حرامي البكيات

آي حرامي بيوت البكا

البكيات في كوستي بختو كراس للمساعدة , بتشيل الفاتحة وتمشي علي الكراس تخت الفيها النصيب

ياخ المنبر ده بقا كريه خلاص
تكتب لامن تفتر
تعتمد المداخله تلقاها مافي
تزهج ذاتك
شويه كده وبتم
اجتهدت لكن

بختار يوم رفع الفراش والناس كتار , فحضور الرفع فرض في كوستي
بخسر ليهو كراس وقلم , ويقعد محل مرور الناس , يفتح الكراس والناس متعوده , تقول اسمك وتخت قروشك
يلم القروش مع قومة الناس لصلاة المغرب ويهرب
‏ البكا بقومو بيهو شباب الحي , يتدينو ويحاسبو بعد الرفع , يشيلو قروش الكراسات ويسددو الدين , ومافي بكا بخسر
زولنا ده اتعرف بعد سرقات كتيره , اتناقل الناس شكوكهم لامن قبضوهو , ما اشتكوهو ,, نهزروهو بس
ولي الليله ماقنع
رجل اربعيني , مربوع , لابس جلابيه وعمه نضيفات ويبدو عليه الوقار

من النفاج
آمال يا خيه
هههههه اربعيني شان الناس الكبار ما قاعدين يجمعو القروش
عرفتو في وفاة عمي قبل سنة , واحد ناداني وقال لي شفت الزول داك اعمل حسابك منو وحكي لي القصة
اهل البكا بتعففوا من يخشو في موضوع مال زي دي شان كده بنهروا بس