حكاية حقيقية مؤثرة جدا اهداء للمعلمين والمعلمات

قصة حقيقية ومؤثرة
وقفت معلمة الصف الخامس
ذات يوم و ألقت على التلاميذ
جملة :إنني أحبكم جميعا وهي
تستثني في نفسها تلميذ يدعى
تيدي !!
فملابسه دائماً شديدة الاتساخ
مستواه الدراسي متدن جدا
ومنطوي على نفسه ،
وهذا الحكم الجائر منها كان
بناء على ما لاحظته خلال العام
فهو يلعب مع الاطفال و
ملابسه متسخة
ودائما يحتاج إلى الحمام
و انه كئيب لدرجة أنها كانت تجد
متعة في تصحيح أوراقه بقلم
أحمر
لتضع عليها علامات x بخط
عريض وتكتب عبارة راسب في
الاعلى
وذات يوم طلب منها مراجعة
السجلات الدراسية السابقة لكل
تلميذ وبينما كانت تراجع ملف
تيدي فوجئت بشيء ما !
لقد كتب عنه معلم الصف
الاول : تيدي طفل ذكي موهوب
يؤدي عمله بعناية و بطريقة
منظمة.
و معلم الصف الثاني : تيدي
تلميذ نجيب و محبوب لدىزملائه و لكنه منزعج بسبب
إصابة والدته بمرض السرطان.
أما معلم الصف الثالث كتب:لقد
كان لوفاة أمه وقع صعب عليه
لقد بذل أقصى ما يملك من
جهود لكن والده لم يكن مهتما
به و إن الحياة في منزله
سرعان ما ستؤثر عليه إن لم
تتخذ بعض الاجراءات
بينما كتب معلم الصف الرابع :
تيدي تلميذ منطو على نفسه
يبدي الرغبة في الدراسة وليس
لديه أصدقاء و ينام أثناء الدرس
هنا أدركت المعلمه تومسون
المشكلة و شعرت بالخجل من
نفسها !
و قد تأزم موقفها عندما أحضر
التلامي> هدايا عيد الميلاد لها
ملفوفة بأشرطة جميلة
ما عدا الطالب تيدي كانت هديته
ملفوفة بكيس مأخوذ من
أكياس البقاله.
تألمت السيدة تومسون و هي
تفتح هدية تيدي وضحك التلاميذ
على هديته وهي عقد مؤلف
من ماسات ناقصة الاحجار و
قارورة عطر ليس فيها الا الربع
ولكن كف زملائه عن الضحك
عندما عبرت المعلمة عن
إعجابها بجمال العقد والعطر
وشكرته بحرارة، وارتدت العقد
ووضعت شيئا من ذلك العطر
على ملابسها ،
ويومها لم يذهب تيدي بعد
الدراسة إلى منزله مباشرة
بل انتظر ليقابلها وقال : إن
رائحتك اليوم مثل رائحة
والدتي !
عندها انفجرت المعلمه بالبكاء
لان تيدي أحضر لها زجاجة
العطر التي كانت والدته
تستعملها ووجد في معلمته
رائحة أمه الراحلة !!
منذ ذلك اليوم أولت اهتماما
خاصا به وبدأ عقله يستعيد
نشاطه و بنهاية السنة أصبح
تيدي اكثر التلاميذ تميزا في
الفصل ثم وجدت السيده مذكرة
عند بابها للتلميذ تيدي كتب بها
أنها أفضل معلمة قابلها في
حياته فردت عليه أنت من
علمني كيف أكون معلمة جيدة.
بعد عدة سنوات فوجئت هذه
المعلمة بتلقيها دعوة من كلية
الطب لحضور حفل تخرج
الدفعة في ذلك العام موقعة
باسم ابنك تيدي .
فحضرت وهي ترتدي ذات العقد
و تفوح منها رائحة ذات العطر ....
هل تعلم من هو تيدي ؟
انه تيدي ستودارد وهو أشهر طبيب
بالعالم ومالك مركز
) ستودارد (لعلاج السرطان ( .
.. ترى.. كم طفل دمرته مدارسنا
بسبب سوء التعامل ..؟!
.. كم تلميذ هدمنا شخصيته ؟!
اهداء لكل المعلمين

المنبر دا جنا ولا شنو ؟
الكتابة انقلبت شخارم بخارم
اسع اسوي شنو ؟ اغني ليكم زاد وجدي ونوم عيني اصبح قليل
قصة طويلة عريضة طلعت ارقام ميتوفيزقية سقنل تو

Quote: المنبر دا جنا ولا شنو ؟ الكتابة انقلبت شخارم بخارم اسع اسوي شنو ؟ اغني ليكم زاد وجدي ونوم عيني اصبح قليل قصة طويلة عريضة طلعت ارقام ميتوفيزقية سقنل تو

غني ساي ...
ذكرتني المسج المنتشر في الواتساب بعنوان قصة حب يابانية

ياود البوش ياخي البركة الجيت..
امنا كيفنها ،ان شاء الله تعافت
والله لو كت عارف تلفونك كت ضربت ليك...
الشغل ده لما يلخبت كده...
ميك ات دانس اون ميوسك تون....
دخلت كورسات تقوية كمبيوتر وامانا ما
اتفكن تف الويكة واصقعكن جت...
يو ول نفر ماستر ات لايك ماين...
وبس اللخبتة بتروح.

ما سعلت منك شينة يا عبدالعزيز اخوي
والله الوالدة بقت في امان الله بفضل الله ثم دعواتكم
.
.
.
قصة جدك كرداش قصيتنا لناس حلتنا كلها لانو عندنا واحد اسمو كرداش

النت هنا صعب خلاص في السودان خاستا في صقيعة سلامة
كلو واحد شايل تلفوني وفاتح النت وراكب دحيشتو واغني ما الك الا هيفاء ههههههههههههه

شكرا يا ناصر لكن الفيك اتعرفت
علي الليمان والرحمن النت عندنا هنا في السودان كان الصورة الملصقة في الحيطة بالعجين
تهبشا من هنا تملص بغادي
قدر ما بعبصت وحسن ولدي بعبص معاي تتعولق زيادة
دا عولق ساهي انمش اطلع عنقريبي في الهنبريب آخد لي نومة برا سودانيز برا عرس برا الدحيشة عنفضت

شكرا يا ناصر لكن الفيك اتعرفت
علي الليمان والرحمن النت عندنا هنا في السودان كان الصورة الملصقة في الحيطة بالعجين
تهبشا من هنا تملص بغادي
قدر ما بعبصت وحسن ولدي بعبص معاي تتعولق زيادة
دا عولق ساهي انمش اطلع عنقريبي في الهنبريب آخد لي نومة برا سودانيز برا عرس برا الدحيشة عنفضت

اكتب الارقام بالانجليزي لانو سودانيز عندها جن مع الارقام
العربية . عوافي

فيصل خليل يا حبيب
العافية يابا تغتيك وتباريك
كلما امر على الامتداد هذه الايام اتمنى عودتك لهذه الديار
.
.
اللخبتة كلها كانت في الكوبي والبيست
.
.
تحياتي

عبدالله ود البوش...

المعلم فى السودآن بيعكس أزمته الخآصة على التلاميذ..
شوف المعلم السودانى والحآصل ليه..
عشآن كدا تتعآلج مشآكل المعلمين أولا..
وبعد دآك برآهو الحآل بينصلح..

وأهدى ليك القصة دى...
وهى وآقعية..
كنت فى مصر لّما أخوى طلب يجيبو ليه أولاده فى القآهره..
عشآن يآخدهم معآه بعد ما أتسقرت أوضآعه فى البلد الهآجر ليها..

ولّما جا قآبل أولاده...
وفى يوم أخدهم السوق عشآن يشترى ليهم شوية حآجآت..
قآم ولده الصغّير(9 سنوآت)...
طلب من أبوه يشترى عبّآية لمّدرسته ويرسلها ليها فى السودان..
الآبو اشترى العبآية..
ولمّا سأله ليه عبآية بالتحديد...
الولد قال ليه عبآيتها بقت قديمة وبآهته و(مخّيته) من كل حته..

أها دى مجرد عينة من المدرس السودانى..

العزيزة نور تاور
مرورك اسعدني جدا
كما اشكرك على الاضافة الثرة
.
.
عندنا مدرس في حلتنا بالجزيرة يدرس في التلاميذ وحس بيهم ما فاهمين حاجة ونعسانين من كلامو
قام قاليهم لو ما فاهمين خلوني امشي حواشتي احش لي سرابتين تلاتة
والله الحكاية دي حكاياها لي المعلم بنفسه

ود البوش حمدله علي الطلة وسلامة الوالدة
منبر بكري ده لمن يقوم علي جنو علا الدحيشة البطيعو فيها

Quote: الكتابة انقلبت شخارم بخارم

يا زول إملتك زي الواطا أعد ياخ بلا شخارم بخارم معاك



هذا مع كون ان القصة جميلة وإنسانية

استاذ محمد خليل
بعد السلام طبعا واحترام الراي
.
.
عارفا املتي واطا عارفا بل كمان طين عديل
والمشجعني شايف العوام امثالي كتار بكتبوا هنا ويوصلو ما عندهم قدر قدرتم
لكن المحيرني اتا الجابرك على وجع القلب شنو ؟
بكل بساطة ما تقرأ للناس الاملتن واطا اقرأ للناس الاملتن عشرة من عشرة واترك العولق لي عولقن
واللعوج راي والعديل راي

سامي العزيز يا سيد شباب المهندسين
الله اقبل حمدك يا ود اخوي
والله الوالدة في صحة ونعمة والحمد لله واشكرك للمتابعة والسؤال
.
.
.
ياريت يا سامي ياريت لو زي التطيع الساهل دا
دا شيتا عمك ما عندو ليهو صريمة هههههههههههه
.
.
تحياتي واشتياقي يا كلس

قصة جميلة تحمل رسالة هامة في طياتها

شكرا ود البوش

وحمدا لله على سلامة الوالدة

بنسرقا منك - كويس؟

مجاهد يا صديقي العزيز
اشكرك لمرورك هنا وسؤالك عن الوالدة
.
.
خم ساهي يا ود اخوي خم وانا اصلا خميتا من تقاة الفيس بوك
والبحضر التقا بتعشا
.
.
القصة دي لها وقع خاص في نفسي وعايشت تفاصيلها واقعا معاشا مع ابني حسن
فقد توفيت امه بالسرطان وهو طفل صغير لم يتجاوز الحادية عشر من العمر
كان المعلم السعودي حيث كان يدرس في السعودية يسأل التلاميذ ماذا تريد ان تكون في المستقبل
فاجاب حسن اريد ان ان اكون طبيبا لاقتل السرطان الذي قتل امي
بكى المعلم وخرج من الفصل واتصل علي لاحضر حالا
حضرت للمدرسة ووجدته يبكي
فقال لي اهتم بهذا الحسن حتى يصير طبيبا وانا معاك من المهتمين ولا زال يتابع معي
والان حسن ابني في هذه السنة يستعد لامتحانات الشهادة السودانية وكل من يعرفه يتوقع له مستقبلا باهرا
بل ادارة المدرسة تهتم به وتتوقع ان يكون من اوائل الشهادة السودانية
وهو يخطو خطوات واضحة نحو الهدف المحدد تحديدا دقيقا وواضحا
.
.
الدموع تحجب عني الشاشة تماما

حبيبنا ود البوش

والله حجبت دموعي الشاشة كما فعلت معك ..

رحم الله أم حسن وحتماً هي سبقتكم لتهيء لكم مكاناً وثيراً هناك ..

كما هيأته قبلاً في الدنيا ...

حكاية الانتقال لدار أخرى هذه تتطلب يقيناً ..

فأحبابنا الذين رحلوا ... استضافهم الكريم في دار أجمل وأفضل ...

وحمداً لله على سلامة الوالدة ...

مداخلتك الأخيرة طفشت من رأسي ما كنت أود الحديث عنه في موضوع البوست ..

دمت جميلاً

عبدالباقي ود الشيخ الجيلي يا حبيب
دمعتك عبرت عن رقة مشاعرك وانسانيتك
نشاركك الافراح يارب
تحياتي

متابعه وقراءه ثانيه لموضوع جميل

فيه الحكمه والعبره والهدف المنشود

احترام وتقدير يا عبد الله ود البوش

ملهم كردفان يا حبيب
الجميل اتا دا يا ملهم وكلامك ذاتو ملهم ومحفز
مرورك اسعدني
مع جزيل الشكر والاحترام
تحياتي

كنت أريد أن أكتب كلامأ بطعم فكاهتك فى البداية إلا أنك نحيت إلى حزن تعمقنى بوفاة زوجتكم رحمها ألله ونسأل الله أن يطرح الذرية فى أولادك وأن يكون حسن كما خطط له والله كفيل بذلك.

عادة لا أنظر لكتاباتك من ناحية لغوية ولا إملائية لأنى موقن بأن أى بوست لك يحمل رسالة ورسالة قيمة..سلمت وربنا يديم الصحة على الوالدة...تحياتى لمن معك من ألأولاد.

أخي اسماعيل عباس سفير النوايا الحسنة
تحياتي واشواقي
وابشرك بان الوالدة بفضل الله ثم بدعائكم قد بلغت الصحة تماما
.
.
.
واشكرك لمشاعرك النبيلة
وتقبل تحيات العيال

قصة مؤثرة جدا يا عبد الله وتحمل في طياتها قصة نجاح خرجت من الركام.

أخي عبد الله وضع المعلم عندنا في السودان مؤلم جدا وظروفه لا تسمح له حتى أن يفكر في غيره, لي طفلة في مرحلة الأساس بالسودان, قبل فترة زرت السودان وكنت أزورها كثيرا في المدرسة, في مرة من المرات وأثناء كنا ماشين إلي البيت, قالت لي يا بابا أستاذة فلانة قالت ليك ظروفها صعبة وعاملين ليها كشف, ممكن تتبرع ليها؟ ... حقيقة كلام هز وجداني هزة قوية .... كيف لمعلمة تطلب فلوس عن طريقة طالبتها الطفلة؟ المعلم في السودان كان له هيبة وعزة نفس وكرامة وإحترام ما بعده إحترام, لكن الآن حدث ولا حرج.

الأخ العزيز ود البوش ... وضيوفك الاعزاء .

تحيات بخرمة الشوق ....

Quote: اهداء لكل المعلمين

ود البوش والله مشتاقين
ليه ما قلته لينا ماشي السودان خايف نشيلك شنطه فيها مواد تموينيه.
يا حبيبنا مالك فكيت الدرب وبقيت تجيب قصص زي بتاعت الفيس الما بضغط لايك اخش النار
نتمني ليك اجازة سعيدة وترجع بالسلامة

Quote: القصة دي لها وقع خاص في نفسي وعايشت تفاصيلها واقعا معاشا مع ابني حسن فقد توفيت امه بالسرطان وهو طفل صغير لم يتجاوز الحادية عشر من العمر كان المعلم السعودي حيث كان يدرس في السعودية يسأل التلاميذ ماذا تريد ان تكون في المستقبل فاجاب حسن اريد ان ان اكون طبيبا لاقتل السرطان الذي قتل امي بكى المعلم وخرج من الفصل واتصل علي لاحضر حالا حضرت للمدرسة ووجدته يبكي فقال لي اهتم بهذا الحسن حتى يصير طبيبا وانا معاك من المهتمين ولا زال يتابع معي والان حسن ابني في هذه السنة يستعد لامتحانات الشهادة السودانية وكل من يعرفه يتوقع له مستقبلا باهرا بل ادارة المدرسة تهتم به وتتوقع ان يكون من اوائل الشهادة السودانية وهو يخطو خطوات واضحة نحو الهدف المحدد تحديدا دقيقا وواضحا

والله العظيم جرت دموعى من كلا القصتين وزادت جرياناً من القصة الثانية ،

حتماً سيكون إبنك طبيباً وسترى ذلك بنفسك يا عبدالله

كن أنت وهو بألف خير

Quote: القصة دي لها وقع خاص في نفسي وعايشت تفاصيلها واقعا معاشا مع ابني حسن فقد توفيت امه بالسرطان وهو طفل صغير لم يتجاوز الحادية عشر من العمر كان المعلم السعودي حيث كان يدرس في السعودية يسأل التلاميذ ماذا تريد ان تكون في المستقبل فاجاب حسن اريد ان ان اكون طبيبا لاقتل السرطان الذي قتل امي بكى المعلم وخرج من الفصل واتصل علي لاحضر حالا حضرت للمدرسة ووجدته يبكي فقال لي اهتم بهذا الحسن حتى يصير طبيبا وانا معاك من المهتمين ولا زال يتابع معي والان حسن ابني في هذه السنة يستعد لامتحانات الشهادة السودانية وكل من يعرفه يتوقع له مستقبلا باهرا بل ادارة المدرسة تهتم به وتتوقع ان يكون من اوائل الشهادة السودانية وهو يخطو خطوات واضحة نحو الهدف المحدد تحديدا دقيقا وواضحا . . الدموع تحجب عني الشاشة تماما

حبيبنا ود البوش فاتت علي المداخله المؤثرة منك
عليك الله مداخلتي بتاعت الهظار اعمل منها نايم
ربنا اوفقو ويحقق امانيك يا حبيبنا
والمغفرة والرحمة لوالدته...
بترجع متين عايز اوصيك تجيب لي معاك تمباك
تحياتي وتقديري

Quote: Sayed Abd Albagi · الأكثر تعليقا · Awad alhasan عباس الدسيس أضحك الله سنك ولو ماضغطت لايك على التعليق بتاعي ده شوف البيحصل ليك شنو خلال (10) دقائق

حبيبنا سيد سلام وتحية
يا خوي لحقته قوام قوام قبل ما تمر العشرة دقائق خاصة السعودية بتخلي الزول مهجس.
اقول ليك حكاية قبل فترة حصلت ليك

مشينا عمرة مكة بعد العمرة عايز اقص لي شعيرات من راسي عشان اكمل عمرتي لقيت لي واحد سعودي واقف شايل ليهو مقص قلت ليهو لو تسمح بالله المسألة ما اخذت ليها ثواني ((كجك قصيت )) ورجعتو ليهو.
الراجل قال لي جيب عشرين ريال !!
قلت ليهو يا زول انت عاقل مقصك كلو بي ريالين تقول عايز عشرين ريال فرتق بلا لمة معاك كان تفرفر هنا ما بديك ريال.
قال لي طيب امشي شوف يحصل ليك شنو !!!
قلت ليهو لو تتفرطق لساتك العربية ما بديك ريال ومشيت منو.
عليك امان الله العربية جديدة من مشيت من الطائف ضربن لستكين الواحد بي 800 ريال.
غايتو البلد دي وهمتنا وهمة......

Quote: بل ادارة المدرسة تهتم به وتتوقع ان يكون من اوائل الشهادة السودانية وهو يخطو خطوات واضحة نحو الهدف المحدد تحديدا دقيقا وواضحا

حيا الله ودالبوش،
وأسأل الله عز وجلّ أن يوفق حسن إلى تحقيق طموحه الإنساني الكبير!
والله خيرٌ حافظاً ومعيناً!
والله القصتين كلو واحدة أروع من الثانية،
أقصد قصة الخواجة وقصة الأستاذة نور تاور!
وفي غاية التأثير،
والمدرسين قليل منهم العندو اهتمام بالجانب الإنساني ده!
أما المدرس السعودي فربنا يجزيه كل خير على مشاعره العالية!
وبإذن الله قصة حسن حتكون هي الأروع!

Quote: احترام وتقدير يا عبد الله ود البوش

حبيبنا ود البوش كيف صحة امنا الله يديها العافية ويغتيها يارب واجازة سعيدة وترجع بالسلامة

Quote: استاذ محمد خليل بعد السلام طبعا واحترام الراي . . عارفا املتي واطا عارفا بل كمان طين عديل والمشجعني شايف العوام امثالي كتار بكتبوا هنا ويوصلو ما عندهم قدر قدرتم لكن المحيرني اتا الجابرك على وجع القلب شنو ؟ بكل بساطة ما تقرأ للناس الاملتن واطا اقرأ للناس الاملتن عشرة من عشرة واترك العولق لي عولقن واللعوج راي والعديل راي

أخي الفاضل الاستاذ عبد الله

السلام عليكم ورحمة الله وبركاته

بداية لكى العتبى حتى ترضى عن مداخلتي السابقة واعتذر عن كل كلمة وردت بها.

ولكني فقط اود ان اوضح بعد القسم بالله ثلاث بأنها كانت من باب الدعابة ليس إلا..ولو لاحظت انني وضعت وجه اخضر باسم كأيقونة للرد في الاعلى للدلالة على أنهادعابةجاءت من باب استظراف بوستاتك وردودك على المتداخلين فولجت من هذا الباب الذي منه اخرج معتذرا بل آسفاً. وحقيقة ما قصدت بالاملاء الغلط تلك الرموز التي تداخلت بين سطور قصتك وادري انا بحكم التخصص بانهامشكلة حاسوبية وليست لغوية..وكلمة اعد قصدتها بالاحمر كاساتذة الزمن الجميل الذين علمونا ان نحترم انفسنا قبل الاخرين ولن احيد عما علمونيه شبرا. والله ألمني جدا ان يفهم البعض مداخلتي عبر ردك عليها كالاخ الفاضل اسماعيل عباس الذي اكن له كل الاحترام بالرغم من انه وكعادته كان جميلا حتى في تلميحه إلى مداخلتي مخاطبا شخصكم الكريم (عادة لا أنظر لكتاباتك من ناحية لغوية ولا إملائية )..فلهم ايضا اكيد اعتذاري..


نسأل الله للوالدة دوام الصحة والعافية وان يوفق الابن حسن عبد الله ان شاء الله ببلوغ المرام. فقد كان لقصته كماكان للقصة الاولى وقع في القلب عظيم.واهمس في اذنكما معا... وما البلاء إلا حب رب العالمين.

ولك خالص الود والتقدير

محمد خليل

أستميحكم عذرا ضيوفي الاعزاء لأرد على الاخ العزيز محمد خليل
بكل صراحة ظننت ان المداخلة جادة ورديت عليها بكل جدية
الوش اللخدر شفتو ولكنه زاد الطين بلة قايلك بتضحك على سجم رمادي هههههههههه
وقسما ما محمد لم اكن ـ ابوالزفت بالله شفت حذف حرف العلة دا كيف ــ غاضبا ولا زعلان عليك
بس رديت زي ما قلت ليك ردا جادا بافتراض ان المداخلة جادة
ومعروف معظم اللغوين يرغون ويزبدون حين يرون الاخطاء اللغوية بينهم
ولذلك طلبت منك ان تريح نفسك ولاتتعب قلبك بالوجع اللغوي الحائم وفي نفس الوقت اجد لنفسي العذر لانني اكتب بالدارجة القحة
.
.
وعلى كل حال سؤ فهم وحصل
وقبل ان اعتذارك اللطيف ارجو منك يا عزيزي ان تقبل اعتذاري لسؤ الفهم واللبس الذي حصل
وكما اعتذرت انت وبالتأكيد عذرك مقبول ارجو المعذرة والمسامحة
ويدوم الود بيننا اخي الفاضل الكريم محمد خليل
تحياتي

ودالبوش
الف سلام وتحية وحمدا لله على سلامة الوالدة
وتمنيااتنا للابن حسن بمستقبل باهر

ان من كان له والد مثلك حري به أن يكون في أرفع الاماكن ولا شك لدي أن حسن لن يقل عن تيدي شيئاً ان لم يزد عليه

الرحمة والمغفرة لأم حسن ونسأل المولي أن يطرح البركة في ذريتها

أخي العزيز هشام شيخ الدين
تحية واحتراما وتقديرا
كيف لاتدمع عيونك وانت ابن من علم الاجيال الحرف والادب
اشكرك لمشاعرك النبيلة وتمنياتك الطيبة لابني حسن
مع جزيل الشكر والتقدير

البت الهميمة منى عمسيب
تحية بطعم الحرية وعودة هيبة المعلمة والمعلم

جزيل الشكر والتقدير

أخونا الكريم عثمان
سلام واحترام
اشكرك لك اضافتك القيمة
.
.
الاقتصاديون لديهم مقولة بتقول تقاس قيمة الانسان خارج وطنه بقيمة عملته الوطنية بالخارج
طبعا مقولة مالية جافة
ولكن الدمار الاقتصادي الحاصل الان في السودان دمر الكثير من القيم

هل من مدافع عن المعلم السوداني ؟!

قصة مؤثرة يا عبدالله .ابداً لا يجب الحكم على الأطفال بمظهرهم
ولا بممستواهم في السنوات الاولى إن تعثروا.لنا في اديسون وانيشتين عبرة.
في السودان هناك معلمون أفذاذ لديهم حكايات وحكاياتمع تلاميذ نبغوا فيما بعد
أو استعدلوا للدراسة بجدية او طوروا قدراتهم.
وهناك حالات فقر لدى التلاميذ في السودان ومآسي تقصر دونها ما حكيت. شقيقي الأكبر معلم .
ذكر لي من حكاياته العديدة أنه في بداية عمله بالتعليم نقل لمنطقة رفاعة .ووجد بالمدرسة تلميذ
لا يذهب لحصة الفطور كبقية التلاميذ فاقترب منه ليحل مشكلته فقال له التلميذ ضمن ما قال :
- والله لو عندي مال وداب سن؟
فقال له أخي عبدالله : أها تسوي بيهوشنو ؟
فاجاب التلميذ اشتري كل يوم بي قرش تمر !
قال عبدالله ظللت في كل يوم اشتري لذلك التلميذ تمراً بقرش إلى وقت طويل إلا ما انسى.
نحن أهلنا من شمال السودان وأذكر أني قلت لعبدالله كان تجيب ليه من سبيقة جدنا شوال تمر وتوصلو لي عند بيتهم.
انظر مثال التلميذ من المنطقة (مال ود أب سن).