## لماذا لايتم إغـلاق مـطـار الخرطوم ....؟؟ ##

## إقــــتـــراح :- لماذا لا يتم إغــــلاق مــطــار الـخــرطــوم وإخطار الشركات العالميه بأن المطار غير مُهيئ لإستقبال إى رحلات ؟؟
## وعندما يتوفر الوقود والخدمات الأرضيه المُصاحبه لخدمة الطيران يُمكن فتح المطار بدلاً من هذه الفضائح التى دأبت دولة الفساد والإفساد عليها ##

** مُبررات (ميم ) قلنا ليهو أدفع ولحس القروش عشان يكمل عمارتو و (عين) مرتو الرابعه عيانه وشال قروش الوقود وسافر يعالجا فى الأردن ,, و (سين) ......... و (شين) ............./B]

** فضحتونا وشرطتو عينا فى القِبل الأربعه ,,, يوم طياره دافرنها أشخاص ,,, ويوم وقود مافى فى المطار ,, وخدمات أرضيه زى الزفت ,, وخط طيران إتسرق وإتباع ,,, **

** إقتراح تانى :-
** الزووول الباع خط هيثرو ,, ادوهو يبيع المطار بس بشرط إنو المُشترى يوفر الوقود والخدمات الأرضيه ,,, وماعايزين نعرف قروش الصفقه مشت وين ,, أها قصرنا معاكم **
** بتلحسوا ربع قرن فى زووول إتحاكم ولى إسجن عشان المال العام ؟؟؟؟!!!!**

نُـــثــــنـــى

Quote: نُـــثــــنـــى

** ود عوض..
** سلام..
## مشكور على التثينيه ,, بس البيقنع لينا سيد الجنينه منو ؟؟؟

Quote: بس البيقنع لينا سيد الجنينه منو

كدى الينتهى من حش نجيلتو دى

** للأسف بما أننا الشعب الوحيد فى العالم الذى :- عاش الحضاره بأثر رجعى وعكسى .... فى ستينيات وسبيعينات القرن الماضى كانت أغلب الخطوط العالميه للطيران تعتبر الخرطوم مركزها الرئيسى ومحطه مُهمه للآتى:-

1\ توسطها لإفريقيا وتعتبر مدخلاً للولوج الى الدول الإفريقيه .
2\ إحترافية الإداريين العاملين بالطيران المدنى..
3\ توفر الوقود ورخصه..
4\ توفر خدمات الطيران الأرضيه ..
5\ توفر ورخص خدمات التغذيه ..
6\ إنضباط العاملين بالمطار وتطبيقهم للقوانيين بنصوصها المذكوره فى الكُتب..
7\ الشفافيه فى التعامل الراقى من الموظفين والقائمين على أمر إدارة المطار..
8\ توفر الأمن والأمان فى المطار ..
^
^
^
### وفى عهد التمكيين وامير المؤمنيين :- عينكم ماتشوف إلا النووووور ,, ميدان ابو جنزير وجاكسون حالياً والسوق الشعبى أحسن من المطار ###

** زمان كان عندنا طيارات ,, هسه لو قفلتوهو مافارقا طيارات ماعندنا **

سلام يا استاذ، و الله الحكاية بقت تخجل، اتحملنا الفقر و الفساد و اي شئ، لكن المسألة دخلت علينا فى كرامتنا دى. و مافى شئ اعز من كرامة الانسان. بقينا مضحكة امام العالم.

Quote: سلام يا استاذ، و الله الحكاية بقت تخجل، اتحملنا الفقر و الفساد و اي شئ، لكن المسألة دخلت علينا فى كرامتنا دى. و مافى شئ اعز من كرامة الانسان. بقينا مضحكة امام العالم.

** ود صالح ..
** سلام..
## الجماعه ديل فاقوا سوء الظن ... موضوع :- الخجل ... الفساد.... الكرامه ... المسؤوليه... عِزة النفس... ليست من ضمن أولوياتهم ...##
## الأولويه :- للكرسى .... التمكييين ... نهب المال العام .... شراء الذمم .... ##
*** والله الواحد بقى يخجل إنو سودانى ,, مرمطو بسمعة السودان الأرض أمام البسوى والمابسوى ***
(اللهم أنقذنا مِمن أتوا لإنقاذنا)

:)

ولمن يقفلوا المطار

الناس تتخارج من الجحيم دا

بوين ؟

Quote: ولمن يقفلوا المطار الناس تتخارج من الجحيم دا بوين ؟

** هانى..
** سلام..
## سؤالك وجيه ؟؟ ولكن هو فاتح :- الطيارات دى حيكبو ليها محايه ,, ولى حتقلع بفتاوى حسبو نسوان ,, بدل يفضحونا مع العالم الخارجى أحسن يتقفل ... ##

السيد المستشار سلام
اها البيع ده كيف بمزاد قانوني وإلا دفن الليل ابكراعاً برة (:

Quote: اها البيع ده كيف بمزاد قانوني وإلا دفن الليل ابكراعاً برة (:

** ود المسلمى ..
** سلام وجُمعتك مُباركه..
### البيع بحسب فتوى بفقه الضروره :- دفــن الـلـيــل أب كراعـــاً برا "وللمُقربين والمؤلفة قلوبهم" ###

Quote: ** هانى.. ** سلام.. ## سؤالك وجيه ؟؟ ولكن هو فاتح :- الطيارات دى حيكبو ليها محايه ,, ولى حتقلع بفتاوى حسبو نسوان ,, بدل يفضحونا مع العالم الخارجى أحسن يتقفل ... ##

يا عبد الكريم :)

كلّ طيارة أجنبية تجي شايلة معاها وقودها ...

دا عملياً حيعني:

* زيادة تكاليف النقل والرسوم المفروضة عليها.
* نقص في عدد الكيلوغرامات المجانية التي يمكن للشركات أن تقدمها لأمتعة الركاب. لأن الحمولة حتكون كيروسين.

:)


وممكن الشركات السودانية تمشي تتزود بالوقود من جدّة أو أسوان أو حتى اديس أبابا.

Quote: كلّ طيارة أجنبية تجي شايلة معاها وقودها ... دا عملياً حيعني: * زيادة تكاليف النقل والرسوم المفروضة عليها. * نقص في عدد الكيلوغرامات المجانية التي يمكن للشركات أن تقدمها لأمتعة الركاب. لأن الحمولة حتكون كيروسين.

Quote: وممكن الشركات السودانية تمشي تتزود بالوقود من جدّة أو أسوان أو حتى اديس أبابا.

** ياهانى ..
** عشان الإقتباس الأول ,, احسن يتقفل المطار ... شركات الطيران تعمل من أجل الربح وتقديم خدمه للمسافر وبالمقابل يجب أن تجد شركات الطيران خدمات فى مطار الوصول والإقلاع ...
** هو فى شركات طيران سودانيه شغاله ؟؟؟

Quote: ** ياهانى .. ** عشان الإقتباس الأول ,, احسن يتقفل المطار ... شركات الطيران تعمل من أجل الربح وتقديم خدمه للمسافر وبالمقابل يجب أن تجد شركات الطيران خدمات فى مطار الوصول والإقلاع ... ** هو فى شركات طيران سودانيه شغاله ؟؟؟

عبد الكريم ، أقدّر تماماً منطقية كلامك ومعقوليته ، وأن التكلفة ستصبح مبالغاً فيها، وربما لهذا تخارجت شركة لوفتهانزا واعلنت ذلك منذ فترة أن شهر واحد سيكون آخر شهر لها في السودان.

مع الأوضاع الحالية : يصبح الحديث عن حل منطقي أو تشغيل سليم ضرباً من الخيال ... إذ أن السبهللية الموجودين يصرّون على إدارة كل شيء بأسوأ طريقة ممكنة.

ورجاء لشركات الطيران العالمية أن تتضامن مع شعب السودان في محنته وتستمر في التشغيل حتى مخارجة آخر مواطن سوداني من جحيم وطنه

****

الشركات السودانية تعافر وتتعب وتحاول تقديم خدمات جيدة وأسعار منخفضة وتعمل بجد لخدمة المواطن .... لكن تلقاها من وين ولا وين؟

من العقوبات المفروضة بسبب السياسات الغبية للحكومة السودانية؟ من انعدام الاسبيرات؟ من انهيار قيمة العملة؟ من رسوم التأمين العالية المفروضة على السفر إلى مناطق النزاعات؟ من المشاكل الإدارية والسياسية والاقتصادية ؟ من الضائقة المعيشية التي يعاني منها المواطن وتجعل السفر "جميلاً ومستحيلا" :)

المشكلة يا اخي ليست مشكلة مطار أو وقود.

إنما متلازمة متكاملة من الفشل (وكل يوم يشهد الفشل - كما قال عبد الرحيم - )

إن لم يتم علاج منظومة الفشل السوداني من جذورها ...

فلن تجد مطاراً ولا أرضاً ليقوم عليها المطار.

الاخ عبد الكريم
هو الخرطوم فيه مطار !!!؟؟
ياخى مرة مشينا اجازة لقينا شنطنا مشرطة ومسروقة
وتصدق اليوم داك الكهرباء كانت كمان قاطعة فى جزء والدنيا صيف الحر عاوز يسلخ الناس هواء مافى تتنفسوا
قال يغلقوا دا مغلق طبيعي فى دولة المشروع الحضارى والكيزان نعلة الله عليهم اجمعين

تحياتي يا الما كيكي

معانا ممرضه هنا قالت لي ..إنت من وين

قلت ليها أنا من السودان ...وفرحان كده ومبتسم ..

قالت لي عاصمتكم اسمها الخرطوم ؟؟؟قلت ليها آااي...وزادت الابتسامه ..بتعرف عاصمتنا كمان والله ماساهلين نحنا ..

أها قلت ليها بتعرفي بلدنا من وين..

قالت لي كانت مسافره من أثيوبيا الي لندن والطياره نزلت في هذه الخرطوم وحصل تاخير وامضوا يومهم داك في الخرطوم في فندق ما ..

وطبعا بدت في وصف المطار والبلد والطريق ..وعينيك ماتشوف الا النور...طبعا أنا قربت أجري والابتسامه العريضه ديك تبخرت ...أحسن كلمه قالتها عن ذاك المطار ..هي ..terrible....

الله يعين ياخ

Quote: وطبعا بدت في وصف المطار والبلد والطريق ..وعينيك ماتشوف الا النور...طبعا أنا قربت أجري والابتسامه العريضه ديك تبخرت ...أحسن كلمه قالتها عن ذاك المطار ..هي ..terrible.... الله يعين ياخ

** د. الصادق..
** سلام ومساءك خير..
## والله أفتكر إنها ماقصرت والوضوح شئ جميل ,, الله يجازى الكانو السبب فى وصولنا لهذه المرحله من التخلف واللامُبالاه والفساد ##
(أسأل الله أن ينقذنا مِمن أتوا لإنقاذنا )

Quote: الاخ عبد الكريم هو الخرطوم فيه مطار !!!؟؟ ياخى مرة مشينا اجازة لقينا شنطنا مشرطة ومسروقة وتصدق اليوم داك الكهرباء كانت كمان قاطعة فى جزء والدنيا صيف الحر عاوز يسلخ الناس هواء مافى تتنفسوا قال يغلقوا دا مغلق طبيعي فى دولة المشروع الحضارى والكيزان نعلة الله عليهم اجمعين

** د. وضاحه ..
** سلام مساءك خير..
## والله مطارنا دا فى زمن ماضى ...... كان لايقل عن مطار هيثرو بالنسبه لخطوط الطيران العالميه ولإفريقيا عموماً !!!!!!!!!!!!!

## مع بداية إنهيارنا الإقتصادى والأخلاقى فى ظل توجهنا الحُمارى بعد يونيو 1989 ,, آل الحال لما هو عليه الآن ..
** هو مُش بركه اللقيتو الشنط بعد تشريطا ,, آخرون لم يجدوها نهائياً ..

## موظفى المطار يحتاجون الى كورسات فى كيفية إستقبال القادمين للبلد بإبتسامه سواء كانو أجانب أو سودانيين .. (بدلاً من صرة الوش والتعامل بلؤم وإزدراء)

Quote: ورجاء لشركات الطيران العالمية أن تتضامن مع شعب السودان في محنته وتستمر في التشغيل حتى مخارجة آخر مواطن سوداني من جحيم وطنه

** هانى ..
** سلام..
## إى شركه تجاريه يهمها فى المقام الأول الربحيه ,, وسمعتها وإسمها التجارى ... (ومبدأ شيلنى وأشيلك ... وخلوها مستوره ليس من ضمن سياساتها )
** إى حاجه عندنا فى السودان عكس كلامى الفوق دا...

## إذا أرادت الحكومه صلاح حال المطار :- تؤجره لشركه عالميه لإدارته بعقد سنوى \5 سنوات \ 10 سنوات والشرط الوحيد أن تكون هنالك نسبه مئويه من العماله سودانيه ,, على أن يتم إستثمار قيمة الإيجار فى تكوين شركة طيران سودانيه تحت إدارة شركة طيران عالميه لها سًمعتها ( جماعة عودى راكب ... يجب أن لايكون لهم إى دور فى ذلك) ..

Quote: عبدالحميد النور :- (فيس بوك ) كلامك صاح .. أنا مع الحلول الجذرية.

** الأخ عبدالحميد النور ..
** سلام .. ولك الشُكر عبر مُشاركتك من خلال الفيس بوك ..

## كُلنا مع الحلول الجذريه والعمليه والعلميه التى تُحافظ على ماتبقى من سُمعة البلد التى تدنت الى الحضيض فى هذا الـعـهــد ..........
^
^
^
## ولكن كيف الوصول لذلك فى ظل دولة الفساد والإفساد ؟؟؟؟

** إنـــه رجاء ...
## لو قــررتــو تأجيرو أو تبيعوهو .. أبعدوا لينا الجماعه ديل من الموضوع دا:-
## ود بـــدر ... اللمبى ... المُتعافن.... أخوان البشير... ##

** بعد كدا ربنا يسهل عليكم تطلعوا بحقكم .... وتجينا شركه مُحترمه تُدير المطار وتوفر المُستلزمات المطلوبه **

** حقى وعمولتى مُتنازل منو ... إتبرعوا بيهو لمستشفيات الأطفال إن شاء الله يجيب حــضــانــــــــه ,, بالعدم يجيبهو دواء **
^
^
^
** الشئ الوحيد الفضل ومابعتيهو المطار ... والقصر **