ندوة كُبري فى سنار للمُؤتمر السُودانى.اليوم.25 يناير

المؤتمر السودانى من أجل وطن يسع الجميع

بعد الجنينة سنار
وتستمر لقاءات الوعي والتوعية

وصول وفد قيادي برئاسة الاستاذ ابراهيم الشيخ الى مدينة الجنينة اول الأمس وإجراء اجتماعات مع قيادات الحزب بمدينة الجنينة

سنوافيكم ببعض الصور لاحقا اليوم..


المؤتمر السودانى من اجل وطن يسع الجميع

الندوة غداً الساعة السابعة مساء وهي دعوة لجميع أهالي الجنينة للحضور والمشاركة.

غداً موعدنا والقيادة حضور

حتما حنتصر

بعد زيارة معسكرات النازحين

غداً ندوة كبري لأهلنا فى الجنينة

الندوة فى دار الحزب اليوم الثلاثاء

حي الامتداد
غرب جامع جبرونا

ندوة ناجحة جدا وممتازة للغاية

عندي مشكلة فى رفع صور الندوة..

احلها وارجع ليكم

جانب من حضور الندوة يتوسطهم الأستاذ إبراهيم الشيخ

وتستمر مجهودات المؤتمر السودانى فى رفع الوعي والتوعية بحقوق المواطن في العيش الكريم

بعد نجاح زيارة قيادة الحزب الى غرب دارفور، تتوجه الأنظار الى سنار.

ولنا في سنار دماء غالية
ففيها إغتيل رفيق العمر الماجد الجميل ميرغني محمود نعمان سوميت
ومن أجل نفس المشروع وذات الفعالية
ندوة لبناء الوعي وتشريح الوضع الراهن
الأمل كبير في ضوء تلك البقعة

Quote: سوميت .. جيداً جيت! إلى روح الشهيد ميرغني النعمان سوميت (رئيس اتحاد طلاب جامعة سنار) الذي سقط برصاص الغدر والخيانة بمدينة سنار في يوم 18/6/2000م بطلقة غادرة، ########ة، انتاشته في وجهه وهو ينظر لقاتله. سوميت! يا قمر الليالي الضّلمة كيف مسّيت؟ ما زلنا في نفس الدروب الفيها اندلّيت، لا انقطع خيط الرجا، لا سكت حسّ الغُنا، والهتاف الضّوّ يومك للسّما، مربوط خيطو فوق دنميت. ما زلنا في نفس الدروب القاتلة منتظرين، هلاّ يا صديق مرّيت! بي ضحكة زي وشّ القمر، والعوينات الغامقة، يا بُعد النّظر؛ قول لينا بيت دوبيت! نشيد الثورة حافظنّو، وفجر الثورة راجنّو، ولهب الثورة ما اظنّو، حيحرق غير عويش الظلم والجبروت، ويقفل صفحة الكهنوت، وترجع تاني يا سوميت، في سنار وفي الخرطوم، وفي كل بيت، تقول أنا جِيت! وجيداً جيت! شهيد الثورة جيداً جيت! ومرحب بيك يا سوميت! *** ومشيتَ يا سوميتْ مشيت، للدرب الصعب شقّيت، لي سرج النضال شدّيت، حاشاك ما ضلّيت. وما اتلفتّ ما اتردّدتَ، يوم الواقعة ما اتحجّجتَ، يوم الجرية ما فزّيت! ماك الصبي الرعديد، ياك الفارس الصنديد، ناشوك بالرصاص في العين، والعين شرارا يقيد، جاموس الخلا الراكز، وقفت، ثبتّ ما ولّيت. أتاريك الوِليد سوميت! وجيت راجع، تراك طريت، وجيداً جيتَ يا سوميت! ومرحب بيك يا سوميت! *** ثمّ عبرتَ باطمئنان، من غير آهة من غير صوت، عبرت ميدان الحيا المُغْبَر، ودخلت شارع الموتْ، ممشوق القوام، وسيم أسمر ما اتلفتّ ما اتردّدتَ، قمتَ مشيت، والليلة جيت راجع، تراك طريت، وجيداً جيتَ يا سوميت! مرحب بيك يا سوميت! *** سوميت، يا خيط رفيع من نور، بالليل تلالي، يا دليل السكّة في نصّ الليالي، زي عقد منضوم، بحبّات من نجوم. سوميت، يا سبحة من بلّور، بنحسب بيها يوم بي يوم، وفاضل كم لعهد الجور، يا زمن محسوب، لا مستور ولا محجوب، ولا في الغيب ولا مسحور، لا فيو جنّة لا فيو حور، فيهو النضال مكتوب، بالشمّاسة والجمهور، وفيهو الموت غياب محضور، وزي ما إنت جيت هلّيت، غيابك كان مبيت في البيت، وجيت الليلة جيداً جيت، ومرحب بيك يا سوميت! *** يا سلام يا زول! شايل السلام في إيد، وشايل الحساب في إيد، ورافع كول، تحقّ القول، جوّة الجامعة، برّة الحلّة، جوّة السوق وجوّة المول، تنادي عدييييل، ما مِسْ كول. وأرجل زول! خطير يا ود! وتحلف جد! وتهتف من صميم القلبْ: يعيش الشعب! هُبْ يا شعب! وهبَّ الشعب يا سوميت، وهتف الشعب: يعيش سوميت! يعيش سوميت! وجيداً جيتَ يا سوميت! ومرحب بيك يا سوميت! *** تاني من أوّل جديد، تاني ابتدا المشوار، رفعتَ الكول، تحقّ القول، وراك سنّار، تقول وتقول، تردّد في غناك نشيد، وممّا انتهيتَ بديت. أتاريكَ الوِليد سوميت! وجيداً جيتَ يا سوميت! ومرحب بيك يا سوميت! *** هتافك جوّة في إضنَي، ودمّك حِنّة في إيدّي، وصورتك يا شهيدنا الحي، تناديني وتأشّر لي، وطيفك في المنام قال لي: تراي سوميت! مشيتَ وجيت! وجيداً جيتَ يا سوميت! مرحب بيك يا سوميت! *** عملتَ الزين، ختيت الشين، ويوماً ما عِرفتَ الغي. نجيض ولميض، لسانك مُر، وما فيك ضُر، سوى لعدوك؛ وماك زول نَي. تشيل الهمْ، وما بتِتْهَمْ، وديمة بشوش بتتبسّم! صليب الثورة في كتفيك، تشيلو فداية لي عقَبيك. لا اتبرّمتَ مرّة شكيت، وغير الثورة ما اتمنّيت، وياهو الدُّرتو يا سوميت، وجيداً جيتَ يا سوميت! مرحب بيك يا سوميت! *** صباح الثورة هلّ عليك، صباحنا متين يهل بعديك؟ ومنتظرين ومنتظرين، حنفضل لسّه منتظرين، متكاتفين ومتماسكين، وفي يوم بكرة تَبْ واثقين! وانت معانا يا سوميت، وديمة معانا يا سوميت، وجيداً جيتَ يا سوميت! وجيداً جيتَ يا سوميت! مرحب بيك يا سوميت! محمّد جلال أحمد هاشم الخرطوم ـــ 18/6/2013م

نهديك هذه الكلمات التى سطرها صدقاً أستاذنا الدكتور محمد جلال هاشم

المجد والخلود لسوميت..
والمجد والخلود لجميع شهداء الحرية..

خالص التحايا ليك يا ودشقدي

و ستكون يوم السبت الموافق 25-01-2014 ندوة كبرى في مدينة سنار للمؤتمر السوداني وسنكون حضور انشاء الله وسنوافيكم بالتفاصيل ،، احيء نشاطكم الواسع والمتسارع واحيي رموزكم القوية والتي كان لها نصيب الاسد في لائحة شرف الاعتقالات في هبة سبتمبر الاخيرة ،،

شكرا لكم،، ولي قدام

التحية للشعب السوداني و لكل قوي المعارضة و لحزب المؤتمر السوداني.
القادم هو ثورة الجياع

Quote: و ستكون يوم السبت الموافق 25-01-2014 ندوة كبرى في مدينة سنار للمؤتمر السوداني وسنكون حضور انشاء الله وسنوافيكم بالتفاصي

خالص الشكر يا على دفع الله
مرفق إعلان الندوة، الرجاء المساهمة فى النشر.

غداً جماهير سنار على موعد لحوار حول الأوضاع السياسية فى السودان..

كذلك هم على موعد للتفاكر حول قضايا المنطقة من تردي الخدمات والغلاء الفاحش الذي أثقل كاهل المواطن الفقير..

الدعوة مفتوحة.،وعامة