مدير قناة النيلين ومُلابسات بث مُباراة المريخ مع البايرن (فيديو)

عشان خاطر هُشام عبّاس ...

هههههههههها وانت فرحان
قالوا للحرامى احلف .. زول سرق بث مباراة وزاعها حيقول شنو يعنى يا صبرى
وكمان فاتح بيه بوست مش كان تجيبوا في بوست نقاشنا ويكون ضمن النقاش وخلاص

على العموم لو قعدت اوضح ليك تناقضات زولك دا بطلعوا ليك كضاب من كلامو
لكن اكتفى بكلام اخونا هارون

Quote: الي خالد الاعيسر ( انت تكذب وتتجمل ) ... بقلم : هارون دياب .... -------------------------------------------------------------------------------- تابعت باهتمام شديييييييييييييييييد اللقاء الذي اجرته فاطنة شاش مع النرجسي حد الدهشة - خالد الاعيسر وادهشني والله ان يكون هناك انسان بهذه الجراءة من الكذب وعلي الهواء مباشرة..... لكن تاكد لي بان كل شي مفبرك عندما حاولت الاتصال اكتر من عشرين مرة علي هاتف القناة وهاتف فاطنة شاش وايضا هاتف النرجسي المتضخم خالد الاعيسر ولم اجد اي فرصة للتداخل ، حيث انهم يعلمون تمام العلم بان هناك من يملك تسجيلا كاملا للمؤتمر الصحفي لرئيس شركة بافاريا ولممثله السيد محمد محسن ومعهم العقيد صديق علي صالح عضو مجلس ادارة نادي المريخ امام الصحافة السودانية . علما بان هناك نسخة تم تسريبها لقناة تلفزيونية اكدت بانها ستذيع منه دقيقة واحدة بينما التسجيل الذي بحوزتي لمدة 33 دقيقة باعلي صورة من النقاء والاحترافية . ( لم استطيع رفعه علي اليوتيوب لقلة خبرتي ) الاستاذ محمد محسن ممثل شركة بافاريا في الخليج والذي وقع عقد مباراة بايرن ميونخ امام المريخ صديق شخصي نقلت له بعد اللقاء مباشرة واثناء المباراة الاستعراضية ماجاء علي لسان خالد الاعيسر من اقوال بحقه وهل صحيح بانه اكد له بانهم لادخل لهم ببث القناة .... فاكد لي بان الرجل ( يقصد الاعيسر ) اتصل به من البداية طالبا الحق الحصري في بث المباراة فطلبت منه تقديم عرض سعر فقال لي اوكي حا ارجع ليك ... ولكنه لم يعود لي مرة اخري ... وعندما حضرنا للدوحة لتوقيع العقد ....طلب منا المريخ حق البث للسودان فوافقنا واكدوا لنا بانهم قد باعو هذا الحق لقناة الشروق...... وان الاعيسر عاد واتصل به مرة اخري ( الكلام لمحسن ) موكدا له انهم سينقلون المباراة عبر قناة الكاس وبشعار قناة الكاس فقلت له يجب ان تتاكد من قانونية هذه الخطوة .... ولم يعد لي مرة اخري . انتهي كلام محمد محسن في هذه الجزئية ....!!!! بالنسبة لي احب ان اوكد للسيد النرجسي المتضخم خالد الاعيسر انو سياسة يجرح ويداوي مابتنفع مع المريخ .... وحكاية انوا هناك صحفيين نرفع لهم القبعات امثال : الرشيد علي عمر محمد عبد الماجد ومعتصم محمود وهناك صحفيين دنيئن .... وانت تجلس مع فاطنة شاش لن يغير من الواقع في شي . انت تعديت علي حقوق المريخ وتطاولت علي المريخ وعلي رئيس المريخ وعلي اعلام المريخ فمافي اي داعي تجي تقول لينا المريخ فوق راسي .....!!!!! اكان المريخ فوق راسك ادفع ليهو قروشو وماتهددنا بالعلاقات القطرية السودانية ممكن تخرب عشان قناة الكاس ادتكم الاشارة بدون وجه حق ..... وحكاية العلاقات الاستراتيجية دي تبلها وتشرب مويته .....!!!!! القائمين علي امر القضية ضد قناتك سيحاسبون امام شعب المريخ اذا تنازلوا قيد انملة عن حق اصيل من حقوق المريخ كفله له القانون . يا تقيف علي حيلك وتعتذر بكل ادب لعموم اهل المريخاب ولمجلس ادارته وتعترف بخطئتك وتلتزم بسداد ماعليك من مقابل مادي للنادي ....او تقعد انت وراس الرمح للقناة كما سميتها انت ( فاطنة شاش ) وكل يوم تعملوا برنامج تقعد تهددنا بي ... الرئيس البشير قال حيحمينا....!!!! ومدير قناة الكاس اكد وقوفه معنا .......!!!!! والكوايته رفضوا.....!!!!! اما حديثك عن الرجل الانسان الدكتور حسن المجمر فانك نسفت مبادرته الصادقة والتي كانت من الممكن ان تحل القضية جزريا اقول نسفتها بتطاولك علي المريخ وعدم التزامك بالخطوط العريضة التي قدمها الدكتور حسن المجمر والتي جعلت الاخوة القانونيين في المريخ في حل عن اي اتفاق معك او مع الدكتور المجمر . اتمني صادقا وانا كنت جزء اصيل من هذه القضية ان يذهب المريخ الي ابعد مدي في هذه القضية كما تعهد امامنا الدكتور جمال الوالي رئيس النادي والفريق طارق الطاهر عثمان الامين العام ( كل علي حده ) بانهم لن ولم يتهانوا في رد كل مكتسبات المريخ مهما كانت الضغوطات . وياريت .... وياريت يلتزم المريخ بمقاطعة هذا القناة ويريحونا ويريحوا نفسهم منقول : منتدي المحبين ... هارون دياب ...

Quote: هههههههههها وانت فرحان قالوا للحرامى احلف .. زول سرق بث مباراة وزاعها حيقول شنو يعنى يا صبرى وكمان فاتح بيه بوست مش كان تجيبوا في بوست نقاشنا ويكون ضمن النقاش وخلاص على العموم لو قعدت اوضح ليك تناقضات زولك دا بطلعوا ليك كضاب من كلامو لكن اكتفى بكلام اخونا هارون

فتحت بيهو بوست جديد عشان يكون معروف للقُرّاء ...

ثمّ ياخي طلّع لي تناقضاتو عليك الله ...

أهو الفيديو قدّامي .. وأيّ شطحة حأوقفك في علبك طوّألي ...