Post: #1
Title: غالبية ما يطلق عليهم (مناضلو الكي بورد) في الشبكة العنكبوتية من الإسلاميين
Author: عباس الدسيس
Date: 01-16-2014, 12:07 PM
الغنماية جنت
الغنمايه من يفكوها من البيت تجري (الكوشه)
اتقول مجكس ليها شيطان !!
في كلـــــ ب كل يوم يهرش الغنمايه ويطردها جننها جن بي حقارتو ليها
وفي مرة من المرات الغنمايه حلفت ما تخلي الكلـــــ ب ولازم توقفو في حدو حدرت ليهو شديد
وبقرونها كبستو في وشو ورفستو بي كرعيها خلت علالتو تترابط
الكلــــــ ب جري بعيييييد وقعد اعاين للغنمايه في الاراضي المحررة
وقال يا ربي الغنمايه دى جنت ولا شنو !!!!
الخبر من جريدة الصحفي الموهوم اميتاب باتشان عزالدين
Quote: غالبية ما يطلق عليهم (مناضلو الكي بورد) في الشبكة العنكبوتية من الإسلاميين
قالت القيادية بالمؤتمر الوطني وزيرة الدولة السابقة بوزارة العلوم والاتصالات "عزة عمر عوض الكريم"،إن غالبية ما يطلق عليهم (مناضلو الكي بورد) في الشبكة العنكبوتية من الإسلاميين، سواء من المؤتمر الوطني أو المؤتمر الشعبي. وفى الأثناء كشفت أمينة أمانة المرأة بالحزب "انتصار أبو ناجمة"، أن (مغبون) على المؤتمر الوطني سجل حوالي (8) آلاف (لايك) مشاركة سلبية عن حزبها.
وقالت "أبو ناجمة" في ندوة عن دور الإعلام الإلكتروني وتشكيل الرأي العام حول (مشروع الفضاء الرقمي)، نظمتها أمانة شؤون المرأة بالمؤتمر الوطني أمس (الثلاثاء) بمركز "الشهيد الزبير"، إنها تتطلع لابتدار حملة للرد على التناول السالب على ما يكتب عن حزبها، مبينة أنها تأمل في حدوث مبادرات إيجابية .
ورأت الوزير السابقة "عزة" أن هناك حاجة ماسة لوجود وحدة رصد مركزية، حتى تساهم في تغيير الرأي العام إلى رأي عام إيجابي. وذكرت أن المظاهرات التي انطلقت في (سبتمبر) الماضي شارك فيها طلاب المدارس الثانوية، لتأثرهم بشبكات التواصل الاجتماعي. وحذرت من أن شبكات التواصل الاجتماعي (فيسبوك) وغيرها، ستحدث انفجاراتٍ وشروخاً اجتماعية، وأنها تعزز عدم قبول الآخر بحسب تعبيرها. |
|
Post: #2
Title: Re: غالبية ما يطلق عليهم (مناضلو الكي بورد) في الشبكة العنكبوتية من الإسلاميين
Author: عباس الدسيس
Date: 01-16-2014, 12:18 PM
Parent: #1
فعلا السودان اصبح فوضي
بالله دي وزيرة !!!
ما دام غالبية مناضلي الكي برود إسلاميين كيف طلاب الثانوي يتأثرو بالشبكة العنكبوتية واعملو مظاهرات ؟؟؟
شنو يعني وحدة رصد مركزية ؟؟؟
|
Post: #3
Title: Re: غالبية ما يطلق عليهم (مناضلو الكي بورد) في الشبكة العنكبوتية من الإسلاميين
Author: بدرالدين الطائف
Date: 01-16-2014, 12:25 PM
Parent: #2
| Quote: شنو يعني وحدة رصد مركزية ؟؟؟ |
يعنى جداد الكتروني
سلام يا وجيه .
الوزيرة دى رايح ليها الدرب .
__________________
ومن ناحيه تانيه ممكن تكون هبشت حته حساسه يا عبس .
فى مناضلين متنوضلين قاعدين يخدموا فى المؤتمر الوطنى خدمه جليله بوعى او من بدون وعي .
|
Post: #4
Title: Re: غالبية ما يطلق عليهم (مناضلو الكي بورد) في الشبكة العنكبوتية من الإسلاميين
Author: عبدالحفيظ ابوسن
Date: 01-16-2014, 01:06 PM
Parent: #3
سلام عبس و بدر
! مناضلين كي بورد ضد شنو والحكومة حقتهم ? !
بعدينك برضو كويس انو السايبر قاعد يثقف فيهم ,, وبستعملو مصطلحاتو
حتي مصطلح مناضل اسفيري دي ملتبسة علينا وهي بتستعملها تقول قاعدة تكتب معانا هنا ! القراية دي متوكد منها
آي فعلا رصد يعني شنو !?
|
Post: #5
Title: Re: غالبية ما يطلق عليهم (مناضلو الكي بورد) في الشبكة العنكبوتية من الإسلاميين
Author: Asim Fageary
Date: 01-16-2014, 01:13 PM
Parent: #4
يا عبس يا وجيه
في حتة فاتت عليك
نديك النجيضة
أظنها تكون عرفت ليها خبر قالوا يقوموا يوزعوا لمناضلي الكبورد ديل قطع أراضي في اي حتة كدا
المهم عشان تقوم هي تخش في الموضوع وتاخد الأراضي قالت أحسن تقول ليهم إنها بتعرف مناضلي الكيبورد
واحد واحد وكمان تقول ليهم إنهم كلهم إسلاميين ومشلكلتهم وغبينتهم في إنهم ما نالوا حصصهم من اللهط الحصل
عشان نرضيهم ونرجعهم لحظيرة الجداد الإلكتروني نوزع ليهم أراضي
وتقوم هي تتبنى الفكرة ويدوها مسؤولية توزيع الأراضي (مهي عارافاهم واحد واحد)
تقوم يا سيدي توزع منها كم بقطعة وتلهط الباقي
يا عبس ياخي التحليل وصلت ليه بعد شربت لي فنجان قهوة تركي ما تجي تقول لي جيبتها من وين
فوتكم بعافية
|
Post: #6
Title: Re: غالبية ما يطلق عليهم (مناضلو الكي بورد) في الشبكة العنكبوتية من الإسلاميين
Author: عباس الدسيس
Date: 01-16-2014, 01:15 PM
Parent: #4
Quote: يعنى جداد الكتروني
سلام يا وجيه .
الوزيرة دى رايح ليها الدرب .
__________________
ومن ناحيه تانيه ممكن تكون هبشت حته حساسه يا عبس .
فى مناضلين متنوضلين قاعدين يخدموا فى المؤتمر الوطنى خدمه جليله بوعى او من بدون وعي . |
بدر يا وجيه اخبارك
حكاية الدرب راح ... لو جيت لي الجد كلنا راح لينا بلد بقي فيها كمية من الوزراء لا تتصورها غير النزلوهم معاش البتمسكو كلو من الجماعه ديل يا وزير او زير سابق.
فعلا في ناس جايطين الامور مع جوطة ناس المؤتمر الوطني بقت الحكاية ما مفهومة بس ما قدر كل الناس البكتبو في النت مؤتمر وطني الزولة دي مطششه فعلا
|
Post: #7
Title: Re: غالبية ما يطلق عليهم (مناضلو الكي بورد) في الشبكة العنكبوتية من الإسلاميين
Author: عباس الدسيس
Date: 01-16-2014, 01:36 PM
Parent: #6
Quote: سلام عبس و بدر
! مناضلين كي بورد ضد شنو والحكومة حقتهم ? !
بعدينك برضو كويس انو السايبر قاعد يثقف فيهم ,, وبستعملو مصطلحاتو
حتي مصطلح مناضل اسفيري دي ملتبسة علينا وهي بتستعملها تقول قاعدة تكتب معانا هنا ! القراية دي متوكد منها
آي فعلا رصد يعني شنو !? |
الوجيه ابوسن اخبارك يا شيخ العرب
بالله شوف قالت وزيرة!!!
بلد همله.... حكاية الوزارات المطلوقة ام فكو وهمت الناس خلتها تتكلم بره من راسا
تحياتي يا حبيبنا
|
Post: #8
Title: Re: غالبية ما يطلق عليهم (مناضلو الكي بورد) في الشبكة العنكبوتية من الإسلاميين
Author: عباس الدسيس
Date: 01-16-2014, 01:44 PM
Parent: #7
| Quote: يا عبس ياخي التحليل وصلت ليه بعد شربت لي فنجان قهوة تركي ما تجي تقول لي جيبتها من وين |
الوجيه عاصم فقيري سلام يا حبيبنا
انت متاكد شربته بس قهوة تركي ؟؟
الجماعة ديل اقومو اصنفوك تصنيف تاني ادخل فيها شاش وبعد شوية تجيك بت الله جابو بي الكلام الما بنقدر.
تحليلك في محلو وامكن الزولة دي عايزة تبقي وزيرة الرصد الالكتروني
انت قايل بعيد عمك الدرويش بتاع الجبجبه بعد كم يوم اصدر قرار جمهوري باستحداث وزارة للرصد الالكتروني خاصة ناس المعاشات من الوزراء البلد بقت مليانه منهم.
تحياتي يا حبيبنا
|
Post: #9
Title: Re: غالبية ما يطلق عليهم (مناضلو الكي بورد) في الشبكة العنكبوتية من الإسلاميين
Author: nour tawir
Date: 01-16-2014, 11:36 PM
Parent: #8
يا الدسيس سلام..
الوزيرة الاسمها عزه عمر دى..
قول ليها ...
قآل ليك أتلهى وبلاش هبل..
|
|