في بت بتعرف ترقص رقبة الزمن ده؟؟

سؤال جادي...
ياخ الرقبة دي رقصة سودانية جميييلة..رقصة ماركة مسجلة ..فيها شي كده ساااحر..وتكتمل الروعة بالشبال..
زمممن ما شوفت لي رقيص رقبة من بت شابة..وشبال من ولد شاب..
ياخ الله يخلي لينا اليو تيوب قدر ما نشتهي الشبال نتاوق فيهو..

Quote: في بت بتعرف ترقص رقبة الزمن ده؟؟

بل
في ولد بـ ( يركز للبطان ) الزمن دا ؟؟؟






______________

فاروقنا يا عمر
من حسنات بوست ود حبوبة أنك طلعت ( أهل عوض ) وبلدياتنا وكدا
فماااااااااااا تعمل رايح
وتقول لي بطان يعني شنو

الرقبة دايرة المشاط والجورسي
ودهن الكركار
والودعات
والمساير

فرقه الاستاذه الفنانه تماضر وبناتها .. الرقبه عندهم متقنه وشاهد اليتوب

يا عمر انت عمرك شفت بت بتعرض بالسيف او بالعصاية ؟؟
خلاص انا غايتو عازمك عرس عند اهلنا ناس الدبيبة والعيلفون علشان تشوف العرضة وتشوف الرقيص بالرقبة الصاااااح عند بناتنا بس اول اجازة ليك كلمني ..
غايتو يا عمر بتنكش ليك جنس حاجات هسة تلقى في واحدات بكتبو معاك في البورض ده ما برقصن رقبة تقولي شنو وتقولي منو ,, عليك الله ما تدورنا يا عمر ..


تحياتي : ياسر العيلفون

يا عمر الفاروق .. سلام مربع

في بنات كتار بيعرفن يرقصن رقبة

بس لمن يلقن فرح يخليهن يرقصن !

بنات الزمن دوول بيرقصن جعبة

Quote: الرقبة دايرة المشاط والجورسي ودهن الكركار والودعات والمساير

أخونا عبد الحفيظ والله انت طلعت دقة قديمة خلاص ،،، اضف اليهم
توب الكريب
الودك
توب الزراق
عشا الفنانين
السكروتة والملفحة الشاهية والبوبلين والدمورية والشارلستون
جكسة في خط ستة والشوال ،، وفي الحفلة في ناس برفرفو وبشاغلو ب ( تتي حمامكم بدي ولا بعضي ) ،،، ياه كانت ايام جميلة
تحياتي للفاروق صاحب البوست الذي اجبرنا علي اجترار الذكريات

ما زال أهلنا في الشرق الرجال خصوصا يجيدون الرقص بالسيف وبالرقبة