Post: #1
Title: إستجابة لطلب النقيب شرطة معاش عصام أحمد الشيخ الازرق ومسدار للمريخ والجمهور السودانى
Author: بشرى مبارك ود السقاى
Date: 01-10-2014, 07:20 PM
Parent: #0
إستجابة لطلب النقيب شرطة معاش عصام أحمد الشيخ الازرق الدفعة 54 المتواجد فى المانيا مدينة ميونيخ معقل بايرين ميونيخ الالمانى وقد كنت معهم قبل شهر تقريباً وقد طلب قصيدة لمباراة الامس فرأيت أن ألبى طلبة وطلب كل مريخابى وسودانى ترك العصبية وشجعه المريخ ولو ليوم واحد البى طلبهم بمسدار للمريخ وأخر للجمهور السودانى الذى كان فاكهة لقاء الامس والآن الى المسدارين :
يا دوحة قطر جاتكم نجوم وجاجه
لا بزيدو الكلام ولا بعرفوها لجاجه
جمهور كان حضور نيرانو كيف وهاجه
لو المريخ جاب هدف (السد ) نقلبو عجاجه
***********************
دوحة شيخ حمد وارفة وكثيفة ظلاله
أهلها طيبييين أهل الكرم الكرم وأصاله
والسودانى معرووووف زول مروّه بساله
نحفظ للأمانة ما فيينا أصلو أصلو فساله
|
|