Post: #1
Title: طائرتنا التركية لم تجد وقود في مطار الخرطوم فاضطرت
Author: Yasir Elsharif
Date: 01-09-2014, 05:50 AM
Parent: #0
إلى الهبوط في مطار الغردقة للتزود بالوقود ثم المواصلة إلى اسطمبول
|
Post: #2
Title: Re: طائرتنا التركية لم تجد وقود في مطار الخرطوم فاضطرت
Author: Yasir Elsharif
Date: 01-09-2014, 05:52 AM
Parent: #1
حدث هذا فجر البارحة الاربعاء 8 يناير.
|
Post: #3
Title: Re: طائرتنا التركية لم تجد وقود في مطار الخرطوم فاضطرت
Author: Yasir Elsharif
Date: 01-09-2014, 05:59 AM
Parent: #2
الغريب أن المضيفين أخبروا بعض الركاب بالسبب الي جعل الطائرة التركية تهبط في الغردقة، ولكن لم يتم إخطار الركاب بصورة رسمية عبر الميكروفون، وقد تسبب تأخير الساعتين في إرباك سفريات عديد من الركاب منهم نحن، ولذلك اضطررنا للبقاء في تركيا وسنغادرها اليوم بإذن الله إلى مطار لايزج بألمانيا.
|
Post: #4
Title: Re: طائرتنا التركية لم تجد وقود في مطار الخرطوم فاضطرت
Author: Abureesh
Date: 01-09-2014, 06:17 AM
سلام يا ياسر
بالله عليك شوف يا دكتور.. فضيحـة فى الأجواء..
ياخ ما قادرين حتى يقفلوا الأجواء السودانية، ان شاء الله يقولوا محاولة إنقلايبة واللا اى شئ ياخ.. ما ممكن نكون ملطشـة كدا..
قبل يموين الركاب لازين طيارة عشان ابت تدور وقنوان التلفزيون العالمية سوتنا مضحكـة.. وبرضو محتمل ما كان فيها وقود..
واخوانا هنا يجيبوا ليك صور عمارات ويقولوا ليك البلد إتطورت.. فتأمل
يبدو ان وقود الطائرات كلو تستهلكه الطائرات الحربيـة.. لأنها طايرة 24 ساعـة ولم تتوقف.
|
Post: #5
Title: Re: طائرتنا التركية لم تجد وقود في مطار الخرطوم فاضطرت
Author: عبدالله محمد أحمد
Date: 01-09-2014, 06:31 AM
Parent: #1
| Quote: إلى الهبوط في مطار الغردقة للتزود بالوقود ثم المواصلة إلى اسطمبول |
ياسر الفين سلام
من المفترض ان يصل ابني الى الدمام الساعة الثامنة و النصف صباجا على خطوط العربية. حضرت الطائرة بعد ساعة من موعدها. و لكن المفاجأة ان ابني لم يكن من بين ركابها. راجعت قائمة المسافرين و الجوازات و تاكد لي ان ابني ليس من ركاب الطائرة، و تاكدت ايضا ان طائرة العربية و التي تاكدت من اقلاعها من مطار الخرطوم متجهة الى الشارقة لم تصل الى الشارقة. تصور و انا لمدة اربعة ساعات اجري في اتصالات السودان الامارات و مع ابني و لا اعلم شيئا عن طائرة اقلعت و بها ابني و لم تصل الى محطتها الاخيرة. الساعة الواحدة ظهرا جاءني تلفون من الامارات و كان المتحدث ابني، ليخبرني بان الطائرة هبط مجبرة في مطار جدة للتزود بالوقود.
شوف الربكة العملناها نحن في السودان لمطار جدة و لمطار الشارقة و للمسافرين الذين فرض عليهم التاخير في مطار الشارقة و لاسر الماسافرين. و الاهم و الذي قد يعود على السودان بمصيبة اكبر هو حظر الطيران من مطار الخرطوم، لان عدم الوقود بالمطار يعتبر من الامور المخلة بالسلامة.
|
Post: #6
Title: Re: طائرتنا التركية لم تجد وقود في مطار الخرطوم فاضطرت
Author: عبدالله عثمان
Date: 01-09-2014, 06:44 AM
Parent: #5
يا ياسر الأستاذ ما قال ليكم الجماعة ديل ح يبقوا البلد زي جنازة البحر زول دايرا مافي
حتى حسين خوجلي اصبح يتندر ويسخر منهم ويسميهم (الجماعة ديل)!!
عجب د. أحمد وعجبي
|
Post: #7
Title: Re: طائرتنا التركية لم تجد وقود في مطار الخرطوم فاضطرت
Author: Imad Khalifa
Date: 01-09-2014, 07:08 AM
Parent: #6
ملطشة ما بعدها ملطشة لا أحد يدري أين ومتى ستنتهي!!!!!
حمداً لله على السلامة د. ياسر
تحياتي
|
Post: #8
Title: Re: طائرتنا التركية لم تجد وقود في مطار الخرطوم فاضطرت
Author: ابوحراز
Date: 01-09-2014, 08:46 AM
Parent: #7
مفروض الطائرات دي تجيب معاها نفط بتاع طائرات في براميل
ان شاء الله يختوه في ضنب الطيارة الوراء
الحكومة دي اول ايامها قسمت السودان كله لمحافظات
تكون في أمان الله نايم مع مرتك في سرير واحد
تصحى من النوم تلقاها هي في محافظة
وانت في محافظة !!!
يعني بالعربي محافظتكم انت ومرتك قسموها في لمح البصر على اتنين !!!
هسي ماشاء الله
تفتكر إنك وصلت الخرطوم
تعاين بالشبابيك تلقى نفسك في بوركينا فاسو !!!
السنة الماضية كنا في طيران ناس
وكان راكب بجواري مهندس طيران سوداني قادم من الفلبين عن طريق السعودية
ومعاهو زوجته فلبينية طبيبة بس تعاين فيها تقول اللهم صلي على النبي
يديها ولا دهباية واحدة مافيهن
وجماعتنا الواحدة كلها تكشكش !!!
تكشكش من الرقبة لحد الكرعين !!!
المهم طيارة السجم دي قربت تصل المطار
فجأة أخذت ليها جفلة
وعيييك انا اشوف ليك صالحة تحتنا
والله احترت قلت ياربي الكابتن دا عاوز يشتري قطعة هنا وللا شنو
اها مهندس الطيران قال لي في مشكلة في الكفرات
انا اول حاجة عملتها ارسلت رسالة لست النفر
وقلت ليها لو استشهدنا في الطيارة دي التعويضات تبني منها جامع
طبعا الطيارة بحمد الله هبطت مرة أخرى بالمطار
لكن طلعنا من صدمة الطيارة لقينا رد ست النفر صادم أكثر
وقالت 00 جامع شنو والله اعرس طوالي واستمتع بالتعويض
قال جامع قال !!!
|
Post: #9
Title: Re: طائرتنا التركية لم تجد وقود في مطار الخرطوم فاضطرت
Author: عبد الباقي الجيلي
Date: 01-09-2014, 09:03 AM
Parent: #8
د. ياسر
تحياتي وحمداً لله على السلامة ..
ما أصابني بالفجيعة أكثر ... أن طائرة في رحلة دولية .. لم تجد وقوداً في (مطار الخرطوم الدولي) ....
فتزودت بالوقود في مطار الغردقة ...!!! ... وتساءلت ... مطار الغردقة ده ممكن يكون ترتيبه كم من ناحية الحجم والخدمة والأهمية في مصر!!!!
يعني لا القاهرة ولا الإسكندرية ... ولا الأقصر ...
السفير البريطاني ما كان خاتي علينا ....
خارج السياق :
مبروك للأخ مازن ... وعقبال عيالك ... أكيد استمعت بلمة الأهل ...
|
Post: #10
Title: Re: طائرتنا التركية لم تجد وقود في مطار الخرطوم فاضطرت
Author: عبدالعزيز عثمان
Date: 01-09-2014, 09:08 AM
Parent: #8
ابو حراز انت تحفة ،،، الساعة عندنا 3 صباحا،،التلوج سادة الدروب
والرحلات مكنصله ،،طيب والله دي اكان عرفوها جماعتنا،،مراقه...
والله ضحكت،،،قلت ست النفر قالت شنو..
علي حال يوم ما بندق الكدر..
والله اما صبحنا لقيناها واقفه تر لوموني
تقيف تب برا وجوا وبحرا
اتو قايلين القروش بلا انتاج ومبعزقات ما بكملن
والله يا ابوحراز اخوي اعدمن طافي النار
والله يستر،الغريق قدام.سلام صاحب البوست وسلامه
|
Post: #11
Title: Re: طائرتنا التركية لم تجد وقود في مطار الخرطوم فاضطرت
Author: سيف اليزل سعد عمر
Date: 01-09-2014, 06:43 PM
Parent: #10
حمدا لله على السلامة
فضيحة والله
مضحكة كبيرة والله
البلد إنهااااااارت ياجماعة
|
Post: #12
Title: Re: طائرتنا التركية لم تجد وقود في مطار الخرطوم فاضطرت
Author: سليمان القرشي
Date: 01-09-2014, 08:47 PM
Parent: #11
سلام صاحب البوست وضيوفة
الغلط من شركات الطيران مفروض تحت
المقاعد يختو باقات وقود حقت الرجعة
|
|