لا مكاواة ولا تشفي.. لكن وينو زول البوست داك؟؟

Post: #1
Title: لا مكاواة ولا تشفي.. لكن وينو زول البوست داك؟؟
Author: عمر الفاروق
Date: 01-17-2014, 07:29 PM
Parent: #0

ما عندي طاقة كلام والله.. ولاااا الاجواء بتسمح..
رحم الله محمود عبد العزيز..
ورحم الله مصطفى سيد احمد..
لكن في زول هنا قبل سنة قال الناس العاملة بتحب محمود عايزة تقشر بي موتو في نفس يوم مصطفى وعايزة تستغل النقطة دي..
انا راهنتو زي ما راهنت قبل كده حبيبنا حمد عبد الغفار.. وقلت ليو يا زول انا حدددي معاك مرور سنة لي محمود وح تشوف العجب العجاب يوم تأبين محمود.. وح تعرف الفرق بين تعداد حضور كل تأبينات مصطفى في الطاشر سنة دي وفي كل انحاء العالم ما حتساوي ربع حضور جمهور ومحبين محمود في أول تأبين ..
الان وحسب شهود العيان ومن جوة نادي الضباط الاحباب مزمل خيري وزهير بينقلو لي في تفاصيل ولحظات مهيبة و جمهور خرافي ربما تحول لكارثة للدرجة اللي حلف لي فيها مزمل انو ما قدر يطلع موبايلو من جيبو عشان يصوور فاضطر اسة طلع من النادي حتي قدر ينقل لي المشهد..
الزول ده وينو وبوستو وينو؟؟؟هي ليست مكاواة ولا تشفي فكلهم فناني بلادي..لكن ما خاب من راهن علي محمود وجمهور محمود..وخااااسر ثم خاااسر من يحاول ان يمس ويقلل من شأن محمود وجمهور محمود..

Post: #2
Title: Re: لا مكاواة ولا تشفي.. لكن وينو زول البوست داك؟؟
Author: عمر الفاروق
Date: 01-17-2014, 07:37 PM
Parent: #1

وللعلم فقط..تحول يوم 17 يناير لليوم الذي مات فيه فنان السودان الظاهرة الفنان محمود..ويؤسفني اقول الكلام ده بس الحصل انو فعلا يكاد يتنسي انو ده يوم موت مصطفى الا من قلة قليلة محبة حقيييقي لي مصطفى الفنان وليس محبي مصطفى بتاعين القشرات وثقافة ثقافة..

Post: #3
Title: Re: لا مكاواة ولا تشفي.. لكن وينو زول البوست داك؟؟
Author: عمر الفاروق
Date: 01-17-2014, 07:38 PM
Parent: #1

وللعلم فقط..تحول يوم 17 يناير لليوم الذي مات فيه فنان السودان الظاهرة الفنان محمود..ويؤسفني اقول الكلام ده بس الحصل انو فعلا يكاد يتنسي انو ده يوم موت مصطفى الا من قلة قليلة محبة حقيييقي لي مصطفى الفنان وليس محبي مصطفى بتاعين القشرات وثقافة ثقافة..

Post: #4
Title: Re: لا مكاواة ولا تشفي.. لكن وينو زول البوست داك؟؟
Author: أيمن محمود
Date: 01-17-2014, 07:46 PM
Parent: #3

Quote: ويؤسفني اقول الكلام ده بس الحصل انو فعلا يكاد يتنسي انو ده يوم موت مصطفى الا من قلة قليلة محبة حقيييقي لي مصطفى الفنان وليس محبي مصطفى بتاعين القشرات وثقافة ثقافة

بعد كم طاشر سنة ده برضوا حا يحصل بالنسبة لذكرى محمود عبد العزيز !
تراهن؟!

لهما الرحمة والمغفرة - ولكل طعمه الخاص الجميل والمميز

Post: #5
Title: Re: لا مكاواة ولا تشفي.. لكن وينو زول البوست داك؟؟
Author: خالد عبدالوهاب
Date: 01-17-2014, 07:50 PM
Parent: #4

داير تقارن اول تأبين لمحمود بي التأبين رقم 17 لمصطفى سيداحمد؟؟

Post: #6
Title: Re: لا مكاواة ولا تشفي.. لكن وينو زول البوست داك؟؟
Author: عمر الفاروق
Date: 01-17-2014, 07:53 PM
Parent: #5

لا..بقارن بين اول تأبين لي محمود بي تأبين مصطفى قبل 17 سنة..

Post: #7
Title: Re: لا مكاواة ولا تشفي.. لكن وينو زول البوست داك؟؟
Author: عمر الفاروق
Date: 01-17-2014, 07:55 PM
Parent: #6

وزي ما قبلها الناس استدلت بي جماهيرية مصطفى العريييضة بعدد مستقبلي جثمانه في المطار فاضطررنا للانتظار لحدي ما يموت محمود ويجي جثمانه عبر المطار عشان الناس تقتنع..

Post: #8
Title: Re: لا مكاواة ولا تشفي.. لكن وينو زول البوست داك؟؟
Author: عبدالحفيظ ابوسن
Date: 01-17-2014, 08:01 PM
Parent: #6

سلام عمر وضيوفه
وتذكر قبل 18 عام لا يوجد نت
احب محمود ومصطفي
مصطفي مشروع كامل للوطن والفن والشعر والسلوك
رحمهما الله
فقد امتعا جمهورهما

Post: #9
Title: Re: لا مكاواة ولا تشفي.. لكن وينو زول البوست داك؟؟
Author: خالد عبدالوهاب
Date: 01-17-2014, 08:09 PM
Parent: #8

انت داير تقول شنو يعني؟
وبعدين قست اعداد الناس في التأبينين بي ياتو عددوميتر؟؟

انت حضرت تأبين مصطفى في الحصاحيصا؟
حضرت يوم دفن مصطفى في ود سلفاب ولا بتتكلم ساي؟
لا والمدهش انك تأبين محمود ذاتو ماحضرتو ومع ذلك قاعد تغالط في انو عدد الناس اكتر!!

اسي المعركة دي ليشنو؟
ايي عارفنك بتحب محمود (ربي يرحمو) لكن المنافسة دي لازمتها شنو اسي

Post: #11
Title: Re: لا مكاواة ولا تشفي.. لكن وينو زول البوست داك؟؟
Author: محمد حيدر المشرف
Date: 01-17-2014, 08:28 PM
Parent: #9

العب ميسي ولا بيليه ؟!

رحم الله مصطفى ومحمود .. وكلاهما تمتع بفرادة فنية ومشروع فني جاد ..

مصطفي برحلته الطويلة مع المرض والمعاناة .. ورحلته الطويلة مع التجاهل الاعلامي ومحاربة مشروعه الفني لدرجة أن أعماله المسجلة في الاذاعة والتلفزيون لم تتجاوز 10 أعمال .. مصطفى الذي مسك الحداثة الشعرية من ايدها وأخرجها من صوالينها و وصلها لكل الناس فغنوا معه آه يا نورا آه وسني على النضال إيدي والرحيل في الليل وزهرة الصبار وعم عبدالرحيم و شهيق .. كانت لافتات نعيه في شوارع الخرطوم تحمل أغنياته .. ورحل صوت المغني حزين .. ولسه الصوت صراع زمني .. وسافر, محطات الوداع ضجت قدامك وراك .. وكانت "وضاحة" الأكثر حظا في احتلال الزجاج الخلفي لحافلات الركاب آنذاك .. تجربة مدهشة و عميقة جدا تحتاج الكثير لفهم كيفياتها وكيف كانت والمقدمات والنتائج .. مصطفى الذي لولاه وعركي لانقطع التواتر في الابداع الغنائي في السودان .. ثم أتت عقد الجلاد .. ثم أتى محمود عبدالعزيز .. ثم لا شيء !!

الخفة في تناول العطاء الابداعي الثر والكثيف والنشط في مجتمعاته الانسانية لا تفيد الا المداخل والمقاربات الخاطئة: ألعب بيليه ولا ميسي؟!!

Post: #10
Title: Re: لا مكاواة ولا تشفي.. لكن وينو زول البوست داك؟؟
Author: ياسر احمد محمود
Date: 01-17-2014, 08:16 PM
Parent: #8

• المقارنة يجب أن تضع في الاعتبار أن مصطفى ظل في الأعوام الأخيرة من حياته بعيداً عن بلاده وجمهوره، بينما محمود كان يتواصل مع مستمعيه وبإفراط!
• مصطفى كان محارباً من السلطة حتى آخر يوم في حياته، بينما محمود كانت تُفتح له في سنواته الأخيرة حتى أبواب مباني جهاز الأمن ليتغنى عاصباً رأسه بشريط أحمر كأي دباب!
• لا زالت ذكرى وفاة مصطفى حاضرة وبقوة حتى اليوم بعد مرور ثمانية عشر عاماً من رحيله، وأشك في أن هناك من يتذكر ذكرى وفاة محمود بعد 18 سنة.
• لهما الرحمة والمغفرة.

Post: #12
Title: Re: لا مكاواة ولا تشفي.. لكن وينو زول البوست داك؟؟
Author: عمر الفاروق
Date: 01-17-2014, 08:37 PM
Parent: #10

مبدئيا اجاوب سؤال المشرف لحدي ما اوريكم العايز اقولو..
اجابة سؤال العب ميسي ولا بيليه؟
الإجابة :
ماردونا...

Post: #13
Title: Re: لا مكاواة ولا تشفي.. لكن وينو زول البوست داك؟؟
Author: عمر الفاروق
Date: 01-17-2014, 09:28 PM
Parent: #12

أيمن يا حبوب..
كان الله مد في العمر قابل رهانك..
زي ما راهنت الزول بتاع البوست قبل سنة واهو السنة جات..

Post: #14
Title: Re: لا مكاواة ولا تشفي.. لكن وينو زول البوست داك؟؟
Author: عبدالمجيد الكونت
Date: 01-17-2014, 10:01 PM
Parent: #13

عمر الفاروق ماذا بك ايها الرجل
لم كل هذا الحقد على المختلفين معك في الاذواق وكيف بك ان تنتظر عاما كاملا لتفتح بوستا للرد على شخص قارن فقط بين معجبي فنانين تحب ان احدهم اكثر من الثاني
لم يا رجل انت بهذه القسوة ومن اين لك بكل هذا الحقد الاعمى ... عليك بمراجعة طبيب نفسي يا عمر وباسرع وقت ممكن

Post: #15
Title: Re: لا مكاواة ولا تشفي.. لكن وينو زول البوست داك؟؟
Author: الصادق اسماعيل
Date: 01-17-2014, 10:06 PM
Parent: #14

غايتو من وجهة نظري بوستك دا مكاواة وتشفي ليس إلا

Post: #16
Title: Re: لا مكاواة ولا تشفي.. لكن وينو زول البوست داك؟؟
Author: Imad Khalifa
Date: 01-17-2014, 10:31 PM

إن يحسدوني على موتي فوا أسفي حتى على الموت لا أخلو من الحسد

Post: #17
Title: Re: لا مكاواة ولا تشفي.. لكن وينو زول البوست داك؟؟
Author: ياسر احمد محمود
Date: 01-17-2014, 10:40 PM
Parent: #16

خفة عقول " الحواتة" جعلتهم يقذفون الناس بالحجارة والشتائم هذه الليلة في شارع نادي الضباط! متى يتعلمون فنون التأبين من جمهور مصطفى سيد أحمد؟

Post: #18
Title: Re: لا مكاواة ولا تشفي.. لكن وينو زول البوست داك؟؟
Author: صبري طه
Date: 01-17-2014, 11:55 PM
Parent: #17

أتذكر في ذلك اليوم وقوفهم في حلقي يا عُمر الفاروق وأتذكّر جيّداً ما راهنت عليه ...

مُشكلتهم هُم من رفضوا ربط رحيل الحوت برحيل مُصطفى !! وأسموه استقواء وبطّيخ وشنو كدا ما عارف ...

استقواء فنّان بفنّان آخر لأنهما رحلا عن هذه الفانية في نفس التاريخ .. ثمّ يقول البعض أنّ جمهور مُصطفى جمهور مُثقف وواعٍ ومُتعلّم ومُستنير وأمامهم مثال لهذا الوعي والاستنارة فتأمّل !!

حقو الواحد يعمل تأبين لذكرى خجلنا لهم وعليهم !!

Post: #19
Title: Re: لا مكاواة ولا تشفي.. لكن وينو زول البوست داك؟؟
Author: عمر الفاروق
Date: 01-18-2014, 00:15 AM
Parent: #18

صبري والله من قبيييل منتظرك تجي وقلت انت الوحيد البتكون متذكر الزول واسم البوست وتجيب الرابط عشان تكفيني سؤال الناس الفوق دي وتجاوب ليهم لييي انا كتبت البوست ده..
الصباح رباح لو قوقلتو ولقيتو تكون سويت معروف..

Post: #20
Title: Re: لا مكاواة ولا تشفي.. لكن وينو زول البوست داك؟؟
Author: صبري طه
Date: 01-18-2014, 00:29 AM
Parent: #19

Quote: صبري والله من قبيييل منتظرك تجي وقلت انت الوحيد البتكون متذكر الزول واسم البوست وتجيب الرابط عشان تكفيني سؤال الناس الفوق دي وتجاوب ليهم لييي انا كتبت البوست ده..
الصباح رباح لو قوقلتو ولقيتو تكون سويت معروف..

أيها الناس لا تجعلوا رحيل محمود مقرونا بمصطفى(رفعت الأقلام وجفت الصحف)

كاتب البوست هو بهاء الدين سليمان

Post: #21
Title: Re: لا مكاواة ولا تشفي.. لكن وينو زول البوست داك؟؟
Author: عمر الفاروق
Date: 01-18-2014, 00:50 AM
Parent: #20

يا ناس الفوق.. اقرو اللينك التحت..
ولحكمة يعلمها الله الاية اتعكست واستقوت الفئة القليلة بالفئة الكقيرة وفجأة تحول الخبر اليوم كان رحيل محمود عبد العزيز .. ونذكر الحضور والمشاهدين انو في ذات اليوم رحل مصطفى..
فمن استقوى بمن؟؟؟؟؟

موعدنا الذكرى ال 17 ان مد الله في الاجال عشان اجاوب ليكم باقي الاسئلة..

تخريمة :
بذات المفهوم وذااات منطق الفوضى والتكسير و قلة ادب جمهور محمود يوم تأبينه.. فكل معجبي مصطفى يوم تأبينه بيوجو سكرانين..
قايلننا ما بنعرف جمهور مصطفى ولا ما شوفناهو..

Post: #22
Title: Re: لا مكاواة ولا تشفي.. لكن وينو زول البوست داك؟؟
Author: عمر الفاروق
Date: 01-18-2014, 01:09 AM
Parent: #21

انا ما عارف لييي الناس مستخفة ومقللة من شأن محمود ومعجبين محمود؟؟؟
وليييي مستكترين عليو المحبة دي؟؟؟
وليييي عايزين يرفضو نتيجة استفتاء جماهيري ديموقراطي شعبي انو محمود يظل ويبقى صاحب اكبر جماهيرية فنية علي مر تاريخ الغنا السوداني!!!؟؟

Post: #23
Title: Re: لا مكاواة ولا تشفي.. لكن وينو زول البوست داك؟؟
Author: عبدالحفيظ ابوسن
Date: 01-18-2014, 03:00 AM
Parent: #22

والله يا عمر بالغت ياخ
انا ورهط من اصحابي واشقائي من معجبي مصطفي , ولم نتذوق الخمر في حياتنا دعك من السكر
انا احب محمود و مصطفي ولكن لست مهووسا بهما
احبهما واعرف قدراتهما
فلنحترم ذكري من مات

Post: #24
Title: Re: لا مكاواة ولا تشفي.. لكن وينو زول البوست داك؟؟
Author: عمر الفاروق
Date: 01-18-2014, 04:25 AM
Parent: #23

هي لكن عاد يا ود ابو سن المصصرييين يوصفونا بالصعاليق لمجرد بنحب محمود ما ببالغو برضو!!؟؟؟

Post: #25
Title: Re: لا مكاواة ولا تشفي.. لكن وينو زول البوست داك؟؟
Author: saadeldin abdelrahman
Date: 01-18-2014, 04:56 AM
Parent: #24

Quote: موعدنا الذكرى ال 17 ان مد الله في الاجال عشان اجاوب ليكم باقي الاسئلة..

يا مات الحمار يا مت أنا يا مات الملك.
باااااااالغت يا جحا!

Post: #26
Title: Re: لا مكاواة ولا تشفي.. لكن وينو زول البوست داك؟؟
Author: Ridhaa
Date: 01-18-2014, 05:06 AM
Parent: #24

mutaz Baker
تابين محمود عبدالعزيز 2014 الفنان سفيان - فنان بمعني الكلمه جد .
Published on Jan 17, 2014

Post: #27
Title: Re: لا مكاواة ولا تشفي.. لكن وينو زول البوست داك؟؟
Author: Ridhaa
Date: 01-18-2014, 05:06 AM
Parent: #26

Post: #28
Title: Re: لا مكاواة ولا تشفي.. لكن وينو زول البوست داك؟؟
Author: Ridhaa
Date: 01-18-2014, 05:10 AM
Parent: #27

Post: #29
Title: Re: لا مكاواة ولا تشفي.. لكن وينو زول البوست داك؟؟
Author: Ridhaa
Date: 01-18-2014, 05:12 AM
Parent: #28

Post: #30
Title: Re: لا مكاواة ولا تشفي.. لكن وينو زول البوست داك؟؟
Author: حمد عبد الغفار عمر
Date: 01-18-2014, 07:25 AM
Parent: #29

سلام يا عمر

رغم إني عيان لكن قلت النفتح المنبر أكيد عمر الفاروق مبهدل الدنيا في ذكرى محمود

ربنا يرحم الأثنين

وبهديك النص دا

يا سر مكتوم فى جوف أصداف
فتشت عليك بقـليب نزّاف
لا خبير يهدى ..لا دليل وصّاف
***********
ياسر مكتوم فى جوف أصداف
راجياها الريح ...
وكتين ما تطل
على موجة تمرجح زهرة فـل
وتشيلا تروح ... والدنيا تنوح
على قمراً مات فى مطر الليل
يتّم نجمات بكاها السيل
***************
يا سر مكتوم فى جوف أصداف
الريح القاسية عنيدة .. تمام
طفـت الـقـنديل
الكان مقـدوح من دمع الليل
رمت القُـنديل الكان نديان
فى جرف النيل
رسمت أحزان .. وسؤال حيران ..
فى عيون أيتام
**************
يا عمر مرسوم فى كف أقدار
يا خطايا الطال بيها .. المشوار
ياليل مشتاق لى دفقة نور
يا ظلمة تبكى .. سنا البلور
ياموجة تعاند فى التيار ...
يا خطايا الطال بيها المشوار....

Quote: على قمراً مات فى مطر الليل
يتّم نجمات بكاها السيل

شفت القمر المات دا ياهو مصطفى والنجمات ياهم ناس محمود وأصحابو

تعرف مصطفى دا لو قعد الناس دي كلها كان اشتغلت شغل تمام

Post: #31
Title: Re: لا مكاواة ولا تشفي.. لكن وينو زول البوست داك؟؟
Author: saidahmed shami
Date: 01-18-2014, 07:33 AM
Parent: #29

صور تأبين اand#65275;مس
لمصطفى سيد أحمد

مصدر الصور الاخ : صدأم أسمراني

Post: #34
Title: Re: لا مكاواة ولا تشفي.. لكن وينو زول البوست داك؟؟
Author: فرح الطاهر ابو روضة
Date: 01-18-2014, 07:56 AM
Parent: #31

عمر الفاروق
لك تحيية
ولروح الراحلين المبدعين
مصطفى سيد احمد ومحمود عبدالعزيز
وانا باعتقاد متواضع ليس لتواريخ الرحيل من قداسة
ولكن يبقى ما قدمه الراحليين للساحة الفنية والابداعية
مصطفى ظل وعلى مدى سبعة عشر عام وسيبقى للاجيال القادمة ليس لان لديه كم من معجبين او اصدقاء
بل لان مصطفى كان مثال
للفنان المهذب
وراقي
وفوق ذلك زول انساني
وايضاً سيبقى محمود عبدالعزيز بقدر ما قدمه للناس بقيمة فنية
والمقارنات والاختلاف لمجرد التاريخ
ونحن نعلم لكل منهما تجربته وظروفه ومواقفه وتجليات ذلك على مسيرتهما الفنية
فيه ظلم للراحليين وخصماً على ابداعهما خاصة ونحن هذه الايام نعيش عبق
ذكرى رحيلهما
ليتنا يا عمر الفاروق نترك تناول الابداع والمبدعين بطريقة هلال مريخ
فهذا البوست لو كان موجهاً لمحمود عبدالعزيز وعطاء محمود والتوثيق له لكان
بوست يشار اليه بالبنان
عذراً للاطالة ولك تقديري
مع التحييييييييييييييييية

Post: #32
Title: Re: لا مكاواة ولا تشفي.. لكن وينو زول البوست داك؟؟
Author: Elmosley
Date: 01-18-2014, 07:42 AM
Parent: #29

انا حزين لمثل هذا الحوار غير المنطقي للاسف
واستخغاف بعباقره
غطوا الابداع السوداني بفن موسيقي غير مسبوق وربما لن يتكرر
الخليل الكاشف ابراهيم عوض عثمان حسين محمد الامين احمد المصطفى سيد خليفه
والعبقري الاكبر محمد وردي
كلا الراحلين تغنيا باعمال هؤلاء العباقره حتى الممات
دعكم من هذا
فلمصطفى مكانته المحترمة ولمحمود مكانته المحترمة
ولمن سبقوهم مكانتهم المحترمة
رحمهم الله جميعا بقدر عطائهم الثر لفن لموسيقى والغناء السوداني
واطال الله عمر مبدعنا الكبير محمد الامين صاحب زورق الالحان المبحر في قصص الثورة
مالكم وكيف تحكمون

Post: #33
Title: Re: لا مكاواة ولا تشفي.. لكن وينو زول البوست داك؟؟
Author: محمد البشرى الخضر
Date: 01-18-2014, 07:52 AM
Parent: #32

الله يسامحك يا عمر ياخ
الإتنين بنحبهم و الإتنين أثروا و أثّروا في وجداننا و ذوقنا
و الإثنين رحمهم الله وجعنا فراقهم لكن لا نقول إلاّ ما يرضي الله
نعم ما إنت الخلقت قصة تنميط الجمهور و ديل مثقفاتية وديل صعاليك - ودا كلام فاضي بالمناسبة - لكن بي البوست دا جبتها للسطح

Post: #35
Title: Re: لا مكاواة ولا تشفي.. لكن وينو زول البوست داك؟؟
Author: الجنيد حمد
Date: 01-18-2014, 08:00 AM
Parent: #32

رحم الله مصطفى سيد احمد بقدر ما قدم للسودان

و

رحم الله محمود عبدالعزيز بقدر ما قدم لجمهوره

ولكلاهما محبة عظيمة عند جماهيرهم ومعجبيهم

والميت بدور الدعاء يا اهلنا

.........

تحياتي

Post: #36
Title: Re: لا مكاواة ولا تشفي.. لكن وينو زول البوست داك؟؟
Author: الرفاعي عبدالعاطي حجر
Date: 01-18-2014, 08:17 AM
Parent: #35

Quote: لا مكاواة ولا تشفي.. لكن وينو زول البوست داك؟؟

طيب شنو ؟؟؟؟؟

لا توجد مقارنة بين مدرسة مصطفى سيد احمد ذات الابعاد المختلفة فن التزام سياسي مشروع .
محمود صوت ومشروع خرم برة الحقل الفني لكنه صوت لا يقارن ولا اعتقد انه سيوجد قريباً
كلاهما فنان مجيد , كلاهما غادر الحياة وفي النفس انة حزن كليهما فنان لا يشق له غبار وطريقة
بين مصطفى ومحمود بون شاسع بينما خاطب محمود جمهور في زمن الردة خاطب مصطفى جمهور
في بعض زمن من الحرية .

رحمة الله على مصطفى ومحمود ومحمود محمد طه ... كذلك غادر في يناير .

..............................................................................................................حجر.

Post: #37
Title: Re: لا مكاواة ولا تشفي.. لكن وينو زول البوست داك؟؟
Author: بله محمد الفاضل
Date: 01-18-2014, 08:31 AM
Parent: #36

محزن أن نتناول أخي عمر
المصطفى
والمحمود
بهذه الطريقة
محزن جدًّا

تحياتي، محبتي واحترامي

Post: #38
Title: Re: لا مكاواة ولا تشفي.. لكن وينو زول البوست داك؟؟
Author: usama Babiker
Date: 01-18-2014, 08:41 AM
Parent: #36

اولا : مصطفى سيد احمد ملحن لا يضاهى ..

ثانيا : شاعر مجود ..

ثالثا : عازف عود ماهر

رابعا : اغلب الجماهيرية ومستمعيه من خلال اشرطة الكاسيت والجلسات الفنية فقط ( يعني ياعمر الفاروق لو لقى مصطفى حفلات نادي التنس وبراح الحرية المسموح به لمحمود لما صدح بعد مصطفي في سوداننا فنانا )

خامسا : الصوت الفخيم الذي يمتلكه مصطفى لا مثيل له سابقا ولا مستقبلا ...

فوق هذا وذاك مصطفى الفنان المثقف الذي يعرف ماهية مشروعه الفني المتكامل ...

شن جاب لي جاب ياعمر الفاروق ...

ياخي لو صحى محمود من نومه الابدي لقال لك يا عمر الفاروق ( يارااااااااااااااااااااااااااجل )

Post: #39
Title: Re: لا مكاواة ولا تشفي.. لكن وينو زول البوست داك؟؟
Author: صبري طه
Date: 01-18-2014, 08:48 AM
Parent: #38

Quote: رابعا : اغلب الجماهيرية ومستمعيه من خلال اشرطة الكاسيت والجلسات الفنية فقط ( يعني ياعمر الفاروق لو لقى مصطفى حفلات نادي التنس وبراح الحرية المسموح به لمحمود لما صدح بعد مصطفي في سوداننا فنانا )

طيّب ما ياهو دا عندك ود الأمين شغال حفلات تش في نادي الضباط ...
وأيضاً الراحل محمد وردي أقام حفلات كثيرة في أماكن عامة ...

فا شنو .. لو حاولت تعمل مُقارنات زي دي أنا متأكد إنّك حتبلع ناشف ...

Post: #40
Title: Re: لا مكاواة ولا تشفي.. لكن وينو زول البوست داك؟؟
Author: usama Babiker
Date: 01-18-2014, 08:53 AM
Parent: #39

Quote: طيّب ما ياهو دا عندك ود الأمين شغال حفلات تش في نادي الضباط ...
وأيضاً الراحل محمد وردي أقام حفلات كثيرة في أماكن عامة ...

هي المقارنة بين منو ؟؟؟ ومنو ؟؟؟ وعلاقة وردي وود الامين بالمقارنة دي شنو ؟؟؟

Post: #42
Title: Re: لا مكاواة ولا تشفي.. لكن وينو زول البوست داك؟؟
Author: صبري طه
Date: 01-18-2014, 08:58 AM
Parent: #40

Quote: هي المقارنة بين منو ؟؟؟ ومنو ؟؟؟ وعلاقة وردي وود الامين بالمقارنة دي شنو ؟؟؟

إنت عملت مُقارنة بين مصطفى ومحمود في الإقبال الجماهيري وربطت الكلام دا بالمساحة التي وجدها محمود في الأماكن العامة ...

أنا جبت ليك مثال لمن هم أعلى من قامة مصطفى (حسب تقديري) ولم يفوق حضورهم الجماهيري (حسب تقديري) حفلات محمود رغم أنّهما وجدا نفس الظروف التي وجدها محمود ...

Post: #41
Title: Re: لا مكاواة ولا تشفي.. لكن وينو زول البوست داك؟؟
Author: nazar hussien
Date: 01-18-2014, 08:53 AM
Parent: #38

وهل اصبح الفن والابداع يقارن بعدد المؤبنين...؟

رحم الله مصطفي ومحمود
فكلاهما كان عملاقا بطريقته..

مقارنة مؤسفة جدا يا فاروق

Post: #43
Title: Re: لا مكاواة ولا تشفي.. لكن وينو زول البوست داك؟؟
Author: وضاح عبدالرحمن جابر
Date: 01-18-2014, 09:04 AM
Parent: #41

لاتوجد مقارنه بين محمود ومصطفى
مصطفى عبقرية الموسيقى والغناء واللحن والكلمة
محمود موهبه واداء جميل

لكن يبقى مصطفى صاحب تجربة مختلفة تمام الاختلاف عن محمود
لهما الرحمه والمغفرة

الجماهيرية ليست دليل على الافضلية

هات نانسى عجرم ولا هيفاء وهبى للخرطوم .. وشوف كمية الخلق
الاعمى حا يجى شايل المكسر

Post: #44
Title: Re: لا مكاواة ولا تشفي.. لكن وينو زول البوست داك؟؟
Author: usama Babiker
Date: 01-18-2014, 09:04 AM
Parent: #41

Quote: إنت عملت مُقارنة بين مصطفى ومحمود في الإقبال الجماهيري وربطت الكلام دا بالمساحة التي وجدها محمود في الأماكن العامة ...

أنا جبت ليك مثال لمن هم أعلى من قامة مصطفى (حسب تقديري) ولم يفوق حضورهم الجماهيري (حسب تقديري) حفلات محمود رغم أنّهما وجدا نفس الظروف التي وجدها محمود ...

ده حسب تقديرك انت لكن حسب تقدير انا بقول لا ... .. !!!! نقطة فل ستوب ..

Post: #45
Title: Re: لا مكاواة ولا تشفي.. لكن وينو زول البوست داك؟؟
Author: عمر الفاروق
Date: 01-18-2014, 09:39 AM
Parent: #44

طبعا في سودانيز الزول بيستمتع بي ضل الفيل اكتر من الفيل ظاااطو..
البوست كان إجابة وليس سؤال..
البوست كان توضيح وليس افتراع لي موضوع جديد..
عليه:
اييي زول عندو كلام عايز يقولو وينتقد بيهو الفكرة فالأولى بيهو رابط البوست الجابو صبري فوق..
البوست جواب لي سؤال اتسأل قبل سنة.. حاولنا نجاوبو نظريا قام الزول ابا يقتنع قمنا قلنا ليهو خلاص حنجوابك عمليا بعد سنة..
وعدت سنة..ومررت سنة..
وردينا ليهو عمليا ..
اها في ناس قالت ننتظر 17 سنة..
قلنا ليهم مالو!!
اها لحدددي اسة ما حابي امشي كتير في قصة المقارنة دي وبستخدم اسلوب الدفاع قدر المستطاع بدل الهجوم حفاظا علي حاجات كتييرة..
لكن بعض محبي مصطفي مصصريين يمشو في الاتجاه ده ولمن نرد عليهم بيزعلو..

Post: #46
Title: Re: لا مكاواة ولا تشفي.. لكن وينو زول البوست داك؟؟
Author: عبدالمجيد الكونت
Date: 01-18-2014, 11:59 AM
Parent: #45