وقعدت اتبوبر بالحكاية دي ...
قامت قالت لي ... طيب ليه السودان حالتو تعبانه ...الصمغ ده ما بجيب قروش كتيره؟
|
Post: #2
Title: Re: مسئولين من الخير ... الصمغ العربي ده قروشه وين والنايم بيها منو ؟
Author: يحي قباني
Date: 01-21-2014, 06:43 PM
Parent: #1
ضربت عمنا قوقل قلت اشوف الخبر ...
لقيت الكلام ده :
Sudan, Chad, and Nigeria, which in 2007 together produced 95% of world exports,
have been in discussions to create a producers' cartel.
CARTEL عديل كده ؟
تخيل لما نيجيريا و السودان يتفقوا ؟
ده زي زمان لو الكضمي اتفق مع حيدر قطامه انو يمشو يفرتقو حفله !!!
|
Post: #3
Title: Re: مسئولين من الخير ... الصمغ العربي ده قروشه وين والنايم بيها منو ؟
Author: ملهم كردفان
Date: 01-21-2014, 11:07 PM
Parent: #2
هو نحنا بيناتنا قادرين نتفق ياقبانى عشان نتخت نيجيريا
عدم اتفاقنا رابطنا فى قعر بير مظل لم ونيجيريا ماشه لى قدام
...
الطبق ده هديه لى بنيتك
والصمغه الفراديه دى تطلع تجيبا برااااك ياحبيب
احترامى
|
Post: #4
Title: Re: مسئولين من الخير ... الصمغ العربي ده قروشه وين والنايم بيها منو ؟
Author: يحي قباني
Date: 01-22-2014, 01:56 AM
Parent: #3
Quote: هو نحنا بيناتنا قادرين نتفق ياقبانى عشان نتخت نيجيريا
عدم اتفاقنا رابطنا فى قعر بير مظل لم ونيجيريا ماشه لى قدام
...
الطبق ده هديه لى بنيتك
والصمغه الفراديه دى تطلع تجيبا برااااك ياحبيب |
ملهم يا جميل ...
شفت انحنا حد معرفتنا بالصمغ العربي ياهم الصورتين ديل ...
ولما نتفلسف نقول الشدر الكبار فوقو الصمغ ...
او لما كنا طلبه نشتري الصماغه القزاز ام راس بلاستيك مشطوف ديك ...
غير كده ... الصمغ العربي كانتاج و تصدير ... دايما خط احمر ...
عمرنا ما سمعنا انتاجنا كم ... منو البتفاوض في بيعه في البورصه ...
بتصدر كيفن ... بدخل عمله صعبه قدر شنو .....
و للامانه في فتره زمان سمعنا بي قصة واحد كان مسؤول و يعتبر مندوب السودان
لزمن طويل كان مسئول من بيع الصمغ ... و الجماعه غدروهوا عشان يلهفوا ...
يعني عندك مثلاً قصص القطن ( لما كان في قطن ) ... وقصص مشروع الجزيره ...
و زراعة الفول السوداني ... وقصص الخيش ...كلها متداوله ...
اما الصمغ العربي فدايما ... classified
|
|