يا محمد عثمان إبراهيم قدام الناس ديل بكلمك ..

حتى وقت قريب كنت أحمل لك بعض إحترام
وحتى وقت قريب كنت أظن أن لك بعض أخلاق تركن إليها أوقات الشدة "وما أكثرها"


فكرتي عن محمد عثمان الحالي إنو زول غير مؤتمن، غير نزيه، وبلا أخلاق
زول بتاع نبايش لا يتورع عن تتبع وعرض عورات الناس وإبتزازهم بالفيهم والمافيهم لا يشرفني مطلقاً إنو يكون بيننا مراسلات
مطلقاً يا محمد عثمان

بكرة بعد بكرة بعد ما نستغضبك "وإنت إستغضابك ساهل" الله العليم تمشي تطاعني بي شنو في الجرايد
ونبقى في جيبو البرنت سكرين ولا لا نسخة من المراسلات كانت مع صديقك البشبهك وما إلى ذلك من فارغة



فرجاء رجاء رجاء ما تراسلني في الخاص خير شر
أي كلام داير تقولو لي قطعاً ما حيكون أسوأ من الكتبتو وقاعد تكتبو لناس تانيين
فرجاء خليهو هنا دا على الهواء الطلق

وشكراً ..

تنويه هام جداً:

لناس التوم والشمار والدراما
محمد عثمان إبراهيم رسالتو عادية جداً ما فوكا أي تحرش والله على ما أقول شهيد ..





تنويه أهم:
الجماعة بتاعين الخصوصية والدسوسية
البوست دا تحديداً عشان ما نضطر يوم إننا نبهل خصوصية على الملأ
والأولو شرط .. آخرو نور وموية ..

حكمة الإتعاظ من رأس الذئب الطائر
الذي لم يتورع من النبش .. لن يوفر أحدآ
مع إني قليل المتابعة وماعارف التفاصيل والخلفية
لكن بتكلم على العموم
حكمة ان تعمل حسابك من زول ولغ في عرض زول
حكمة أن لاتدلي بسر ل نمام
حكمة .....الخ
الحكمة دي بتمتد لتشمل حاجات كثيرة جدآ

و منك نتعلم يا سمراء يا واضحة

سلامات عزيزنا أبو ساندرا ..



قالوا السعيد يشوف في غيرو ..

جني وجن البوستات الزي دي.

يا تيسير عووضة قدام الناس ديل بكلمك .. لا ترسل لي رسايل في الخاص لا برسل ليكي
للاحتياطي ،،، وكده !

عارفاك يا ملاسي ..






ممكن تراجع تنويه رقم اتنين ..

لا يهم التنويه .. كان يكفي بدلاً عن هذه الحفلة أن ترسلي
له نص هذا البوست .. فلا يراسلك مرة أخرى أبد الدهر.

فعلت ..

ردي ورجائي له بألا يراسلني مرة أخرى كان سابقاً لهذه الحفلة



والمثل بقول: حفلة الليلة ولا مهرجان نبايش بكرة ..

محمد عثمان إبراهيم دا منو ؟!

والله الزول دا من شدة ما باهت لما بنسى إسمو ..
وكمان قالوا كان بيكتب معانا هنا وفى فور أوول .. غايتو يخربني كان لاحظتو قبل كدا ..
والبركة فى حسن موسى وفيكم العملتو ليهو شنة ورنة !


أعتقد والله أعلم أن الرسالة الأخيرة بسبب هرشة من بوستك دا /
من الجميل .. من الأجمل!


حسنا فعلت يا حوا بنزين ..:)
ويا ناس الخصوصية والدسوسية على قولك ..
فى أصناف كدا من البشر أحسن الناس ما تخش معاهم فى خصوصيات وحاجات ذي ..وتحددها معاهم فى العام وتشهد عليهم الخلايق ..
لأنهم بكونوا قدام الناس هللا هللا ..وفى الخاص يعلم الله ..

طبعا من حقك تختاري تتعاملي مع منو وكمان كيفية توصيل رسالتك ...
ولكن الا ترين ان هذا تشهير بشخص لم يسئ اليك تحديدا ولا معرفة لك في سبب ما كتبه بخصوص اخرين .. رغم اختلافي مع ما كتب ...

تشهير و نبيشة اكتر من البتعملي فيهو دا

الأخ العزيز العوض ..

أنا لا أراه تشهيراً ..
لي كامل الحق في تحديد كيف وأين يتواصل معي أمثال محمد عثمان إبراهيم من عدمه!


ثم أنه لا رغبة لي في معرفة أي سبب لكمية النميمة والقوالات التي أتى بها المذكور ولا حتى المقصودين بها
من الواضح أنه كتب ما كتبه تحت تأثير الغضب الشديد


هنا المحك
وهنا إختبار الأخلاق الحقيقية ..

يا آمنة الموضوع وما فيهو إني بقيت لا أثق في ردة فعل محمد عثمان إبراهيم حين "يستغضب"



لا أتوقع إنو البوست دا ليهو علاقة فمحمد عثمانهم لا يتهرش بتاتاً البتة

مع ملاحظة إني فتحت البوست الهسي دا بعد دقايق من رسالتو وردي عليها
يعني ما فجأة صحيت من النوم ولقيت نفسي برعي يا قول عادل إمام :)

Quote: تيسير عووضة فعلت .. ردي ورجائي له بألا يراسلني مرة أخرى كان سابقاً لهذه الحفلة والمثل بقول: حفلة الليلة ولا مهرجان نبايش بكرة ..

ان كان الامر كما فهمت
يبقي يستاهل الليجرالو

لا تنه عن خلقٍ وتأتي بمثله ... عارٌ عليك إذا فعلت عظيم.


هسي نبشيتك دي نبيشت نصاح ..!!!!

نبيشه فل اوبشن ..

أمجد جميعابي وأمجد الأمين ..

مرحب بيكم وشكراً على إبداء وجهة نظر


لا أتفق معها ولكن أحترمها ..

والله كلكم بتخوفوا الواحد

كويس انه الواحد لا عنده شلة و لا حزب و لا "جكس"

حامد برقو ...


طول ما إنت ماشي صاح ما في شي يخوفك
وإنت أدرى بي نفسك في كل الأحوال ..

يا فقير ما تمشي بعيد ياخ

بين الرسالة والبوست دا زي ربع ساعة أظن ..

طبعا هو مولد كل حد داير يحصل السوق
ويطلع ان شاء الله بقطعة حلاوة قبل السوق
ما يبرد وللاسف هذا البوست تشهيري
ولا اعتقد ان اخونا محمد عثمان في حوجة
لمراسلتك في الخاص فكان بامكانك لطالما حسب
اعترافك ابضمني ان بينكم مراسلات ان تعلميه
بعدم رغبتك في التواصل بدل التكسب الاسفيري
التحية لاخونا محمد عثمان ولو شهر به المتبضعون
يلا في حد تاني داير يزايد حصلوا السوق

الله فرجيني

شكرًا نوريت لزيارتنا في هذا البوست التشهيري ..

لتيسير عووضة كامل الحق في افتراع هذا البوست ..
ولو كانت مثل هذه الأشياء تمضي كما ينبغي لها أن تكون مصانة وفي حيزها المظبوط ..
لما أضطرت تيسير لهذا البوست ..
وفي البال مراسلات شخصية انتهكت خصوصيتها ..
ورجال ونساء وبنات يُنال من خصوصياتهم في هذا المسرح العبثي للشأن العام وعلى صفحات الجرائد ..
ما بين ذلك المخمور وذلك الذي يخونه صديقه مع زوجته على مرأى ومسمع أطفاله وتلك التي تذكر اصحاب الاستقامة والشرف العالي والمقام الصحفي العظيم ببطلة فيلم خمسة باب الممنوع عن العرض في مصر الثمانينات .. وليس آخرهم ذلك الذي شالو بي حسو لاستخدامه الركشه في تنقلاته كناية عن فشل مهني وشخصي وهوان !!!..

هذا هو حال الكتابة .. وهذا هو حال الكتاب والصحفيين .. وده ياهو الغسيل الوطني العام المنشور على اسافير الله وصحافة بلد هو ذاتو مافيش ..

تحياتى تيسير

طالما أن هذا الشخص لم يقم بالاساءه اليك فما الغرض من هذا البوست.
حكاية الضربة الاستباقيه دى غير مقنعه .
بوست غير موفق .

تحياتي يا تيسير،
انا من رائي انك تسحبي البوست دا، لو فكرت قليلا حتلقى نفسك تجنيتي شديد على محمد عثمان ابراهيم.
ممكن نتخلف مع محمد فى كتابته اي درجة من الاختلاف هذا مشروع. لكن البوست دا تشهير مجاني ما
مفروض يصدر منك.

( الاستباق ) دا دوافعو شنو ؟

محمد عثمان ابراهيم .. انت بتهبش مالك يا زول ؟

Quote: تيسير عووضة كامل الحق في افتراع هذا البوست .. ولو كانت مثل هذه الأشياء تمضي كما ينبغي لها أن تكون مصانة وفي حيزها المظبوط .. لما أضطرت تيسير لهذا البوست .. وفي البال مراسلات شخصية انتهكت خصوصيتها .. ورجال ونساء وبنات يُنال من خصوصياتهم في هذا المسرح العبثي للشأن العام وعلى صفحات الجرائد .. ما بين ذلك المخمور وذلك الذي يخونه صديقه مع زوجته على مرأى ومسمع أطفاله وتلك التي تذكر اصحاب الاستقامة والشرف العالي والمقام الصحفي العظيم ببطلة فيلم خمسة باب الممنوع عن العرض في مصر الثمانينات .. وليس آخرهم ذلك الذي شالو بي حسو لاستخدامه الركشه في تنقلاته كناية عن فشل مهني وشخصي وهوان !!!.. هذا هو حال الكتابة .. وهذا هو حال الكتاب والصحفيين .. وده ياهو الغسيل الوطني العام المنشور على اسافير الله وصحافة بلد هو ذاتو مافيش ..

Quote: أنا لا أراه تشهيراً .. لي كامل الحق في تحديد كيف وأين يتواصل معي أمثال محمد عثمان إبراهيم من عدمه! ثم أنه لا رغبة لي في معرفة أي سبب لكمية النميمة والقوالات التي أتى بها المذكور ولا حتى المقصودين بها من الواضح أنه كتب ما كتبه تحت تأثير الغضب الشديد هنا المحك وهنا إختبار الأخلاق الحقيقية ..

This
post is too severe
to survive
so please remove it

إنتي قلتي رسالته ما فيها حاجة!

توتا مشتااااقين
وكل عام وانتى بخير
رشى رشي اى زول يضايقك رشاهم بلاء
الما قدرنا نسوى نحن سوى انتى احييييييييييك

Quote: فى أصناف كدا من البشر أحسن الناس ما تخش معاهم فى خصوصيات وحاجات ذي ..وتحددها معاهم فى العام وتشهد عليهم الخلايق .. لأنهم بكونوا قدام الناس هللا هللا ..وفى الخاص يعلم الله ..

وحاتك يا امونة اقنعة وجوه مزيفة وضباع بشرية
الواحد مرات براعى لحاجات كتيرة علشان كده بكظم الغيظ ويجليهم وبعرف انهم متربين فى بيئة ما نطيفة وما بنزل لى مستواهم
وحاتك لو رشيت ليكم الكتب لى فى الخاص وحاتك تقولى لى صبرك دا فات ايوب زاتوا

لكن انا مؤمنة بحاجة واحدة
انوا ربنا كبير وعادل وما بظلم حد وانا اوكلت امرى له
وكل ما اصلى اخت جبينى فى المصلية بسالوا ياخد لى حقى منهم هو براهو الحكم العدل

Quote: كان بامكانك لطالما حسب اعترافك ابضمني ان بينكم مراسلات ان تعلميه بعدم رغبتك في التواصل

هذا ما رأيته انا أيضاً ...
وإن كُنت أُبرئ تيسير من تهمة قصد التشهير لثقتي فيها ...
(رُبما) لم تكن موفقة في البوست
ولكن (يقيناً) أنها لم تقصد ما ذهب إليه عدد من المتداخلين ...

سلام تايسا
محمد عثمان اخطأ في مقاليه وطاشت ضربته ولكن الذي اعرفه عنه ان رجل محترم وانا متاكد ان مراسلاته معك ليس فيها ما يخجلك او يخجله
ولن يبتزك بها يوما فهي كما اتوقع لن تعدو ارسال مقاله الراتب او تبادل للراي في بعض المواضيع العامة
لا تضيعي المعروف بين الناس فالرجل من حرصه على سرية من يراسلهم يرسل للجميع (bcc)
وكما قال الصديق ابوبكر اتمنى ان يقف هذا الموضوع عند هذا الحد وهو عشم فقط

شكرا يا رضا ...
وقديما -أظن- قيل لجحا: قيل لجحا إن مدينتك تحترق، فقال: ما دام الحريق بعيدا عن حيّنا فلا يهمني، ثم قيل له إن النار قد وصلت إلي حيّكم، فقال: إذا كانت بعيدة عن بيتي فلا يخصني، حتى إذا قيل له إن ألسنة اللهب امتدت إلى بيتك، قال: غرفتي ما زالت آمنة فأمر الحريق بعيد عن اهتمامي.

وهسع قيل لتيسير: غرفتك ما زالت آمنه ؟!!!
فمن هو جحا ؟!!

ياود المشرف يعجبني فيك انك زول دوغري ومابتعرف اللولوة ........
غايتو أخونا محمد عثماننا خسر ناس كتار ......
.
.
.
تحياتنا للأخت تيسير .

رضا يا عزيزي ..

ولتجدن أكثر الناس "حكمة" هنا .. الذين يثملون طربا لفضح المراسلات الشخصية و .. " الردم"
يتابعون كل حرف فيه وكأن حياتهم ومماتهم يتعلق بفضيحة ما ؟!!

شفت ليك نفاق زي ده ؟!!


..

"حكمة" و "الردم" وردت كما هما بين مزدوجين !

برضو بعيب على الأستاذ حسين ملاسي صب الزيت على النار وكان
ينتظر محمد عثماننا " ليجهز " على النصف الآخر لحسن موسى !!
.
.
أتمنى من حسن موسى أن لا يغوص في هذا الوحل علما بأن له حق
الرد ان أراد.....ولكن بعقلانية !!!!!
.
.
حقو الناس تعيد وتراجع حساباتها خاصة مع أولئك الذين أسروا
لهم بخصوصياتهم ...

الله هونيني ....الله فرجيني

ليس فى النفس سر لا يظهره تصرف صاحبها!!

وأيضا :
لحظة من الحماقة قد تخلق حسرة العمر ....!!!!

الرجاء سحب البوست

ما دام راسلته في الخاص لا داعي للعام

تايسا سلامات

ويا تايسا يا اخي هذا الوهم لا يستحق ان يذكر
بعضهم يصير لئيما عله يصير علما.


ويا آمنه مختار تاكدي بانه ما اوجع الرجل بوست تايسا قد ما قد يوجعه تعليقك
فالرجل عامل فيها علما من اعلام البجا كيف يا اخي ما تعرفيه؟!

Quote: محمد عثمان إبراهيم دا منو ؟! والله الزول دا من شدة ما باهت لما بنسى إسمو .. وكمان قالوا كان بيكتب معانا هنا وفى فور أوول .. غايتو يخربني كان لاحظتو قبل كدا .. والبركة فى حسن موسى وفيكم العملتو ليهو شنة ورنة !

ويا الصادق اسماعيل صداقات التحالف دي خلونا منها.

الراجل ده لما جاء هنا و عمل فيها بيعرفني وكتب بوست سماهو ما بين (تراجي عمر اوبوطالب) و (تراجي مصطفي)
اين كانت اخلاقه؟!

وفاكر روحه جاب الديك من ديله؟!(زيله)؟!

ويا آمونه الزول عامل فيها اتحادي ديمقراطي
بزمتك في بجاوي مثقف و منحاز لاهله لا زال اتحادي ديمقراطي؟!
والكل يعرف بانه حتي اصحاب الطرح الديني يكرهون ما فعلته الطائفيه باهلهم بالشرق؟!


هذا نموذج لمثقف الهامش المعقد
المتمسح بالمركز....مبروك عليك نمط طتاباتك القميئه
وآخرتها التلصص علي الاخرين و نبشهم عشان بيستعرض يعني في علاقته المركزيه و انه حتي شماراتهم ملم بها!!

تغور انت و تغور شمارات المركز الما حررت شعره من شعبنا.

كما بين محمد عثمان ابراهيم و مصطفى البطل مواجبة كذلك بين تيسير عووضة وحسن موسى مواجبة!!

تسلم يا مشرف ..

عجبت حقاً لمن يرون في هذا البوست تشهيراً وتعمى عيونهم أن ترى التشهير الجد جد
والتشنيع بالناس على صفحات الجرائد وفي الأسافير !!

محمد عثمان إبراهيم جاني في مساحة خاصة لا أحب تواجده فيها
فمن لا يطرف له جفن وهو ينعت الأخريات بقلة الأدب دون أن يتعرضوا له يوماً
ومن لا يطرف له جفن وهو يأكل ويمزمز لحوم الناس أحياء ويخوض في أعراضهم على صفحات الجرائد "وإن كان صادقاً"
ومن لا يطرف له جفن وهو يطلع على/ويحتفظ بخصوصيات آخرين دون علمهم

حق لي أن اعمل حسابي منو
وحق لي خلق مسافة كافية بيني وبينه
وحق لي كذلك الإعلان على الملأ ألا رغبة لي في أي تواصل إنساني معه

محمد عثمان إبراهيم جاني أمبارح هنا دا في مسنجر البورد دا
ومن حقي أثبت الواقعة دي هنا في البورد دا قبل ما بكرة بعد بكرة ألقاها في الجرايد ولا في إنبوكس واحد من أصحابو

الدنيا ما معروفة ..

هلا يا تيسير
وانا جيت من عزلتي السودانيزية الاختيارية عشان بس اقول ليك قوووووووووو اوووووون

المثقفاتية المتورجغين ديل الواحد فيهم لو ما اتقطع فاول زي ده اصلو ما برعوي
واردمي يا زولة او كما قال البوق ود الباوقة...!!!

وعلي السادة المتضررين اللجؤ الي صحف الخرطوم الكرتونية لووووووووول

وشكرا

استغرب من الشابكن تيسير
اكتبى ليهو فى الخاص
ومافى داعى

وما اتوقفى ابدا

امام تشنيع محمد عثمان وافتراءته
دى عملت شنو
ودا مرتو بتجيب الرجال
ودا سكران

ومحتفظ برسائل ما بتخصو
ويستخدم فيها دون حساسية

تيسير انت زولة شجاعة ودغرية

ماعارف ...

هذه المرة حسيت بالشوفونية اكتر من مقصدك الحقيقى هذا ان كنتى تقصدى فعلن ما تدعين ...

هذا مع تاكيدى على انك صاحبة شرف وعرض وسمعة يجب ان لا تنتهك تحت أية مسمى وبند ...

أقول هذا وفى بالى مشكلة سابقة لكى مع هشام أدم - على ما اعتقد - قبل سنوات .. وقد قضيتى عليه بالثابتة حينها ..

اما كان الاجدر ان يتم تلافى ماهو متوقع بنظرك بطريقة أخرى ..

النهايتو ... لم توفقى هذه المرة .. على الاقل فى نظرى .. لان حكمك افترض قراءة مستقبلية لشىء قد يحدث او لا يحدث ..

تحياتى ..

تراجي
كيفك
أعتز بصداقتي كلها، وأعتز بمعرفتي بمحمد عثمان ابراهيم، ولست من الذين يمكن ابتزازهم بهذه السهولة ولن أكون فرد في قطيع، ولا يهمني رأي الناس في، يتمنى انا أكون متسق مع ما اكتب، ولا اكتب الا قناعتي، ومعجب بمحمد عثمان وكتاباته، وحين اجد فيها ما يخالف مباديء انتقدها على الملأ، لم أكن يوما جزءا من شلة أدافع عنها بالحق او بالباطل.


محمد عثمان ابراهيم من الذين أتجمل بصداقتهم. أقولها هنا على الملأ ومرة اخرى من القلائل الذين يجيدون الكتابة ويعتنون بها، أتمنى له التوفيق والنجاح، وسأكون حريصا على الإشادة بما يكتب ونقد ما لا يعجبني من كتاباته.


وصداقات التحالف أيضاً اعتز بها جداً، فقد كانوا نعم الأخوات ونعم الأخوة أفاخر بهم وبهن الشمس، تعلمت منهم الكثير واعطوني من الحب اكثر مما استحق


ما زلت عن وجهة نظري

ما دام ما كتبه صديقي محمد عثمان للاخت تيسير كان في الماسنجر وليس فيه إساءة او مخالفة فعليها ان ترد في نفس الماسنجر، هذه وجهة نظري وهي ليست كتاب منزل وبالطبع لتيسير تقديرها الخاص ووجهة نظرها التى احترمها جدا

Quote: تيسير عووضة يا فقير ما تمشي بعيد ياخ بين الرسالة والبوست دا زي ربع ساعة أظن .

'طيب ما كان تديهو فرصة

.

Quote: ثم أنه لا رغبة لي في معرفة أي سبب لكمية النميمة والقوالات التي أتى بها المذكور ولا حتى المقصودين بها من الواضح أنه كتب ما كتبه تحت تأثير الغضب الشديد

تااااااااااااني !!
يا تُرى استُغضِب تااااني والا بيكمل نبيشة الغضبة الاولى..؟!

ثم من حقك يا أخت رفض هذا المسلك طالما ان الاستاذ لا يتورع ان يستشهد به الآخرون على صحة رسائلهم الخاصة مع البعض ويحتفظ بها كذلك..
اخير تعملي حسابك الظروف ما معروفة وقد يكون رابط هذا البوست دليل لك في يوم من الايام لو ربنا مدّ في عمر الصحافة والكتابة في السودان ...

دكرت تيسير صراحة أنها طالبت المدكور بعدم مراسلتها فى الخاص اand#65275; إنه أصر على مراسلتها
فمن حقها حماية خصوصياتها حتى و كانت مراسand#65275;ته عادية

معليش ياتيسير..

ستجدين في دنيا الناس دوما سذج وقاصري فهم وذوي مفاهيم مختلطة وناس يحددوا ليك علاقاتك.. وناس ساي ..وناس تانية توريك حقوقك وناس تاني تخوص في ماهية الحقوق وتفلسف ليك الحقوق وناس ترجع ليك الحقوق وعييييك..

نعم ..نعم..كم هو مستفزٌ ذلك..
بس ده مايجب ان ترتضيه لانك ارتضيتي الكتابة في مكان يمنح حق الكتابة لاي زول..


الناس برضك عايزة تشارك في مذبحة محمد عثمان دي..







-----------------------------

هامش خاص لتيسير فقط برجاء غض النظر اذا كنت لست تيسير
____________________________

سلام ياتيسير مرة تانية،،
الاخبار وعم عووضة والمطر في الامارات وزحمة بشارات الاكسبو، معليش ياخ اي زول عايز ينظر ليك ويعمل ليك فيها ربها وكانو شايل كتاب الحقوق المقدس... اعملي وسوي وماتسوى وبتاع..
يازولة اكتبي في اي حتة تعجبك انشالله في ضهر طيرة..دي شنو النقة والصرف ده انتي اصلو كاتبة ليهو في محاية؟؟

من ناحية تانية ياخي داير منك طلب سغير وانحنا المعزة البينا كبيرة، ممكن ترسلي لي رسايل محمد عثمان دي احتفظ بيها في كمبيوتري ..قالوا المثقفين بقت عندهم حركة القشرة بي ونسة المشاهير عشان تجي تفتو يوم التشهير..

وكوني في خير كتير..
عزيز

Quote: دكرت تيسير صراحة أنها طالبت المدكور بعدم مراسلتها فى الخاص اand#65275; إنه أصر على مراسلتها فمن حقها حماية خصوصياتها حتى و كانت مراسand#65275;ته عادية

سلام يا بروف, لا أعتقد أنو تيسير قالت كدا
حسب ما فهمت هي ردّت على الرسالة طالبة من محمد عثمان عدم مراسلتها ثم بعد ربع ساعة قلبها أكلها فا ثبتت القصّة دي بالبوست دا

صح كدا يا تيسير؟

صح يا محمد البشرى.

Quote: صح يا محمد البشرى.

الزول دا مش قال جنو وجن البوستات الزي دي .. طيب مالوا حاتل فيهو ؟



تعديل حرف في كلمة الزي

القانون هو الحافظ للحد الادنى من الاخلاق , اما الضمير فهو الضامن لحده الاعلى , فماذا لو غاب الضمير و غاب القانون ؟ , اذن سقط المجتمع في هوة الانحطاط السحيق , وهي اللحظة التي نحياها الآن.








فاطمة ناعوت

Quote: الزول دا مش قال جنو وجن البوستات الزي دي .. طيب مالوا حاتل فيهو ؟

حاتل فيها لتبصيرك – وأمثالك – بفداحتها!

Quote: حاتل فيها لتبصيرك – وأمثالك – بفداحتها!

فالتبصر نفســك وأمثالك .. فمثلي لم يعلق على ما ورد في البوست لا سلباً ولا إيجاباً !

Quote: فمثلي لم يعلق على ما ورد في البوست لا سلباً ولا إيجاباً !

فلتهنأ بسلبيتك!

Quote: فلتهنأ بسلبيتك!

هذه ليست سلبية أيها الأحادي !

حيث للأخت/ تيسير معزة خاصة لدينا وهذا يسمى حياد وليست سلبية

إن كنت قاضياً واتتني تيسير شاكية أو مشكية |لإنسحبت من القضية وأوكلتها لغيري

فهل يغعير هذا من ر أيك ؟

Quote: Unlike يا تيسير .. Unlike!!

يا ود الصايم ليهم حق الامريكان ما يدوك لوتري

Quote: هامش خاص لتيسير فقط برجاء غض النظر اذا كنت لست تيسير ____________________________ من ناحية تانية ياخي داير منك طلب سغير وانحنا المعزة البينا كبيرة، ممكن ترسلي لي رسايل محمد عثمان دي احتفظ بيها في كمبيوتري .

دكين يا معتق خبثك معتق مثلك رابط البوست فقط يكفي للقشرة
تسير عووووضة اول مرة اعرفك بتخافي من ود أُم بعلو

:
:
:
:
:
:
مع التحيات لله الزاكيات
التعديل لتنسيق الاقتباس

هذا البوست غير موفق ويعتبر انصراف عن المسائل الجوهرية التى كنا نتوقع من مثقفى البوست الاهتمام بها ومناقشتها بدل مضيعة الزمن في مهتارات .
رغم طلبك منه بعدم مراسلتك في الخاص وعدم استجابته ولكن عدم الاستجابة لايبرر فضحه بتلك الصورة .
اننا لانعرف محمد عثمان ولانعرفك إلا من خلال هذا المنتدي ولكن ينبعى اتباع قنوات حضارية للمحافظة على حقوقك .
وكان عليك الطلب من صاحب المنتدي حظر إي رسائل تأتى لك من المدعو واعتقد ان هنالك آلية لعمل ذلك الحظر .
في عرفنا القانوني تعتبر دعواك ناقصة لحين الاستماع لإقوال الطرف الثاني وهذا ما لا نتمناه وامل ان يكبر عقله وينصرف عن هذا البوست .
ان همومنا اكبر من مناقشة تلك الامور السحطية التى لاتخدم القارئ وليس لانك تيسير التى لها مجموعة كبيرة من الزميلات والزملاء تعطى نفسك الحق والجراءة على مناقشة ذلك .
ان هموم مواطننا تنحصر في الخبز والعلاج والتعليم ، نأمل مناقشتها وكيفية الحلول للخروج من الازمة بدلا من فضح الناس حتى ولوسلمنا بوجود خطأ من قبلهم .

تشطب شكواك إيجازياً

الأخ فتح العليم ..


عندك في الصفحة الأولي حوالي 100 بوست
60% منهم بتحكي عن هموم المواطن السوداني المحصورة في الخبز والعلاج والتعليم
10% منهم عن النزاع القبلي الذي يدور حالياً في الجنوب
20% منهم عن الكورة
5% منهم مواضيع دينية
3% منهم مواضيع عن الهوية والإثنيات
2% مواضيع إنصرافية وأولها البوست بتاعي دا


حضرتك سايب الـ 98% وجاي مضايق روحك في الـ 2% دي ليه؟

Quote: تيسير عووضة الأخ فتح العليم .. عندك في الصفحة الأولي حوالي 100 بوست 60% منهم بتحكي عن هموم المواطن السوداني المحصورة في الخبز والعلاج والتعليم 10% منهم عن النزاع القبلي الذي يدور حالياً في الجنوب 20% منهم عن الكورة 5% منهم مواضيع دينية 3% منهم مواضيع عن الهوية والإثنيات 2% مواضيع إنصرافية وأولها البوست بتاعي دا حضرتك سايب الـ 98% وجاي مضايق روحك في الـ 2% دي ليه؟

طولي بالك يا تيسير وخلى اخلاقك رياضية تقبلين كلام الغير
انا بالجد زعلان ليك دخولك في مثل تلك المهاترات التى لاتسمن .
عموما ولايهمك الراجل غلطان ولكن اكتمي الغيظ وعالجي الموضوع بصورة تليق بك .
مع احترامي وتقديري لك

كتب أخونا أبوبكر صالح:

Quote: تحياتي يا تيسير، انا من رائي انك تسحبي البوست دا، لو فكرت قليلا حتلقى نفسك تجنيتي شديد على محمد عثمان ابراهيم. ممكن نتخلف مع محمد فى كتابته اي درجة من الاختلاف هذا مشروع. لكن البوست دا تشهير مجاني ما مفروض يصدر منك.

لا ما بسحب البوست!
لما تبقى زول حقاني بنظر في أمر نصايحك وآرائك
ولا ألومك، قالوا في المثل اطعم البؤ تستحي العين
هو الإطعام دا إلا يكون أكل؟



بعدين يا بكور ياخ تشهيري المجاني دا ولا تشهيرو مدفوع الثمن

Quote: ولا ألومك، قالوا في المثل اطعم البؤ تستحي العين هو الإطعام دا إلا يكون أكل؟

سلام يا تسير، يا اختاه لو اتناقشنا باحترام بيكون احسن. مافى داعى للكلام الفارغ لانه يكلف كثير. لو بنبيع مواقفنا باي ثمن ما نبيع لسيد الشئ زاتو، ليه لنبيع لمحمد عثمان المفلس دا. لمن انتقدت مقالات محمد عثمان و مواقفه الكلام دا كان زمان بدرى، عندما كان الليل طفلاً يحبو و دى قضية بقت مسهوكة بالنسبة لى. بل بالعكس شايف فى انشغال الناس بمقالاته الاخيرة اٍضاعة للوقت و الجهد و الصولجان. الاخير دا يخص الـ main stream حق المعارضة، عندها صولجان و سلطة معنوية. لو انشغلت بكاتب و بقت ترد عليه بياخد اعتبار و وزن و ان تجاهلته سوف ينزوى هنا فى ركن من الظلام.

دا ما اره فى خصوص مقالات محمد عثمان، لكن دا كوم براه. و الحاصل فى بوستك دا شئ مختلف. فى أكتر من زول هنا أكد ليك على خطأ تقديرك بخصوص موضوع البوست، هل كلهم اطعمهم محمد عثمان؟ دا بافتراض انو محمد عثمان اطعمني شئ ما على حسب زعمك. زول اختلفنا معاهو فى موقف سياسي ما بنأكل لحمه بالحق ولا الباطل ساي. ما ح تسحبي بالبوست مافى مشكلة من حقك. لكن من حق محمد عثمان ابراهيم ان يطالب بسحب البوست و انا انحصه بذلك، كل ما عليه هو ان يرسل رسالة لبكرى ابوبكر لان عنوان البوست مفتوح باسمه يكمنه ان يطالب بسحب البوست.

قراءة مختلفة بعض الشيء
مراسلة محمد عثمان لتيسير في الخاص تحسب له لا عليه، وخاصة أن تيسير لم تدع أنه -محمد عثمان- كتب لها كلاماً يسيء له؛ محمد عثمان ربما أراد أن يفصل تيسير من منازعته مع حسن موسى بمخاطبتها في الخاص،- وبالمناسبة المخاطبة في الخاص تساهم كثيراً في حلحلة الخلافات بين الناس-، لأنّ تيسير جزء أصيل من هذه المنازعة التي إفتعلها البطل وأساء فيها لتيسير، وتيسير ربما لا تثق في محمد عثمان الذي إختار جانب صديقه -البطل- منذ اشتعال هذه المنازعة. لو كان كاتب هذا البوست شخص آخر بعيد عن هذه المنازعة والتي فيها تيسير ومحمد عثمان أطراف أصيلة، كان سيكون موقفي كموقف الذين قالوا لا، ولكن طالما تيسير ومحمد عثمان جزء من هذه المنازعة، يبقى البوست حلقة من حلقات هذه المنازعة.
___
يا بكور لو محمد عثمان خاطب بكري بسحب البوست ففعل، من يخاطب الوسائط الورقية الأكثر إنتشاراً وضرراً التي يصفي فيها البطل ومحمد عثمان حساباتهم مع سكان الأسافير، وكيف يمكن سحب الصحف من أيدي الناس؟

سحبت مداخلتي في الأعلى بعد قراءة كامل المشهد بطريقة ياسر طيفور!!

مداخلة ياسر طيفور دي خلتني أدمع يعلم الله ..

لإنها هبشت كتير من الحاجات الماكنت دايرة أقولا أو ما قادرة أقولا
ولإني حسيتا من زول يدو فعلاً في النار معاي وفاهم الوضع الدقيق دا كما هو
زيو وزي كل الناس الفهمتني بسهولة أنا بعمل في شنو وأحسنت الظن بي ..

معليش يا بكور على المزاح الثقيل، لكن أنت ممن يهمونني ويهمني رأيهم في هذا المكان وبرة
ولمست كتير من عدم الحقانية في رأيك بل ووصفك لي بالتجني لاحظ التجني والشديد كمان على محمد عثمان رغم إني لا بهتو لا إتهمتو بشي مافيهو
ولو كان إستخدامي لحق من حقوقي لحماية نفسي تجني فليكن !
لكن دا ما موضوعنا وما حيغير من الحاصل شي ..


كل زول يقول الشايفو ومن وجهة نظرو وتجدني أحترم كل الآراء المخالفة الإتكتبت هنا واللي كنت متوقعاها تماماً بالمناسبة وعلى ضوء التوقع دا كتبت التنويهين الفي المداخلة التانية ..

أنا ما فتحت البوست دا إلا وأنا واعية ومدركة تماماً لتبعاتو هسة ولي قدام
ويمكن ياسر طيفور أكتر واحد يشرح الوضع المعقد دا بشكل واضح
ما بيهمني الشكل الأخلاقي "الظاهري" للناس الماسكين الموضوع من فوق فوق والما عارفين التعقيد دا
بقدر ما بيهمني فعلاً أثبت واقعة محددة وأوجد ليها مكانها في إحداثي الصراع الفارغ دا وبالشكل البخليني ما أخسر كتير لي قدام عشان أنفي شي الله العليم ممكن يكون شنو ..
يا بكري ما أي شي بتقال وخصوصاً المنازعة دي فيها الكتير من الخبث والإفتراء واللاأخلاقية
عموماً، وبعيداً عن المشاركات السطحية بتاعة دا تشهير ودا فضح ودا بحث عن شهرة وشوفونية
أنا شاعرة بالرضا التام عن البوست دا وحاسة إنو إستنفد أغراضو الحالية وسيستنفد المستقبلية بلا شك ..

وأي محاولة لمسح البوست دا دونها خرط القتاد

بعدين الإطعام القصدتو ما بتاع محمد عثمان داك واحد تاني
وفي كل الأحوال لك العتبى يا صديقي
وامسحا لي في وشي الشين دا ..

سلسلة حرب الوكالات والتحرش من أجل حفنة شهرة......

محمد عثمان لو مفتح يعمل ما نائم ويكتل الدش.....

Quote: أنا ما فتحت البوست دا إلا وأنا واعية ومدركة تماماً لتبعاتو هسة ولي قدام

المشكلة يا مواطنة فى منبر بكرى ده الناس شغالة بنظرية (الشريعة عليها بالظاهر ) ودى مشكلة صعبة ياخ

المهم كلامك واضح وراقى ودغرى ...

بس منو البقنع سكان حوش بكرى نزلاء الجناح الخاص ..



لك احترامى الراسخ يا مواطنة

Quote: وامسحا لي في وشي الشين دا ..

سلامتك وشك الما شين يا تسير،،،، لك التحية يا ستى و انتى محل مودة و تقدير و الله.

غايتو لو سمعتو كلامي، نحنا المعارضين الاساسيين ديل و الله عندها سلطة و صولجان. بس شوية حسن ادارة كده و امورنا تكون فى السلك. نحن الراى العام الــ active فى راى عام بيقرأ فى الصحف لكنه passive يقرأ و يتخمد ينوم، بل هو اصلا بمسك الجريدة ينوم بيها. دايرين طريق نوجه بيها جاهنا كويس، اعملوا لينا مسؤول سياسي


---

حبيبنا طيفور، ياخي صحف الخرطوم شنو كمان، دى زى الولد المارق من الليد. لا ترعى ذمة ولا ضمير ولا توزان، مطلوقة ساكت. نحن أعلى منها كعباً بمراحل و مراحل و الا لما وجدتنا مشتتين ببلود العالم و اصقاعه النائية.

Quote: هلا يا تيسير وانا جيت من عزلتي السودانيزية الاختيارية عشان بس اقول ليك قوووووووووو اوووووون المثقفاتية المتورجغين ديل الواحد فيهم لو ما اتقطع فاول زي ده اصلو ما برعوي واردمي يا زولة او كما قال البوق ود الباوقة...!!! وعلي السادة المتضررين اللجؤ الي صحف الخرطوم الكرتونية لووووووووول وشكرا

أوووووو كيكي التفكيكي ياخي
خطوة عزيزة والله


شفت الباقين فيها ياخوي؟



تتذكر لمن المثقفاتي دا شبكنا ليك في واحدة من مشاهد الإستهزاء وإستسهال الإساءات والتبخيس لأقدار من يعرفهم ومن لا يعرفهم
(بالله ناس قناة الجزيرة ديل وفي موضوع حساس زي ترسيم الحدود دا ما لقوا غير كيكي بتاع سودانيزأون لاين؟) أو كما قال ههههههههههه


ما عارف إنو كيكي دا خريج مساحة الخرطوم وكبير مهندسي الشنو كدا ما عارف في واحدة من أكبر شركات البترول وين كدا ما عارف


تحياتي ياخ وما تنقطع ..

كتب ياسر طيفور:

Quote: محمد عثمان ربما أراد أن يفصل تيسير من منازعته مع حسن موسى بمخاطبتها في الخاص،

فكتبت تيسير:

Quote: ويمكن ياسر طيفور أكتر واحد يشرح الوضع المعقد دا بشكل واضح

هل يعني ردك أعلاه أن افتراض ياسر طيفور صحيح يا تيسير؛ وأن محمد عثمان برسالته أراد أن يفصلك من منازعته مع حسن موسى؛ وإن كانت الإجابة بنعم – وأشك أن تكون بنعم – ما أهمية أن يفصلك من منازعته مع حسن موسى!

ورجـــغة x ورجـــغة = كميات وافرة من الورجغات

يا ملاسي ..

التنصيص أعلاه بيدي إنطباع إنو كلامي الفي الإقتباس كان رد مباشر على إفتراض طيفور تحديداً ودا غير صحيح

أنا أمنت على كلامو كلو على بعضو دون إجتزاء بما فيه كلمة "ربما"
مع إني وللحقيقة ما كنت معنية كتير بإفتراضو للدوافع الحسنة أو غيرها لمحمد عثمان
بقدر ما إهتميت جداً بشرح باقي الوضع ودوافعي أنا دي للبوست دا ..

وبالمناسبة: رسالة محمد عثمان تحتمل إفتراض ياسر رغم إستبعادي لذلك ..



ماذا أراد محمد عثمان برسالته دي يسأل عنها محمد عثمان نفسه ..

Quote: 2% مواضيع إنصرافية وأولها البوست بتاعي دا

غايتو البوست الأنصرافي التاني كان ما طلع بوست أبوحسين كوكتيل الواتساب قطع شك بكون بوست تنظير بتاع صلّح سراير وشنو كدا :)

عن نفسي اجدني اتفق مع تيسير وحقها في افتراع هكذا بوست
محاولة عزل موقف تيسير من مقالات محمد عثمان الاخيره وما تحمله من اسلوب فضائحي قذر وتجسس وتحسس علي الاخرين ,هي محاوله غير منصفه وغير امينه,فمحمد عثمان اختار ان يناصر صديقه البطل في حربه ضد اعضاء في هذا المنبر وبعدها صراعه مع حسن موسي
والشاهد ان محاولة البطل وبعده محمد عثمان في حربهم ضد هولاء,حملت في طياتها بنية تفكير الرجلين,فمحاولة الاغتيال اعتمدت علي شئين,الفضائحي والتكفيري,وهذا للاسف هو اسلوب النظام في اغتيال الشخصيات,وهو ينطلق من ذهن ذكوري وبنية وعي تناسلي,تتعمد اغتيال الاخر معنويا وفق الية التكفير سوا كان المستهدف رجلا,كما في حال قيقراوي والمشرف وبعده حسن موسي(يجاور الحرم ولا يصلي او شئ من هذا القبيل وبعدها في كلام محمد عثمان وهل بعد الكفر ذنب) وهي محاولات لتجييش الوعي الجمعي للسودانين والذي له موقف نفسي من الالحاد , يستعمل هذا الحشد او التجييش بوعي لاغتيال شخصيات المستهدفين اذا كانو رجالا.
اما في حال كانت المستهدفه بالاغتيال المعنوي امراة فيستعمل سلاح الشرف او الفضائحيه ,لخلق موقف نفسي معادي ومنمط للشخصيه المراد اغتيالها(تعرفني زي جوع مصارينها,وتتغزل فيه او شئ من هكذا لغه) في حال البطل ,ولا حقا تنام مع صديق زوجها,وحملت ممن أوصاه عليه اهلها في حال محمد عثمان)
هذه اللغه من الرجلين دفعت تيسير ان تتحس موقع اقدامها جيدا,خصوصا انها امراة ولها الف حق في ان تتخذ ما تراه مناسبا وما يحفظ لها حقها في الخوف علي سمعتها,خصوصا بعد ما رأيناه من لغه لمحمد عثمان,تتعمد الفضائحيه ونبش خصوصيات الاخرين ومن ثم محاكمتهم اخلاقيا وكشف حالهم وتجريمهم علي صفحات الصحف ,وفق وعيه ومحددات ادراكه ,والراجح ان الرجل يعتمد علي مراسلات الخاص,وتتبع اخبار الاخرين,وهذا ما دفع تيسير لخطوتها العقلانيه هذه,فمن يتخذ فضح الاخرين ونشر خصوصياتهم لنصرة صديق,لا ضامن من مراسلته في الخاص,وقديما قيل الشقي يشوف في روحو والسعيد يشوف في غيرو,فلا تحجرو علي تيسير شوفها في غيرها,خصوصا بعد ما راته من لغه وادوات لمحمد عثمان.

الافتراض في المداخلة أعلاه كان سيروق لتيسير كمبرر لافتراع هذا
البوست لولا مداخلتها الثانية التي تنسف كامل هذا الافتراض نسفا!

Quote: هذه اللغه من الرجلين دفعت تيسير ان تتحس موقع اقدامها جيدا,خصوصا انها امراة ولها الف حق في ان تتخذ ما تراه مناسبا وما يحفظ لها حقها في الخوف علي سمعتها,خصوصا بعد ما رأيناه من لغه لمحمد عثمان,تتعمد الفضائحيه ونبش خصوصيات الاخرين ومن ثم محاكمتهم اخلاقيا وكشف حالهم وتجريمهم علي صفحات الصحف ,وفق وعيه ومحددات ادراكه ,والراجح ان الرجل يعتمد علي مراسلات الخاص,وتتبع اخبار الاخرين,وهذا ما دفع تيسير لخطوتها العقلانيه هذه,فمن يتخذ فضح الاخرين ونشر خصوصياتهم لنصرة صديق,لا ضامن من مراسلته في الخاص,وقديما قيل الشقي يشوف في روحو والسعيد يشوف في غيرو,فلا تحجرو علي تيسير شوفها في غيرها,خصوصا بعد ما راته من لغه وادوات لمحمد عثمان.

فاروق

كيفك يا حبيب

من وجهة نظري أن العكس قد يحدث، وفي بوست آخر قيل أن فقرة من مقال محمد عثمان مقصود بها "خضر الطيب"، فأضطر محمد عثمان أن يأتي وينفي، ويمكن للكثير من "التأويليين" أن يختاروا فقرة أخرى ويقولون أن المقصود بها الأخت تيسير.

والآن نحن لا نعرف ماذا كتب لها محمد عثمان في الخاص ولم نرى ردها عليه. نعم من حقها أن تخاف والحل بسيط إذا كانت المراسلات بينهما ليس فيها ما يُشين، فعليها الإحتفاظ بها وبردها عليها، وإذا لا قدر الله حدث تلميح لها أو "تأويل" فالرسائل موجودة وحينها يمكن لها أن تنشرها دفاعاً عن نفسها.

كل الذي أحسسته أن في هذه الرسائل ما يُمكن أن يُسْتَغْل ضد الأخت تيسير لذلك هي استبقت ما سيحدث بهذا البوست.

إذا كانت الرسالة عادية وهي ردت برد عادي، فلِمَ هذا البوست من أساسه.

كتب الأخ محمد إبراهيم

Quote: ------------- كتب الأخ محمد إبراهيم ولكن الذي اعرفه عنه ان رجل محترم وانا متاكد ان مراسلاته معك ليس فيها ما يخجلك او يخجله ولن يبتزك بها يوما فهي كما اتوقع لن تعدو ارسال مقاله الراتب او تبادل للراي في بعض المواضيع العامة لا تضيعي المعروف بين الناس فالرجل من حرصه على سرية من يراسلهم يرسل للجميع (bcc) ..........

..........
قبل أن أعلق علي كلامك هذا دعني أضعك أمامك هذه المعطيات
مصطفي البطل كتب :-
: ..

Quote: : ,,,,,لو كان موسى قد اعتمد على ترجيح ظني بأنني لا احتفظ بالرسائل القديمة كما يفعل هو فتصوره صحيح. ولكن ماذا يكون الحال لو ان لك صديقاً مقرباً، مثل الكاتب الصحافي محمد عثمان ابراهيم، كان قد اطلع على هذه المراسلات واتفق انها ما تزال موجودة في صندوق حاسوبه؟ هذا ما يسمونه (الحظ السيء) يا شريفنا الماركسي؟ حظك انت، لا حظي أنا! ذهلت عندما استخرج صديقي الاستاذ محمد عثمان ابراهيم ذات الرسائل من حاسوبه وقارنها بما هو منشور، فاستطعنا معا ان نحدد على وجه التدقيق تعديلاً طفيفاً ادخله الشريف الماركسي وأظهره وكأنها جزء من المراسلات. الحق ان الرجل، بارك الله فيه، لم يبدل في الاجزاء الخاصة بي فأوردها بتمامها.

.

..رد الفنان حسن موسي علي إقحام البطل لمحمد عثمان إبراهيم في المراسلات الخاصة بينهما وإطلاعه علي محتواها بل وأحتفاظه بها!

:

Quote: يا مصطفى قلت إنك أحلت مكاتيبنا الخاصة لمحمد عثماننا الذي يحتفظ بها في حاسوبه دون علمي .و كونك علقت نفسك من عصبة محمد عثماننا فهذا الأمر يفاقم الأزمة لأن محمد عثماننا يصبح طرفا اصيلا في هذه المنازعة المجوبكة . هسع الواحد ما عارف يعمل ليكم فاتورة مشتركة و لاّ كل نفس بما كسبت؟

الرسائل المتبادلة بين البطل وحسن موسي رسائل خاصة .. هذه نقطة بديهية, إذا لماذا قبل محمد عثمان إبراهيم بالإطلاع عليها والإحتفاظ بها بل وتوظيفها لخدمة أجندة البطل ! والسماح للبطل لإستنصار والإستقواء به في صراعه مع حسن موسي إعتمادا علي رسائل خاصة لم يكن من حقه- إبتداء -الإطلاع عليها ?
* كان يجب أن يعتذر محمد عثمان إبراهيم عن إطلاعه علي الرسائل ويرفض ويدين كشف البطل عن تلك الحقيقةويرفض إستخدامه كأداة وسلاح في صراع البطل مع آخريين ! ولكنه لم يفعل مما يعطي إيحاء وإشارة بأن محمد عثمان لايري غضاضة في كشف المراسلات الخاصة( الصادرة منه أو الواردة اليه )لأصدقائه ولايراعي حرمة أوخصوصية في الرسائل التي يتلقاها أو يصدرها طالما أنه يطلع ويحتفظ بإميلات الآخريين- التي لاتخصه! -إنتهي ردي علي الاخ محمد إبراهيم-
** ** المصداقية لاتتجزاء والإتساق والمبدئية ليست سلعة تسوق علي حسب ا لعرض والطلب والمنفعة! إنطلاقا من هذا فالموضوعية تقتضي أن يقوم محمد عثمان بتصحيح وضعه وموقفه وذلك بأن ينتقد ويدين إقتحامه ووتغوله علي حرمة المراسلات الخاصة والإحتفاظ به وتوظيفها كسلاح لخدمة أجندة لاتخصه والكف عن الكتابة في الخصوصيات بصورة مرسلة تعتمد علي القولات والقطيعةوالمشافهات العقيمة! ولكن الرجل لم يفعل لذا يحق للآخريين التوجس منه والحذر من التواصل معه خوفا من أي تبعات مستقبلية للتواصل فالعاقل من إتعظ بغيره ! ,محمد عثمان هو من وضع نفسه في هذا الوضع الحرج - ( وعلي نفسها جنت براقش! ) وعليه وحده يقع عبء تصحيح الوضع والكف عن إستعداء وخسارة الناس مجاملة لصديق وإمتشاق حسام "وش"القباحة تجميلا لموقف آخر!
أي محاولة -منا- لتصحيح الصورة عبر كسر المرآة تعد محاولة فاشلة لأنها تركز علي المظهر والإنعكاس لا أصل وجوهر المشكلة! , لا نشجع علي عرض بضاعة الخاص في سوق العا م ولكن ومادام الفأس قد وقع في الرأس فإننا نقرأ الحدث في سياقه وظروفه ومسبباته وعبر تحليل أجندة الأطراف المختلفة ومعرفة سوابقهم والإ كانت قراءتنا سطحية وساذجة وشعارتية تلامس القشور وتجافي العمق وتجعل من الجاني ضحية!
,,,,,,,,,,,,,,,,,,

وها قد أناخ ملك الملل بكلكله!

Quote: الافتراض في المداخلة أعلاه كان سيروق لتيسير كمبرر لافتراع هذا البوست لولا مداخلتها الثانية التي تنسف كامل هذا الافتراض نسفا!

راقتني جداً قراءة ياسر طيفور العميقة والشاملة لمبرري أنا للإفتراع البوست
ولكن لم أعر كثير إنتباه لإفتراضه حسن نوايا مرسل الرسالة ..







ــــ
محمد عثمان إبراهيم بتاعك دا لو رسل لي سورة ياسين في مسنجر لما ظننت فيه خيراً

Quote: ** ** المصداقية لاتتجزاء والإتساق والمبدئية ليست سلعة تسوق علي حسب ا لعرض والطلب والمنفعة! إنطلاقا من هذا فالموضوعية تقتضي أن يقوم محمد عثمان بتصحيح وضعه وموقفه وذلك بأن ينتقد ويدين إقتحامه ووتغوله علي حرمة المراسلات الخاصة والإحتفاظ به وتوظيفها كسلاح لخدمة أجندة لاتخصه والكف عن الكتابة في الخصوصيات بصورة مرسلة تعتمد علي القولات والقطيعةوالمشافهات العقيمة! ولكن الرجل لم يفعل لذا يحق للآخريين التوجس منه والحذر من التواصل معه خوفا من أي تبعات مستقبلية للتواصل فالعاقل من إتعظ بغيره ! ,محمد عثمان هو من وضع نفسه في هذا الوضع الحرج - ( وعلي نفسها جنت براقش! ) وعليه وحده يقع عبء تصحيح الوضع والكف عن إستعداء وخسارة الناس مجاملة لصديق وإمتشاق حسام "وش"القباحة تجميلا لموقف آخر! أي محاولة -منا- لتصحيح الصورة عبر كسر المرآة تعد محاولة فاشلة لأنها تركز علي المظهر والإنعكاس لا أصل وجوهر المشكلة! , لا نشجع علي عرض بضاعة الخاص في سوق العا م ولكن ومادام الفأس قد وقع في الرأس فإننا نقرأ الحدث في سياقه وظروفه ومسبباته وعبر تحليل أجندة الأطراف المختلفة ومعرفة سوابقهم والإ كانت قراءتنا سطحية وساذجة وشعارتية تلامس القشور وتجافي العمق وتجعل من الجاني ضحية!

فليسلم قلم وعقل أستاذنا كمال عباس ..

Quote: عن نفسي اجدني اتفق مع تيسير وحقها في افتراع هكذا بوست محاولة عزل موقف تيسير من مقالات محمد عثمان الاخيره وما تحمله من اسلوب فضائحي قذر وتجسس وتحسس علي الاخرين ,هي محاوله غير منصفه وغير امينه,فمحمد عثمان اختار ان يناصر صديقه البطل في حربه ضد اعضاء في هذا المنبر وبعدها صراعه مع حسن موسي والشاهد ان محاولة البطل وبعده محمد عثمان في حربهم ضد هولاء,حملت في طياتها بنية تفكير الرجلين,فمحاولة الاغتيال اعتمدت علي شئين,الفضائحي والتكفيري,وهذا للاسف هو اسلوب النظام في اغتيال الشخصيات,وهو ينطلق من ذهن ذكوري وبنية وعي تناسلي,تتعمد اغتيال الاخر معنويا وفق الية التكفير سوا كان المستهدف رجلا,كما في حال قيقراوي والمشرف وبعده حسن موسي(يجاور الحرم ولا يصلي او شئ من هذا القبيل وبعدها في كلام محمد عثمان وهل بعد الكفر ذنب) وهي محاولات لتجييش الوعي الجمعي للسودانين والذي له موقف نفسي من الالحاد , يستعمل هذا الحشد او التجييش بوعي لاغتيال شخصيات المستهدفين اذا كانو رجالا. اما في حال كانت المستهدفه بالاغتيال المعنوي امراة فيستعمل سلاح الشرف او الفضائحيه ,لخلق موقف نفسي معادي ومنمط للشخصيه المراد اغتيالها(تعرفني زي جوع مصارينها,وتتغزل فيه او شئ من هكذا لغه) في حال البطل ,ولا حقا تنام مع صديق زوجها,وحملت ممن أوصاه عليه اهلها في حال محمد عثمان) هذه اللغه من الرجلين دفعت تيسير ان تتحس موقع اقدامها جيدا,خصوصا انها امراة ولها الف حق في ان تتخذ ما تراه مناسبا وما يحفظ لها حقها في الخوف علي سمعتها,خصوصا بعد ما رأيناه من لغه لمحمد عثمان,تتعمد الفضائحيه ونبش خصوصيات الاخرين ومن ثم محاكمتهم اخلاقيا وكشف حالهم وتجريمهم علي صفحات الصحف ,وفق وعيه ومحددات ادراكه ,والراجح ان الرجل يعتمد علي مراسلات الخاص,وتتبع اخبار الاخرين,وهذا ما دفع تيسير لخطوتها العقلانيه هذه,فمن يتخذ فضح الاخرين ونشر خصوصياتهم لنصرة صديق,لا ضامن من مراسلته في الخاص,وقديما قيل الشقي يشوف في روحو والسعيد يشوف في غيرو,فلا تحجرو علي تيسير شوفها في غيرها,خصوصا بعد ما راته من لغه وادوات لمحمد عثمان.

لولا إلتزامي بالرد على بقية المتداخلين لختمت هذا البوست بمداخلة د. فاروق عثمان (عليها االقافية وجب تقفيلا) ..

Quote: محاولة عزل موقف تيسير من مقالات محمد عثمان الاخيره وما تحمله من اسلوب فضائحي قذر وتجسس وتحسس علي الاخرين ,هي محاوله غير منصفه وغير امينه,فمحمد عثمان اختار ان يناصر صديقه البطل في حربه ضد اعضاء في هذا المنبر وبعدها صراعه مع حسن موسي والشاهد ان محاولة البطل وبعده محمد عثمان في حربهم ضد هولاء,حملت في طياتها بنية تفكير الرجلين,فمحاولة الاغتيال اعتمدت علي شئين,الفضائحي والتكفيري,وهذا للاسف هو اسلوب النظام في اغتيال الشخصيات,وهو ينطلق من ذهن ذكوري وبنية وعي تناسلي,تتعمد اغتيال الاخر معنويا وفق الية التكفير سوا كان المستهدف رجلا,كما في حال قيقراوي والمشرف وبعده حسن موسي(يجاور الحرم ولا يصلي او شئ من هذا القبيل وبعدها في كلام محمد عثمان وهل بعد الكفر ذنب) وهي محاولات لتجييش الوعي الجمعي للسودانين والذي له موقف نفسي من الالحاد , يستعمل هذا الحشد او التجييش بوعي لاغتيال شخصيات المستهدفين اذا كانو رجالا. اما في حال كانت المستهدفه بالاغتيال المعنوي امراة فيستعمل سلاح الشرف او الفضائحيه ,لخلق موقف نفسي معادي ومنمط للشخصيه المراد اغتيالها(تعرفني زي جوع مصارينها,وتتغزل فيه او شئ من هكذا لغه) في حال البطل ,ولا حقا تنام مع صديق زوجها,وحملت ممن أوصاه عليه اهلها في حال محمد عثمان) هذه اللغه من الرجلين دفعت تيسير ان تتحس موقع اقدامها جيدا,خصوصا انها امراة ولها الف حق في ان تتخذ ما تراه مناسبا وما يحفظ لها حقها في الخوف علي سمعتها,خصوصا بعد ما رأيناه من لغه لمحمد عثمان,تتعمد الفضائحيه ونبش خصوصيات الاخرين ومن ثم محاكمتهم اخلاقيا وكشف حالهم وتجريمهم علي صفحات الصحف ,وفق وعيه ومحددات ادراكه ,والراجح ان الرجل يعتمد علي مراسلات الخاص,وتتبع اخبار الاخرين,وهذا ما دفع تيسير لخطوتها العقلانيه هذه,فمن يتخذ فضح الاخرين ونشر خصوصياتهم لنصرة صديق,لا ضامن من مراسلته في الخاص,وقديما قيل الشقي يشوف في روحو والسعيد يشوف في غيرو,فلا تحجرو علي تيسير شوفها في غيرها,خصوصا بعد ما راته من لغه وادوات لمحمد عثمان.

تحياتي يا فاروق
ومداخلتك الدسمة دي الكثير من جزئياتها كانت تداعب مخيلتي في هذه الصباحات
وافكر جليا في افتراع بوست عن ( بينة الوعي المتورجغ المعادي للاسفرة) تيارات ودوافع وشواهد
ففي الامر سياحة واركلوجيا فيها قبضةسمينةو نقة ممتعة...
فالاسفير السوداني ويقرا (الانترنت) انطلق علي الشاشات وحمل الكثير من الاشياء سياسية وثقافية واجتماعية وغيره
وفي هذا الانطلاق هنالك انطلاقات (لبنية وعي متورجغ) تطعن فيه بكل حماس وكهرباء زائدة واراك قد هبشت عصبها الحي ولو ربنا سهلها وشوتنا البوست فقد تكون المحاور الاساسية
1- الحكومة السودانية شواهد من اقوال عمر البشير ونافع ومن لف لفهم من اعداء الفضاء الحر الطلق
2- الالة الاعلامية في الفضاء الجرائدي الكرتوني وقد نشوت فاطمة شاش والهندي عزالدين نموذجا
3- البطل وصحبه محمد عثمان قد يكون عندهم (جابتر براااه كده مفروزة هي عيشته) بعنوان ((ازمة المثقفاتي ذو بنية الوعي المتورجغ تجاه الاسفرة والمتاسفرين وحال الانا المثقفاتية المتضخمة عندما يتم طرشقتها بدبوس صغيروني كده نواحي منبر من المنابر الحايمة في الانترنت)) والكلام ده كلو هو عنوان جابتر الناس ال2 ديل خسوسي
وسنتابع

Quote: أوووووو كيكي التفكيكي ياخي خطوة عزيزة والله شفت الباقين فيها ياخوي؟

هلا يا تيسير وحبابك يا RISK control

والسويتي ده الشركات والجهات الشنو شنو كده ماعارف بتصرف عليه قروش كثير وبتجيب ناس نحارير عشان يقرو ليها الملاعب ويركبو (انتينا قدر الضربة) عشان يعمل ساتر استباقي يقي شرور الزمن الزيف...
!!!
-
الزول ده انا مسكوني منو الاجاويد
ولولا ذلك تا الله لازعمطنه زعمطة لاشافوها في الناس ولافي الريل..
ومرات كثيرة بتراودني روح الكركبة الشريرة واقول انط فيهو جوز اربع لساتك فوووق ولكن بقول انسي يا ود يا كيكي وعيش


وعموما سنتابع

دكين يا عزيز ..

Quote: معليش ياتيسير.. ستجدين في دنيا الناس دوما سذج وقاصري فهم وذوي مفاهيم مختلطة وناس يحددوا ليك علاقاتك.. وناس ساي ..وناس تانية توريك حقوقك وناس تاني تخوص في ماهية الحقوق وتفلسف ليك الحقوق وناس ترجع ليك الحقوق وعييييك.. نعم ..نعم..كم هو مستفزٌ ذلك.. بس ده مايجب ان ترتضيه لانك ارتضيتي الكتابة في مكان يمنح حق الكتابة لاي زول..

من ذا يخبرهم يا صديقي أنني لم آت هنا لمساومات في حقوقي
أو لمزاجيات وليدة اللحظة تمنح من تشاء وتمنع من تشاء!
من ذا يخبرهم أنني لا أفاوض في حقوقي ولا أرضى بها غير كاملة
أو هكذا علمني عمك عووضة قدس الله سره ..

تتخيل رغم ذلك لا تزعجني شغلة "سبّابي" الحقوق هذه، بقدر ما تضحكني نقنقة الناس الجادين شديد والمامشغولين بالفارغة
وهم يتركون أكثر البوستات جدية ولا يتداخلون فيها
ويجيك الواحد بي جاي في فارغتنا دي يجر ليهو بمبر سغير وكباية شاي ويشبكك دي إنصرافية ودي ورجغة كتيرة
أجي يا بري؟

Quote: من ناحية تانية ياخي داير منك طلب سغير وانحنا المعزة البينا كبيرة، ممكن ترسلي لي رسايل محمد عثمان دي احتفظ بيها في كمبيوتري ..قالوا المثقفين بقت عندهم حركة القشرة بي ونسة المشاهير عشان تجي تفتو يوم التشهير..

قوية والله ..


وأقوم كدي أقول لمحمد عثماننا لمن يحصل غلاط: الرسايل كان فيها كدا
يقوووووم أخوي الكاشف دكين ينط ويقول لي هوي يا داقسة، كان فيها كدا وكدا وكدا فما تغالطوني إنتي وهو

Quote: قراءة مختلفة بعض الشيء مراسلة محمد عثمان لتيسير في الخاص تحسب له لا عليه، وخاصة أن تيسير لم تدع أنه -محمد عثمان- كتب لها كلاماً يسيء له؛ محمد عثمان ربما أراد أن يفصل تيسير من منازعته مع حسن موسى بمخاطبتها في الخاص،- وبالمناسبة المخاطبة في الخاص تساهم كثيراً في حلحلة الخلافات بين الناس-، لأنّ تيسير جزء أصيل من هذه المنازعة التي إفتعلها البطل وأساء فيها لتيسير، وتيسير ربما لا تثق في محمد عثمان الذي إختار جانب صديقه -البطل- منذ اشتعال هذه المنازعة. لو كان كاتب هذا البوست شخص آخر بعيد عن هذه المنازعة والتي فيها تيسير ومحمد عثمان أطراف أصيلة، كان سيكون موقفي كموقف الذين قالوا لا، ولكن طالما تيسير ومحمد عثمان جزء من هذه المنازعة، يبقى البوست حلقة من حلقات هذه المنازعة. ___ يا بكور لو محمد عثمان خاطب بكري بسحب البوست ففعل، من يخاطب الوسائط الورقية الأكثر إنتشاراً وضرراً التي يصفي فيها البطل ومحمد عثمان حساباتهم مع سكان الأسافير، وكيف يمكن سحب الصحف من أيدي الناس؟

الاخت / تيسير
قراءة ياسر طيفور للبوست تعتبر قراءة جيدة ، ابصرتنا على الكثير المخفي وجعلتنى اغير وجهة نظري ودعم حقك في نشر هذا البوست العلنى .
لك التحايا والتقدير