Post: #1
Title: أهل العوض 00 والبامية المفروووكة في مطاعم كنتاكي !!!!
Author: ابوحراز
Date: 01-12-2014, 08:48 AM
Parent: #0
الخميس قبل الماضي نزلت بفندق بجوار مطاعم كنتاكي بجدة دخلت المطعم لتناول وجبة العشاء وجدت ثلاثة سودانيين واقفين في الصف وكانوا يقولون للبائع { عندك بلدي } !!! الهندي نطط عيونه ولم يفهم اي شيء والجماعة الواقفين في الصف فتحوا خشومهم بطريقة فيها نوع من الاستغراب الوجبات مكتوبة في الأعلى ومعظمها بالانجليزي المهم حاولت أن أتدارك الموقف وقلت لهم 00 ياجماعة هسي شايفين ليكم بامية مفروكة حايمة هنا ؟؟؟؟
ولكن كما تدين تدان قوم يا ابوحراز أتشالق ببعض العوارة وتوقف في المحلات التي تنتشر على الطرق السريعة وتقدم خدمات الشاي وهي خدمة مباشرة على السيارات يعني مش تنزل وتجيب ليك بمبر وتتحكر مع ست الشاي انت راكب على السيارة يجيك طلبك شفت نوع كده من الشاي وقلت اطلب منه وباسرع من البرق ناولني الهندي الكباية ويشهد الله ولاتعرف من اين تشربها افتش افتش لحدت مالقيت خرم وهاك ياشفطة لكن والله ولانفعني الشاي ولا حلو شاي امي وست النفر واي ست شاي في السودان أجمل منه والذ بملائيين المرات والمشكلة والطامة 00 سالت البائع حقك كم قال 10 ريال !!! وحلفت تاني ما اشرب الا { شاي بلدي } !!!! قال بامية مفروكة قال !!!
|
Post: #2
Title: Re: أهل العوض 00 والبامية المفروووكة في مطاعم كنتاكي !!!!
Author: أيمن دياب
Date: 01-12-2014, 09:55 AM
Parent: #1
مشتاقين يا عثمان وحمداً لله على السلامة وبركة الشفناك طيب.. شاي ست النفر مافي أحسن منو على الاطلاق.. يا شليق..
|
Post: #3
Title: Re: أهل العوض 00 والبامية المفروووكة في مطاعم كنتاكي !!!!
Author: ابوحراز
Date: 01-12-2014, 11:00 AM
Parent: #2
تحية ايمن دياب كيف اخبارك
Quote: مشتاقين يا عثمان وحمداً لله على السلامة وبركة الشفناك طيب.. شاي ست النفر مافي أحسن منو على الاطلاق.. يا شليق.. |
عارف مفروض نضيف في العنوان { توجد صور } لكن معليش راحت علينا تصدق الخشبة الفي الصورة دي انا افتكرتها مصاصة الواحد يشرب بيها في النهاية اتضح انها ملعقة قلت احتفظ بالكباية الفاضية وشوية السكر والملعقة الغريبة دي لحدت ست النفر ماتصلنا هنا
|
Post: #4
Title: Re: أهل العوض 00 والبامية المفروووكة في مطاعم كنتاكي !!!!
Author: HAIDER ALZAIN
Date: 02-12-2014, 10:59 AM
Parent: #3
ابو حراز سلامات..
إنت فارش في العربية ملايات ست النفر والا شنو ؟!
|
|