Post: #1
Title: مريخنا يتلألأ في دوحة العرب نريدو
Author: حمزاوي
Date: 01-08-2014, 09:31 AM
مريخنا العالمي في دوحة العرب نريدو
نتغنى بحبو ونشدو الحانو نريدو
مريخي الجوا وجداني نريدو
مريخنا يتلألأ في دوحة العرب نريدو
كاساتو جواوي بطولاتو قاراوي نريدو
باداءه الراقي والفن من خصالي نريدو
النجمة يا هيبة نعشقه طوالي نريدو
سيكافا مانديلا ودبي وبافاري نريدو
الوالي يا القائد بحكمة وتفاني نريدو
مزمل وكابو كتبولنا انجازو نريدو
شيبا وكيقا بالرصد ما بخلوا نريدو
الجنيد والسوط من تشجيعو ماملو نريدو
عثمان البروف وطبيبنا يا خالد مريخنا في التوب نريدو
مهدي ود صادق للصفوة هو سمى نريدو
مريخي الجوا وجداني نريدو
ود الموج يا غالي بكلامك الراقي نريدو
ودالبيه والفضلي ومأمون من بدري نريدو
عكاشة الرطاني في حبو ما بيبالي نريدو
ايهاب وجمرة للعالمي وصفوا نريدو
الكل بيهوى للعالمي في الدوحة نريدو
مريخنا يتلألأ في دوحة العرب نريدو
مريخي الجوا وجداني نريدو
|
Post: #3
Title: Re: مريخنا يتلألأ في دوحة العرب نريدو
Author: علي عبدالوهاب عثمان
Date: 01-08-2014, 12:54 PM
Parent: #2
حمزاوي اننقا .. مسكاقمي ..
رغم هلاليتنا لكن المريخ في حدقات العيون ..
يا دفعة تذكر ايام المدرسة الاولية في الستينات .. الاستاذ / عبدالرحمن بدري جاب جريدة ولصقها في البورد
والجريدة كان اسمها الناس وفيها عنوان كبير ( هزمنا ملوك الكرة ) الهلال من غلب فاسكودي جاما شعرنا كده بعزة وطنية
اليوم فرصة المريخ العظيم .. لتغيير صورة السودان في الاعلام العالمي الى اتجهات اجمل واروع ..
صدقني المريخ اليوم في القلب لأنه قدم للوطن جمالاً ما كنا نتخيله أن يأتي الى السودان أبداً .. فقط عليهم تقديم عرض جيد ..
ولكن ما ستنقله وسائل الاعلام العالمية سوف يكون شيء ناصع .. ربما تغيب صور المجاعات والقتل والمعسكرات لفترة زمنية ..
حتى أولادنا يا حمزاوي بدأوا في العمارة يتحدوا أولاد السكان من الجنسيات الاخرى بأن الفريق السوداني المريخ سوف يعلب مع البايرن
والبايرن له شعبية كبيرة جداً وسط الشباب خاصة في الفترة الاخيرة بعد كأس دوري أوروبا .. وبعدين كل الشباب كان يحبوا جوراديولا ( برشلونة )
صدقني يا حمزاوي ضربة معلم ..
رغم هلاليتي إلا أن المريخ اضاف الى الوطن مسحة جمالية كنا نبحث عنها عبر سبنين طويلة ..
كما مباراة فاسكودي جاما حولنا الى الهلال .. المريخ سوف يكسب جيل كامل من المشجعين ..
المهم العرض الجيد ..
تحياتي ليك كثير .. يا دفعة .. لكن أنا أكبر منك شوية ..
|
Post: #4
Title: Re: مريخنا يتلألأ في دوحة العرب نريدو
Author: حمزاوي
Date: 01-09-2014, 07:53 AM
Parent: #3
اخوي الدفعة علي عبدالوهاب
مسكاقمي
آآآآآآآآآآآآآآهـ رجعتنا لي ورنا وستينات القرن الماضي
ومدرسة البرقيق الاولية والناظر احمد عبدالودود والاساتذة عبدالرحمن بدري وحسن سيد عسكر
ومحمد سيد وعبدالرحمن سيداحمد والزاكي وحسنين والطاهر العربي
وعمنا عبدالوهاب عثمان فراش المدرسة الله يرحمه ويجعل مثواه الجنة
وعمنا حسين رحمة الله يرحمه
اذكر تلك الايام ومتابعتنا للكورة والجرايد وهلال مريخ
والشكلة والكوراك صباح مباراة هلال مريخ الشهيرة بتاعت السر الجمل والـ 3 أهداف
والتوالي بتاع ماجد وبرعي
ومباراة هدف جكسا الشهيرة
والقصيدة الشهيرة جكسا وماجد هدافين ومين في دنيا دي ذي قاقارين (نقصد جعفر قاقارين)
الله يوفق المريخ اليوم لكي يقدم عرض ممتع ورائع يقنع الجماهير العريضة
|
|