سمعة السودانيين بالخارج!!!!

يا شباب صراحة اليوم عاوز اتناقش معاكم في موضوع سمعة السودانيين بالخارج و خاصة دول الخليج .... بالأمس كنت في زيارة لصديق سعودي كان يعمل بوزارة الداخليه و اوقف عن العمل و تم التعميم عليه و حجزت سيارته وأصبح لا يفارق شقته و التي عجز عن سداد ايجارها بسبب سودانيين نصبوا عليه و اليكم التفاصيل ... قال تعرفت على سوداني متدين وملتحي و حريص على اداء الصلوات في جماعه في مواقيتها و عرض علي مشروع تجاري او بالاصح صفقة تجاريه و هي استيراد بضاعه من الخارج بمبلغ مليون و خمسمائة تقريبا و تباع هنا في المملكه بمبلغ اثين مليون وخمسمائة يعني ربحها حوالي المليون .. ومطلوب مبلغ ثمانمائة الف دفعه مقدمه و قال كان بحسابي مبلغ خمسمائة الف عرضتها عليهم ولكن رفضوا و عرض عليه السوداني انه لديه صديق يمكن ان يشاركهم بباقي المبلغ و فعلا تم التعرف على السوداني الاخ و دفع له مبلغ الثلاثمائة الف و لكن بشرط كتابة شيك و عقد اتفاقيه... بمبلغ خمسمائة الف عبارة عن المبلغ بالاضافه الى الارباح فوافقت و اعطاني المبلغ و حررت له الشيك بالخمسمائة الف .
و رجعت للبيت و اخذت الخمسمائة الف و اخذنا كامل المبلغ الثمانمائة الف و خرجنا لتنفيذ الصفقه .. و في الطريق اوقفني السوداني عند بقاله و كان معنا في السيارة صديقي سعودي و اخر سوداني ... و اخذ المبلغ بدون ان يخطرنا و لم يعد ونتصل عليه لا يرد و بعد فترة حوالي ساعه رد و قال ان المبلغ معه و انه صار عليه حادث و سوف يحضر ..... و بعد فترة قفل جواله و لم نستطيع الوصول اليه و ثاني يوم ذهب الى السفارة السودانيه بالرياض و استقبلوه استقبال جيد ولكن لم يستطيعوا إن يخدموه لان الشخص ما زال بالمملكه وليس عليه بلاغ ولا صك من المحكمه ... و تم فتح بلاغ بالشرطه و بعد يومين تم الامساك بالسوداني في جده و لكن طبعا ليس معه المبلغ و تم حجزه بالشرطه ... و لكن المشكله الكبرى السوداني الاخر صاحب الشيك بمبلغ الخمسمائة الف فتح بلاغ بالشرطه تم بموجبه استدعائه من العمل مما اضره الى ترك العمل و تم التعميم عليه و علي سيارته .

سلام طارق

فى خلافات مالية .. ومرات احتيال .. بتحصل من افراد ... لكن صعب نقول (سمعة السودانييين) كلهم .. بتعميم زى ده
لانو الناس ما ملائكة .. بتلقى فيها كده وكده ..

واذا جيت للحالات الزى دى
شوف فى كم سوداني .. نصب عليه السعودييين
وشوف فى كم سوداني الكفيل بظلمو فى رواتبو ومخصصاتو
وشوف فى كم سودانى لو ما دفع للكفيل دم قلبو ما بديهو معاملاتو الورقيه
وشوف وشوف وشوف وشوف


من يفتكر انو السودانييين (مثاليييين) عليهو مراجعه نفسو وقناعاتو

Quote: سلام طارق فى خلافات مالية .. ومرات احتيال .. بتحصل من افراد ... لكن صعب نقول (سمعة السودانييين) كلهم .. بتعميم زى ده لانو الناس ما ملائكة .. بتلقى فيها كده وكده .. واذا جيت للحالات الزى دى شوف فى كم سوداني .. نصب عليه السعودييين وشوف فى كم سوداني الكفيل بظلمو فى رواتبو ومخصصاتو وشوف فى كم سودانى لو ما دفع للكفيل دم قلبو ما بديهو معاملاتو الورقيه وشوف وشوف وشوف وشوف من يفتكر انو السودانييين (مثاليييين) عليهو مراجعه نفسو وقناعاتو

سلام مطبوق طارق

2008 معانا سوداني نصب علي كمية من العمال والموظفين في الشركة
وسافر السودان وما رجع المهم قابلني مصري وشبكني ما تقول انت سوداني
عشان فلان السوداني عمل وعمل طوالي سمعتو كلمتين وتاني بقي يقابلني يخلي لي الشارع

أها احكي قصة تانية زميلنا سوداني كان بشحد الفلسطنين حق الفطور دي معانا نحنا كلنا شحادين

يا زول التعميم ما ظريف في حقنا كسودانين الموقع مقروء للجاليات التانيه الفي الخليج ومافي داعي لي نشر الغسيل الوس خ

يا شباب انا بتفق معاكم تماما
دائما التعميم مخل ..
لذلك ما زال الخليجيون يحترمونا و يثقوا فينا...
لكن مثلنا السوداني الاصيل بقول
الشر يعم ... و الخير يخص
و المشاكل الزي دي لما تكتر و تظهر و تطفوا على السطح
اكيد بتبب لينا نوع من الضيق و الاحراج

عني شخصيا انا شايف انو في مشكلة ذي دي فعلا .....ملاحظة بالذات في السعودية .....وطبعا في داخل السودان بشكل اوضح...والشواهد كتيرة
والسوداني ليس ملاك ولكن هناك اسباب كتيرة ادت لانتشار ظاهرة النصب والاحتيال والكثيرمن الناس الطيبين والسويين ممكن يتحول الي نصاب او دجال اذا تعرض لضائقة
شديدة وعجز فوق الاحتمال ..وحتي بعض الناس يرجع طبيعي جدا بعد زوال الضائقة ويندم علي مابدرت يداة ....واحدة من الاسباب الغريبة وغير المهضومة لهذا السلوك هو "البرستيج" فكونك
مغترب وعايش علي لفل معين صعب التراجع عنو والسمعة الاجتماعية مهمة جدا ....بحكم سنواتي في الغربة اشاهد اناس في منتهي الذوق والرقي في التعامل مع الاخرين ومع اطفالهم
ولكنهم اشخاص اخرون مختلفون حين يتعلق الامر بتاعاملهم المادي مثلا تلفي الواحد يستلف منك قروش ويعمل رايح !!!!!! والكلام هذا ليس تعميما ولكن الظاهرة انتشرت والاسباب موجودة
ونحن من هذا المنبر يمكن ان نساهم في الحل بدون دفن الرؤوس في الرمال وتجهييز الرود المعلبة لهذا النوع من الاسئلة المشروعة..............

(وَلَا تَزِرُ وَازِرَةٌ وِزْرَ أُخْرَى)
ده سلوك شخصي حرام زن يتحمل وزره and#1637;and#1632;and#1632; ألف سوداني