الزعيم سيدُك حصون البافاري ...

قبل ما نخش في صلب الموضوع


لا بد من التنويه


من زمان عندي فكرة اشتغل محلل رياضي
فشكراً للمريخ الذي سيذهب بي الى العالمية كما وصل هو


التوقيع

هلالابي حردان

نرجع لموضوعنا المهم

المريخ ما عندو حاجة يخسرها

وبعدين الفرحة كاتلاهو

يعني زي فرحة الشافع لما يتموا بيه التمرين بتاع الكبار في الحلال
تلقاه بلعب جادي واحتمال يمر من اخوانه الكبار في الفريق التاني وهم بساعدوه عشان يجيب قوون

من هذا المنطلق لا استبعد أن يحرز بلة جابر هدفين (بلة بلعب لسة في المريخ ولا مشى الهلال )


نواصل

وشكراً للمريخ أن جعل هذا ممكناً

نواصل ما انقطع من تحليل

الالمان وصلوا (دي تقريباً دعاية )

اها

الجانب المالي مهم جداً لو عاينا كويس في الفريق الالماني بنلقى سعر اقل لاعب فيه
بساوي مجموع اسعار لعيبة المريخ زايد رواتب الجهاز الفني ونثريبا اعضاء مجلس الادارة
وكهرباء الكشافات للامانة كشافات البرج الشمالي بتكلف اكتر ..

فمن المستحيل يجازف لاعب الماني في تدخل خشن مع لاعب من دولة غير معروفة على الخارطة
(ممنوع ذكر سيرة كاس مانديلا وامم افريقيا المن سنة حفروا البحر ديك )
لذلك نبشر لعيبة المريخ انو اي كورة مشتركة من نصيبهم ان شاء الله
خصوصاً ودعوات شيوخنا الكرام واوراق الكجور وكل ما يساعد في الحاق الهزيمة بالالمان تحت خدمتهم


نمشي للمهم
اكرم الهادي حيكون نجم المباراة لانو الزول ده عندو طموح العب في اوربا الكلام ده عرفتو من قصة الشعر العاملها دي
فالبتالي اي كورة حتجي عليه ان شاء الله مع الهواء بتمشي برة القوون (الناس تدعوا ربنا يجيب هواء كتير بس مطر ما معانا
لانو المطر بجيب السبعات وعيييك)


المثل بقول

يحسدوا المسكين على ميتة الجمعة

عشان كده لضمان النصر الاكيد نرجوا أن يتم استخدام بخور جاولي قبل وبين شوطي المباراة كي للحساد


خلاصة التحليل

سيلعب المريخ بصورة جادة وسيحقق نصراً كبيراً
وبعدين الالمان ديل فتروا من الفوز كفاهم والله


وشكراً

هى تجربة




تحتمل كل شى




ولكن البافرى


فريق قوى



ولا اظن ان المريخ قادر على


هزيمته


فى هذه المناسبة





محمد الطيب

تحية طيبة

الحبيب /محمد الطيب اسعد الله اوقاتك

زي ما قلت كل حاجة واردة

هسي في زول كان متوقع المريخ يلعب مع بارين ميونخ ده

نقول شنو

دنيا والله (ماف شماتة والله )


..........

مواصلة لما انقطع من تحليل (منجور)

لو اعتمد المريخ على الارسال الطويل بالاطراف ممكن يستفيد اكتر
لو لاحظنا في مباراة الرجاء المغربي التمريرات القصيرة بين لعيبة الرجاء
كانت خصم عليهم ... (ولازم الناس تكلم قلق يشوت اي كورة على القون امكن تصدف)
وبما اننا شعب نعشق الوراء

في التاريخ ماسكين في القدام في صف الرغيف بقولو ارجع وراء
في صف الحكيم بقولو ارجع وراء اخشى مدرب المريخ يكون اتأثر بالصفة دي ويقول للعيبة
ارجع وراء بتذكر زمن مازدا اي كورة بلقاه بكورك للزومة ياموسى ارجع وراء ارجع وراء
اها الليلة الناس لازم تقتدي (بالجيش ) وترمي قدام ووراء (اصلن) ما مؤمن بس علي الله

........

اها

المبارة دي لو كانت اقل من السبعة المريخ فائز تب

احساسي التحليلي بقول انو المريخ بجيب قون بس وين ما عارف


وشكراُ

يكفينا شرف منازلة بطل العالم ..
النتيجة غير مهمة مطلقاً بالنسبة لنا ..
يهمني أن يقول العالم أن هناك فريق كرة قدم محترم اسمه المريخ
الكثيرين سيعرفون اسم السودان من خلال هذه المباراة ..
ولو كنت مكان الاغبياء حكام السودان لاستثمرتها خير استثمار للتعريف بالبلد
بله جابر الليلة حيكون شغال دفاع بالنظر .... والله صحي :)

شفته كيف يا حاقد؟
اتوقع أن يقدم المريخ مباراة حلوة تعكس تطور الكورة في السودان
وتغييييييييييييييييظ الجلافييييييييط

الجنيد ود حمد نعلك طيب ابوي

البشاري ياحبيب اسعد الله ايامك

زي ما قالوا

الليلة الرجال

تصدق لو ما عزة النفس كان قلت كلنا المريخ

وبعدين لو اتغلبتوا لحدي سبعة بالنسبة ليكم عادي

لكن اكتر النصيحة لي الله بنشيل حالكم

صحيح حتكسبوا احتكاك لكن احتكاك بي زعمطة دي اول مرة تلاقيني

وعشان خاطرك انت بس اقول ليك النتيجة بتاعت المبارة دي (توقعات وكده)

المريخ حيفوز لانو لعيبة البايرن بكونوا مخلوعين من الشتارة بتاعت (ناسنا) في لعب الكورة

حسب مراسلنا بالدوحة

قبل شوية كده ريبري مرق يشرب شيشة لقى سودانيين في القهوة شبكوه ليك قلق بردمك
واكرم بطير ليك جوز وبديك بونية (شفت السودانيين ديل بفتوا الاسرار كيف)
العهدة على الراوي قال لي ريبري ده خشى في حالة نفسية صعب اطلع منها
لكن سمعوا بتمتم ياربي انا خاشي حرب ولا العب كورة


......

التوقيع

هلالابي بقراااااااان عديل