Post: #1
Title: الهلال يتعادل مع قاهر المريخ الفريق الروسي 2/2 والعالمي حصريا لبكري المدينة
Author: أشرف الرحال
Date: 01-20-2014, 06:56 PM
مباراة من 80 دقيقة بواقع 40 دقيقة لكل شوط انتهى الشوط الاول بتقدم الروس 1/ صفر وفي الشوط الثاني تقدم الروس بالهدف الثاني ليقلل بكري المدينة من الفارق باحرزه الهدف الاول عن طريقة ضربة جزاء وبعدها يضيف نفس اللاعب هدف الثاني والتعادلي للهلال
عكســـــة :- دائما بنجيب ليكم حققكم بحكم الجيرة يا ناس العرض جنوب  اين الفريق البافاري يا محمد البشرى عشان نشيل ليهم حقهم كمان منهم
مودتي
الرحــــال
|
Post: #2
Title: Re: الهلال يتعادل مع قاهر المريخ الفريق الروسي 2/2
Author: nazar hussien
Date: 01-20-2014, 06:59 PM
Parent: #1
فريق يحرز فيه بكري المدينة هدفين دا اخد آخرو
|
Post: #3
Title: Re: الهلال يتعادل مع قاهر المريخ الفريق الروسي 2/2
Author: nazar hussien
Date: 01-20-2014, 07:01 PM
Parent: #2
بكري المدينة دا ابجديات الكورة ما بعرفا
بكونوا اتمحنوا فيه ساكت وخلوه يجيب
قونين.
زول يسبق الكورة ويثبت بي ركبتو دا ما تحدثني بيه
|
Post: #4
Title: Re: الهلال يتعادل مع قاهر المريخ الفريق الروسي 2/2
Author: nazar hussien
Date: 01-20-2014, 07:03 PM
Parent: #3
عشان كده ما تطمن رقبتك ولا الهلالاب
بكري الجاب الهدفين دا في الدوري
حقنا داك اب كترابة ما حا يلعب
|
Post: #5
Title: Re: الهلال يتعادل مع قاهر المريخ الفريق الروسي 2/2
Author: أشرف الرحال
Date: 01-20-2014, 07:18 PM
Parent: #2
| Quote: فريق يحرز فيه بكري المدينة هدفين دا اخد آخرو |
ليه كدا !!!!!!!!!!!!!! مش مهاجم بكري في الهلال والمتخب القومي وجاب اقوان على مستوى المحلي والقاري اها كمان دخل العالمية القديتونا بيها الان بكري المدينة من العقرب للعالمي
عكســــة :- بالله مش المفروض نسمي بكري المدينة بالعالمي
مودتي
الرحـــال
|
Post: #6
Title: Re: الهلال يتعادل مع قاهر المريخ الفريق الروسي 2/2
Author: محمد نور عودو
Date: 01-20-2014, 07:24 PM
Parent: #5
| Quote: الهلال يتعادل مع قاهر المريخ الفريق الروسي 2/2 ( |
سلامات
أشرف
دا تمرين خفيف لزينيت مع هلال أمدرمان ب 800000 ألف دولار مدفوعة من نادي هلال.
تحياتي يا عزيز
|
Post: #7
Title: Re: الهلال يتعادل مع قاهر المريخ الفريق الروسي 2/2
Author: محمد جمعه الخير
Date: 01-20-2014, 07:57 PM
Parent: #6
Quote: دا تمرين خفيف لزينيت مع هلال أمدرمان ب 800000 ألف دولار مدفوعة من نادي هلال.
تحياتي يا عزيز |
بعد اعتزار فريق الريان القطري .
وعلي ذمة الراوي الحكم مدرب لياقة طرد الشغيل ولعب لاعب بدلو .
|
Post: #8
Title: Re: الهلال يتعادل مع قاهر المريخ الفريق الروسي 2/2
Author: ناصر حسين محمد
Date: 01-20-2014, 08:01 PM
Parent: #7
|
Post: #9
Title: Re: الهلال يتعادل مع قاهر المريخ الفريق الروسي 2/2
Author: هجو الأقرع
Date: 01-20-2014, 08:25 PM
Parent: #8
تمرين للفريق الروسى لعب بالمصابين و جزء من الاحتياطى ، مبروووووووك عليهم الفلوس و يلا نومو فى العسل كده
|
Post: #10
Title: Re: الهلال يتعادل مع قاهر المريخ الفريق الروسي 2/2
Author: أشرف الرحال
Date: 01-20-2014, 10:58 PM
Parent: #9
الملعب الذي دارت فيه مباراة رد الاعتبار للجيران في العرضة جنوب
بكري المدينة العالمي جاب قوووووووووووووووووووووووووووووون عالمـــــــــــــــــــــــــــــــي
مودتي
الرحـــــال
|
Post: #11
Title: Re: الهلال يتعادل مع قاهر المريخ الفريق الروسي 2/2
Author: نادر الفضلى
Date: 01-21-2014, 01:33 AM
Parent: #10
المباراة إتلعبت فى ياتو إستاد .. وتذكرة الدخول بى كم .. ودخلها كم؟
وسبب الشوط 40 دقيقة شنو.. وقالوا بدون حساب زمن ضايع لشنو؟
|
Post: #12
Title: Re: الهلال يتعادل مع قاهر المريخ الفريق الروسي 2/2
Author: keiga2000
Date: 01-21-2014, 04:41 AM
Parent: #11
شاهدت المباراة بحكم تمريني في نفس المكان
والله مهزله وضحك والفريق زي ما قالوا ليكم ضمن الفلوس التي دفعت له والظاهر من اجل الفوز لم يرضى ذلك الفريق للصفيراب ان يهزموه فرضوا بالتعادل بعد ان لعب بالصف الثالث وربما بالجهاز الفني وبعض المشجعين الروس
والهلال كما هو معروف بعد ذهاب هيثم اصبح هليل ولو دا مستواكم الحا تلعبوا بيه الدوري الله يعطيكم المركز الرابع
أقتنعت انو السودان دا غير الزعيم مافيه فيه وبعدين عليك الله فريق زي ما قالوا ليكم بكري المدينه يسجل فيه دا فريق
لو لعبوا بنص اللاعبين الذين ادوا مباراة المباراه 6 ما بتكفيكم وهو اصلا تمرين بالنسبة ليهم لكن لما حصل الأغراء بالفلوس رضوا بذلك
وفرحوكم وياريت تختاروا ليكم فريق على حس التعادل دا ويكشف ليكم حالكم
وكاااااااااااااااك أهم ما لفت نظري في التمرين هو اللقاء الاعلامي الذي اجرى مع الصفوة هاروووووون دياب في قناة الشروق فترقبوه قريبا
أبومصطفى
|
Post: #13
Title: Re: الهلال يتعادل مع قاهر المريخ الفريق الروسي 2/2
Author: سفيان بشير نابرى
Date: 01-21-2014, 05:04 AM
Parent: #12
يا اشرف الرحال سلامات
ياخ القصة دي ماااااكدا ياخ القصة ببساطة كالاتي :-
الفريق الروسي كان بيتمرن في ملعب صغيروني كدا زي ملعب السلاح الطبي ( كان مغالطني شوف الفديو) المهم
الروس في تمرينهم داك جو ناس الهلال شايلين كورتهم و شايلين 800 الف دولار و قالو للروس ارح نلعب كورة
الروس قبضو القروش و لعبو مع ناس الهلال باللعيبة الكانو اصلا في الميدان ليهم زمن زيادة علي كدا في لعيبة
كتار من الروس كانو ما متمرنين .
اي زول بقول ليك غير كدا دا ما عارف حاجه .
|
Post: #14
Title: Re: الهلال يتعادل مع قاهر المريخ الفريق الروسي 2/2
Author: Hashim Kassala
Date: 01-21-2014, 08:40 AM
Parent: #13
يا شروفي دي مباراة حلة حلة ساي يعني تجي راكب عجلتك تقيف تتفرج شوية وتمشي وكدا يعني فما تصدعوا راسنا يا ضلنا
|
Post: #15
Title: Re: الهلال يتعادل مع قاهر المريخ الفريق الروسي 2/2
Author: أشرف الرحال
Date: 01-21-2014, 08:44 AM
Parent: #14
هشومي كسلا انت جيت
مودتي
الرحــــال
|
Post: #16
Title: Re: الهلال يتعادل مع قاهر المريخ الفريق الروسي 2/2
Author: keiga2000
Date: 01-21-2014, 09:01 AM
Parent: #15
والله كمان كان سمعتو يا عمر ارقد بي
ويا بويا اضربوا
تضحك وتقتنع بانو الشعب الصفيرابي دا شعب مسكين
وديل ما اظن تقوم ليهم قائمة وحيظلوا محتكرين الصفريــة دي للابد
أبومصطفى
|
Post: #17
Title: Re: الهلال يتعادل مع قاهر المريخ الفريق الروسي 2/2
Author: ملهم كردفان
Date: 01-21-2014, 09:16 AM
Parent: #16
|
Post: #18
Title: Re: الهلال يتعادل مع قاهر المريخ الفريق الروسي 2/2
Author: Hashim Kassala
Date: 01-21-2014, 09:19 AM
Parent: #16
هلالاب كتار في الدوحة رفضوا حضور المباراة باعتبارها إهانة للهليل
هي حصلت الهلال يلعب حلة حلة
|
Post: #19
Title: Re: الهلال يتعادل مع قاهر المريخ الفريق الروسي 2/2
Author: عبد الله فقير
Date: 01-21-2014, 09:22 AM
Parent: #18
كهلالابي حضر المباراة من داخل الملعب
متعة ما بعدها متعة يعلم الله
|
Post: #20
Title: Re: الهلال يتعادل مع قاهر المريخ الفريق الروسي 2/2
Author: أشرف الرحال
Date: 01-21-2014, 09:30 AM
Parent: #19
| Quote: هلالاب كتار في الدوحة رفضوا حضور المباراة باعتبارها إهانة للهلي |
كان كدا الهلال ده جماهيره كبيره في دوحة العرب لان الحضور مقنع مقارنة بالوقت الضيق لاعلان المباراة والتي جاءت في ظروف غير معلنه ولا مبرمجة وتم اعلان عن المباراة في زمن وجيز وضيق قبل اللعب
فعلا الهلال سيد البلد يا هشومي والله نعشقه في كل الظروف
مودتي
الرحــــال
|
Post: #21
Title: Re: الهلال يتعادل مع قاهر المريخ الفريق الروسي 2/2
Author: Hashim Kassala
Date: 01-21-2014, 09:39 AM
Parent: #20
ما قلنا ليك دي كورة في الشارع يعني تجي راكب عجلتك تقيف شوية وتمشي حكاية الجمهور دي ما مقياس خا صة وان منطقة اسباير يأتي اليها كل الجنسيات لممارسة الرياضة
تعرف المنعني أمشي ما عندي عجلة
|
Post: #22
Title: Re: الهلال يتعادل مع قاهر المريخ الفريق الروسي 2/2
Author: ياسر منصور عثمان
Date: 01-21-2014, 09:41 AM
Parent: #21
العالميه فعل لا قول
والعالمي مو حداث
هههههههههه
شابكننا العالمي العالمي 180 دقيقة ولااااااااااا كورنر؟؟
شفتوا العالمي كيف؟؟
ضرب جد..
|
Post: #23
Title: Re: الهلال يتعادل مع قاهر المريخ الفريق الروسي 2/2
Author: أشرف الرحال
Date: 01-21-2014, 10:02 AM
Parent: #22
| Quote: تعرف المنعني أمشي ما عندي عجلة |
انت جيت كداري واستمتعت بالهدف التاني العالمي لبكري المدينة وصفقت كمان لاشعوريا مفتكر دا عنكبة
مودتي
الرحـــال
|
Post: #50
Title: Re: الهلال يتعادل مع قاهر المريخ الفريق الروسي 2/2
Author: طاهر قرشي
Date: 01-21-2014, 06:27 PM
Parent: #14
| Quote: يا شروفي دي مباراة حلة حلة ساي يعني تجي راكب عجلتك تقيف تتفرج شوية وتمشي وكدا يعني فما تصدعوا راسنا يا ضلنا |
أوسكار يا هاشم
|
Post: #24
Title: Re: الهلال يتعادل مع قاهر المريخ الفريق الروسي 2/2 والعالمي حصريا لبكري المدينة
Author: Ibrahim Farah
Date: 01-21-2014, 10:07 AM
Parent: #1
بموقعه الرسمي بتويتر زينت الروسي يستهزيء بعشوائية الهلال..
|
Post: #25
Title: Re: الهلال يتعادل مع قاهر المريخ الفريق الروسي 2/2 والعالمي حصريا لبكري المدينة
Author: أشرف الرحال
Date: 01-21-2014, 10:21 AM
Parent: #24
Quote: Ahmed Bushra
قالوا زينيت رفض مقابلة الهلال
وقابله الهلال
قالوا ملعب المباراة سئ
والمباراة لعبت في أكاديمية إسباير
الرياضية من افضل المنشأت الرياضية
على مستوى العالم
ثم أكدو أنها كانت ودية
ونحن كان قلنا ليكم إنها في
التمهيدي ؟
ما عارفنها ودية
قالو شارك فيها مدرب الفريق واعضاء
الفريق الطبي
إنت بتقول إنها كانت في ملعب سئ
وبدون جمهور
عرفت تفاصيلها من وين ؟
قالوا فرحانين عشان كورة ودية
قلنا عــا جبنا فرحتكم بي فوزكم بالدوري
الالماني الاخدتوهو من بايرن ميونخ
بعيدا عن قلوبكم السوداء وقريبا من
المنطق فظهور الهلال بهذه اللياقة
البدنية والذهنية في بداية الاعداد
مؤشر جيد جدا
داخل النص :
شهر 2 قرررب
وشهر 2 الروضة بتفتح
يلا يا شطار
إشترو لوازم الروضة من هسة
خارج النص :
أقبح مافي الرجل ان يفقد مصداقيته |
مودتي
الرحـــال
|
Post: #26
Title: Re: الهلال يتعادل مع قاهر المريخ الفريق الروسي 2/2 والعالمي حصريا لبكري المدينة
Author: Hashim Kassala
Date: 01-21-2014, 10:21 AM
Parent: #24
يا ابراهيم دي لستة انا افتكرتها روشتة ... اها يا شروفي كدا كويس
it is not a joke والمشكلة قالوا سودانيز ما قالوا هلاليز
|
Post: #27
Title: Re: الهلال يتعادل مع قاهر المريخ الفريق الروسي 2/2 والعالمي حصريا لبكري المدينة
Author: أشرف الرحال
Date: 01-21-2014, 10:51 AM
Parent: #26
أكاديمية إسباير( اكادمية التفوق الرياضي بقطر اسباير ) دي تضاهي ارقى الملاعب العالمية
مودتي
الرحـــال
|
Post: #28
Title: Re: الهلال يتعادل مع قاهر المريخ الفريق الروسي 2/2 والعالمي حصريا لبكري المدينة
Author: أشرف الرحال
Date: 01-21-2014, 11:07 AM
Parent: #27
يا سلام تعال شوف واحكم براك
مشاهدة من البداية دخول اللاعبين والحكام
https://www.facebook.com/photo.php?v=610493659005522
شفنا جمهور وشفنا حكام وشفنا ملعب علي بالايمان حاجة ابهة تاني تجي تقول كلامك ده
بالله ايه رايكم في هدف بكري العالمي التاني ده
مودتي
الرحــــال
|
Post: #29
Title: Re: الهلال يتعادل مع قاهر المريخ الفريق الروسي 2/2 والعالمي حصريا لبكري المدينة
Author: Muhib
Date: 01-21-2014, 11:11 AM
Parent: #28
الاخ الرحال افضل سفير للهلال ..اما صبري فهو مشاكس ومفيد ضد المريخ
|
Post: #31
Title: Re: الهلال يتعادل مع قاهر المريخ الفريق الروسي 2/2 والعالمي حصريا لبكري المدينة
Author: أشرف الرحال
Date: 01-21-2014, 11:21 AM
Parent: #29
الذين تعالت اصواتهم للتبخيس هل شاهدتم الفيديو
المباراة مكتملة الاركان إلا في زمنها 80 دقيقة
حكام المباراة زيها وزي اي مباراة رسمية دي طبعا فيما يتعلق بالذين اشاعوا انها مباراة الحكم الواحد
ملعب مستوفي الشروط لاقامة المباراة والله زي ده لو كان في السودان واحد بس كان اصبح واجهة لنا نفاخر به الامم
جمهور حاضر وبكثافة مقارنة بحجم دولة قطر والله كبير يا هلال جمهورك بجي فيكل الاوقات يعني المباراة دي لو كانت معلنة زي مباراتكم مع قاهركم ده والله كان الناس جات العميان شايل المكسر من البحرين والامارات والسعودية كمان
اقوان عالمية لبكري العقرب العالمي
ول فاتو حق المشاهدة ما عليه الا يضغط هنا https://www.facebook.com/photo.php?v=610493659005522
عكســــة :- بالله يا صبري غلبني اجيب الفديو دا هنا اجيبو كيف ؟
مودتي
الرحــــال
|
Post: #34
Title: Re: الهلال يتعادل مع قاهر المريخ الفريق الروسي 2/2 والعالمي حصريا لبكري المدينة
Author: صبري طه
Date: 01-21-2014, 11:40 AM
Parent: #31
ـــــــــــ
|
Post: #30
Title: Re: الهلال يتعادل مع قاهر المريخ الفريق الروسي 2/2 والعالمي حصريا لبكري المدينة
Author: نادر الفضلى
Date: 01-21-2014, 11:16 AM
Parent: #27
أشرف
سلامات
هسة صور الملعب والمضمار الجبتهم ديل دخلهم شنو بالملعب الإتمرن فيهو الفريق الروسى مع الهلال؟
|
Post: #32
Title: Re: الهلال يتعادل مع قاهر المريخ الفريق الروسي 2/2 والعالمي حصريا لبكري المدينة
Author: أشرف الرحال
Date: 01-21-2014, 11:32 AM
Parent: #30
الاخ نادر ،،، تحياتي
اضغط وشاهد وهات النواقص شنو ؟؟ ده مشهد حي يحكي عن روعة المشهد في كل شئ اناقة في الفريقين وجمال في الملعب وجمهور مستمتع وفوق ده ندية بين الفريقين واقوان عالمية لا يستحقها إلا من كان عالميا فعلا لا قولا هنيئا لك يا بكري المدينة بهذا الهدف العالمي
https://www.facebook.com/photo.php?v=610493659005522
| Quote: هسة صور الملعب والمضمار الجبتهم ديل دخلهم شنو بالملعب الإتمرن فيهو الفريق الروسى مع الهلال؟ |
الصور دي جزء من الاكاديمية العالمية وللا انا غلطان وحا اجيب ليك هذه الاكاديمية وتاريخها وكل المناشط الفيها عشان نعرف نحن لعبنا وين في ملعب ليق ولا ملعب مشهود له بالموصافات ومعاير الجودة العالمية
مودتي
الرحـــال
|
Post: #33
Title: Re: الهلال يتعادل مع قاهر المريخ الفريق الروسي 2/2 والعالمي حصريا لبكري المدينة
Author: ياسر منصور عثمان
Date: 01-21-2014, 11:34 AM
Parent: #32
اكاديمية اسباير ناس المريخ الا يمشوا ليها زيارة زي ما كنا زمان نمشي قاعة الصداقة ...
للفرجة بس..
هههههه
|
Post: #35
Title: Re: الهلال يتعادل مع قاهر المريخ الفريق الروسي 2/2 والعالمي حصريا لبكري المدينة
Author: ahmed khidir
Date: 01-21-2014, 11:49 AM
Parent: #33
اشرف رحال وضيوفه الكرام.
شاهدته المبارتين من داخل الملعب
وللحقيقه الفرق شاسع ما بين المباريتين
لعب الهلال مباراة جيده جدا قياسا بي مستوي المريخ
في مباراته مع الفريق الروسي
نتيجة مباراة الهلال مع الروس ازعجت كتير من محبي المريخ
لذلك تجد التقليل من قيمة المباراة ... وفيهم من يتحدث عن زمن المباراة
وفيهم يقول انها عباره تمرين .....
تخريمه وللذكري والتاريخ.
المريخ سيعاني هذا الموسم
في الهجوم ومتوسط الدفاع
|
Post: #36
Title: Re: الهلال يتعادل مع قاهر المريخ الفريق الروسي 2/2 والعالمي حصريا لبكري المدينة
Author: شهاب الفاتح عثمان
Date: 01-21-2014, 12:14 PM
Parent: #35
|
Post: #37
Title: Re: الهلال يتعادل مع قاهر المريخ الفريق الروسي 2/2 والعالمي حصريا لبكري المدينة
Author: صبري طه
Date: 01-21-2014, 12:18 PM
Parent: #36
بنفس منطقك دا يا شهاب الفاتح ...
لم يُشارك البايرن أمام المريخ بتشكيلته الأساسية دُفعة واحدة ...
بعضهم شارك في الشوط الأوّل جنباً إلى جنب مع مجموعة من الفريق الرديف ...
وأيضاً هذا ما حصل في الشوط الثاني ...
بمعنى نتيجتكم بالخسارة بهدفين أمام البايرن لم تكن أمام التشكيلة الأساسية دُفعة واحدة ...
شُفت كيف .. براك مشيت تهابش .. أها أبلع !!
|
Post: #39
Title: Re: الهلال يتعادل مع قاهر المريخ الفريق الروسي 2/2 والعالمي حصريا لبكري المدينة
Author: أشرف الرحال
Date: 01-21-2014, 12:31 PM
Parent: #37
Quote: اشرف رحال وضيوفه الكرام.
شاهدته المبارتين من داخل الملعب
وللحقيقه الفرق شاسع ما بين المباريتين
لعب الهلال مباراة جيده جدا قياسا بي مستوي المريخ
في مباراته مع الفريق الروسي
نتيجة مباراة الهلال مع الروس ازعجت كتير من محبي المريخ
لذلك تجد التقليل من قيمة المباراة ... وفيهم من يتحدث عن زمن المباراة
وفيهم يقول انها عباره تمرين .....
تخريمه وللذكري والتاريخ.
المريخ سيعاني هذا الموسم
في الهجوم ومتوسط الدفا |
وشهد شاهد عايش حدث المباراة للفريقين مع الدب الروسي الذي تذوق لدغة العقرب العالمي بكري المدينة
شكرا احمد خضر على هذه الافادة وانت شاعد عيان وليس كمن سمع
معاناة المريخ واضحة من تجربتيه مع البايرن وزينيت لا قون ولا ركنية ساي يا كافي البلا
مودتي
الرحــــال
|
Post: #38
Title: Re: الهلال يتعادل مع قاهر المريخ الفريق الروسي 2/2 والعالمي حصريا لبكري المدينة
Author: عثمان الأمام
Date: 01-21-2014, 12:23 PM
Parent: #35
كونو المرخرخ يتغلب 3 من زينت
وعادى جدا" بياخد تلاتة من سيد البلد
فالطبيعى تنتهى المباراة تعادل
وكونو قريب 20 لاعب لاعبين 180 دقيقة وما جابو قوون واحد وبعض الروايات كورنر ساى لله مافى
وبكرى المدينة إحتياطى سيد البلد يجيب قونين فده طبيعى جدا" نتيجة للفرق بين سيد البلد وضلو :)
وكونوا الوصيفاب يفرحو شان اتغلبو اتنين بس من بايرن وتلاتة بس من زينت وأسياد البلد زعلانين شان التعادل
فده طبيعى جدا" على قدر أهل العزم تأتى الهزائم :)
وزى ما قال مدرب زينت الروسى لو كان المريخ فريق عالمى يبقى الهلال من كوكب آخر.
هذا والحمدلله على نعمة أنو تشجع سيد البلد.
|
Post: #40
Title: Re: الهلال يتعادل مع قاهر المريخ الفريق الروسي 2/2 والعالمي حصريا لبكري المدينة
Author: محمد البشرى الخضر
Date: 01-21-2014, 01:02 PM
Parent: #38
يا أشف بعيدا عن مناكفة هلال مريخ, هل فعلا دفع الهلال المبلغ المذكور, ولاّ شتل وصيفاب ساي؟
|
Post: #42
Title: Re: الهلال يتعادل مع قاهر المريخ الفريق الروسي 2/2 والعالمي حصريا لبكري المدينة
Author: عبد الله فقير
Date: 01-21-2014, 01:21 PM
Parent: #40
Quote: محمد البشرى الخضر
يا أشف بعيدا عن مناكفة هلال مريخ, هل فعلا دفع الهلال المبلغ المذكور, ولاّ شتل وصيفاب ساي |
ياود البشرى
هو ده بس الشتل
قالو المباراة ما فيها حكام
وقالو الملعب ما قانوني
وقالو
وقالو
يعلم الله شككونا في الكورة الحضرناها بي عيونا
|
Post: #43
Title: Re: الهلال يتعادل مع قاهر المريخ الفريق الروسي 2/2 والعالمي حصريا لبكري المدينة
Author: محمد البشرى الخضر
Date: 01-21-2014, 01:34 PM
Parent: #42
يا عبدالله الشتل التاني ناس حكام و استاد وبتاع كلو هيّن, لكن يطلع الهلال دافع مبلغ زي دا في ظروفه المعروفة دا يبقى سفه فايت الحد!!
|
Post: #41
Title: Re: الهلال يتعادل مع قاهر المريخ الفريق الروسي 2/2 والعالمي حصريا لبكري المدينة
Author: عمار يس النور
Date: 01-21-2014, 01:07 PM
Parent: #38
الوصيفاب موتوا بغيظكم.
يكفي ان موقع الفريق الروسي سمى المباراة بأنها ودية مثلها مثل مبارته مع المرخرخ و الفريق القطري.
هذا هو موقع الفريق الروسي
http://en.fc-zenit.ru/main/calendar/matches/
|
Post: #44
Title: Re: الهلال يتعادل مع قاهر المريخ الفريق الروسي 2/2 والعالمي حصريا لبكري المدينة
Author: Mahmoud Mustafa Mahmoud
Date: 01-21-2014, 02:00 PM
Parent: #41
أيها الناس..
ليس من مصلحة "القمة" في شيء أن يسيء الهلالاب قراءة واقع مستواهم بناءً على تعادل
بأقوان جايبها بكري المدينة ...
المدينة نيلها صفق؟؟
لن نبخس الناس أشياءهم.. ولكن نتمنى في الأول يكون عندهم "أشياء"..
ولا ما كدي؟؟
كااااااااااك..
..
.
|
Post: #45
Title: Re: الهلال يتعادل مع قاهر المريخ الفريق الروسي 2/2 والعالمي حصريا لبكري المدينة
Author: صبري طه
Date: 01-21-2014, 02:05 PM
Parent: #44
| Quote: بأقوان جايبها بكري المدينة ... |
أفضل من راس حربتك الجديد + رمضان عجب !!
مُباراة البايرن يا كافي البلى ما بعرفوا يكسروا التسلّل ...
ياخي أنا القدّامك دا بعرف أكسر التسلّل .. جايبين ليكم مُهاجمين طُرش !!
|
Post: #46
Title: Re: الهلال يتعادل مع قاهر المريخ الفريق الروسي 2/2 والعالمي حصريا لبكري المدينة
Author: Mohamed Foto7li
Date: 01-21-2014, 02:21 PM
Parent: #45
والله المريخاب امركم عجيب
==================================
تحياتي اشرف
|
Post: #47
Title: Re: الهلال يتعادل مع قاهر المريخ الفريق الروسي 2/2 والعالمي حصريا لبكري المدينة
Author: أشرف الرحال
Date: 01-21-2014, 02:52 PM
Parent: #46
Quote: كهلالابي حضر المباراة من داخل الملعب
متعة ما بعدها متعة يعلم ال |
يا سلام يا عبدالله فقير بالله احكي لنا عن جالب المتعة لكل السودانيين في دوحة العرب هلال البلد
احكي لينا عن المشهد من حيث الجمهور والحضور والملعب ورونقه وعن الفريق الروسي واداء سيد البلد
مودتي
الرحــــال
|
Post: #48
Title: Re: الهلال يتعادل مع قاهر المريخ الفريق الروسي 2/2 والعالمي حصريا لبكري المدينة
Author: أشرف الرحال
Date: 01-21-2014, 04:43 PM
Parent: #47
اها من موقع الفريق الروسي تابع الحدث
كبير يا سيد البلد
http://en.fc-zenit.ru/main/video/gl3879/
مودتي
الرحــــال
|
Post: #49
Title: Re: الهلال يتعادل مع قاهر المريخ الفريق الروسي 2/2 والعالمي حصريا لبكري المدينة
Author: عبد الله فقير
Date: 01-21-2014, 05:13 PM
Parent: #48
Quote: محمد البشرى الخضر
يا عبدالله الشتل التاني ناس حكام و استاد وبتاع كلو هيّن, لكن يطلع الهلال دافع مبلغ زي دا في ظروفه المعروفة دا يبقى سفه فايت الحد |
ياهندسة سلامات
ماحاقدر انفي او ااكد ليك
لكن .......
سؤالك ده ومعاهو سؤال تاني سالتو لي رئيس البعثة شخصيا ونفي
الرحال يا سيد بلد
والله بعيدا عن المناكفة بتاعة هلال مريخ وانا كهلالابي كنت موجود في الملعب من قبل بداية المباراة بديك اللمحات دي عن الكورة
الكورة بدت بارتباك واضح لدفاع الهلال كان ممكن ينتج عن اكتر من هدف
بشة وكاريكا والمعز ظهرو بستوي ضعيف خلال جدا جدا مشاركتم
نزار حامد كان نجم المباراة رغم انو مالعبا كلها ثبات - فنيات عالية موظفة بي صورة جيدة - قرأ’ة سليمة للملعب
اثيرتوماس انقذ هدف محقق للروسي بباكورد من علي خط المرمي الخالي
التحكيم كان جاد واستعمل الكروت الصفراء اكثر من مرة
في الشوط الثاني الهلال تسيد الملعب تماما
بكري المدينة اتعب الروس بي تحركاتو المزعجة بي لياقة عالية جدا
ماحسيت للحظة واحدة انو الروسي اتعامل مع المبارة بعدم جدية
|
Post: #51
Title: Re: الهلال يتعادل مع قاهر المريخ الفريق الروسي 2/2 والعالمي حصريا لبكري المدينة
Author: Mahmoud Mustafa Mahmoud
Date: 01-22-2014, 06:46 AM
Parent: #45
| Quote: مُباراة البايرن يا كافي البلى ما بعرفوا يكسروا التسلّل ... |
كدي يا صبري جرب الحرجل على الريق.. جايز ينفعك ياخ..
..
.
|
Post: #52
Title: Re: الهلال يتعادل مع قاهر المريخ الفريق الروسي 2/2 والعالمي حصريا لبكري المدينة
Author: أشرف الرحال
Date: 01-22-2014, 07:41 AM
Parent: #51
| Quote: سؤالك ده ومعاهو سؤال تاني سالتو لي رئيس البعثة شخصيا ونفي |
رئيس البعثة نفى المبلغ المزعوم زي نفي جمال الوالي وعبد الصمد الـ12 مليار مع تأكيد قناة الدوري والكأس
طيب وين المشكلة الان يا ناس المريخ والله ما عارفين تقولوا شنو مرة مبارة دية ومرة الموقع بتاع الفريق الروسي ما جابها ومرة الملعب بتاع حواري وجمهور مافي كله طلع ملوص والله موتوا بمغصتكم انا عارف الهلال ده دائما قاتل ليهو ضل ، ان شاء الله المباراة تكون في ميدان الحرية بتاعنا في الديم وين المشكلة مش لاعبين مع الفريق الروسي الضربكم 3/صفر مع الرحمة وللا لاعبين مع ديم سلمان او الديم وسط (في ميدان الحرية ممكن الطريق بالصدفة يخليك تجي تشوف المباراة سواء كداري او راكب عجلة فهل الصدفة جابت واحد منكم
عكســـة :- العالمية دي اتفصلت على بكري المدينة في واحد فيكم يقول غير كده
مودتي
الرحــــال
|
Post: #53
Title: Re: الهلال يتعادل مع قاهر المريخ الفريق الروسي 2/2 والعالمي حصريا لبكري المدينة
Author: عبدالعظيم كسلاوي
Date: 01-22-2014, 08:54 AM
Parent: #52
تحية طيبة يا رحــــاااااااال
المريخااااب هم زعلانيين ليــه ؟؟
احنا الهلالاب مقتنعين ان الهــلال سيد البلد
ادنــاه مقال الاخ ياسين
مبروك زينت.. هاردلك الأسياد..!!
الثلاثاء, 21 يناير 2014 09:37
* من حسن حظ الدب الروسي أن الهلال في بداية معسكره الإعدادي ولم يستعد كلياً للقاء الذي جرى أمس والذي نال فيه الروس تعادلاً غالياً أمام سيد البلد، شخصياً محبط جداً للنتيجة التي تحققت بالتعادل لأن سيد البلد عودنا دائماً على الفوز والانتصارات لذلك فمن غير المعقول أن نهلل للتعادل حتى وإن كان أمام زينت الروسي..!!
* ولو أن الكثيرين شاهدوا فرحة "عالمي لا تكلمني" لظن من الوهلة الأولى أن المريخ تغلب على البايرن وزينت معاً، ولكن الدهشة ستطوق المكان إذا علم الناس أن المريخ خسر المباراتين معاً ولم يقدم حتى ما يقنع أن هنالك فريقاً للكرة ينازل الأوربيين ومع ذلك إستطاع إعلامه أن يقنع جمهورهم المسكين بان فريقهم عالمي وأنهم "ما هينين"..!!
*
وهنا يكمن الفرق بيننا كأسياد بلد وبين الآخرين دون اللجوء للمسميات من وصافة وغيرها لأننا لا نضمن استمرار تمسكهم بالوصافة في ظل وجود الاهلي شندي والخرطوم الوطني في ثوبه الجديد لذلك سنكتفي بذكر "الراس" ونترك القاطرة تتغير وفق الظروف والمعطيات..!!
* كسب النادي الروسي تجربة مفيدة أمام الأسياد بعد أن كشف هجوم الهلال إمكانية اختراق الدفاع الروسي بكل سهولة حينما فتح الموج الأزرق ثغرات واضحة في الدفاعات الروسية ووصل شباكه مرتين، ولعل في هذا فائدة كبيرة لمدرب زينيت الذي ظن أنه يمكن له أن يحرز ثلاثة أهداف طالما أن الفريقين سودانيان وما درى أن أبطأ السحب في المسير الجهام..!!
* بالكاد يكون الهلال استفاد بعض الشيء من هذه المباراة العادية والتي لم تكن تحتاج مثل هيلمانة "الجماعة إياهم"، ولعل التعادل هذا هو الذي سيلفت نظر العالم إلى الكرة السودانية لأنك تحتاج كي تلفت نظر الناس إليك إلى إحداث مفاجأة مذهلة، ولكن أن تخسر بهدفين أو ثلاثة أو أربعة أو 12 فتلك في النهاية خسارة متوقعة ستحافظ على أسهم الفريق كما هي، وهو عين ما حدث في مباراة المريخ الذي لم "يشتغل" به أحد إلا جماهيره وأقطابه..!!
* وتعادل الهلال أمس أمام الدب الروسي سيجعل الناس يلتفتون بقوة إلى الكرة السودانية التي وقفت في وجه فريق لا يقهر وأجبرته على التعادل معه، والوصول مرتين إلى مرمى الدب الروسي يقول إن الهلال لعب مباراة مفتوحة وليس كرفيق دربه الذي لعب بطريقة "9/1" لأن الهلال يحترم مكانته ولا يجامل فيها أبداً مهما كان حجم المنافس..!!
* الآن فقط يمكن أن نقول مبروك للكرة السودانية هذا الظهور المشرف، ويمكن لأهل المريخ أن يصمتوا "ويخلونا نشتغل" بدلاً من جعجعة المهزوم التي ظلوا يمارسونها خلال الأيام الفائتة، والصياح الذي أزعجوا به العالم بالرغم من ان فريقهم هزم في مباراتين و"كمبالا التالتة"..!!
* لله درك يا هلال وأنت تقدم الأجمل دائماً وتمسح وجعاتنا التي خلفها الانهزاميون باحتفالهم العجيب بالخسارات..!!
* لله درك يا هلال وأنت تعلم جمهور الكرة ان الانتصار وحده هو الذي يجعلنا نفرح ونهلل ونخرج للشوارع، وتعلم أؤلئك "الفرحانين" أن التعادل في عرف الأسياد خسارة "عديل كدة"..!!
* لله درك يا سيد البلد وأنت تقول للدب الروسي إن كنت ريحاً فقد لاقيت إعصاراً، وتخرس ألسن الباحثين عن الشماتة والساخرين والذين حرصوا على متابعة المباراة من الملعب ليسخروا فانقلب سحرهم على سحرتهم..!!
* نعتقد أن موسكو خرجت عن بكرة أبيها احتفاءً بلقاء سيد أفريقيا والسودان، ولعلهم وزعوا أمس "حلوى المولد" على الأطفال لمجرد أن حارسهم "أكرموف هاديفتش" استقبلت شباكه هدفان فقط..!!
* ولا نستبعد أن تخرج عليهم صحيفة "هدوف" بخبراً مفاده أن شركة "أب روف" وقعت عقداً لرعاية حارسهم الكريم هذا..!!
* وأن شيخاً قطرياً أهداه سيارة "كرت كرتونة" لتألقه، ثم يأتي ثقيل روسي "زيي" ليسأل عن اسم الشيخ وصورة السيارة التي لم تنشر لنا حتى الآن بالرغم من وجود إعلاميين روسيين مع البعثة أكثر من أفراد البعثة الرسمية ذاتو..!!
* هاردلك سيد البلد.. مبروك لزينيت..!!
اللون الأزرق
* نقول هذا ونشير إلى أن الحكم ألغى هدفاً لنزار حامد بحجة التسلل عزيزي أب شيبة..!!
* هل سيحمل مأمون أب شيبة الحكم مسئولية نقض الهدف أم سيركز على أن ضربة الجزاء لم تكن صحيحة؟؟
* واحدة بواحدة..!!
* لا نستبعد أن تبث هذه المحاضرة الكروية المتميزة في دور العرض الأمريكية وأوروبا الشرقية ودول امريكا الجنوبية وشاشات الأمم المتحدة..!!
* الخسائر تعرض في الصين.. والأصلي محل الأصلي يا سلك..!!
* دفع الهلال 800 ألف دولار ووصل الشباك مرتين وأجبر الروس على التعادل فماذا فعلت الـ12 مليار التي دفعها المريخ فأصبحت ميتة وخراب ديار..!!
* لسنا مغرورين لأننا لسنا مستجدي نعمة، والعز موجود في الهلال منذ قديم الزمان، وصدق من قال "الما بتلقاهو في بيت أبوك بيخلعك"، لذلك سنجعلهم يكلموننا "عادي" رغم الفوارق بيننا عسى ولعلهم يتعلمون شيئاً "ليهم ولي زمانهم"..!!
* الهلال مدرسة كبيرة، ومؤسسة لا تطال مهما بلغ علو مقصورتهم لذلك تركناهم يفرحوا لحين ميسرة..!!
* أخسروا.. إنتو يا وصيفاب.. نجيكم نحن بس بالتار..!!
* أسياد بلد.. وكلمونا عادي ما تخجلوا..!!
* أقم صلاتك تستقيم حياتك..!!
* صلي قبل أن يصلى عليك..!!
* ولا شيء سوى اللون الأزرق..!!
|
Post: #54
Title: Re: الهلال يتعادل مع قاهر المريخ الفريق الروسي 2/2 والعالمي حصريا لبكري المدينة
Author: أشرف الرحال
Date: 01-22-2014, 02:19 PM
Parent: #53
Quote:
تحية طيبة يا رحــــاااااااال
المريخااااب هم زعلانيين ليــه ؟؟
احنا الهلالاب مقتنعين ان الهــلال سيد البلد
ادنــاه مقال الاخ ياسين |
هلا يا كسلاوي وينك يا اخ مشتاقين والله شهور ما شفناك عساك انت والعائلة بخير
المريخاب ديل طاير ليهم عالمية ساي
مرحب بمقال الصديق العزيز يس على يس (الزعيم الما خمج داك )
| Quote: * ولو أن الكثيرين شاهدوا فرحة "عالمي لا تكلمني" لظن من الوهلة الأولى أن المريخ تغلب على البايرن وزينت معاً، ولكن الدهشة ستطوق المكان إذا علم الناس أن المريخ خسر المباراتين معاً ولم يقدم حتى ما يقنع أن هنالك فريقاً للكرة ينازل الأوربيين ومع ذلك إستطاع إعلامه أن يقنع جمهورهم المسكين بان فريقهم عالمي وأنهم "ما هينين"..! |
ده فقع مرارتهم بالجد ولسع ما شفت محمد عبدالماجد
مودتي
الرحــــال
|
|