عروس مصرية تصل السعودية بعد وفاة عريسها بساعة ، ويتم إخطارها بعد إرجاعها لمطار القاهرة

المصدر: الرياض ـ وكالات ، التاريخ: 07 يناير 2014

تفاجأت عروس مصرية عقب وصولها إلى مطار القصيم، وتخطيها حاجز الجوازات بعدم حضور عريسها الذي كلّت من انتظار حضوره لاصطحابها إلى منزل الزوجية، دون أن تدري أنه لن يأتي مطلقاً بعدما تعرض لحادث مروري فقد على أثره حياته.

ووفقا لصحيفة "الوطن" السعودية، فقد قدمت العروس من بلدة المحلة المصرية مرتدية فستان الزفاف، وبعد أن أنهت إجراءات الدخول تفاجأت بعدم حضور عريسها، وطال الانتظار ما عرضها لإحراج شديد، إلى أن تفاجأت بأحد العاملين بالمطار يرحب بها ويخبرها بلطف أن هناك خطأ ما في تأشيرة دخولها المملكة وأن عليها المغادرة على نفس الطائرة التي قدمت عليها، مخبرا إياها أن أهلها ينتظرون عودتها في مطار القاهرة.

من جانبه، كشف المندوب المفوض من السفارة المصرية في القصيم ماجد عبداللطيف، تفاصيل الواقعة، مبينا أنه تلقى اتصالاً بتعرض "مصري" قادم من الدوادمي لحادث مروري اسفر عن وفاة العريس.

وأضاف "اتصلت بالمطار على الفور فتعاملوا مع العروس بلطف، وبالفعل تم التنسيق مع جوازات مطار القصيم لعودة الزوجة على نفس الطائرة دون إخبارها بالحادث الأليم وتم عمل إجراءات ترحيل العروس على نفس الرحلة".
ـــــــــــــــــــ

حاشية :
سبحان الله ..إن الأقدرا مسطرة وكل بأمر الله مكتوب ..

لاحظوا هذا التعامل الراقي والمتحضر من قبل سلطات المطار والمسؤولين!


وإتخيلوا ماذا كان سيحصل لو أن مطار الخرطوم كان هو نقطة وصولها !

Quote: وإتخيلوا ماذا كان سيحصل لو أن مطار الخرطوم كان هو نقطة وصولها !

كان حتلقي صيوان العزاء وحريم يدقن الطشاطه و بيلطمن
ويشيلن ويكبن ا لتراب في راسن


انا ماعارف اتو جايين من ياتو كوكب يافقيري


الحمدلله علي حبة سودانيتنا الفضلت فينا دي

Quote: انا ماعارف اتو جايين من ياتو كوكب يافقيري الحمدلله علي حبة سودانيتنا الفضلت فينا دي

يا عزيزي أنا بتكلم عن السلطات والمسؤولين في المطار

هم أصلاً كان حيكون عندهم خبر بموت زوجها ؟

الله يرضى عليك أقرأ كويس !

Quote: من جانبه، كشف المندوب المفوض من السفارة المصرية في القصيم ماجد عبداللطيف، تفاصيل الواقعة، مبينا أنه تلقى اتصالاً بتعرض "مصري" قادم من الدوادمي لحادث مروري اسفر عن وفاة العريس. وأضاف "اتصلت بالمطار على الفور فتعاملوا مع العروس بلطف، وبالفعل تم التنسيق مع جوازات مطار القصيم لعودة الزوجة على نفس الطائرة دون إخبارها بالحادث الأليم وتم عمل إجراءات ترحيل العروس على نفس الرحلة". ـــــــــــــــــــ

والله ارضى عليك انت ا يضا يا عزيزي فقيري اقرأ كويس
مندوب السفارة هو من اتصل بجوزارات مطار القصيم لذلك تعاملوا معها بلطف ولو لا اتصال مندوب السفارة بجوزات المطار كان سوف يتم الاتصال على زوجها المتوفي واخبارها قطعا بالحقيقة .
حتى لانظلم العاملين في مطار الخرطوم ،، اثق لو تم وضعهم في نفس الظرف سوف يتعاملون بذات الروح الحضارية من الود واللطف .
تحياتى لصاحب البوست وضيوفه

Quote: انا ماعارف اتو جايين من ياتو كوكب يافقيري

عمر اتفق معك والله شئ يحير جدا جدا صدقني لو كان الكلام دا في السودان كان فرشوا معاها وشكلوا وفد يرجع معاها للقاهرة ديل هم السودانيين ولا ادري هذا الفقيري يتحدث عن اي سودانيين عجبي!!!!!!!!

Quote: عمر اتفق معك والله شئ يحير جدا جدا صدقني لو كان الكلام دا في السودان كان فرشوا معاها وشكلوا وفد يرجع معاها للقاهرة ديل هم السودانيين ولا ادري هذا الفقيري يتحدث عن اي سودانيين عجبي!!!!!!!!

يا أيها المدعو السليمان كنت تقرأ ردي على عمر قبل ما تجي تنطط وتتنطع

بعدين أنا إسم العائلة فقيري وليس الفقيري يا هذا !!!!!!!!!!!!!

نسال الله له الرحمة،يعوضه الجنة عن شبابه.
ونساله ان يلطف بها ويرزقها الصبر واهلهم..
نعم امر محزن.

مسكينة والله ربنا يصبرها


احسن شعب في العالم في حالات الوفاة هم الشعب السوداني
شهد لهم كل من يعرفهم..من كل الشعوب ان لا مثيل لهم في الحارة..

قبل شهور رجعت الى السودان ومعي حالة انسانية تعاونت معي سلطات المطار واخرجونا باسرع ما يكون بكل احترام وتقدير,,


محل قبلت ألقاهم معايا*** معايا زي ضلى
لو ما جيت من زي ديل..
كان ***أسفاي..
وآ مأساتي..
وآ ذلي..
تصور كيف يكون الحال
لو ما كنت سوداني وأهل الحارة ما أهلي
تصور كيف يكون الحال؟

دا الشعب السوداني على مر الازمان والتواريخ والحكومات
شعب حارة ولحقة

دكتورة نجاة محمود والكدارة أم شلاخات !


__________________

يا دكتورة شايفك اليومين ديل قبلتي علي !

يا الله أرحم العريس وألطف بالعروس

وهذه الواقعة تماماً تذكرني بأحد شباب القرية 18 حلفا الجديدة ، حينما تحرك من جنوب المملكة متجهاً إلى الرياض لاستقبال عروسه ، وأثر حادث أليم رحل ذلك الشاب ، ولحظتها كانت رحلة الخرطوم الرياض في ذلك الوقت تقل العروس ، وكانت لحظات حزينة جداً وعصيبة لا توصف عند وصول العروس .

هذه الدنيا بها فواجع ، وكلها إبتلاءات وإمتحانات من الخالق عز وجل .

ربنا يرحمه ويصبر زوجته واهله..

هناك مشكلة اجتماعية خطيرة في مثل هذه الحالات قد تواجه هذه العروس المكلومة وهي النظر لها باعتبارها (شؤم) ..وبالاخص في المناطق الريفية في مصر ...

إنا لله وإنا إليه راجعون

لا حول ولا قوة إلا بالله

يا للأقدار التي ليس منها فكاكا
عسى أن يكون في ذلك خيراً كثيراً لهما معاً
للزوجة المكلومة
وللزوج الشهيد

تغمده الله بواسع رحمته
وأسكنه فسيح جناته


إنا لله وإنا إليه راجعون

السودانيين اهل حارة واهل حوبة والحنية الموجودة فيهم ما موجودة في كل شعوب العالم... رحم الله المتوفي ... وصبر زوجته واهله على فقده .. انا لله وانا اليه واجعون

إنا لله وإنا إليه راجعون.
له الرحمة والمغفرة.

__________________

سفارتنا كانت حـ تتصرف كدا؟!.

نسال الله انو يتقبلوا شهيد
ويصبرها ويصبر اهله ان شاء الله

Quote: يا عزيزي أنا بتكلم عن السلطات والمسؤولين في المطار

والمسئولين والسلطات ديل ما سودانيين ؟؟؟؟؟؟؟ انصحك بسحب البوست دا لانه غير موفق ويشكك في سودانيتك

Quote: والمسئولين والسلطات ديل ما سودانيين ؟؟؟؟؟؟؟ انصحك بسحب البوست دا لانه غير موفق ويشكك في سودانيتك

أولاً البوست دا ما حقي أنا عشان اسحبه ولو قاصد مداخلتي ما حأسحبها

ولو عاوز تتشكك في سودانيتي براحتك !

كان الله في عونها. صدمة مزدوجة.

تعامل المسئولين في المطار كان في منتهي التحضر والإنسانية

تحياتي محمد

الكلام ده لو كان حصل في السودان كان حصل ليها الاتي:
يا زولة هيييي إنتي الجابك شنو؟؟؟ إنتي صحفية عميلة مش؟؟؟ طاااخ كف ..أسسسسكتي يا حلبية يا أكااالة الفسيخ ..وكمان لابسة زفاف؟؟؟
إنتي جاية تمارسي الفاحشة في بلدنا في شكل عروس مش؟؟ تراااح إنطططمي ولااا كلمة يا شحادة يا مقطعة..أمشي اقيفي لي بهناااك كدي لحدي ما أنتهي من الناس ديل عشان أجيك بي رواااقة وأنظمممك يا محتلة..
هوووسسسس ولااا كلمة أقيفي هنك قلت ليك ..قال عروس قال ...لا بالله ..ولو عروس راجلك ما جا يستلمك ليي؟؟ بلا يخمك ويخم راجلك الما جاك ده ..وهو زاااتو كان راجل صحي صحي كان جا إنتظرك في المطار ..
شويتين ويبدو الناس الفي الصالة يشاغلوها ..شنوو يييا حقققنا ..ويين يا بتتتنا ..ما تدينا نظرة ..ما تفهمينا ياااخ..عريسك ما جا؟؟ ما تخليني أبقا ليك عريييس يااا ..الفندق قريب بي جاي والله ..
عندي شقة مفروشة تمشي معاي؟؟أحب مصر وأمووت في عفاف شعيب انا ..

أها كده كيف معاك ؟؟؟

تحية وسلام لكل المتداخلين ...
عندما لفت نظري هذا الخبر الذي
جاءت به وكالات الأنباء ، رأيت أن
أبرزه هنا من جانب هام ، وهو أن
الأقدار المكتوبه في عمر الإنسان
لا تأتي فجائية وإنما هي موثقة
لصيقة بعمر الإنسان منذ ولادته ،
ولا تأتي بغته فالعاقل من يحمد
الله لحظتها ، ويذكر الله ويؤمن بها
ويبدى السماحة والعفو في كل
لحظات حياته ، ..
هكذا هي الحياة مسرة وأحذان
نسال الله أن يعفو عنا ويرحمنا

لكم التحية ..

ياعاصم فقيري ...ياخي عذبتنا...

هو شنو كل حاجة مدّخل فيها المسعوليين...إتا قايلهم جايين من المريخ!!!


قوم لف...ياوهم
السودانيين ديل ياهم السودانيين في الحارة والباردة ...حتي لو كان حاكمهم ابليس.

ح يكرموها اخر كرم ...ويعملوا ليها دفتر كمان..


الله يرحم العريس.
_______
تحياتي لصاحب الدار.

Quote: ياعاصم فقيري ...ياخي عذبتنا... هو شنو كل حاجة مدّخل فيها المسعوليين...إتا قايلهم جايين من المريخ!!! قوم لف...ياوهم

وهم في عينك يا وهم إنت !

Quote: ياعاصم فقيري ...ياخي عذبتنا... هو شنو كل حاجة مدّخل فيها المسعوليين...إتا قايلهم جايين من المريخ!!! قوم لف...ياوهم السودانيين ديل ياهم السودانيين في الحارة والباردة ...حتي لو كان حاكمهم ابليس. ح يكرموها اخر كرم ...ويعملوا ليها دفتر كمان..

فقيري يجب أن تعتذر للسودان عامة واهل المنبر خاصة، انت لا تعرف السودانيين يا باشا .

وعلى فكرة السودانيين ما عندهم اي شئ تاني غير الشهامة والرجولة وفي اي مكان يذهبون اليهم هذه صفاتهم

نسأل الله أن يتقبله برحمته. و أن يعوض بالخير على عروسته المكلومة.

مثل هذه القصة قرأتها عن حادث في مدينة شيكاغو حيث توفي رجل يعمل في الجيش الأمريكي بعد 8 ساعات من حفل زواجه. و كان هذا الرجل قد أخذ عروسه من مكان الحفل متجها للفندق و في الطريق توقف لمساعدة أمراة أنزلقت سيارتها و لكنه تعرض لحادث من سيارة أخرى.

http://www.informationng.com/2013/12/lady-becomes-a-wife-the...idow-in-8-hours.html

Quote: لاحظوا هذا التعامل الراقي والمتحضر من قبل سلطات المطار والمسؤولين! وإتخيلوا ماذا كان سيحصل لو أن مطار الخرطوم كان هو نقطة وصولها !

درك سحيق من السوداوية
احساس غريب بالنقص و الدونية

واضح أن سلطات المطار لم تعلم بالغيب.............. تم تبليغهم مسبقامن قبل مندوب السفارة
مندوب السفارة لم يعلم بالغيب ... واضح أن أحد المقربين من المتوفي قام بتبليغ المندوب و أوضح له موضوع وصول الزوجة
إجراء أكثر من عادي

و بما أن الاحساس بالنقص و السوداوية البغيضة تقفز لأذهان البعض دون وعي ! نقول لو تماثلت حالة مشابهة في مطار الخرطوم بنفس السيناريو يعني المقيم بالخرطوم غير سوداني و زوجته قادمة اليه.. كان لقت أحد النشامى أخو بنات و حلف إنها تمشي عند أهله في المنزل و يتم مواساتها و ابلاغها بالخبر و تهدأتها و استضافتهاعلى أكمل وجه وتتقبل العزاء في زوجها و يتم تلاتيب نقل الجثمان و ترافقه زوجته معززة مكرمة!

هذا الذي كان سيحدث في الخرطوم

يا عاصم فقيرى أرجع بالشريط لوفاة محترف المريخ إيداهور وشوف تعامل السودانيين مع وفاته ومع زوجته والوفد السافر معاها لغاية ما وصلها لبلدها ... ياخى ما كل شي تربطوهو بمعارضتكم للنظام ... السودان كان وما يزال وسيظل هو المعلم والأستاذ في كل شئ ...

صورة سامي النور الذي مازال جثمانه في الثلاجة ( الدوحة ) اكثر...من 40 يوما ( صورة )

لا حول ولا قوة إلا بالله ........ يا جماعة كم واحد بموتوا فى اليوم يا أهل السعودية ....الإحصائيات أكيد الأعلى فى العالم . والسسبب أو الأسباب شنو فى النسب المرتفعة دى مع إن الطرق وجيهة وما عندها عوجة

يا جماعة مالكم تكأكأتم على أخاكم عاصم فقيري..
الراجل حاشاهو لم يتكلم عن الشعب السوداني و لكنه يتحدث عن
الجهات الرسمية و ربما حديثه مبني على تجربة شخصية ، و بصراحة كلنا عندما ننزل مطار الخرطوم نتسول الابتسامة و الكلمة الطيبة وسط غابة التجهم و صرصرة الوشوش و درجة الصفر في مرونة القائمين على المطار...بس برضو و لا اجزم ، في حالة إنسانية زي دي ربما كنا لنرى صورة مختلفة.

Quote: يا جماعة مالكم تكأكأتم على أخاكم عاصم فقيري.. الراجل حاشاهو لم يتكلم عن الشعب السوداني و لكنه يتحدث عن الجهات الرسمية و ربما حديثه مبني على تجربة شخصية ، و بصراحة كلنا عندما ننزل مطار الخرطوم نتسول الابتسامة و الكلمة الطيبة وسط غابة التجهم و صرصرة الوشوش و درجة الصفر في مرونة القائمين على المطار...بس برضو و لا اجزم ، في حالة إنسانية زي دي ربما كنا لنرى صورة مختلفة.

شكراً يا دكتور سيف على حسن تفهمكم لمقصدنا

الناس ديل قلبهم ما على الشعب السوداني قلبهم على المسؤولين ديل لأنهم بياخدو الأمور من منظور شخصي

ربنا يرحم العريس ويدخله الجنة ويصبر العروس ويرزقها بزوج إبن حلال يعودها أفضل من ما فقدته بفقد زوجها ويصبر أهل العريس وأهل العروس

السودانين أهل الجود والكرم خاصة مع الأجنبي

Quote: لاحظوا هذا التعامل الراقي والمتحضر من قبل سلطات المطار والمسؤولين! وإتخيلوا ماذا كان سيحصل لو أن مطار الخرطوم كان هو نقطة وصولها !

كلام غريب ان يصدر منك يا عاصم فقيري ..
مع كل التردي الموجود في البلد اراهن ان قيمنا السودانية هي الموروث الوحيد الذي لن يتأثر ..

Quote: و بصراحة كلنا عندما ننزل مطار الخرطوم نتسول الابتسامة و الكلمة الطيبة وسط غابة التجهم و صرصرة الوشوش و درجة الصفر في مرونة القائمين على المطار...بس برضو و لا اجزم ، في حالة إنسانية زي دي ربما كنا لنرى صورة مختلفة.

وكلنا لمن ننزل مطار الرياض نعاني نفس الهو زاتو القلتو ده إضافة للتريقة والدونية وال وال وال ..
لكن الخلّاهم في هكذا حالية إنسانية يبقو مضرب مثل للرقي والتحضر فصدقني أضرب في تلاتة هو الح يعملوهو السودانيين الفي المطار ..

عــروس كــج .

اللهم ارحم العريس
ونساله تعالى ان يعوض العروس ويصبرها



المجال ليس مجالا للسخرية
بل أن الحزن الذي يصاحب هذا البوست يجعلنا أكثر حزنا
وعلينا الايمان بالقضاء والقدر

اعرف أحدهم حدث له عكس ذلك
ولأن النساء يصبرن ويحتسبن
الا ان بعض الرجال لايركزون وينفزرون بسهولة
هذا الشخص أتى لاستلام زوجته والذهاب بها لقاعة الاحتفالات
ويشاء القدر ان تصاب المرأة بذبحة أدت لموتها
الراجل حلف أن يقيم العزاء
ورفض تقبل اي تعازي من اي كائن كان
وقال الا يدوهو قروشو الخسرها في الزواج
زاعماً أن اهل العروس غشوووووه
وزوجوه إمراة في الرمق الأخير !!!
عليكم الله شوفوا البشتنة دي

الأخ بشير...سلام و تحية

Quote: هو شنو كل حاجة مدّخل فيها المسعوليين...إتا قايلهم جايين من المريخ!!!

أنا شخصياً في شك...هل من المريخ ولاّ من كوكب تاني...
وال عندو شك في الكلام ده ...يدخل مؤسسة حكومية عشان يقضي مصلحة بدون (واسطة)...
__________
عصرتوا شديد على عاصم ...
وكلامو ما كان عن الصفات السودانية ...
ولكن عن التصرّف الأداري (المسئول)...
وفي دي ممكن تتخيّل أسوأ سيناريو ممكن يحصل

Quote: وإتخيلوا ماذا كان سيحصل لو أن مطار الخرطوم كان هو نقطة وصولها !

وصدقا لى كلامك الاخ عاصم فقيرى عندنا قريبتنا فى مدنى مقيمة بسلطنة عمان توفيت فى سلطنة عمان وجهزوا الجثمان لكى تدفن فى السودان فى ومدنى مقابر عواض وعند شحن الجثمان واستلام البوليصة كان هنالك جثمان اخر بنت سعودية الى الرياض قوم ياخوى جثمان قريبتنا شحن الى الرياض وجثمان البنت السعودية شحن الى الخرطوم وطبعا اهلنا وصلوا من مدنى لاستقبال الجثمان استلموا الجثمان طوالى على مقابر عواض والقبر كان جاهز لانه تابوت وطبعا انت تعرف فى السودان الدفن بسرعة . قوم يا خوى عندما رجع والد البنت السعودية اكتشف انه الجثمان دة ما حق بنته واتصلوا الى السلطنة عرفوا انه الجثامين اتخلبطت . وسافر السودان خلال 24 ساعة الى السودان ومنها مدنى مقابر عواض واخرجو التابوت ورجع الى الرياض خلال 24 ساعة . وجميع التسهيلات كانت من السفارة السعودية بالخرطوم وجثمان قريبتنا رقد فى الثلاجة اكثر من اسبوعين فى الرياض ولاحظ انه الجثمان بتنا مقيمة فى سلطنة عمان والتاخير دة كلوا من عدم متابعة سفارتنا فى الرياض . وتحياتى

رحمه الله رحمة واسعة وتقبله شهيداً عنده،،، والهم زوجه وأهله الصبر وحسن السلوان.

ونسأل الله أن يأجرها في مصيبتها ويخلف لها خيرا منه

ومين ينكر طريقة تعامل موظفي مطار الخرطوم من أصغرهم إلى أكبرهم مع القادمين والمغادرين ؟

================

رحم الله الرجل وصبّر العروس / الأرملة على مصابها

اخي هشام طه انت تعال عاصم دا ما بعرفنا ولا شنو

نحن ونحن ونحن ونحن يا عاصم فقيري

Quote: درك سحيق من السوداوية احساس غريب بالنقص و الدونية واضح أن سلطات المطار لم تعلم بالغيب.............. تم تبليغهم مسبقامن قبل مندوب السفارة مندوب السفارة لم يعلم بالغيب ... واضح أن أحد المقربين من المتوفي قام بتبليغ المندوب و أوضح له موضوع وصول الزوجة إجراء أكثر من عادي و بما أن الاحساس بالنقص و السوداوية البغيضة تقفز لأذهان البعض دون وعي ! نقول لو تماثلت حالة مشابهة في مطار الخرطوم بنفس السيناريو يعني المقيم بالخرطوم غير سوداني و زوجته قادمة اليه.. كان لقت أحد النشامى أخو بنات و حلف إنها تمشي عند أهله في المنزل و يتم مواساتها و ابلاغها بالخبر و تهدأتها و استضافتهاعلى أكمل وجه وتتقبل العزاء في زوجها و يتم تلاتيب نقل الجثمان و ترافقه زوجته معززة مكرمة! هذا الذي كان سيحدث في الخرطوم

دا ما لو واحد دق صدرو وقال ليها تتمي العدة هنا دي وانا بعقد عليك

الله يديكم العافية كل السودانيين في اي مكان حتى عاصم فقيري زاتو معانا

كان الله في عوناها

والرحمة والمغفرة لزوجها وربنا يعوضه بحور عين

هي الاقدار

كل الذين هاجموا الاخ عاصم فقيرى كيزان وضنب كيزان ابتداءا من هاشم طه ومرورا بشوقى سليمان وانتهاءا ببشير احمد
ومقصد فقيرى مفهوم لديهم وده سبب هجومهم ليه !
السلطات السودانية فى اى مكان وفى اى زمان ما بتدى اى قيمة للانسان وخاصة الانسان ده لما يكون سودانى.. نعم لحد ما يتعرصوا على الاجانب وخاصة الاجانب ديل لما يكونوا من مصر ولبنان وكده !
وهنا الاخ فقيرى بيتكلم عن السلطات السودانية التى قال عنهم الطيب صالح ( من اين اتوا هؤلاء ) وليس عن الشعب السودانى , واى شخص مسئول فى النظام القائم فى السودان ما عنده علاقة باى انسانية الا فى حدود مصلحته الشخصية ومصلحة حزبه ونظامه !

كل الذين هاجموا الاخ عاصم فقيرى كيزان وضنب كيزان ابتداءا من هاشم طه ومرورا بشوقى سليمان وانتهاءا ببشير احمد
ومقصد فقيرى مفهوم لديهم وده سبب هجومهم ليه !
السلطات السودانية فى اى مكان وفى اى زمان ما بتدى اى قيمة للانسان وخاصة الانسان ده لما يكون سودانى.. نعم لحد ما يتعرصوا على الاجانب وخاصة الاجانب ديل لما يكونوا من مصر ولبنان وكده !
وهنا الاخ فقيرى بيتكلم عن السلطات السودانية التى قال عنهم الطيب صالح ( من اين اتوا هؤلاء ) وليس عن الشعب السودانى , واى شخص مسئول فى النظام القائم فى السودان ما عنده علاقة باى انسانية الا فى حدود مصلحته الشخصية ومصلحة حزبه ونظامه !

اللهم ارحمه واغفر له

اللهم عوضها زوجاً خيراً منه

شكراً لكم أخوتي

محمد محمود

أحمد حمودي

هاني عربي

خالد حاكم

ولا أنسى الأخ الصديق دكتور سيف النصر

Quote: كل الذين هاجموا الاخ عاصم فقيرى كيزان وضنب كيزان ابتداءا من هاشم طه ومرورا بشوقى سليمان وانتهاءا ببشير احمد ومقصد فقيرى مفهوم لديهم وده سبب هجومهم ليه ! السلطات السودانية فى اى مكان وفى اى زمان ما بتدى اى قيمة للانسان وخاصة الانسان ده لما يكون سودانى.. نعم لحد ما يتعرصوا على الاجانب وخاصة الاجانب ديل لما يكونوا من مصر ولبنان وكده ! وهنا الاخ فقيرى بيتكلم عن السلطات السودانية التى قال عنهم الطيب صالح ( من اين اتوا هؤلاء ) وليس عن الشعب السودانى , واى شخص مسئول فى النظام القائم فى السودان ما عنده علاقة باى انسانية الا فى حدود مصلحته الشخصية ومصلحة حزبه ونظامه !

اهو انت كده ريحت صاحبك شديد

لانه هو من الاول ومن خلال مداخلتو كان عايز يفتح
ليهو نفاش يهاجم فيهو الحكومه

لكن الجماعه كطعوها ليهو في راسو

يبقي السودان هو السودان واهله هم اهله

Quote: يبقي السودان هو السودان واهله هم اهله

الا الكيزان واذنابهم

عاصم فقيري ، لم يتحدث بسلبية عن الشعب السوداني ولم يقلل من شأن الشهامة والمروءة السودانية ، فقط تتطرق لسلطات المطار .

فكثير ما يصل الركاب لمطار الخرطوم ولا يجدون أمتعتهم ، وبالكاد تجد مسئولاً تتحدث معه لمعرفة مصير الأمتعة ، وحتى حينما تسأل المسؤول لا تجد عنده المعلومة ، وهذا مثال بسيط .

فالرجاء فهم قصد الرجل .

ودمتم جميعاً