Post: #1
Title: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: يحي قباني
Date: 01-09-2014, 10:41 PM
Parent: #0
منذ الأزل ...
لم تتغير الشخصية الهلالابية ...
بكاء ... بمناسبة و بدون مناسبة ...
غيرة عمياء ... تعمي ابصارهم ... من رؤية الأشياء المشرقه في عالم الكورة السودانية ...
إدمان الفشل ... في كل المحافل الدولية ...
تثبيط الهمم ... و بذل الطاقه في محاولة التقليل من انجازات الابطال ...
الشماته ...!!! وهي لعمري لم اراها حتي عند مشجعي الدباغة حينما تنهزم القماير !!!
ساقتني الذاكره الان لسبعينات القرن الماضي ...
وكنت حضورا لمبارة الهلال و سانتوس البرازيلي باستاد الهلال في اول السبعينات ...
ولا انسي المسطبه الجنوبيه وهي تلبس وشاحها الاحمر و تهتف باسم الهلال ..!!!
... ولي عوده ...
|
Post: #2
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: محمد حيدر المشرف
Date: 01-09-2014, 11:20 PM
Parent: #1
نحنا عارفنهم كده يا يحى ..
من الله خلقنا وشفنا خلقنا ياهن ياهن ..
وللحقيقة فقط ..
يكاد يكون "صبري" طفرة في عالم الهلال العجيب ..
فهو صبور ومثابر وشديد الاجتهاد في مجالو كهلالابي .. يضاف لذلك مقدرة كمبيوترية عالية واخلاص تام و ولاء تام للشخصية الهلالابية في تجلياتها القصوى ..
|
Post: #3
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: على محمد على بشير
Date: 01-10-2014, 00:45 AM
Parent: #2
|
Post: #4
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: Gaafar Ismail
Date: 01-10-2014, 02:23 AM
Parent: #3
الحبيب يحيي قباني
كل عام وانت بألف خير
Quote: منذ الأزل ...
لم تتغير الشخصية الهلالابية ...
بكاء ... بمناسبة و بدون مناسبة ...
غيرة عمياء ... تعمي ابصارهم ... من رؤية الأشياء المشرقه في عالم الكورة السودانية ...
إدمان الفشل ... في كل المحافل الدولية ...
تثبيط الهمم ... و بذل الطاقه في محاولة التقليل من انجازات الابطال ...
الشماته ...!!! وهي لعمري لم اراها حتي عند مشجعي الدباغة حينما تنهزم القماير !!!
|
يا مولاي ..أسمح لي أن أختلف معك
البوست دا تعميم غير منطقي ..اللهم إلا إذا كنت تعلم قلوب جميع الهلالاب المنتشرين في السودان وغيره.
عن نفسي مثلا ..هلالابي لكن أشجع المريخ عندما يلعب ضد أي فريق أجنبي .. كنت أقول ولا أزال بأن لاعبي المفضل والذي اعتبره أحرف لاعب كرة سودانية هو إبراهومة سيد الإسم (إبراهيم محمد علي)، وأظن هنالك آلاف مثلي هلالاب يملكون نفس الشعور الطيب نحو المريخ وجماهيره .
أنا أعرف مريخاب تنطبق عليهم ما ذكرته أنت أعلاه ولكني لا أستطيع تعميمه على كل المريخاب ...
تحياتي ووافر احترامي
|
Post: #5
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: طارق حرسي
Date: 01-10-2014, 02:33 AM
Parent: #4
يا ربي يكون من شنو ؟
|
Post: #6
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: يحي قباني
Date: 01-10-2014, 02:43 AM
Parent: #5
Quote: نحنا عارفنهم كده يا يحى ..
من الله خلقنا وشفنا خلقنا ياهن ياهن ..
وللحقيقة فقط ..
يكاد يكون "صبري" طفرة في عالم الهلال العجيب ..
فهو صبور ومثابر وشديد الاجتهاد في مجالو كهلالابي .. يضاف لذلك مقدرة كمبيوترية عالية واخلاص تام و ولاء تام للشخصية الهلالابية في تجلياتها القصوى .. |
دكتورنا يا جميل ...
بالله انا معاشِر الهلالاب ديل من سنة دو ...
اصلوا ما يفهموا ليك انو المريخ ده لما يجيب كاس الكؤوس و لا سيكافا بيلعب بأسم السودان ...
يوم المريخ جاب سيكافا وفاز علي سيمبا التنزاني علي ما اذكر ...
كنا بنسمع في الكوره في الراديو في بيتنا ومعاي هلالاب ...
بالله لما سيمبا عادل الكوره قبال نهاية الكورة بدقايق ... نططوا من دون ما يشعروا ...
ولما المريخ جاب الكاس في الآخر ابو ما يمشوا معاي استاد المريخ !!!
غايتو ... بجيك لي قصص مشابهة كتييير يا ود المشرف ..
|
Post: #7
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: يحي قباني
Date: 01-10-2014, 02:51 AM
Parent: #6
Quote: يا مولاي ..أسمح لي أن أختلف معك
البوست دا تعميم غير منطقي ..اللهم إلا إذا كنت تعلم قلوب جميع الهلالاب المنتشرين في السودان وغيره.
عن نفسي مثلا ..هلالابي لكن أشجع المريخ عندما يلعب ضد أي فريق أجنبي .. كنت أقول ولا أزال بأن لاعبي المفضل والذي اعتبره أحرف لاعب كرة سودانية هو إبراهومة سيد الإسم (إبراهيم محمد علي)، وأظن هنالك آلاف مثلي هلالاب يملكون نفس الشعور الطيب نحو المريخ وجماهيره .
أنا أعرف مريخاب تنطبق عليهم ما ذكرته أنت أعلاه ولكني لا أستطيع تعميمه على كل المريخاب ...
تحياتي ووافر احترامي |
ابو الجعافر يا صديقي ...
انت رجل طفره ...
وانا متأكد انو جواك في جينات مريخابيه لم تكتشفها بعد ...
وان هلاليتك جاءت بالوراثة ...
انا اتحدث عن السواد الاعظم من الهلالاب ...
بكاييييين يا جعفر ... ولا بشجعوا المريخ ولا شي ...
أسألني منهم انا ده ...
يا رجل مره مباراه وديه ... تكريم الفريق احمد حسن حلمي رئيس نادي الزمالك ...
في استاد المريخ ... مباراه بين المريخ و الزمالك ...
بالله انا جيت الكوره دي متأخر وما لقيت مكان الا في المسطبة الشماليه ...
يمين الهلالاب شجعوا الزمالك اكتر من تشجيع الكم مصري الكانو في الاستاد ...
وابشرك كمان نشال هلالابي نشلني في الكورة ديك ... لكن واحد بتاع امن قبضو ...
بالله شق جيب جلابيتي بي موس ... ولا اشطر جراح ...
|
Post: #8
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: يحي قباني
Date: 01-10-2014, 02:52 AM
Parent: #7
Quote: Amin Bushari · الأكثر تعليقا · IT Manager في Saudi American Institute
انت زول غلاط وما بتقتنع ... إذن انت هلالابي صرف لا محاله
رد · أعجبني · متابعة المنشور · منذ حوالي ساعة |
اللمين بالدرب التحت ...
ما ياهو ده ...!!!
|
Post: #9
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: يحي قباني
Date: 01-10-2014, 03:00 AM
Parent: #8
| Quote: يا ربي يكون من شنو ؟ |
حرسي يا صفوه ...
ده ما منهم ... من العليهم ..
|
Post: #10
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: يحي قباني
Date: 01-10-2014, 03:43 AM
Parent: #9
ياخي حتي لو قعدت تلعب ليك عشرة وست ولا حريق في الداخليات زمان ...
الخرخرة والبكا ... مدوريين ... تعرفهم طواااالي ( أهِلّـــه ) ...
|
Post: #11
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: يحي قباني
Date: 01-10-2014, 06:08 AM
Parent: #10
لم اري هلالابياً اكثر بكاءً من اخينا عبد المنعم شجرابي ...
سوي ابن خالتي باهي الدين علي عوض الكردي كبير بكايي الهلال ...
كنا ندخل سوياً جميع مباريات المريخ و جميع مباريات الهلال ...
كان لا يدخل المسطبه الجنوبيه ابداً ... وذلك لحبه الشماته و البكاء
اما انا فكنت في كل مباريات الهلال اجلس معه في المسطبة الشماليه .. مجاملاً
في نفس المكان لا نغيره ابداً ... وكان هذا ديدن رواد دار الرياضه ...
وكان دائم الجلوس امامنا الاخ عبد المنعم شجرابي والذي كان وقتها
مشجا للهلال فقط ... عرفت فيما بعد انه اصبح صحفي رياضى ...
قضينا نصف عمرنا في الاستاد نحمل شجرابي الي النجيله
و نطلب له الاسعاف لتفويقه من نوبة التشنج و البكاء ...
كانت اقوان المريخ في الهلال كانها ( بُنبان ) .. تخنقه حتي يفرفر هُوَ ... و يُزَبِّــــد ابن خالتي ...
|
Post: #12
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: أمير محمد ادريس
Date: 01-10-2014, 06:14 AM
Parent: #10
تحياتي يا هندسة
أولادنا أمبارح متعونا ورفعوا رأسنا
|
Post: #13
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: يحي قباني
Date: 01-10-2014, 06:16 AM
Parent: #12
Quote: تحياتي يا هندسة
أولادنا أمبارح متعونا ورفعوا رأسنا |
بالحيل يا أمير ...
الدولي دولي ... والمحلي ... محلك سر ...
|
Post: #14
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: abas
Date: 01-10-2014, 06:27 AM
Parent: #13
ادروب قالو ليو المباراة انتهت كم
قال ليهم اتنين اتنين
كلنا حضرناها با ادرول باخ انتهت اتنين صفر
قال ليهم البايرميونح جاب قونين وناس المريخ جابو فنيلتبن
|
Post: #15
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: يحي قباني
Date: 01-10-2014, 07:01 AM
Parent: #14
ناس المريخ فتروا من ( المجايب ) يا عباس ...
نفسنا قبل ما نغادر الفانية دي ...
فريق تاني يقد الشيطان و يجيب انشالله الميدالية ( الجلدية ) ...
|
Post: #16
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: محمد البشرى الخضر
Date: 01-10-2014, 08:08 AM
Parent: #15
ههههههه حلوة يا هندسة
على نفس الوزن هاك تركيبة الشخصية المريخابية
انت بوبار وجخاخ اذن انت وصيفابي
المريخاب بذكروني العاملين عزومة لم الكشف أم صحن فيه موزة و قطعة باسطة ويقول ليك عاملين (اوفرنايت)
لو سالت الوصيفابي عن انجازات فريقه بعد يحسب ليك بيضة الديك و القلعة الحمراء وفاصلة مصر و الجزاءر ح يضيف ليها الهزيمة بقونين فقط من بطل العالم ههههههههههههه
|
Post: #17
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: صبري طه
Date: 01-10-2014, 08:27 AM
Parent: #16
يا ود البُشرى ينوبك ثواب لو ساعدتني بجلب إرشيف المريخاب في شأن الهلال عندما اقترب من تحقيق اللقب الإفريقي في السنوات الأخيرة وأخصُّ منهم فايز ود القاضي .. عشان أخونا يحيى قباني يبلع من غير موية !!
Quote: منذ الأزل ...
لم تتغير الشخصية الهلالابية ...
بكاء ... بمناسبة و بدون مناسبة ...
غيرة عمياء ... تعمي ابصارهم ... من رؤية الأشياء المشرقه في عالم الكورة السودانية ...
إدمان الفشل ... في كل المحافل الدولية ...
تثبيط الهمم ... و بذل الطاقه في محاولة التقليل من انجازات الابطال ...
الشماته ...!!! وهي لعمري لم اراها حتي عند مشجعي الدباغة حينما تنهزم القماير !!!
ساقتني الذاكره الان لسبعينات القرن الماضي ...
وكنت حضورا لمبارة الهلال و سانتوس البرازيلي باستاد الهلال في اول السبعينات ...
ولا انسي المسطبه الجنوبيه وهي تلبس وشاحها الاحمر و تهتف باسم الهلال ..!!! |
يا يحيى أحدكم راهن بحلاقة شنبه إن فاز الهلال باللّقب في ظاهرة تُعدّ الأولى التي أشاهدها أنا في ساحة المنبر !!
ياخي يشهد الله في جمعته المُباركة لم أُصادف في حياتي أحقد وأحسد من بعض المريخاب تجاه الهلال ...
فهُم لا يتمنّون فوز الهلال بأيّة بطولة خارجية حتى لا يتميّز عليهم خارجياً بعد أن بسط سيطرته على الكُرة السودانية داخلياً ...
وعندما تقول الفريق رقم (1) في السودان .. فعليك أن تعلم أنّه الهلال لأنّه حقق بطولة المُمتاز بكل مسمياتها أكثر من كل الأندية الأخرى !!
يطلقون على أنفسكم لقب زعيم الكُرة السودانية وأنتم الفريق الثاني في زعامتها فهل هناك تجنّي وغيرة أكثر من ذلك ؟!
يقولون أنّ ناديهم الأكثر جماهيرية وراعي الغنم المريخابي الفي الخلاء يعلم جيّداً أنّه لو استفتى غنمه لقالوا له أغلبنا هلالاب يا هداك الله !!
بس مُشكلة بعضاً منكم يُكابر حتى مع وجود الحقائق .. سآتي لك بما كتبه بعضاً من زملائكم في ساحة المنبر .. أمثال ود القاضي وود الدفينة والقائمة ستطول ...
جاييكم ..................
ــــــــــــــ
|
Post: #18
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: صبري طه
Date: 01-10-2014, 08:33 AM
Parent: #17
Quote: منذ الأزل ...
لم تتغير الشخصية الهلالابية ...
بكاء ... بمناسبة و بدون مناسبة ...
غيرة عمياء ... تعمي ابصارهم ... من رؤية الأشياء المشرقه في عالم الكورة السودانية ...
إدمان الفشل ... في كل المحافل الدولية ...
تثبيط الهمم ... و بذل الطاقه في محاولة التقليل من انجازات الابطال ...
الشماته ...!!! وهي لعمري لم اراها حتي عند مشجعي الدباغة حينما تنهزم القماير !!! |
أمسك نموذج لما كتبت في شأن الشخصية الهلالية:-
أحلق شنبي لو الهلال أحرز كاس أبطال أفريقيا الموسم ده ..
Quote: فايز ود القاضي كتب: ياعباس الهلال عالم جميل من الكراتين ..يدينا مساحة وراحة للتراهن بكل اطمئنان ..
ودالقاضي اذا اوعد لم يخلف ..
والهلال عمره ماخذلنا الله يحفظه للفشل الخارجي .. هيييييييييييييييييييع |
|
Post: #19
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: صبري طه
Date: 01-10-2014, 08:43 AM
Parent: #18
Quote: منذ الأزل ...
لم تتغير الشخصية الهلالابية ...
بكاء ... بمناسبة و بدون مناسبة ...
غيرة عمياء ... تعمي ابصارهم ... من رؤية الأشياء المشرقه في عالم الكورة السودانية ...
إدمان الفشل ... في كل المحافل الدولية ...
تثبيط الهمم ... و بذل الطاقه في محاولة التقليل من انجازات الابطال ...
الشماته ...!!! وهي لعمري لم اراها حتي عند مشجعي الدباغة حينما تنهزم القماير !!! |
أمسك نموذج لما كتبت في شأن الشخصية الهلالية:-
والله .. ووالله ..ووالله الهلال دا كاس مويه ما يشيلو ...
أخونا يوسف الدفينة في الرابط أعلاه الحقد أعماه لدرجة أنّه حلف بالله في حاجة في رحم الغيب ...
فماذا هو فاعلٌ إن فاز الهلال بكأس خارجي أسيصوم الثلاثة أيام أم سيشرب الكأس !!
ما تستبعد إن فاز الهلال بكأس خارجي أن تجد أمثاله لاطّين وواقفين لمبّة .. كحال الذي أخذ شاكوشاً من محبوبته فأصبح زبوناً دائماً لست العرقي !!
ـــــــــــ
|
Post: #20
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: طلحة عبدالله
Date: 01-10-2014, 08:52 AM
السلام يا يحي
للحق
صبري ( سؤال) الفوق دا ما عندو الحقد الشديد البتقولوا دا على المريخ
لكن مشكلتو الكبيرة ما بعرف كورة وبشجعا زيو و ود القاضي القالو دا
بالعاطفة والمكاواة .
|
Post: #34
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: يحي قباني
Date: 01-11-2014, 00:22 AM
Parent: #23
| Quote: خلاص أقفلوا استاد الهلال عشان بتاعين البنقو يشوفوا ليهم سوق تاني !!and#191;! |
البنقو ده مباغلة ...
لكن انا النصيحة اتنشلت في الكوره مره واحده في حياتي ...
والنشال طلع رشاشة ... هههههههه
والله بحكي الحقيقه ... وانا كتبت القصة دي هنا في البورد ده بي تفاصيها ...
|
Post: #22
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: نادر الفضلى
Date: 01-10-2014, 09:09 AM
Quote:
وراعي الغنم المريخابي الفي الخلاء يعلم جيّداً أنّه لو استفتى غنمه لقالوا له أغلبنا هلالاب يا هداك الله !!
|
يا يحيى .. كلام صبرى دا ما ترميهو واطا .. دا على وزن شهد شاهد من أهلهم .. والزول جاملك فى حبة غنيمات ..
فخليك حقانى وما تكتر عدد المريخاب ساى .. وقول النصيحة يا خ فى صفوة غنم؟
و(الراعى المريخابى) دا كلام فيهو رمزية .. زى كلكم راع .. وفى راعى الأسرة .. وراعى القوم ... بعنى الزعيم (المريخ)
|
Post: #25
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: الصادق صديق سلمان
Date: 01-10-2014, 12:18 PM
Parent: #22
يا نادر الفضلي الله يديك العافية
انا هلالابي ولكني لم اتمنى هزيمة المريخ من البافاري امس
اغلبية الشعب السوداني مزارعين ورواعية وابنائهم
يعني المثقافتية في وطني اقلية شديد وابنائهم ايضاً
نحن عندنا قرية مزارعين صرف في الجزيرة هل تصدق ان المريخاب فيها تلاتة بس
مدام حضرت مبارة الهلال وسانتوس فيجب علي ان لك عمي يحي قباني
عليك الله افقد فايز ود القاضي دا ياخ لي زمن ما شفتو في المنبر دا
ولو لقيتو تلفونو ادوني ليهو خلوني النطمئن عليه
|
Post: #27
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: صبري طه
Date: 01-10-2014, 07:50 PM
Parent: #25
| Quote: نحن عندنا قرية مزارعين صرف في الجزيرة هل تصدق ان المريخاب فيها تلاتة بس |
ياخي أنا بعرف قرية برضو من قُرى الجزيرة فيها خمسة مريخاب والبقية جت عليهم هلالاب ...
|
Post: #32
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: يحي قباني
Date: 01-10-2014, 11:36 PM
Parent: #17
| Quote: وعندما تقول الفريق رقم (1) في السودان .. فعليك أن تعلم أنّه الهلال لأنّه حقق بطولة المُمتاز بكل مسمياتها أكثر من كل الأندية الأخرى !! |
شايف يا صبري ...
برااااك قلتها ...
رقم ( 1 ) في السودان ...
انحنا هنا بنتكلم علي العالميه ...
سيرة السودان منو الجابها حسي ؟
انجازات المريخ الدوليه حتي الحكومه زاتها ما عملت ربعها ...
بي امانه كده ...
كدي عاين للأسكرين برنت دي من موقع بايرن ميونخ ...
عمرك شفت حاجه زي دي؟
ياخي السودان ده كان اسمو جه كحكومه ... ما بتقرا الا اوكامبو و ما بعرف شنو ...
احنا ختينا اسم السودان بطريقه مشرفه ...
|
Post: #31
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: يحي قباني
Date: 01-10-2014, 11:27 PM
Parent: #16
Quote: ههههههه حلوة يا هندسة
على نفس الوزن هاك تركيبة الشخصية المريخابية
انت بوبار وجخاخ اذن انت وصيفابي
المريخاب بذكروني العاملين عزومة لم الكشف أم صحن فيه موزة و قطعة باسطة ويقول ليك عاملين (اوفرنايت)
لو سالت الوصيفابي عن انجازات فريقه بعد يحسب ليك بيضة الديك و القلعة الحمراء وفاصلة مصر و الجزاءر ح يضيف ليها الهزيمة بقونين فقط من بطل العالم ههههههههههههه |
ود البشري يا هندسة ...
عليك الله اصلو الجرسه دي كيفن ...
عاين صاحبي صبري ده بيهرج كيفن ...
هلالاب يا رسول الله ...
|
Post: #26
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: محمد حيدر المشرف
Date: 01-10-2014, 07:17 PM
Parent: #1
انا ما قلت ليك يا يحي كلهم كذلك الا صبري براهو :)
|
Post: #28
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: صبري طه
Date: 01-10-2014, 07:52 PM
Parent: #26
| Quote: انا ما قلت ليك يا يحي كلهم كذلك الا صبري براهو :) |
يا ود المشرف لأنّي عارفك ما من النوع الحلّوف عشان كدا ما مشيت على إرشيفك :)
|
Post: #29
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: سليمان القرشي
Date: 01-10-2014, 09:16 PM
Parent: #28
سلام ودقباني وضيوفة
التعميم مخل انا واحد من الناس
واقسم بالله نسيت اني هلالابي
وبي نفس العصبية والتشنج
حضرت المباراة بدواخل مريخية
صرفة تمنيت ان يلعب المريخ
ويستطيع ان يرفع راسنا لان
المريخ بالامس كان يمثل السودان
فقط لاغير .
تعرف ياعمنا انا اي بوست ليك
بستمتع بيهو جدا وليك معزة
خاصة الا دا زعلني تب
تسلم
|
Post: #30
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: عبد المنعم سيد احمد
Date: 01-10-2014, 09:41 PM
Parent: #29
|
Post: #33
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: يحي قباني
Date: 01-11-2014, 00:09 AM
Parent: #30
Quote: سلام ودقباني وضيوفة
التعميم مخل انا واحد من الناس
واقسم بالله نسيت اني هلالابي
وبي نفس العصبية والتشنج
حضرت المباراة بدواخل مريخية
صرفة تمنيت ان يلعب المريخ
ويستطيع ان يرفع راسنا لان
المريخ بالامس كان يمثل السودان
فقط لاغير .
تعرف ياعمنا انا اي بوست ليك
بستمتع بيهو جدا وليك معزة
خاصة الا دا زعلني تب
تسلم |
ود القرشي يا جميل ...
عليك الله انت لو هلالابي بالجد ...
كنت تعرف انو المكاواه دي اجمل ما بين المريخاب و الهلالاب
وفرصة زي دي بتجي كم مره في العمر ؟
علي قاقرين ... وامس في فيديو فيصل الكوري ...
كلهم اجمعوا ... انو عشاهم اليومي هلالاب علي مريخاب كان في بيت بشاره عبد النضيف ...
اسمع القصه دي ...
عندنا واحد صاحبنا قال نمشي نتفرج علي كورة مصر و الجزائر الاتلعبت في الخرطوم وجابت المشاكل ديك ...
مشينا لقينا معاهو في البيت 5 مصريين زملاؤه في الشغل و اصحابو ...
والشباب طبعا كلهم قايلين انحنا جايين نشجع مصر ...
المهم حذرت الاتنين الجو معاي ... وقلتليهم اضبطوا اعصابكم ما تفضحونا ..
وحياتك واحد منهم الكوره كلها ... يشجع في مصر ... الله ده كان ممكن يكون قون ...
ياخي وائل جمعه ده ما بعرف شنو ....
لغاية ما دخل قون الجزاير القنبله من الونق اليمين ...
صاحبي نطه وقال اممممك ... قداهم ...
_________________________
ود القرشي يا جميل ...
اسعدتني انك من متابعي خطرفاتي ...
لك من الود اقصاه ...
|
Post: #35
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: صبري طه
Date: 01-11-2014, 07:43 AM
Parent: #33
Quote: كدي عاين للأسكرين برنت دي من موقع بايرن ميونخ ...
عمرك شفت حاجه زي دي؟ |
يا قبّاني يا حبيب .. بنفس منطقك دا بقول ليك نحن بيليه صورناهو في استادنا والصورة الفوق دي بيّنت للعالم أجمع إنّو في دولة اسمها السودان فيها فريق اسمو الهلال ووصيف أو تمامة عدد اسمو المريخ وبيّنت كمان إنّو الهلال عندو استاد خاص استضاف فيه سانتوس البرازيلي فريق بيليه أفضل لاعب في القرن العشرين (حسب آراء الكثيرين) !!
وبشهادة الاسكرين بتاعك دا بقول ليكم إنتو اتصورتو مع ريبيري عند الجيران .. وممكن كمان أصنّفكم شحادين مُباريات دا لو ما دفعوا ليكم المُقابل المادي نظير هذه المُباراة .. بالمُناسبة في زميل في المنبر مريخابي قال (نحن القطريين بدفعوا لينا) أها شُفت جنس الفضايح دي !!
للمزيد من التفاصيل اضغط هنا
ــــــ
ردّي دا زي ردودي زمان على المريخاب وأنا في المرحلة المتوسطة لو عايز نلبس ليك اللونية دي من النقاش ما عندك مُشكلة 
|
Post: #36
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: صبري طه
Date: 01-11-2014, 07:56 AM
Parent: #35
Quote: أحمد عبدالرحمن من خلال نافذة تعليقات الفيسبوك كتب: الاخ الصادق صديق سلمان...انتا الوحيد اللي انا ح ارد عليهو و لو اولا في البوست ده!!
الصراحة ما قدرت افهم كلامك او اقتباسك....هل هو نقد مبطن لي نادر الفضلي....ام هو بكي "معتاد عليه" من هلالابي زي ما قال صاحب البوست عمنا الفاضل قباني و له سلامنا....قبل ان تاخذنا العزة بالثم ....و نصبح على ما فعلنا نادمين.... " ما اعتقد انو فارق العمر كبير....انما توقير و احترام"
ازعلك يا الصادق من شو؟؟ هل من لاخ صبري يا الصادق ....لو انتا زعلان على اهلك " و من ربانا" و لا ننكر فضهلم ما حيينا....وهو من .استخف بيهم بطريقة واضحة و صريحة و موغلة في الوحشية " ده بي اعتبار انك حساس من الحتة دي"
ام هو زعل من الاخ نادر اللي ختاها ليك و بالون الاحمر "امكن عشان كده انتا ما شوفتها" انو ما قاله صبري "رمزي".....في محاولة انقاذ ما يمكن انقاذه او زي ما احنا بنقول " يعمل من فسيخ صبري شربات"!!!
صبري قال و هو يعي كل كلمة قالها....حرفيا.... انو " راعي الغنم المريخابي" لو سئل عن "غنمه" ح يقولوا انهم "هلالاب"....فمن احق بزعلك نادر ام اهلك ام نحن الللي انتا قولتا شجعتنا و صبري اللي انتا ماخد طرفه....عملنا افل من البهايم....او اقل شأنا!!؟؟
مشكلة الاخ صبري انو يعتقد " واهما" انه الوحيد اللي عنده المقدرة على " التلاعب بالكلام".....و دي مشكلة غلاط اخونا صبري....انو فاكر انو ببساطة ممكن يتلاعب بالكلام و ده بي يخلي كلامه ....و من وجهة نظره "منطقي"......لكن هو تلاعب بالكلام و زي ما احنا بنقول "غلاط" سااااااااااي
يا اخ صبري كلامك واااااااااضح و صريح
هل انتا عندك احصائية بعدد البهايم الهلالاب....خليك من البشر
و لا ح نخش في اجبيب ليك من الفيسبوك...و انتا قولتا "حرفيا" و انا قولتا " ما معاناه"؟؟؟ و نخش فى غلاط ما عندو معني؟؟ |
يا أحمد أنا قاصد الغنم الحقيقية في نفسها .. يعني البتقول مييييييييييييغ
فما تمتّر ساي !!!!!
ولو عايز تجي تغالطني في حاجة أنا عارف نفسي كويّس قاصد منّها شنو .. فهنا حأرسل SMS للبشاري عشان يجي يشوف مثال للبغالطك في اسمك !!
|
Post: #37
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: صبري طه
Date: 01-11-2014, 08:03 AM
Parent: #29
Quote: سلام ودقباني وضيوفة
التعميم مخل انا واحد من الناس
واقسم بالله نسيت اني هلالابي
وبي نفس العصبية والتشنج
حضرت المباراة بدواخل مريخية
صرفة تمنيت ان يلعب المريخ
ويستطيع ان يرفع راسنا لان
المريخ بالامس كان يمثل السودان
فقط لاغير .
تعرف ياعمنا انا اي بوست ليك
بستمتع بيهو جدا وليك معزة
خاصة الا دا زعلني تب
تسلم |
أقول ليك حاجة يا سليمان القرشي ...
عندما فاز المريخ بكأس مانديلا .. يشهد الله أنّنا خرجنا في مسيرة أفراح كبيرة ...
طُفنا بها أحياء مدينة رفاعة .. وطُفنا بها منزل لاعب المريخ سانتو رفاعة في "ديم البحر"
وشدونا فيها بكل جميل تجاه المريخ ولاعبيه ...
مسيرة شارك فيها عدد كبير من الهلالاب .. وبرغم أنني لا أستطيع حساب النسبة ولكن أعتقد والعلم عند الله أنّنا كنّا أكثر من المريخاب أنفسهم ...
للأسف يا سليمان هذه المشاعر الطيبة اختفت بظهور أمثال "مزمّل أبو القاسم" في ساحة الإعلام الرياضي !!
|
Post: #38
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: زهير عثمان حمد
Date: 01-11-2014, 08:11 AM
Parent: #37
ولتجدن أشد الناس عداوة للمريخ... ذكور مشجعي ما يسمى رشاشات ب العرضة شمال عيال الأرملة الزرقاء أم شبتو
|
Post: #39
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: الجنيد حمد
Date: 01-11-2014, 08:20 AM
Parent: #37
تحية طيبة
الحبيب / يحيى قباني - اسعد الله ايامك
رغم المكاجرة بين الجماهير (دي حاجة عادية) الا أنني اجزم بأن غالبية جماهير الهلال كانت تشجع المريخ اول امس
وفي كل لقاءته الخارجية ...
يوم الخميس اخدت اذن من بدري وطلعت من الشغل ماشي عشان احضر الكورة
في الطريق للبيت قعدت مع اقاربي (المريخاب) عشان نحضر الكورة وكده
اول واحد قال لي ياخ كورة شنو والتاني خشى الغرفة وقعد بحضر في فيلم في النت
تصدق انا الهلالابي (الحاقد الما عندي وطنية ده) كنت بسب لي غاندي ومتكيف من اكرم
وزعلان من رقم 21 في المريخ عشان ما قفل كويس في القون التاني وزعلان من بلة جابر ولا رمضان عجب
في القون الاول لانو ما رقد بكل جسمه قدام الكورة عشان يحمي الهدف الاول
وزعلان شديد من المهاجم الاناني الاسمو فليفان ولامنو الزول البقع في التسلل كل مرة ده (ياخ ده اشطبوه ساي )
وبعدين كروجر حاول اشراك اللعيبة كلهم (للتاريخ وكده) وكان بامكان المريخ التعادل (جادي والله )
(لو) تم اشراك عنكبة من بداية المبارة او الشوط الثاني مكان (الاثيوبي ) كان (جبتو ) قون....
اها
رغم الهلالية بتاعتنا دي لكن اتكيفنا من المريخ والله واول مرة في التاريخ وربما الاخيرة تكون جماهير المريخ اكتر من جماهير
بايرن ميونخ (هسي دي براها قشرة تاريخية )
كل الامنيات أن يتم تفعيل السفارة الجماهيرية ولعب المزيد من المباريات العالمية حتى تستفيد منها الاندية والوطن
تحياتي
|
Post: #40
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: بله محمد الفاضل
Date: 01-11-2014, 08:27 AM
Parent: #39
راحت لينا زمان الحكاية
وبقينا إلا بالصدفة نسمع خبر الكورة السودانية
النصيحة كبرنا على البشتنة والنخجي
عندنا يا ود قباني قريبنا حلاّق
أغلط وجيب سيرة الهلال بالغلط
عينك ما تشوف إلا النور
كف مصلح
ويا ويلك لو كنت بتحلق دقن
يا اخي هو ذاتو كورة بلا بكاء إن طعما
زي الكوشتينة معقول تلعب مع ناس (باردين)
هههههههههههه
تحياتي، محبتي واحترامي
|
Post: #41
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: صبري طه
Date: 01-11-2014, 09:44 AM
Parent: #40
Quote: أحمد عبدالرحمن من خلال نافذة تعليقات الفيسبوك كتب: يا اخ صبري كلامك واااااااااضح و صريح
هل انتا عندك احصائية بعدد البهايم الهلالاب....خليك من البشر
و لا ح نخش في اجبيب ليك من الفيسبوك...و انتا قولتا "حرفيا" و انا قولتا " ما معاناه"؟؟؟ و نخش فى غلاط ما عندو معني؟؟ |
عايز تجيب لي شنو من الفيسبوك بالضبط؟
لو قصدك على البني آدم فأمسك المثال التحت دا:-
أهو عندك صورة من صفحة للهلال السوداني على الفيسبوك:-
وصورة من صفحة للمريخ السوداني على الفيسبوك:-
يلاّ شوف عدد المُعجبين في كلتا الصفحتين .. وبعدها أشرب ليك كوز موية باردة وأرجع لي بالرد !!
ـــــــ
|
Post: #42
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: Khalid Basheer
Date: 01-11-2014, 02:16 PM
Parent: #41
قباني تحياتي....
عادة – وليس دائما- كلما زاد تشنج الرشاشة بتكون علاقته بالكورة والهلال ضعيفة.
صاحبي رشاشة لكن الغريبة متأقلم مع الحكاية دي وعايش حياته بصورة طبيعية جدا بضحك وبنوم وبمشي الشغل وكمان عرس !
.................................................................................................................................................
| Quote: يقولون أنّ ناديهم الأكثر جماهيرية وراعي الغنم المريخابي الفي الخلاء يعلم جيّداً أنّه لو استفتى غنمه لقالوا له أغلبنا هلالاب يا هداك الله !! |
يا صبري تحياتي...
حسة ناسك ديل ما عوقتهم ياخ !...كدي اقرأ كلامك دة براحة كدة....و شوفو لوم ولا شكر؟
غايتو الهلال الله يعينو على ناسو في الاول ، نحن هينين..
انت قايل نحن بنحمد الله أن صرف عنا الرشاشات فشجعوا الهلال من هين !
|
Post: #43
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: خالد عبد الله محمود
Date: 01-11-2014, 04:00 PM
Parent: #42
و الله يا قباني لو سمعت جزء بسيط من الشتائم التي كانت تقال لهيثم مصطفي عندما كان لاعباً في الهلال لكرهت حاجة أسمها الكورة أساساً ..
أنتو قاعدين بره و قايلين الناس زي زمان ...
بيشكلو في الكورة العصر و بيتعشو سوا بالليل
أسه الحكاية فيها تنظيمات و صفحات فيس بوك و مبالغ تدفع من تحت الطربيزة لمن يستطيع أن يبدع في شتم لاعبي الفريق المنافس
و المشكلة أن أول من يشجب هذه الإحداث هو من يدفع المبالغ تحت الطربيزة
عالم كرة القدم في السودان أصبح قبيح و مشوه
كل دول العالم عندما دخل المال فيها في كرة القدم تتطورت إلا نحن ماشين لي وراء
صبري : في واحد إسمو يوسف مين كده كان بغيب بالشهور و يجي يكتب ليهو بوست بوستين يشتم هيثم مصطفي و يمشي , أبحتو بالله معاكـ من الأرشيف
|
Post: #44
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: يحي قباني
Date: 01-11-2014, 06:39 PM
Parent: #43
| Quote: يا قبّاني يا حبيب .. بنفس منطقك دا بقول ليك نحن بيليه صورناهو في استادنا والصورة الفوق دي بيّنت للعالم أجمع إنّو في دولة اسمها السودان فيها فريق اسمو الهلال ووصيف أو تمامة عدد اسمو المريخ وبيّنت كمان إنّو الهلال عندو استاد خاص استضاف فيه سانتوس البرازيلي فريق بيليه أفضل لاعب في القرن العشرين (حسب آراء الكثيرين) !! |
حولااااااا ...قبل 40 سنة ؟
المريخ يا حبيب جاب ليفربول في اول التمانينات ...
وجاء بي كل نجومه ...
انا حاضر الكوره ومعاي مجموعة من الجامعة في استاد الخرطوم ...
ليفربول كان عندو لاعب مهم اسمو ( سامي لي) كان بلبس نمرة 8 ...
غيرهو مع نهاية الشوط الاول ...
لما المريخ زنقهم في الشوط التاني ... قوموهوا قال يلعب تاني ...
الحكم طوالي اعترض وناس لفربول عملو جوطه ...
واستمرت الكوره سجال ... لغاية ما حلاهم واحد اسمو ( كني داقليش ) وكان من احرف لعيبة انجلترا ... جاب ليهم قون ...
اها خليتونا نفتح ملف الانجازات ... وكنا ساكتين ...
____________________________________________________
بعدين يا صبري انت جبت ملفات قديمه لنفرين تلاته ...
وده طبيعي ...
لكن عليك الله هنا ...
اول ما زول قال المريخ حيلعب مع البايرن ...
اتفتحت بوستات ملت الصفحه الاولي ...
طلعوهوا كضب ...
والقال ده جدول بايرن ميونخ ...مافي مريخ ولا من يحزنون ...
والقال لا ..هاكم الويب سايت حقهم ...سيرة الكوره مافي ...
اها بعد ما القصة بقت جد جد ...
بدت موجة بوستات جديده ...
الوالي دفع 12 مليون ...
بايرن ميونخ حيجي بس تسليه ...
اها لما المريخ وصل ...
قالو 12 صفر ...
المريخ ما مستعد ...
الوالي متفق بي قونين ...
الناس تطلع من بيوتها لانو القينان حتخش البيوت ...
اول قون جا في الدقيقة الاولي ...
انت شخصيا كتبت بوست عنوانه ...قووووووووووووووووووووووون ...
طبعا كنت متمني انو كل دقيقه قون !!!
بعد ما نتهت المباراه ... صنننننننننننننننننننننننننن
صنيتوا كلكم يومين اظن ...
المريخ يا صبري يا حبيبنا ثقافة ومدرسة متكامله ...
تدخلها حتي تتعلم الحياه ...
|
Post: #45
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: خالد عبد الله محمود
Date: 01-12-2014, 06:35 AM
Parent: #44
Quote: المريخ يا حبيب جاب ليفربول في اول التمانينات ...
|
لا حولاااااااااااا
أمسح بسرعة يا قباني قبل يجيكـ صبري اللايوق ده ....
متين المريخ لعب مع ليفربول ؟؟
منتخب الخرطوم بقي المريخ ؟؟
حتى سكسكـ الأحرز الهدف يومها كان لاعباً للتحرير
ده حالتكـ حضرت المباراة !! بصراحة يا قباني بعد كده الزول بقي يشكـ في معلوماتكـ 
|
Post: #46
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: يحي قباني
Date: 01-12-2014, 06:46 AM
Parent: #45
تصدق حضرتها يا خالد
و ما بنسي قصة ( سامي ليي) دي أبدا
بس الظاهر من كتر ما كانت التشكيله كلها من المريخ
وطبعا الدعوة كانت من المريخابي جعفر نميري
نسيت انو في كم لاعب من فرق تانيه
حسي بس اتذكرت بي كلامك ده انو سموهو منتخب الخرطوم
|
Post: #47
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: محمد البشرى الخضر
Date: 01-12-2014, 07:06 AM
Parent: #46
ههههههههههه مراقتك ظريفة ياهندسة قلت لي جعفر نميري مريخابي :)
دي افضل نموذج على تركيبة الشخصية المريخابية الجخاخة البوبارة العايزة تتميز بالصح بتمامة الموية بمنتخب الخرطوم بأي حاجة
عاااااااااالمي يا ...
:)
|
Post: #48
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: يحي قباني
Date: 01-12-2014, 07:13 AM
Parent: #47
ههههههه
كان مارقه ما بعرف يا هندسه
لو بس قلنا
القون حامد بريمه
و الكابتن سامي عزالدين الله يرحمه
هو اصلو المريخ ده كيفن !!!
حسي حامد ده لو كان لاعب قدام البافاري
كان المريخ مرق غالب !!!
|
Post: #49
Title: Re: تركيبة الشخصية ( الهلالابية ) ... أنت ( بكّاي ) إذاً انت هلالابي !!!
Author: محمد البشرى الخضر
Date: 01-12-2014, 08:20 AM
Parent: #48
هي نان يا هندسة إنت خليتها على حامد بريمة وسامي رحمة الله عليه!! إنت ها ها بب بب مرقتها لينا في رئيس الجمهورية بي رقبته
شفت الجخ و البوبار الأنا قصدته ليك
|
|