غــــــــــــربة تاني ..!

غربة تاني ...
في زمن قاسـي واناني
قلنا عـدت بي سـنينا
جيت لقيتا بتبدا تاني ..
غربة تاني ...
وجـــرح تاني ...
اسمو جــرح الغــــربة يُمه
جاب نزيف وجعو وغشــاني
....
وغــــربة تاني ..
....
قسـوة الرحلة الجديدة
الفيها دعواتك أماني
ما السفـــر ضيـّع خُطانا
وضعنا في سـكك المــواني
وغربة تاني ...
وفُـــرقة تاني ...
ببقى عمـــر اللحظة فيها
زي ســنين فاقدة المعـــاني
فُرقة البلد التريدا
بي حنينا معذباني
قلبي ما بحمل فراقك
وكيف تكون الغربة تاني
غربة تاني ؟
وليك نتاوق يا بلد
من ورا الشاشـــات نعاني
كان نشـوف نيلك وزرعـك
ونحسب الشـــوق بالثواني
...
وحاجة تاني ...
ما زمان الدنيا حلوة
هسـه حـــزن الـــروح طواني
يمه سبتك
وفتا منك
وشلت همك
وأنتي مجروحة وتعاني
.....
وابتديت الغــــربة تاني ..
ده الفراق القاسي يمه
بجرح العين بالدموع
ومن لذيذ النوم حماني
فـ غربة تاني ..

للأسف يا رشا

ما لقينا حل تاني

الاخت الكريمة رشا سلام من الله و رحمة كيفك و الاسرة و البنات

عساكم جميعا بخير ، هذا قدرنا اختى الكريمة ، تحياتى لابو البنات

يا سلااااااااام

عبرتي عني تماماً بقصيدتك الجميلة هذي

مشكور أخي هاني لحضورك هنا
و.. قسمة الزول ما بتفتو
......
تسلم أبو محمد
نحن and#65275; and#65255;and#65252;and#65248;and#65242; and#65165;and#65191;and#65176;and#65268;and#65166;and#65197; and#65165;and#65271;and#65239;and#65194;and#65165;and#65197; لكننآ and#65239;and#65198;and#65267;and#65170;and#65262;and#65253; and#65251;and#65254; and#65211;and#65166;and#65187;and#65168; and#65165;and#65271;and#65239;and#65194;and#65165;and#65197;
and#65197;and#65169;and#65266; and#65155;and#65187;and#65204;and#65254; اand#65239;and#65194;اand#65197;نا في حلنا وترحالنا
مشكور وتوصل تحاياك
.....
الأخ الصـادق
أن يتغرب الأنسان للمرة الأولى فهذه سنن من سبقونا
وقد يكون للغربة الأولى شكل ولون وطعم آخر
ولكن تبقى غربة تانية ... دي تفرق كتير
شكراً
لك التحية

مشكور أخي هاني لحضورك هنا
و.. قسمة الزول ما بتفتو
......
تسلم أبو محمد
نحن and#65275; and#65255;and#65252;and#65248;and#65242; and#65165;and#65191;and#65176;and#65268;and#65166;and#65197; and#65165;and#65271;and#65239;and#65194;and#65165;and#65197; لكننآ and#65239;and#65198;and#65267;and#65170;and#65262;and#65253; and#65251;and#65254; and#65211;and#65166;and#65187;and#65168; and#65165;and#65271;and#65239;and#65194;and#65165;and#65197;
and#65197;and#65169;and#65266; and#65155;and#65187;and#65204;and#65254; اand#65239;and#65194;اand#65197;نا في حلنا وترحالنا
مشكور وتوصل تحاياك
.....
الأخ الصـادق
أن يتغرب الأنسان للمرة الأولى فهذه سنن من سبقونا
وقد يكون للغربة الأولى شكل ولون وطعم آخر
ولكن تبقى غربة تانية ... دي تفرق كتير
شكراً
لك التحية

اختي رشا

بالتأكيد وانا شخصياً خلاااااص زهجت من الغربة واتمنى أن أعود إلى وطني متى ما سنحت لي الفرصة
ولكن

لمن تجي تفكر في موضوع العودة تتذكر المدارس والتعليم الغالي والمستشفيات المنتهية والاطباء الجيدين الذين ملأوا متستشفيات الخليج
تقول ياخ انا ارجع ليه ما خلاص هنا عايش وهناك عايش

Quote: أن يتغرب الأنسان للمرة الأولى فهذه سنن من سبقونا وقد يكون للغربة الأولى شكل ولون وطعم آخر ولكن تبقى غربة تانية ... دي تفرق كتير

اكيد الغربة الأولى لديها طعمها الخاص
وفعلاً الغربة التانية تفرق كتير ودي عن تجربة شخصية طبعاً

أسألي ودقاسم عضو المنبر منها

أخي الكريم الصادق
هي حقيقي صعبة والصعوبة الأكبر لما يكون معاك أطفال
لك التحية

نص تريان بالصدق وحرف مترف بالجمال كعادتك دائماً يا رشا ....


الغربه يا عزيزتي اختيار صعب فرضته علينا ظروف بلادنا الطارده والمضطر يركب الصعب يا خيَه ....



إن شاء الله تسلمي يا رشا ياخ .....


مع كل الحب الدي تستحقين ؛؛؛؛؛

نص رائع

وجميل


اتمنى واسال الله
ان يجمع الجميع فى وطن

معافى

وشكرى الخاص لكاتبة
النص

الاستاذة رشا
فقد لامست قصيدتك

اوتارا حساسة فينا



محمد الطيب

لك التحية استاذ ادريس
يسعدني حضورك البهي
كـ مفرداتك الأنيقة ..
..
شكراً محمد الطيب
يبقى الأحساس بالوطن هو من يسكننا
ونحن في غياهب الغربة .

ومشيناها خطا كتبت علينا ومن كتبت عليه خطا مشاها ،،، التحية لك اختي رشا وانتي تعبرين عن ما بداخلنا من شجن وعذاب وجروح لم تبرا بعد من فراق اهلنا وناسنا وحلتنا وترابها ,,, ويا رمال حلتنا زولا كان بآنسك يا حليلو فات رحل من بلدو روح والله روح وفاتلو لي دار ما ها هيلو ما ها هيلو ,,
كل هذه العذابات نعيشها هنا اختي رشا وخلااااص اخذت الغربة مننا الكثير ,,, غايتو الله يرجعنا لي اهلنا سالميين وغانمين دي قنعنا مهنا خلاص .. فعلا يا رشا غربة تاني ؟؟

اشكرك على هذا الكلام الجميل الوريف ...
تحياتي لك وللاسرة الكريمه على امل اللقاء بكم ان سنحت السانحه ..

ياسر العيلفون

تحياتي أخي العزيز / ياسر
تقديري لمشاعرك الطيبة
كل شي عند الله بمقدار
الغربة مكتوبة
ربنا يجعل في خطاوي الجميع الخير والسؤدد
كل الأهل بخير
ووصلت تحاياك
تسلم يا قريبي

*** نص خالي من كل الاوصاف الانشائية .
*** نص يحمل بين دفتية واقعية كل الأسرة السودانية اليوم .
*** نص مبني بكم مقدر من الاحاسيس و القيم المفتقدة .


*** فـ شكرا مقدر أخية .

الأحســاس :
هو ما يجعلنا نتنفس فرحاً وحزناً
وكيفما تشكلنا الظـــروف ..!
.....
تلقاني متحكر أفندي
زول كبير قايلني عادي ..!
العلم الكُستا دربوا
جبتو حقو
بي شقاي وتعبي وجهادي
إلا لمن اجيكي راجع ............ ( يا بلدنا )
ياني .. ياني
عربي ... من تيه البوادي
البس العراقي وامرق
للضهاري ... عشق فؤادي
اشد ســروج النايخة واركب
وانسى لي مدن النوادي
نمة الدوبيت تصحي
وتطرب المحزون قصادي
غربة تاكل في عضمنا
بس وحاتك
مهما طال بي البعاد
صدقيني بجيكي صادي
....
اها قولك شنو أخوي الطيب ؟
ورايك في الواقعية دي
مشكور

Quote: عربي ... من تيه البوادي البس العراقي وامرق للضهاري ... عشق فؤادي اشد ســروج النايخة واركب وانسى لي مدن النوادي نمة الدوبيت تصحي وتطرب المحزون قصادي غربة تاكل في عضمنا بس وحاتك مهما طال بي البعاد صدقيني بجيكي صادي

*** إذا ما قارنت هذه الأبيات مع صورة البروفايل
أكاد أجزم أننى مقصود بيها .

*** شن قولك انتى آآآ بت القبايل .

المقصود بالأبيات يا الطيب
الجنيات ...
لبسوا الدمورية والدبلان
نُضاف ما بسرقو الجُزلان
.........
كانوا وهم صغار يا زول
بشيلوا فكة الريق في كورة يودوها لي ابواتم في البلدات
.......
ويوم دخلوا المدارس اول مرة فرحانين
بالشنطة المخيطة من دُلقان ودُلقانين
وآخر اليوم .. برجعو بي نفس الدرب للبيت
ما بتلموا شان يشوفوا (صورة) في واتساب
ولا بغشوا البكان الفيهو انترنيت
فيهم .. الولد البقش لي أمو ضل البيت
وفيهم البجري ويجيب الجاز ويجيب الزيت
ولمن كِبروا
مباريهم رضا الوالدين مع الدعوات
بشيلوا الهم علي مستقبل الأخوات
يصنقروا لي قراية الليل باللمبات
في شان يصلوا العلم درجات
ونجحوا ودخلوا للجامعات
ديل اولاد الغبش يازول
أهل الساقية والتوريق
بي تمرات بفكوا الريق
وناس الضهرة والحواشة والترعة
أهل اب ستة واب عشرين
ولادم ما بسبوا الدين
ويوم وصلو المناصب والمراتب
قالوا ديل نحنا
اولاد الغبش والطين
افندية .. ومزارعية
والسودان بلدنا يمين
والبختا ويفط الميس
قسم بنغلبو حمرة عين ..

Quote: وناس الضهرة والحواشة والترعة أهل اب ستة واب عشرين ولادم ما بسبوا الدين ويوم وصلو المناصب والمراتب قالوا ديل نحنا اولاد الغبش والطين افندية .. ومزارعية والسودان بلدنا يمين والبختا ويفط الميس قسم بنغلبو حمرة عين ..

*** رشا، يرشوك بماء الورد أخية .
حروفك تصلنا معتقة برائحة الطمي وعرق التربالة
واصوات دعواتهم مع الفجرية وضحكات العودة مع المغارب ، تطل طازجة من خلال لوحتك هذه .

Quote: وغربة تاني ... وفُـــرقة تاني ... ببقى عمـــر اللحظة فيها زي ســنين فاقدة المعـــاني فُرقة البلد التريدا بي حنينا معذباني قلبي ما بحمل فراقك وكيف تكون الغربة تاني غربة تاني ؟ وليك نتاوق يا بلد من ورا الشاشـــات نعاني

العزيزة رشا غربة تاني وتالت ورابع

نحن ناس الداخل دايرين برضو نتخارج ( غربة تاني )

لك الود والتقدير

*** ولوحة اخرى ، نسج من الاحاسيس وحبر المشاعر ، تحلق بنا نحو فضاءات أرحب :

Quote: احمد الطيب سعيد · ‏مصور سينمائي @ TV Cameraman‏ في ‏وزارة الثقافة‏ شكرا ؟ .... يا بنيتي ؟ .... يامن حلمت ولا زالت احلم بأن أعوضك شوقك لامك ؟ ياليتني أسنطيع ذلك ؟ لانني أحمل ثقل كل تلك الايام من 7-2-1997 احملك على ظهري وقد قدر الله أن يلصفك بظهري وحلمي دوما ان لا تنزلى منه الا يوم 6-2-1997 امام امك وليس عمرك سنتان بل تنزلين من ظهري انتي ومعك الوليد ويقف بجانبك خالد وهنا تقول الجدة عفاف ولدك ياغفران حلو مثل جده ماشاء الله تبارك الله.....؟ ....لحظات تمضي....؟ تأخذني أمك وأذهب معاها ؟ أنني أحبك يا بنتي الى أن نلتقي ثلاثتنا في جنان الله الواسعة وليست شقق هذه الدنيا الضيقة ...... لك التحية . رد · أعجبني· منذ ‏8‏ ساعات