بُـشـرى سـارة لـلـتـكـاسـة ،،،...

أحبابنا عاشقي التِرِبات، ومُحبي التِبتِبوني،
يسعدني أن أزُفّ لكم هذا الخبر السار
والشمار الحار.

لقد حان لشمس الحرية أن تبذُق
عدييييل كدا، فمرحباً بزمن الإنعتاق...

آن للناظر هباني،
وصاحب الحوش فلآن الفلآني أن يتمددا،
ونكمشا ثمّ يتمددا مرةً أُخرى.


يعيش الألمان،
ويعيش هتلر زاتو إذ جعلوا هذا ممكناً...

أها، تراها دي،
تعالوا شوفوها بعينكم حتي لا تقولوا سحرنا
ود المدير وترمونني بالزندقة.
براها بتمشي الباركن وتتلفت جاي، وجاي وبمجرد
ما تلقالآ مكان فاضي بتنقطع فيهو، وبعد الزول يقضى
مُشهادوا بيناديها فووووو تجيهو سمعاً وطاعة.

أنا قايل أخير الناس تبدأ تستغفر.
والله صحي...

أها، نجي لموضوع أبناء قبيلتنا
التكاسة.



عليكم الله تعالوا شوفوا بِدع الزمان !!!...

بقت عليها حكاية
حمارتي من كتر ما اتعودت الدرب
بركب وأنوم
وهي تصل الحواشة
وتقيف



والله كلام
أها والدبارة كيفن يا عمك
إن اشتغلن بعد شوية براهن طرحة وكدا
بالنسبة للتكاسة وكدا يعني



....

Quote: والله كلام أها والدبارة كيفن يا عمك إن اشتغلن بعد شوية براهن طرحة وكدا بالنسبة للتكاسة وكدا يعني

ههههههههههه،

بلة يا أُستاذي،
مُش تصبر ؟؟؟،
يا زول علي اليمين بس فضلها تلقط القنزب
من الزباين...

ههههههههههههه،
التكاسي متجدع للطيش، هو يضهب وهي ختيها
الضهب. يرسلوها تمشي هوا...

أها والما بدفع

تختليها عكاز مضبب
على جنب



والله محن
قال أصبر قال


هههههههههه

يا اخو
سلام عليك
جاي جدة متين؟
ممكن طلب بسيط؟ جيب لي معاك 5000 دولار كندي، باقي من الله ما خلقني ما شفت الدولار الكندي دا

Quote: ممكن طلب بسيط؟ جيب لي معاك 5000 دولار كندي، باقي من الله ما خلقني ما شفت الدولار الكندي دا

ود المدير قال ليك ماني جايي
ماشي الفاتيكان :)

يا بله يا اخي التكاسة ديل كووووولهم مجاهدي كيبورد
أسعلني منهم. بعد دا الحكاية لا دايرالآ كرب سدار لا
خرتمة، بس الواحد فيهم يطلق الرسن ويولّع الرشاش
ويقع في ناس المنبر ديل ما يخليلُن صفحة يرقدوا
عليها.
تخلص قروشك وترجع تتم المدآخلة.
عِلِم !!!...

Quote: يا اخو سلام عليك جاي جدة متين؟ ممكن طلب بسيط؟ جيب لي معاك 5000 دولار كندي، باقي من الله ما خلقني ما شفت الدولار الكندي دا

اووووووووووه،
أخونا ود الفكي !!!،
والله زمن.

إنت كمان بقصروا معاك ؟؟؟،
ليك عليّ أحومك عليهِن فرطاقة، فرطاقة،
من الفريني للريال اب عشرة، لكن يكون
في عِلمك بدور إشتري لي حديدة نفر دي.
فترت من الوحلآن ومِريّق النسوان...

يا ود المدير عليك امان الله ناسك ديل ولا جابو شيتا جديد

زمان عمي البشير ود ادم كان عندو حمار اسمو ادهم .. بمشي اي حتة بردلب بنزل يمشي يقضي شغلتو ويجي ادهم دا بكون قريب يلقط من هنا ومن هنا بس .. عمي البشير اول ما يجي صاد عندو نغمة بعملا كدة عليك امان الله الحمار يجي معنفط من وين ما تعرفو ^_^
دحين انا في اعتقادي الناس ديل مجرد قلدو الفكرة دي بس
هسي الشي دي اتلقي بي ألوفن مألفتن من الدولارات

بختك يا عماد موسى تاني سيد الحوش
يعلقلك بوستاتك في السِلِك، وهو فاكي
الدركسون.

ما بتصبروا إنتو، كان صبرتوا
أنا قايل اخير...

Quote: ود المدير قال ليك ماني جايي ماشي الفاتيكان :)

يا هندسة لكن فرحتو فرحة !!!، هسّع يكون إتفنقل علي قفاهو
من الفرح. الزول دا كان يلقى غردوا يمنعني الجيّة بالإنتربول.

أسعلوا كان يوريك السبب، وكان حاول
يزوع جرّب حيدر الزين، عسى ولعلّ...

Quote: يا هندسة لكن فرحتو فرحة !!!، هسّع يكون إتفنقل علي قفاهو من الفرح. الزول دا كان يلقى غردوا يمنعني الجيّة بالإنتربول.

صدقت ثم صدقت ثم صدقت ايها البردان
ياخي من الصباح مكربن من كترة الشغل وقطيعة منلصقة لي تحت كتفي الشمال تالا الاباط، اكان عندك ليها دواء جيبو لي مع ال 5000 دولار الامريكي (الجديدة عليك الله عشان التزوير وكدا)

ود الفكي يا أرباب ..
سيــرة القروش والدولارات دي بتتور نفس ود المديــر ..
والداهية الت العربية دي عبارة عن حديدة صغيرونة بتحشرها تحت الدركسون .. انت بدل الدولارات كلمو يجيب ليك معاو حديدة تلصقها في البرادو الجديدة.. بتنفعك في زحمة وزقاقات جدة .. والله صحي :)

ياربي الموضوع دا عندو علاقة بحردان ود هباني ؟!
كدي يا ناس امريكا اتبنو الزول دا ما يكون تكسيهو لطط وساقو رماهو في البيرو والا الاكوادور..

Quote: ياربي الموضوع دا عندو علاقة بحردان ود هباني ؟!

غايتو الزول بونسو غردو :)
ود هباني تعال مارق امرق جلدك خلينا نتفك من ود الزين ده


يا ود المدير كان الارباب ده ما بدور جيتك اذن علينا نعزمك هنا في الرياض دي وندردقو ليك لي هنا :)

Quote: ود هباني تعال مارق امرق جلدك خلينا نتفك من ود الزين ده

لكن تكورك لي ود هباني والا تكورك لي بكري :)

شيخ العرب قال :
ليه يا اخوانا البيناتنا ما بتراعو ...القال راسى موجعنى يربطولو كراعو
هسع عشان تتحل مشكلة ود هباني الكوراك يبقي لي بكري يحذف نصر الدين حذفة واحدة..
ومن ثم يعود هباني لنستانس به :)

Quote: أها، تراها دي، تعالوا شوفوها بعينكم حتي لا تقولوا سحرنا ود المدير وترمونني بالزندقة. براها بتمشي الباركن وتتلفت جاي، وجاي وبمجرد ما تلقالآ مكان فاضي بتنقطع فيهو، وبعد الزول يقضى مُشهادوا بيناديها فووووو تجيهو سمعاً وطاعة. أنا قايل أخير الناس تبدأ تستغفر. والله صحي...

أستغفرنا واتشهدنا
والله يا ود المدير بكرة تلقها ملت شوارع قطر

خلآس جيتو إتلميتوا ؟؟؟،

ضبيتكم بالله...

Quote: Awad H. Abdalla طيب العربية دي لو ضربت زول كتلتو، يكون غلطان المرحوم ولا الApp؟

يا عوض يا أخ
هي عملوها عشان تمنع وتحد من وقوع
الحوادث. دي بمجرد ما يجي شي قداما
بتقيف علي طول.

يعني ممكن بالراحة يا عوض ترسلا الدكان
تجيب ليك علبة صلصلة وترجع، لا حادث
ولا بتتأخر...

يا مدير
صدق وتأمن انت زول مسكين ساهي بتساكك لي في ود الفحل ومليونيراته الوهميين والكاش الجد جد على بعد نقرات على الكيبورد ولوحة ارقام التلفون
داير نصيحتي
امسك في حيدر دا قوي
انا اختاني علي اقساط

Quote: يا مدير صدق وتأمن انت زول مسكين ساهي بتساكك لي في ود الفحل ومليونيراته الوهميين والكاش الجد جد على بعد نقرات على الكيبورد ولوحة ارقام التلفون داير نصيحتي امسك في حيدر دا قوي انا اختاني علي اقساط

يا ود الفكي يا اخي إنت مصعّب المسعلة كدي مالك ؟؟؟.
يا اخي الموضوع دا بسيط جداً، ويا حبيب شوفتك بالدنيا،
خلينا نشوفك. قعده في قهوة لمدة خمسة دقايق، أقابلك واطايبك
وتغمت لي الفي النصيب، وإتوكل. أنا أصلي زولاً فوق دربي،
وثمّ يا اخي بدور إشتري العربية الجديدة دي، قُتلك فتر من
دفر النسوان وهِن زاتِن إتعسمن من الفلآيت.
بالنسبة لحيدر الزين دا مضمووووون، وبيدفع قبل ما أنا أفتح
خشمي، بس إنت قول خير...

Quote: يا ود المدير عليك امان الله ناسك ديل ولا جابو شيتا جديد زمان عمي البشير ود ادم كان عندو حمار اسمو ادهم .. بمشي اي حتة بردلب بنزل يمشي يقضي شغلتو ويجي ادهم دا بكون قريب يلقط من هنا ومن هنا بس .. عمي البشير اول ما يجي صاد عندو نغمة بعملا كدة عليك امان الله الحمار يجي معنفط من وين ما تعرفو ^_^ دحين انا في اعتقادي الناس ديل مجرد قلدو الفكرة دي بس هسي الشي دي اتلقي بي ألوفن مألفتن من الدولارات

أكان كدي يا نادر عاد أسمع نصيحتي دي،
إنت وعمك البشير تشوفولكم محامي ليهو فقهة ماااااكنة وترفعوا قضية
في الألمان، وعمك دا يحلف طلآق مبارأة المريخ وبايرن ميونخ ما تتلعب
أكان ما أحفاد هتلر دفعوا. الحكاية قايلنها طلقيت ؟؟؟.
يا زول إنت وعمك ونحن معاكم، يا فيها يا نطفيها،
اممممما مسخرة علوج كمان ...

Quote: ويا حبيب شوفتك بالدنيا، خلينا نشوفك. قعده في قهوة لمدة خمسة دقايق، أقابلك واطايبك وتغمت لي الفي النصيب،

يا مدير
شايفني داير بي شنو؟ عشان امشي اقعد معاك في القهاوي؟ انا ما بتاع قهاوي ولا بشرب شاي ولا قهوة ولا شيشة، بعدين جدة ذاتو قفلوا القهاوي الفيها ونقلوها خارج المدينة يعني دي ميزانية بنزين والبرادو دا بشفط البنزين زي المافي حاجة
ثانياً
إنما الصدقات للفقراء والمساكين والعاملين عليها والمؤلفة قلوبهم وفي الرقاب والغارمين وفي سبيل الله وابن السبيل
فتشتك من جميع النواحي ما لقيت لي واحدة من الفئات اعلاه بتنطيق عليك، اوعي تقول لي ابن السبيل، ابن السبيل دا الزول البجي لحتة غريبة وينقطع تب، اللهم الا اذا داير تقوم من كندا ابيض
ثم ثالثاً واخيراً
انا عندي بيت البوديني اعزمك في القهاوي شنو؟
بس انت نسيت حاجة مهمة انا ما قلت لك انا مسافر؟
راجع المسنجر ولو كلمت حيدر او جيت فتيتو هنا بفارقك فراق الخضر لموسى

Quote: ياربي الموضوع دا عندو علاقة بحردان ود هباني ؟! كدي يا ناس امريكا اتبنو الزول دا ما يكون تكسيهو لطط وساقو رماهو في البيرو والا الاكوادور..

ايوا عندو علآقة.
أولاً، الناظر هباني هو اوّل من أطلق علي اللآبتوب
إسم الرشاش.
ثانياً، أنا متبرعلوا بـ100$ من حُر مالي عشان يشتري
العربية دي.
ثالثاً، بإشتراء العربية سيصبح هباني هاند فِري، وحا يسخمتك
سخمتة العدو.

من اللوّل أنا قلت التكاسة كوووولهم، أو قل جولهم مناضلي كيبورد
والعربية دي هي تعتبر أكبر خِدمة لهم...

Quote: صدق وتأمن انت زول مسكين ساهي بتساكك لي في ود الفحل ومليونيراته الوهميين والكاش الجد جد على بعد نقرات على الكيبورد ولوحة ارقام التلفون داير نصيحتي امسك في حيدر دا قوي

والله لكن ...
الواحد قدر ما يحاول يتزهد ويتقشف ويصاحب الغبش المجابدين.. يأتي من يفشي سره..
هي ياربي الروقة والانبساطة والقروش المدفقة بتبقي ظاهرة كدة

يا ود المدير.. يازول ماعندك عوجة تب.. انت اصل بس وبنحجز لك في نفس فندق ملياردير الفحل الفيهو شتلة دوم في الهول ..
ومشاعرك المقدسة مقضية بإذن الله حا نأجر ليك برادو على الزيــرو مع سواقها ..ومش اي سواق مضمون ومأمون وبطحاني على السكين..:)

Quote: يا ود المدير.. يازول ماعندك عوجة تب.. انت اصل بس وبنحجز لك في نفس فندق ملياردير الفحل الفيهو شتلة دوم في الهول ..

الله يرضى عليك يا ود الزين،
إلا دي.
وحات الله ما بقدر علي البراغيث
والملقوت...

Quote: والله لكن ... الواحد قدر ما يحاول يتزهد ويتقشف ويصاحب الغبش المجابدين.. يأتي من يفشي سره.. هي ياربي الروقة والانبساطة والقروش المدفقة بتبقي ظاهرة كدة

بتصدق انا قريت الثانوي في بحري الحكومية؟

Quote: بتصدق انا قريت الثانوي في بحري الحكومية؟

يا حليلك .. طوالي ثانوي؟
يعني ما مريت زي حلاتنا كدة بمرحلة الحضانة والروضة..وحافلة كوستر بسواقها " مش زي عربية ود المدير دي البتسكها الكـ.لاب كما قال المتصفح حيدر حسن ميرغني ) توصلك وتجيبك وانت مجمط الشرابات ..

اها يا ود المدير خلي بالك دي واحدة من اشكاليات الطبقات الكادحة والبوليتاريا.. مابيعيشو محطات حياتهم كما ينبغي..

هسع الزول الماقرأ روضة دا يواسوهو كيف

Quote: كما قال المتصفح حيدر حسن ميرغني

دا منو كمان ؟؟؟.
معانا زول بلإسم دا ؟؟؟...

يا حيدر
ما تسألني زاملت منو في بحري الحكومية او بالاصح الكان في الدفعة الوراكم منو
انا لو قريت روضة البقعدني معاكم شنو؟
كنت بقيت مساعد في القصر الجمهوري

Quote: ما تسألني زاملت منو في بحري الحكومية او بالاصح الكان في الدفعة الوراكم منو

اصلوا ما بقولك .. ولا بسألك ..حايكون قرأ معاك منو يعني عزالدين الفحل يعني؟
ماحايكون واحد من ناس بحري الغبش ديل ناس وهبة وعزام فرح وحيدر حسن ميرغني وهلمجرا من امثال الكادحين المجابدين..

يآخي انتو ديل يا المابتقروا الروضة زاااتكم ما بتشبهونا نحن ولا بتشبهو قروشنا ..

ايييه كله من بكري عمل الموقع مجان

Quote: ليك عليّ أحومك عليهِن فرطاقة، فرطاقة، من الفريني للريال اب عشرة، لكن يكون في عِلمك بدور إشتري لي حديدة نفر دي. فترت من الوحلآن ومِريّق النسوان...

غايتو يا محمد عمر الفكي
الما قالوا ليك ود المدير بقول ليك انا دا من نعمني خابر قيروا وقعاقيروا
5000 دورلار مافي لكن تتفرج وبث
أبني حساباتك علي كدا ومن حقك تفتح بوست اقترح عليك عنونته بود المدير فسل
:
:
:
:
:
:
مع التحيات لله الزاكيات

خلاص ما تسالني عشان ما تعرف الفت لي خبرك ومليوناتك ان لم تكن ملياراتك
يا محمد
قلنا نهبشو شوية يمكن عصب الحياء يدب في عروقو
جاني راجع وقال لي
احومك !!!!!!!! تحوم حفيان شاحد لك ربي
قبل ما يفهمني غلط انا قاصد يحوم حول الكعبة والسعي

Quote: غايتو يا محمد عمر الفكي الما قالوا ليك ود المدير بقول ليك انا دا من نعمني خابر قيروا وقعاقيروا 5000 دورلار مافي لكن تتفرج وبث أبني حساباتك علي كدا ومن حقك تفتح بوست اقترح عليك عنونته بود المدير فسل

جيّت يا العشا بـ لبن ؟؟؟.
أها عاد وِكت أصلك جيّت مقلّع عويناتك خلني اللقولك كلآم،
أنا ماني متنازل وود الفكي وود الزين ديل براهُن معاكم،
زول بيقرب جيبو مافي.

فضحتنا وشرطة عينا. إنت غاتس وين ؟؟؟.
كدي بِسراعك أدخل هنا دوبني ما وصلتك إن شاء الله:
و الله البورد دا محنو محن (كوز طلع قريبي)

Quote: أستغفرنا واتشهدنا والله يا ود المدير بكرة تلقها ملت شوارع قطر

شِن فضل بعد دا غير القيامة تقوم ؟؟؟.
أخير الناس تستغفر وتتشهد، الحكاية دي قرررربت.
خلي بالك يا وضاحة العربية دي تكون الدآبة وهي أحد
العلآمات الكُبرى.
الله يستر ...

سلام يا ود المديـر، وتعال نديك النجيضــة..

مانهاتن فتحت.

لو عندك أى عربيـة كنت مشغلها كيرى ساكت الان صدر قانون تترخص وتضربها لون أخضـر، مختلف من الأصفر المشهور
وتشتغل فى اى حتة فى نيويورك ما عدا من اظن شارع 14 لحد شارع كم وسبعين.. وديل زاتهم ممكن تنزل فيهم الركاب،
وطبعا كتيرين برضوا يفلحوا متسعملين حاسـة رؤيـة الشرطـة.

والميداليـا حتضرب واطاة..

دى بشرى واللا ما بشرى.

Quote: راجع المسنجر ولو كلمت حيدر او جيت فتيتو هنا بفارقك فراق الخضر لموسى

ياود المديــر..!!
ترا أنا راجيييك وراجي الفت...
ود الفكي دا لمّ في منو سلموا ملفي الضريبي
عارفو ما بيكلمني بأخوي واخوك ويبكن كمان يبتزانا بالمنفلة .. دحين مافي غيرك يخبرنا..
وليك على انفحك عند حضورك بسبحة معطرة من خوانين مكة + طاقية خضراء وباقـة ماء زمزم ..وحثوة من "نبق " الطائف

قصرت؟؟؟
وين وليد الشيخ يجي يشوف هذا الكرم الحاتمي

Quote: يا ود المدير كان الارباب ده ما بدور جيتك اذن علينا نعزمك هنا في الرياض دي وندردقو ليك لي هنا :)

يا هندسة جزاك الله خير ما بتقصر،
والزول دا إمسكوا قوي لآمن أجي اشوف
آخرتو شنو ؟؟؟...

ود المدير و ضيوفه الأفاضل
لكم التحية و الاحترام
طولنا منكم و كثير من المداخلات تحتاج لتعليق بس بعد إذنكم ما قدرت أصبر على مداخلة ود الفكي أدناه

Quote: بتصدق انا قريت الثانوي في بحري الحكومية؟

يعني بحري الحكومية دي قروا فيها ناس بكري أبوبكر و ملهم محمد الحسن و كثير من أعلام البلد
ما قلت ليكم ود الفكي ده ما ساهل
ياربي قريت معاهم جامعة الخرطوم ؟
على العموم ما أظن في حوجة للتمييز بين بحري الحكومية و مدرسة الشعب بحري الأهلية |
لأنو بحري الحكومية حقت أولاد الناس و الشعب حقت القلعنجية
يكون يا ود الفكي ودوك بالغلط بحري الحكومية زي أخونا فلان
و ما تسألوني فلان ده منو

Quote: سلام يا ود المديـر، وتعال نديك النجيضــة.. مانهاتن فتحت. لو عندك أى عربيـة كنت مشغلها كيرى ساكت الان صدر قانون تترخص وتضربها لون أخضـر، مختلف من الأصفر المشهور وتشتغل فى اى حتة فى نيويورك ما عدا من اظن شارع 14 لحد شارع كم وسبعين.. وديل زاتهم ممكن تنزل فيهم الركاب، وطبعا كتيرين برضوا يفلحوا متسعملين حاسـة رؤيـة الشرطـة. والميداليـا حتضرب واطاة.. دى بشرى واللا ما بشرى.

سلآمات يا ابو الريش،
يا زول البشريات ما عندك لكن. بس بكدا في ناس الدُش ماتلهم
في يدهم.
يا ابو الريش يا حليل منهاتن فارقناها زمان. أنا كنت سايق في
برونكس، وكنت من الجماعة البيلفحوا من منهاتن وكوينز،
وبروكلن، والبوليس أصلوا ما قبضني عشان فترتي ما كانت
طويلة، شهر وآحد وكبيت الزوغة.
الظاهر شغل التكسي دا حا ينقرض.
والله صحي.
في فانكوفر بقى في نظام عربات مبركنة في الشارع، بتستعمل
الكريدت كارد بتاعك، والجماعة بيفتحوليك العربية. تمشي
تقضي مشاويرك وتركنا في أقرب إسبوط تابعة للشركة، والجماعة
بيحسبوا الزمن ويخلصوا قروشهم.
الحكاية دي عاملة للتكاسة سافوتة في فانكوفر، واصبحوا مركزين
شديد علي ناس الطشمي...

Quote: قرحطب فور برنقا · متابعة · طب الفاشر lol@

مشكور قرحطب علي الطلة البهية...

Quote: يكون يا ود الفكي ودوك بالغلط بحري الحكومية زي أخونا فلان و ما تسألوني فلان ده منو

أها، يا الوليد ماني ساعلنك،
لكن البطحاني اب كرعيناً مشققات دي بيكون
سامعبها سمع سااااكت...

Quote: Haider Hassan · الأكثر تعليقا · Zagazig University ( المتصفح حيدر حسن ميرغني) .. بقيت مُدرَعة عديييل في الخور ده يامان .. مشكور على الدعم ود المدير عليك الله " شريط الكاسيت" الكاتب فيهو اسم الفنان بالمنكير الاحمر ماتنساهو وانت طالع الصباح .. اوعى تقول لي بقيت بتاع "سيديهات"

سيديهات، واللآ سيدي طاقية ؟؟؟ هههه.
إنت إن شاء الله يطلقوا قيدك يا بركة اللآ نام،
لا أكل الطعام...

أحبابي وأهلي،
لكم جميعاً مني جزيل الشكر، وتجدوني كُلي أسف وندم
إن كنت قد نعرضت لأحد بما يجرح أو يخدش، وها أنا
ذا أتيكم عاري الظهر فمن جلدت له ظهر فاليقتص أو
يعفي، ومن تعرضت له بفاحش قول فليكن خيراً مني
وليعفني.
آ ناس هوي العفو لله والرسول،
وودعتكم الله أنا علي سفر.


لكم كامل مودتي ومحبتي،
والسلآم عليكم...

Quote: حامد ودحماد يازول هوى أنا غايتو ما بطَّمّن لى العربية دى وأجى جنبها أحسن لى العربية اللى يسوقها إنسان عديل لو دقشنى على الأقل أدّييه نهرة كده

سلآمات يا حامد.
يا زول الجماعة ديل سوهِن اللِتنين في واحدة. يعني كان داير
تخرتما وتمسك الحبل في إيدك سو، وكان داير تطلق الرسن
وتطبق كرعينك فوق بعضن سو.
أها، باقيلك قصروا ؟؟؟...

Quote: آ ناس هوي العفو لله والرسول، وودعتكم الله أنا علي سفر.

بالسلاااامة .. تصل بالسلامة ..وربنا يعدل خطوتك محل ما تقبل قادر ياكريم..

راجيك في الطريــق الي مكة ..بالسدرة الفوقانية وانت جايي من مكة بتلقي مخرج معلم باللحمر كدة ومكتوب عليهو طريــق......!
المهم

مودتي لمن تجينا مُحمِل بعد تخلص من الفحل :)

تحياتي للوليدات

ـــــــــــــــــــ
ادينا نكزة بالتلفون الارقام راحت جّت عليها

حتى حيدر الحنين لميت فيهو بالمطار على سفر .. والله صحي ...،

المواطن دا شكلو رجع الباوقة لا نت ولا تلفون..

Quote: ادينا نكزة بالتلفون الارقام راحت جّت عليها حتى حيدر الحنين لميت فيهو بالمطار على سفر .. والله صحي ...،

أهاااااااااااااااااااا..

صبركم علي شوية بجيكم ..





الوصية بالمهلة يا ود المدير.. يازول اصلك ما تفوت العمرة.. وما تسمع هيك حكي

تعال قرب اديك ليها في اضانك واوريك محلات العربات وين والعضات السمينة وين

وأقولك شئ برايفيت ؟

انساك من ود الفحل والمليارديرات المفلسين.. اقبض في ود الفكي دا قوي شديد بعدين .. قروش وسلطة ونفوذ..
لومك بي لو عندك اي غرض او مشكلة مع السلطات فهو بالحيطة يقضي طلبك ويعدل عوجتك.. والله صحي

Quote: انساك من ود الفحل والمليارديرات المفلسين.. اقبض في ود الفكي دا قوي شديد بعدين .. قروش وسلطة ونفوذ.. لومك بي لو عندك اي غرض او مشكلة مع السلطات فهو بالحيطة يقضي طلبك ويعدل عوجتك.. والله صحي

اذا كان الغراب دليل قوم دلهم على البيت الخراب
باريهو سمح ، قال سلطة قال، والله العظيم لي تلاتة سنة بحاول اعدل في مهنة ما قادر
الزول دا قاصد ود الباوقة يا مدير
التحية للاخ الكريم الوليد الشيخ وداره المضيافة التي جمعتني بالاخ حيدر واخوته. والتحية للاخ عزالدين لاتصاله بنا (في الحقيقة الوليد الشيخ الضرب ليهو)
انت يا حيدر مسعول من الخير
قدر ما عاينت لاتاني صوته منساباً ما لقيتها، يكون كلمني بالنوكيا تلاتين حشرة؟ [/IMG]

انا قاصدك انت دا مالي بود الباوقـة ربنا مسلط عليهو الطوربيد الفخيــم معاوية عبيد ينشر مزارعو وعماراتو وشققو..لمن يتسلط عليك انت واحد من اتباع فخامة الريس مرسي حفظه الله ويجي ينشر لينا زرايبك وقطعانك واساطيلك

Quote: قدر ما عاينت لاتاني صوته منساباً ما لقيتها، يكون كلمني بالنوكيا تلاتين حشرة؟

بتكون جات وانسابت..بس انت الايريل بتاع الجماعة اصحابك وجيرانك الخاتنو جنبك بيكون حجب منك الشبكة والصوت..


انا للمعلومية لسع ما جيت لموضوعكم انت وود الشيخ ..هسع قاعد اسرب جزء من المعلومات للابتزاز وكدة

ود المدير
سلامات
وعلك لقيت الاهل عافية ؟
وداير أسعلك في أضانك سعال بعيد عن الترمبيلات .
ياخ كاشف الدهب الكندي الجديد أبوعكفة الشلتو معاك . جابلك في عطبرة كم ؟
يازول الخبر وصلني .
وكمان أتباع في ياتو برندة .
والله حظك .
تحياتي

Quote: ياخ كاشف الدهب الكندي الجديد أبوعكفة الشلتو معاك

امانة ما كتل راجل
الزول قال ماشي يفتش برقبتو ما ببيع الجهاز
كدي خليهو يمشي يكابس في الحفر المهايرة دي لمن نلقى البوست بقى لونه اسود (الشر برة وبعيد)
شخصياً بعتقد انه الزول البمشي الدهب دا خلاص وصل اخرو
اقول يا شيخ هل تجوز الصدقة للتكاسي ومغتربي كندا؟
الشيخ: مغترب كندا اولى من التكاسي بالصدقة والاحسان