البطل(باقان اموم)يصرخ احقنوا الدماء بدوني حتي لو قتلنا استمروا في المفاوضات رجاء!

هكذا خاطب الامريكان من داخل معتقله

ان يستمروا بجبر كل الاطراف علي التفاوض

رغم انه يعرف تماما انه محاولة تصفيته داخل معتقله و ارده

لكنه يتمزق لنزيف الدماء لشعبه

ويترجي كل الاطراف ان تحقن الدماء حتي لو تمت تصفيته داخل المعتقل!!(وهو امر وارد جدا)




المجد له......

ا



باقان يواصل الانحياز لقيمه

و يقول قد نذهب جميعا ولكن لابد ان يبقي الجنوب .

باقان تقول الاخبار انه تمت تعرضه لتعذيب كبير

ويقال ان بعض اسنانه الاماميه تهشمت من التعذيب!!

المجد للابطال.


لان هنالك طرف معترض بانه لابد من اخراج المعتقلين باقان يرجو كل الاطراف ان تتفاوض بدونه.

المهم ان تحقن الدماء

ولعمري هذا طلب رجلا يقدر شعبه.

وفعلا حمل يوما السلاح من اجل كرامته و حريته.

امثال باقان اموم من سيغني عنهم اهل الجنوب:

(ضيعناك وضعنا وراءك) !

تحياتي ام حازم

لا أفهم كيف يصبح باقان بطلاً و كيف يسعى لحقن دماء الجنوبيين وهو الذي خطط ودبر لانقلاب علي شرعية الرئيس سلفاكير

أما كان يمكنه انتظار الانتخابات لاجراء التغيير ، أولم يتعظ من انقلابات الشمال التي عصفت به وبمقدراته أيريد لجنوب السودان أن يدور في ذات الحلقة المفرغة

حيكون خطأ فادِح لو الدينكاوي سلفاكير فك الشلْكاوي ده (باقان أموم)


سير سير سلفاكير.. سير سير سلفاكير..
عاوزين مُحاكمات عدالة ناجِزة بِشأن الإنقِلابِيين

هذا الباقان كل اسباب الفتن ما ظهر منها وما بطن

حيكون خطأ فادِح لو الدينكاوي سلفاكير فك الشلْكاوي ده (باقان أموم)


سير سير سلفاكير.. سير سير سلفاكير..
عاوزين مُحاكمات عدالة ناجِزة بِشأن الإنقِلابِيين

الحبيبة تراجي
لك التحية
شخصي المتواضع يتفهم حرصك على السلام و الحرية بدولتين السودانيتين و حبك المتوازن لشعبي الدولتين ،لكن ليس كل ما ينقل إليك صحيح.

الرفيق باقان أموم لم يتعرض قط الي اي إهانة - ناهيك عن التعذيب. و يعامل بقدر كبير من الاحترام و التقدير . هذه بصرف النظر عن صحة حيثيات الاشتباه و التي بموجبها تم اعتقاله مع الاخرين .
من المنتظر ان يصدر رئيس الجمهورية الرفيق سلفا كير ميارديت عفوا عاما بهذا الخصوص .

حتى عندما ذهبت وحدة لاعتقاله من بيته سمح له بان يستغل سيارته الخاصة ( v8 مصفحة) يقودها سائقه على ان تتبع سيارة الوحدة المكلفة بالاعتقال الي مكان الاعتقال.

---------------
دعواتنا و صلواتنا ان يعم السلام في ربوع البلدين السودانيين

التحية و الحرية للقائد الوحدوي باقان اموم

الفاضل حامد برقو

هذا الكلام ليس صحيحا

وكونك مقيم في جوبا......هذه الايام يعفيك من الاجابه فكل من يقول الحق يطاح براسه:

Quote: الرفيق باقان أموم لم يتعرض قط الي اي إهانة - ناهيك عن التعذيب.

ليت ما قلته صحيح......ولكنه غير صحيح. باقان تعرض لتعذيب و نتمني......ان يكون ما وصلنا خطأ لكن للاسف صحيح.

فلا تهتم بالنفي او الاثبات ...فنحن لا نصدق احد من المقيمين حاليا لانه مرعوب علي نفسه.

العزيزة تراجي ..

تحية ليك ولضيوفك الافاضل ..

احترم في اموم وحدويته ولكن للأسف صرخته تاخرت . وااااا أسفي علي
الجنوب الاشهد الله اخترتو لي وطن والذهاب والاستقرار فيه في اقرب فرصة .
شوفتينا نحنا السودانيين تعيسيين كيف !!؟

Tragie

Pagan Amum and the rest of the political detainees are in sound health and they have not been tortured.
Beside, all mediators_ regional and international_ have access to the detainees
which mean any signs of torture will be detected and reported right away.

يا ترآجى..

أسال عن مهندس نوبآوى أسمه الرشيد عبدالرحيم..
أحد طآقم سكرتىرية بآقآن أموم..
عندك فكرة حصل ليه شنو؟
من يوم ما قآمت حرب الجنوب ومافى زول سمع عنه حآجة..

يا ترآجى..

أسال عن مهندس نوبآوى أسمه الرشيد عبدالرحيم..
أحد طآقم سكرتآرية بآقآن أموم..
عندك فكرة حصل ليه شنو؟
من يوم ما قآمت حرب الجنوب ومافى زول سمع عنه حآجة..

يا تراجى,
كلام عن تعذيب بقان بتجيبو من وين...
ذى ما قال اندرو, بقان و بقية المعتقلين يزورهم السفراء المقيمين فى جوبا و يجتمعون بالامم المتحدة و مكان احتجازهم ليس سر فى جوبا. انهم محتجزون فى بيوت المسئولون و فى القصور الرئاسية.
انا ما عارف و لكن لو متابع, فان زعيم المجموعة, دكتور مشار, قال ان حركته تقاتل العدل و المساوة و ان الاخيرة اصبحت هدف عسكرى, بالضبط مثلما توقعنا فى بداية الازمة و كتبنا و قلنا ان هذه الحركة ستنتهى به المطاف فى احضان الخرطوم.
نحن نعرف الكثير و كثير سيتحتم على من احترمناهم يوما شرحه لشعبنا.
يا اختى, انا زكريا الذى يعرف معظم هولاء فى صدمة تامة من ما اعرفه حتى الان.

كتبت خالتو تراجي

ويقال ان بعض اسنانه الاماميه تهشمت من التعذيب!!

وكتب برقو

الرفيق باقان أموم لم يتعرض قط الي اي إهانة - ناهيك عن التعذيب. و يعامل بقدر كبير من الاحترام و التقدير

................................................................................

واتفرج يا سلام

مِن الهامِش

Quote: Mohammed Taher محمد علي عثمان ده . . .شكلوا ركب المنبر ده غلط . .

Quote: Ahmed Mohammed ههههههههه والله ما قلت الا الحق .. الزول دا شغال بقاعدة خالف تذكر .. والله انا طمم بطني من البورد

حاولت أديهو قُروشو وينزِل، بس أصر يِبْلانا لغاية نِهاية الزلط.. غايتو زول سطحي ومُنْقاد زي محمد علي عُثمان ده أنا ما لاقاني أبدًا.. لِغاية يوم الليلة ما كتب عمود وااااحد، بس مُباري لي أعمِدة مُناضِلين الكبتْشينو ديل وشغال جِنِس ده:
- يا رائِع.
- أشكر المُناضِل فُلان الفُلاني

هسِع بِالله نوع ده بدوهو عضوِية أكان ما ساي؟!

Quote: Quote: Mohammed Taher محمد علي عثمان ده . . .شكلوا ركب المنبر ده غلط . . Quote: Ahmed Mohammed ههههههههه والله ما قلت الا الحق .. الزول دا شغال بقاعدة خالف تذكر .. والله انا طمم بطني من البورد حاولت أديهو قُروشو وينزِل، بس أصر يِبْلانا لغاية نِهاية الزلط.. غايتو زول سطحي ومُنْقاد زي محمد علي عُثمان ده أنا ما لاقاني أبدًا.. لِغاية يوم الليلة ما كتب عمود وااااحد، بس مُباري لي أعمِدة مُناضِلين الكبتْشينو ديل وشغال جِنِس ده: - يا رائِع. - أشكر المُناضِل فُلان الفُلاني هسِع بِالله نوع ده بدوهو عضوِية أكان ما ساي؟!

Quote: سَيِدي الفاضِل وعُمْدتي في الثقافة / محمد عُثمان أبو الريش ... المُحترم نقلي لِمُداخلاتِكُم سَيِدي الفاضِل لم يكُن خبط عشواء بِل جاء النقل حسب التسلسُل نتيجة البحث ، التي بَينت أن لدَيكُم 328 مُداخلة/مُشاركة مُدَونة في (11) صفحة ... أنا بدأت الإقتِباس مِن الصفحة رقم (11) وبِالترتيب مِن أول مُداخلة/مُشاركة لكُم ... لِذا فإن تضامُنِكُم مع دارفور لا غُبار علَيهِ ... فقط إقْتبستهُ ، لأنو الدور جا عليها ... أما " حمدِكُم " السلامة لِلدِكتور " بولا " والذي جاء حتو ، حسب ترتيب المُداخلات ... أن عِله تتبُعي لِما تكتِبون مردهُ أن أقتدي بِكُم ، فإني حديثُ عهدٍ بِجاهِلِية إكْتسبتُها مِن رِفاقٌ لي بِسودانيز أولايِن ... وكُنت بِأمس القريب مِن جُملة رجرجة " سودانيز أونلايِن " وقد مَن الله علي بِأن ستر بساطتي وقِله ثقافتي عن إدارة sudan-forall وها أنا ذا أُجاهِد لأبقى ... فخُذ بِيدي

مقتبس من بوست لعزام حسن فرح في منبر , sudan-for all

و تحت يوجد بوست تحنيس لارجاع عزام لرجرجة سودانيز أونلاين حسب وصفه للمنبر. السؤال لماذا تم فصله ام ايقافه من قبل؟

http://عزام حسن فرح عريسا للمرة الثالثة ( يا بكرى فكو لينا)

انا شخصيا اذا ما قارنت المدعو محمد عثمان

بخالتو تراجي ارى انه الافضل من حيث الترتيبات

والفبركات

والحال كلو من بعضو يا اخي عزام

دعهم يبرطعون وفي نهاية الامر انا لهم لكانسون ..

Quote: انا شخصيا اذا ما قارنت المدعو محمد عثمان بخالتو تراجي ارى انه الافضل من حيث الترتيبات والفبركات والحال كلو من بعضو يا اخي عزام دعهم يبرطعون وفي نهاية الامر انا لهم لكانسون ..

يا ود الباوقة ، دي صورتك و لا صورة مجرم الحرب المطلوب للعدالة الدولية؟

محمد علي عثمان

Quote: مقتبس من بوست لعزام حسن فرح في منبر , sudan-for all

وليه ما جلبت للبشرِية الرابِط علشان يعرفو السِياق

في مديح مَن عرفت في سودانيز أونلايِن
http://www.##################/forum/viewtopic.php?p=37349andsid=...02517281f68f89d02894
ــــــــــــــــــــــــــــــــــــــــــــــ

Quote: و تحت يوجد بوست تحنيس لارجاع عزام لرجرجة سودانيز أونلاين حسب وصفه للمنبر. السؤال لماذا تم فصله ام ايقافه من قبل؟

وده الجمهور يا زول.. ظنك إنت لو غبت حول كَدي في زول بِفْقِدك



علشان تعرفو بس أنا كيف صابر ومُحْتسِب.. إنت يا محمد علي عُثمان مِن أسباب دِخول بشر كُتار لِلجنة.. بشر صابرين والصبر بدخِل الجنة.. أحب بكري ظاطوو ياخ البسهِل لينا بأمثالك عُبور الصراط المُستقيم بسهولة ويُسْر وكِده

Quote: فان زعيم المجموعة, دكتور مشار, قال ان حركته تقاتل العدل و المساوة و ان الاخيرة اصبحت هدف عسكرى

والله يا زكريا فرحتني جد.. يعني هسِع بِالصلاة على النبي عندنا:
سلفاكير × ريك مشار
ريك مشار × العدل والمساواة
العدل والمساواة × الإنقاذ
الإنقاذ × ريك مشار

عزام فرح وآخرين × سلفاكير × ريك مشار × العدل والمساواة

ايه الحلاوة دي... أللهُم زِد وبارِك



بوصي الإنقاذ:-
(1) دعم سلفاكير بِخُبراء عسكرِيين (يخطِطوا بس.. شكل لا) المُقابِل بعد الدُنيا ما تهدأ تسليم الخرطوم مالِك عقار/عبدالعزيز الحلو/مني مناوي).
(2) دعم ريك مشار بِالسِلاح + المال.
(3) صيف عبور على الجبهة الثورِية لِتحرير السودان.
(5) إحتِلال أبْيي.
(6) تحييد أثيوبيا بورقة المنفذ البحري + الوقوف مع سد الألفِية ضِد مِصر
(7) الضغط على مِصر لتطرُد رعايا دَولة جنوب السودان مِن أراضيها مُقابِل جزرة سد الألفِية.
(8) دعم جيش الرب (غلغلة ساااي كَدي ليوغندا).
(9) تطبيع العلاقات السودانِية مع أورشليم القُدس، ما عندنا أي سبب أبدًا نعادي إسرائيل (ده بخلي سلفاكير يجيهو زهايمر، وبِصيب مِصر بِالرعاش وباب لتحسين العلاقة مع ناس أوباما).

كفاكُم

الحبيبة تراجي

حتى لا نجادل مع بعضنا و خاصة اننا اصحاب نوايا متطابقة ، دعينا نعطي أنفسنا مهلة ايام - ستجدين بنفسك بان السيد باقان أموم لم يتعرض لأي نوع من التعذيب










-----------------------
ياخي نحنا مش اخوان ؟ يعني شنو ماسحة بي الارض ؟؟
هاهاها
صدقيني لا احد يرغم اصحاب الراي على قول ما لا يؤمنون به

Quote: بوصي الإنقاذ:- (1) دعم سلفاكير بِخُبراء عسكرِيين (يخطِطوا بس.. شكل لا) المُقابِل بعد الدُنيا ما تهدأ تسليم الخرطوم مالِك عقار/عبدالعزيز الحلو/مني مناوي). (2) دعم ريك مشار بِالسِلاح + المال. (3) صيف عبور على الجبهة الثورِية لِتحرير السودان. (5) إحتِلال أبْيي. (6) تحييد أثيوبيا بورقة المنفذ البحري + الوقوف مع سد الألفِية ضِد مِصر (7) الضغط على مِصر لتطرُد رعايا دَولة جنوب السودان مِن أراضيها مُقابِل جزرة سد الألفِية. (8) دعم جيش الرب (غلغلة ساااي كَدي ليوغندا). (9) تطبيع العلاقات السودانِية مع أورشليم القُدس، ما عندنا أي سبب أبدًا نعادي إسرائيل (ده بخلي سلفاكير يجيهو زهايمر، وبِصيب مِصر بِالرعاش وباب لتحسين العلاقة مع ناس أوباما). كفاكُم

Quote: كفاكُم

يا عزام ياخوي سلامات
ياخي الكيزان ديل بس مع الجبهة الثورية مضيقين علينا و مطلعين دينا ياخ تقوم تقترح عليهم ده كلو ؟ و الله إلا بيبعونا و أهلنا في سوق الله أكبر
نتمنى إنو نزيف الدم و الأرواح الفي الجنوب ده يقيف و يلتفتو لي إصلاح حالهم و مواطنيهم ، كفانا و كفاهم موت و تشريد و فقر و مرض و جهل

ده الكلام،،

باقان الانفصالي اللص
يجب ان يتعرض لمحاكمة عادلة تكفل له الدفاع عن نفسه وبعده سيعرف الجميع من هو باقان

الجنوب يدفع ثمن خيانة باقان ورصفاءه في الشمال للسودان الكبير
النتيجة
جنوب ضعيف امام ايثوبيا وكينيا ويوغندا والكنغو ومتمزق داخليا وشمال ايل للانهيار في اى لحظة
جني

تراجى باقان فى زمة عدالة جنوب السودان حتى يتحقق أمره بقضاء عادل
ينبغى أن لا نتناول موضوعه بطرائق قد تؤثر فى مجرى محاكمته
لا بل قد تأثر فى مصيره داخل زنزانته

علما بأننا لا نتفق مع باقان فى سياسة التمرحل التى يسعى على تحقيقها
فى واقع أكبر من قدراتهم فقد ضيعوا فرصة واقع كان يصنع منهم أبطالا
أبدا ولكنهم تلاعبوا به فلعب بهم نتمنى أن يواجه محاكمه عادله ومن
معه بذات الجنايه ونتمنى أن يدرك أن التفاوض والسلام هما أنجع
خصائص القادة الحكماء


ويا طروجه خفضى الترس

منصور

Tragie Mustafa +hamid brgo + اندرو كوات + Zakaria Joseph

جابو خبر باقان أموم ولحقوهو أُمات طه.. غايتو سذاجتكُم دي يقطعو ليها طظكِرة هههههه

عزام
سلامات
ممكن اعرف سذاجتي في موضوع الرفيق باقان ؟؟
وفقا لمداخلتي في هذا البوست

hamid brgo
كيف حالك؟ علك طَيِب

Quote: ممكن اعرف سذاجتي في موضوع الرفيق باقان ؟؟

جِدًا يا دِكْتور.. شوف.. في أثناء إسْتعراضك بِمعرِفة دقائِق الأمور بِشأن ما حدث ويحدُث وسيحدُث لِباقان أموم

Quote: الرفيق باقان أموم لم يتعرض قط الي اي إهانة - ناهيك عن التعذيب. و يعامل بقدر كبير من الاحترام و التقدير

Quote: حتى عندما ذهبت وحدة لاعتقاله من بيته سمح له بان يستغل سيارته الخاصة ( v8 مصفحة) يقودها سائقه على ان تتبع سيارة الوحدة المكلفة بالاعتقال الي مكان الاعتقال.

Quote: دعينا نعطي أنفسنا مهلة ايام - ستجدين بنفسك بان السيد باقان أموم لم يتعرض لأي نوع من التعذيب

التِجِدِع البتْسوي فوقو -كَونك عارِف وضع باقان وبِطمِن في البشرِية- ده ضار.. ليه ضار.. أقوليك يا بشر:-
(1)
لامِن زوجة باقان أموم -القاعدة معاهو جُوه البيت وساقوهو قِداما- تقول:

Quote: زوجة باقان تؤكد إعتقاله وتحمل الحكومة مسؤولية سلامته

المصدر: http://www.sudaneseonline.com/news-action-show-id-128616.htm

Quote: وقالت إن الفحص الطبي أكد ارتفاع ضغط الدم لفترة طويلة مما سبب تلك الأعراض، وقالت إن صحته الآن في تحسن ولا زال يخضع لبرنامج علاجي بكمبالا، وان اختفاءه مرتبط بمرضه ولا علاقة له بإقامة جبرية .

المصدر: http://www.sudaneseonline.com/?p=25062

كلامك ده بِفيد لِلجِهات العاوزا زوجة باقان أموم تقول ليها حصِلو زَوجي، بفيد إنو باقان أموم بِخير وحيكون بِخير وماف داعي لِلقلق
ــــــــــــــــــــــــــــــــ
(2)
كلامك بِفيد إنو سلفاكير إنسان، وده ما صاح، سلفاكير بِعلمو أُبيد 3000 مِن قبيلة المورلي/جونقلي، وقتلى هجليج دمهُم لسه ما بِرِد.
ــــــــــــــــــــــــــــــــ
(3)
كلامك بِفيد إنك كاشِف أوراق ناس سلفاكير، وده بورينا وَهَن وضُعف كَيانُمْ.
ــــــــــــــــــــــــــــــــ
(4)
كلامك بخلي مَوقِف ويك مشار التفاوضي ضعيف، لأن باقان أموم نااايِر في محبسو ومُرتاااح وبكتِب في مُذكِراتو.
ــــــــــــــــــــــــــــــــ
(5)
كلامك بِفيد إنو دَولة جنوب السودان دي قاعدا أم فكو، كُل المُغطى معلوم وبتعاطو الناس عمدًا

أها كِده كيف!

اخي عزام
لك التحية
انا لم اقل شيئا غير الحقيقة المجردة . ان كان هنالك من يتضرر من الحقيقة ذاك شيء اخر.
مع احترامي لرأيك لكن لم التمس في ردك ما يشير الي انني ساذج فيما قلته في مداخلتي .
أقول لك ما قلته للعزيزة تراجي دعنا نعطي أنفسنا مهلة ايام لترى انت و يرى معك العالم بان الرفيق باقان لم يتعرض قط لأي إهانة ، ناهيك عن التعذيب..
من يتولون امر حراسة المعتقلات هم رفقاء و طلاب الرفيق باقان و الرفيق سلفا كير في مدرسة الحركة الشعبية . هم يتعاملون معه و مع باقي الرفقاء المعتقلين بقدر كبير من الاحترام و التقدير.

و يبقى الود

hamid brgo

Quote: و يرى معك العالم بان الرفيق باقان لم يتعرض قط لأي إهانة ، ناهيك عن التعذيب.. من يتولون امر حراسة المعتقلات هم رفقاء و طلاب الرفيق باقان و الرفيق سلفا كير في مدرسة الحركة الشعبية . هم يتعاملون معه و مع باقي الرفقاء المعتقلين بقدر كبير من الاحترام و التقدير.

موباااالغة لاكين!