Post: #1
Title: وهم مطار الخرطوم الجديد
Author: Dr.Elsadig Abdalla
Date: 01-18-2014, 01:44 PM
Parent: #0
ناس ال-CNN ديل مجانيين ..؟
المطار ده حايشتغل بمعزل عن باقي البلد؟
اين شبكات الفنادق ؟أين البنيه التحتيه المصاحبه لهكذا وهم؟
أين الوقود ومن أين ؟؟؟
اين الخدمات الأرضيه والاحترافيه لخدمة هذه الملايينن ؟؟؟أين شركات تموين الطائرات التي توفر وجبات ذات مستوى لهذه الشركات العظيمه
اين النظام المصرفي المحترم والذي يمكن لشركات الطيران العالميه المزعومه دي أن تتثق به ؟؟
اين الخدمات الصحيه التي تكون جاهزه 24/7 لخدمه الملايين العابرين للقارات ديل ؟؟؟؟؟
هل مقاطعة شركات الطيران العالميه لمطار الخرطوم الحالي ،هل السبب فقط لانو المطار غير جيد؟واللا لانو البلد كلها غير جيده ؟
من المعروف في كل المطارات العالميه حسب فهمي إنو شركة الطيران الوطني هي التي تحيي المطار بهذا الحجم من الركاب الترانسيت..زي ماشايفين في دبي وطيران الامارات وفرانكفورت ولوفتهانزا واسطنبول والتركيه ..الخ... وليس الشركات الأجنبه...أين شركة الطيران الوطنيه التي يمكنها أن تجلب هذه الملايين من كل بقاع العالم وتقوم بتوزيعهم مره أخري لوجهاتهم المختلفه ؟
والله العظيم مره صادفت واحد مسافر ترانسيت في مطار الخرطوم ومحجوز معانا في صاله المغادره وعايز يمشي الحمام لانو مافي حمامات بعد تجتاز السيكورتي الأخير
واحد موظف بيقول للتاني ..أمشي معاهو ياخ...يرد عليهو ويقول ليهو ماماشي..هو الجابو بي هنا زاتو شنو ؟؟
|
Post: #2
Title: Re: وهم مطار الخرطوم الجديد
Author: بشير حسـن بشـير
Date: 01-18-2014, 01:54 PM
Parent: #1
.
.
،
ألم وحسره علي ما أصابنا
كذب ونفاق وسوء تخطيط
مع تحياتي
موضوع ذو صله : -
وداعا لوفاتاهانزا والي لقاء قريب
.
،
،
.
.
|
Post: #3
Title: Re: وهم مطار الخرطوم الجديد
Author: سيف النصر محي الدين
Date: 01-19-2014, 00:19 AM
Parent: #2
سلامات يا الصادق
فكرة انو يكون في مطار في بقعة ما يتم اختيارها على اساس جغرافي ليكون نقطة ارتكاز للرحلات الطويلة و Hub تتزود فيه
الطائرات بالوقود و الطعام و الصيانة الخفيفة كما ذكرت ، فكرة ممكن انها تتم في اي حتة. لكن بتفق معاك بالشايفو في السودان
ده الفكرة تبدو شبه مستحيلة. لو توفر الاستقرار السياسي و الاجتماعي ستتحسن الحالة الاقتصادية و ستكون البلاد جاذبة
للاستثمار و مشجعة على بناء المشاريع الطموحة على مثال مشروع المطار هذا ، لكن متى و كيف ؟
|
Post: #4
Title: Re: وهم مطار الخرطوم الجديد
Author: بدرالدين بابكر مصطفى
Date: 01-19-2014, 07:00 AM
Parent: #3
تأكدوا إن الأمر كله مأكلة ضخمة
خطط لها بعناية لإطلاق رصاصة الرحمة على اقتصاد هذا البلد التعيس بحكامه
وبكون في ناس دايرين يغنوا ويلحقوا البقية
وحقو الناس يطلعوا مظاهرات عديل عشان ما يتم المطار دا في الوقت الحاضر
لأنو سيكون مصيره نفس مصير المدينة الرياضية
الراقدة شقق وأرباع من سنة تسعين
لا أثق مطلقاً في أي مشروع يقوم به الفاسدين ديل
أولاً سيكون مجرد تلتيق زي حلة القطر قام
ثانياً سوف يكون منفذاً ومصدراً كبيراً للفساد
يعني مثلاً يجيبوا ليك طوب سعرو 3 مليون بفواتير تبلغ 30 مليون
اسمنت بي 2 مليون يحسبوه ليك 200 مليون
وهكذا
|
Post: #5
Title: Re: وهم مطار الخرطوم الجديد
Author: mohmmed said ahmed
Date: 01-19-2014, 08:05 AM
Parent: #4
دى ذكرتنى طرفة حكاها لينا صديق
قال انا شغال مدرس ابتدائى شلتا من ولد الجيران ديك عملنا بيهو قعدة وما اديتو الطرادا تمن الديك
وفى يوم من الايام بايتة معاى مشيت لى ابوى وقلتا ليهو داير اعرس
رد
على
والله ياولدى انا موافق
لكن قبل العرس كدى ادى ود الجيران الطرادا بتاعتو وبعدين عرس
|
|