عاجل.............المريخ يلغي المباراة امام الالمان

ما ان أعلن نادي المريخ عن لقاء بايرون ميونخ حتى قام الاعلام المضاد بجمع قواته وأقلامه وأوراقه لتجنيد كل ذلك ضد المريخ.
انا مشجع مريخي ولكني اعتبر نفسي دائما مشجع ( قشره) وغير مهتم كثيرا بالرياضة وغير متابع ....لكن الموضوع شغل كل من هب ودب
ومن هنا دعونا نناقش الموضوع من عدة نواحي
1- المباراة ودية وبس
2- المباراة قصد منها الاحتكاك وربما الاعلام لصالح المريخ
3- المباراة في النهاية تفيد الرياضة السودانية بصفة عامة
4- المباراة في أدني درجاتها وحالاتها ومفهومنا لها لا تسجل أي ضرر للشعب ولا الهلال ولا الحكومة ولا المعارضة ولا يحزنون.
5- مهما كانت النتيجة النهائية للمباراة فهذا ليس المقصود والعبرة باللعب مع الكبار.
تري ؟؟ من المستفيد من تسميم الاجواء وبث هذا الاعلام السخيف وسط الشارع السوداني بل والخارجي وهو علي شاكلة ما يلي:-
• المريخ يدفع 20 مليار للألمان لقبول اللعب (وهو أمر نفته ادارة النادي بقوة )
وعندما ايقن القوم بان المباراة في موعدها عمدوا لأمر آخر وهو أشد خطورة علي كورتنا السودانية ( وهي منهارة بطبيعة الحال) ثم خطر علي شخصيتنا التي نراهن عليها وننتظر منها المستقبل وذلك الأمر هو التندر والتفكه والنكات والقصص ومقاطع الدوبيت واعمال كثيرة جدا تصب في خانة تصغير المريخاب وتضاءل حجمهم امام ( عدوهم)
والتنبوء بعدد الاهداف التي سوف تلج الشباك وكل ذلك انهزام وضعف لا نسلم منه نحن كسودانيين ...لكني استنكر تأصيله والاعتراف به بهذه الصورة المقيتة.
ايها الناس لماذا نحن هكذا
ولماذا يتعامل الاعلام والذي يفترض فيه الرشد بهذه الجهاله.
اتمني ان لا يحدثني احد في هذا المقام عن السياسة لأن الامر كوره ورياضة فقط

ختاما..... أعتذر بشدة عن العنوان فقد قصدت منه جذب أنظاركم لخطورة الموضوع حسب اعتقادي

عنوان متزمزغ

السلام للكرار
يا علي ياها حال كورتنا مما وعينا وبقينا نفرز الخبيث من الطيب
أستغرب والله كيف انك لاحظت للهرجلة دي في المباراة دي بالذات
برغم انو القاعد يحصل من أنصار هلال مريخ في الخرتوم أكتر كتير
من دا ..
غايتو شامي لي ريحة موالاة سياسية في كلامك دا وان شاء الله أكون غلطان.

تلحيقة : العنوان زييي ما قال ليك أخونا ود الباوقة الفوق دا بالضبط .

سلام يا علي

كل ما ذكرته مرده إلي الحسد المتأصل في نفوس البعض

بعض السودانيين حسودين لدرجة قف تأمل..

لا عاوزين يعملوا حاجة توديهم لي قدام

ولا كمان لو شافوا زول بعمل حاجة كويسة عاوزين يخلوهو في حالو

ده طبع وسمة موجودة في "بعض" الشخصيات السودانية

Quote: عنوان متزمزغ

ود الباوقه بطل زمزقه

Quote: يا علي ياها حال كورتنا مما وعينا وبقينا نفرز الخبيث من الطيب أستغرب والله كيف انك لاحظت للهرجلة دي في المباراة دي بالذات

يا طلحه
الف سلام
ما قلت ليك ( مريخابي قشره)
بس كتروها المره دي لدرجة نظم المسادير
تخيل؟؟؟

بعدين حاسة شمك اثر فيها الشتاء

Quote: لا عاوزين يعملوا حاجة توديهم لي قدام ولا كمان لو شافوا زول بعمل حاجة كويسة عاوزين يخلوهو في حالو

الاخ الهادي
تحياتي
ماذكرته عين المصيبة

الاخ علي
سلامات
يا علي النادي الاهلي المصري عندما كان افضل نادي افريقي و كان بطل افريقيا
لعدة مواسم متتالية التقى في مباراة ودية مع النادي الملكي ريال مدريد في مباراة ودية
بعد ان دفع مبلغ اثنين مليون دولار .. و هو مبلغ يقل قليلا من مبلغ العشرين مليار
التي قيل ان المريخ دفعها لملاقاة البايرن .
بالمنطق كدة ... الاهلي داك كلللللللو يدفع اتنين مليون دولار و مريخكم ده يلعب مع البايرن
ببلاش ؟ فاذا قارنت بين الريال والبايرن فالفرق ليس كبيرا
و اذا قارنت بين الاهلي في ذاك الزمان و المريخ فلا يوجد وجه للمقارنة .
داير اقول ليك الموضوع مافيه أي حسد ولا حقد لكن دفع مثل تلك الاموال هو سفه ..
و كان يمكن للمريخ بذلك المبلغ ان يعسكر في عدة دول اوربية ويلاقي فيها عدة فرق
و تكون الاستفادة اكبر .. بدلا من مباراة واحدة لن يستفيدو منها غير ان يذكرهم التاريخ
بملاقاة البايرن في يوم من الايام ...

سلام
لم اشأ أن اغادر قبل التعليق رغم انى صدمت من خاتمـة البوست..

عنوان غير موفق.. كان على الأقل تتبعـه بعلامـة إستفهام او شئ يبين ان المقصود غيره.. (لو كان ولا بد.)

حذف للتكرار