غايتو من حسنات الانقاذ صيدليات حديثة جدا لا يوجد مثلها حتي في اروبا ( صورة )

والحق يقال

المستقبل ينبيء بحرص ناس الصحة علي صحة المواطن

لو عايزين أي حاجه
كل حاجة عند الحاجة ،
وكل حاجه عند اللزوم و الحاجة
والحاجه بتقول لازم تاخدو منها حاجه
واذا إتحججتم بأي حاجة ،
الحاجة ما مسئولة عن حاجة.
وإنشاء الله ما تصيبكم حاجه

طبعا بعد شوية ح تقول لينا لكن الأدوية ضاربة

هاهاها

الاخ صلاح
سلامات

بصدق عندما كتبت المداخلة السابقة لم ارى الصورة

على كل لو توقع الكيزان الإشادة منك
ليلهم سيطول

الاخ حامد برقو سلام
ولك التحية
وشكرا جزيلا لحسن الظن
في واحد برضو استعجل قبل الصورة رسل لي رسالة تلفونية قال لي :
الجماعة عصروك ولا شنو
ها ها ها
ومعاها ضحكة

Quote: بصدق عندما كتبت المداخلة السابقة لم ارى الصورة على كل لو توقع الكيزان الإشادة منك ليلهم سيطول

هههههههههههه

دى قلبت فيها الهوبه

ياصلاح
مش بيع الشاي والكسرة حرام على المرأة حسب لجنة برلمانية وشيخ دفع الله حسب الرسول ....
أها
بيع الدواء الرأي فيهو شنو ؟ لا بنابر لا عنقاريب ولا ترابيز ، زولة فارشة تربيزة وعليها صناديق ، سمع أضان أمس حسين خوجلي قال في حاجة اسمها الأدوية المستعملة التي تودع وتوزع من الصيادلة وزاد بأن ناس نجيريا ببيعوا الدواء بالحبة الواحدة ... الزولة دي استفادت من نظريات حسين خوجلي ...
الشفيع

الأخ صلاح جادات
السلام عليكم ورحمة الله

ههههههههههههههههه

قبل ما أدخل البوست قلت يا الهي الراجل ده عماد موسي ربطك بضنب كوز ولا شنو ، بعدين مجهز ورقة لعمل كشف لفك رباط عماد موسى ، بس الله سهل وقلت الفضيحة أم جلاجل كما يقول المصريون

لك التحية

الاخ صلاح جادات تحياتى صدق انا كنت حاسى انك حتجيب ليك مصيبة حولا بالله وصلنا للدرجة دى

اخطر حاجة انو هناك زول نافذ في وزارة الصحة ببيع عن طريق وسطاء هذه الادوية :
- في مصنع بالمنطقة الصناعية الخرطوم ياتي اليه تجار القطاعي والجملة لدفع واستلام الادوية
- البعض ياتي بعجلات والبعض بركشات والبعض بكاروهات والبعض الاخر بعربات
- يعني الحالة ليست فردية بل شغل وبزنس وتجارة لها اصول وقوانين ( مافيا )
- واحد من السريحين ( تجار القطاعي علي العجلات ) قام صور زميلو وهو وسط المولد ده في المصنع
- مسكو كسرو كسره نضيفة وكسرو الموبايل ودفعوا ليهو حقو كامل وطردوا خارج المصنع
- رقابة اشد من رقابة مفاعل ديمونة
- اي عضو جديد لازم يجي بتزكية ...... الخ

ياخي معقول بس ؟؟؟؟؟؟؟؟
يا صلاح جادات الصورة دي بتحكي تردي اي حاجة في بلدنا ..
الحاجة دي عندها أدوية تعتبر حساسة جدا ولا تعطى إلا بوصفة طبية ..
ناهيك عن انها لازم تحفظ في ظروف معينة ..

شكرا ليك والله ..

الاخ وضاح
شكرا للتعليق الظريف

Quote: هههههههههههه دى قلبت فيها الهوبه

زمان لما كنا صغار بنمشي الحكيم (طبعا نحنا ناس الخلا) بدون اي مرض. الدكتور طوالي يدينا حبوب حلوة كده زي الحلاوة و هي فعلا حلاوة (علي ما اعتقد الان) و لا تأثير صحي لها.
اظن يسمونها plausible
يعني ممكن تمشي الدكتور يكتب ليك دواء هو في الواقع ليس دواء بل مجرد جرعات من السكر او اي مادة طبيعية و لكن المريض ممكن نفسيا يحس انو اتعالج.

المقدمة دي كلها عشان داير اعرف الناس بتفتكر انو الدواء ده شنو لو بس الواحد يمشي يشتري من الشارع بالطريقة دي؟
بالنيسبة لتجار الادوية او مصانعها اعتقد الهدف الاساسي هو در ارباح و هذه الحالة لو فيهم ذرة اخلاق مفترض يبيعو للناس الــ plausible حتي لا يتتضرر الناس كثيرا من الاثار الجانبية لهذه الادوية.

Quote: لو فيهم ذرة اخلاق مفترض يبيعو للناس الــ plausible حتي لا يتتضرر الناس كثيرا من الاثار الجانبية لهذه الادوية.

Well said

الصوره دي مفبركه ...

فوتوشوب ...

( الحاجّة ) دي ما سودانيه ...

الصورة دي اتعرضت في النت قبل 5 سنين من الصومال ...

لا اقصد من افريقيا الوسطي !!!
_______________________________________
سوري يا صلاح ...

بجهز الردود المتوقعه ( للشباب ) ...

عشان ما يتعبو ... يجو يقتبسو علي الجاهز ...

الترامس دى قطع شك بكون فيها فياغرا
مش قالو اذا بليتم فاستتروا؟
بعدين يا صلاح اذا الحكومة زاتا اعلنت عن القبض على 40 طبيب مزيف
المشكله شنو يبيعو ليهم الادوية كده؟
تعيش الانقاذ ويعيش ابو قردة ويعيش مامون حميده،،،

سوق الجنينة....تردٍ بيئي خطير
والمجزومون يمارسون بيع الدواء

إبراهيم إسماعيل إبراهيم: ظل مواطن الجنينة لسنوات طويلة يعاني من تلوث البيئة ،وكأنما إصحاح البيئة ترف لدى مسئولي المحلية حتى صار الوضع البيئي بمثابة القنبلة الموقوتة ، وصار سوق الجنينة أنموذجا لملامح الانفلات البيئي ، ساعد على ذلك عدم التنظيم والتخطيط الهندسي المثالي بصورة جعلت اسواق الدجاج ملاصقة لمحلات الحلاقة والجزارة والخضروات وسوق الملابس... ونتج عن ذلك تكدس للأوساخ في الممرات الضيقة، وعلى مداخل السوق كما غدت الكباري الصغيرة الضيقة مكبات للنفايات ، وبات المواطن ينتظر فصل الخريف بلهفة حتى تساهم مياه الأمطار بعملية النظافة وإصحاح البيئة نيابة عن جهات الاختصاص من خلال جرف تلك النفايات عبر الاودية لخارج المدينة ، كما فعلت في هذا العام، ومن الصورة المأساوية في سوق المدينة صور المجزومين داخل السوق وهم يفترشون الأرض يعرضون بضاعتهم من الادوية والحبوب والحقن ،خاصة تلك التي تتعلق بزيادة أوزان البنات (حبوب السمنة) وعلى مرأى من الصيدليات ، وتبرز التساؤلات المشروعة من أين لهم بالدواء ؟وهل يمتلكون ترخيصاً؟ الصحافة خلال تجوالها استطلعت مواطنين وجهات الاختصاص :
يقول المواطن محمد آدم كرم الدين إن هنالك تردٍ في صحة البيئة ولا يحس المواطن بوجود ذراع يعني بالبيئة اما مولانا خالد عبدالعزيز فقال ان صحة البيئة عبارة عن مجاري للمياه وكباري تتراكم فيها أكوام الأوساخ وتشوف العجائب والغرائب اما إبراهيم ميزان من إعلام الاتحاد الوطني فذهب الى ان وضع البيئة محزن حيث لا توجد جهة تعمل على نظافة السوق بعد توقف احدى الشركات التي كانت تقوم باعمال النظافة. لقد باتت حياة الناس في خطر نتيجة تدهور الوضع البيئي ما يحتم على المحلية ان تعمل بتنسيق مع الشباب في مكافحة الأوساخ وعليها دعم روابط الشباب بالأحياء .
الأستاذ جعفر أحمد آدم معلم تحدث قائلا : ( لكي نعمل على إصحاح البيئة لابد من إزالة النفايات والقمامات وفيما يخص سوق المجزومين نطالب بضرورة البحث عن بديل لمعيشة هؤلاء الناس بدلاً من تجارة السميات). اما المواطنة فاطمة إسحق إبراهيم فقالت : ( بدأت المحلية بإيجار عربات لنقل الأوساخ والخريف عمل على نظافة الأوساخ وعندنا على امتداد حي الزهور والثورة توجد مجاري وبرك نناشد إدارة الصحة بإصحاح البيئة ).
الباحث الصيدليّ دكتور محمد يوسف أكد أن تجارة الدواء عبر المجزومين صارت متسقة مع سوق الجنينة، وأصبح من غير المألوف إزاحة الصور الراسخة حاليا ، مشيراً إلى جملة من المخالفات بدءً بالمجزومين الذين لا يحق لهم مزاولة مهنة الصيدلة باعتبارهم غير مختصين وناقلين للعدوى ، والمكان الذي يباع فيه الدواء غير مناسب، كما ان الدواء الذي يباع غير مسجل بالسودان وبالتالي غير مأمون الجانب، وكذلك لم يتم اختبار هذه الادوية بمعامل السودان، مؤكداً أن الأدوية تدخل من دول معروفة وتأتي ضمن ما يعرف بتجارة الدواء المغشوش Countr fict drugs ،مشيراً إلى عدم معرفة المجزومين بكيفية التخلص من الأدوية الفاسدة ، وعدم معرفة صلاحية الدواء ، مؤكداً أن بعض الأدوية التي يتم تناولها عبر الحقن لها عواقب وهنالك حالات كثيرة سجلت أضراراً لعدد من المواطنين ، وكانت معالجة الأمر صعبة للغاية ، مشيراً إلى صعوبة إزاحتهم للظروف الإنسانية المرتبطة بحالتهم الخاصة كمجزومين ، وأن أكثر رواد هذا السوق من القرى والبادية وذلك لقلة التوعية .
وعلى جوار السوق مكتب معتمد محلية الجنينة حسن أحمد مطر حيث نقلت اليه الصحافة تردي إصحاح البيئة وشكوى المواطنين من هذا السوق ،فأكد أنه ورث ورثة ثقيلة اذ لا توجد إلا عربة واحدة تقوم بعملية إصحاح البيئة كاشفا عن وضع خطة إسعافية استطاعت المحلية من خلالها البدء في عملية إصحاح البيئة وإيجار عمال للعمل في إصحاح البيئة ، معلنا عن بداية للتنسيق مع المنظمات والشرائح الطلابية والشباب من أجل إصحاح البيئة، وسوف يجلب معدات وآليات تعمل على إصحاح البيئة ونظافة الأسواق ولدى المحلية رؤية هندسية لتنظيم الأسواق. وفي هذا المجال عملت محلية الجنينة على ترحيل بعض مواقف العربات لفك الاختناق المروري، وتسهيل عملية النظافة وتخصيص للأسواق النوعية ، مؤكداً أن المجزومين شريحة من شرائح المجتمع يمارسون تجارة الدواء بالقرب من هذا السوق لعشرات السنوات وتسعى جهات الاختصاص البحث لهم عن بدائل.



http://www.alsahafasd.net/details.php?articleid=14807#14807

الاخ الشفيع
لك التحية
المستعملة البتتوزع من الصيدليات ربما ليس لها خطورة مثل هذه التي توزع من بين المراكيب

Quote: ياصلاح مش بيع الشاي والكسرة حرام على المرأة حسب لجنة برلمانية وشيخ دفع الله حسب الرسول .... أها بيع الدواء الرأي فيهو شنو ؟ لا بنابر لا عنقاريب ولا ترابيز ، زولة فارشة تربيزة وعليها صناديق ، سمع أضان أمس حسين خوجلي قال في حاجة اسمها الأدوية المستعملة التي تودع وتوزع من الصيادلة وزاد بأن ناس نجيريا ببيعوا الدواء بالحبة الواحدة ... الزولة دي استفادت من نظريات حسين خوجلي ... الشفيع

الاخ صديق الغالي وعليكم السلام ورحمة الله وبركاته
ولك التحية
- الوزغ الاجرب عماد بقي يهرب ويكذب ويفتن وقوالات
وبرضو ما بقدر يفك حبل الفضائح الربطنا فوق رقبتو

Quote: الأخ صلاح جادات السلام عليكم ورحمة الله ههههههههههههههههه قبل ما أدخل البوست قلت يا الهي الراجل ده عماد موسي ربطك بضنب كوز ولا شنو ، بعدين مجهز ورقة لعمل كشف لفك رباط عماد موسى ، بس الله سهل وقلت الفضيحة أم جلاجل كما يقول المصريون لك التحية

للامانة نحن كمجتمع سوداني ولاننا عشاق للتنظير حتى العلاج والكشف ننظر فيهو وهو ما يسمى بالعلاج البلدي
الحرجل المغلي والجردقة والكي والحلبة وبول العناق وغيرها من الجغمسات الطبية
نكشف برانا ونعالج نفسنا برانا لذلك الصورة مردها لما ذكر اعلاه اكثر من تعلقها بالحكومة

ابراهيم
ها ها ها

Quote: لو عايزين أي حاجه كل حاجة عند الحاجة ، وكل حاجه عند اللزوم و الحاجة والحاجه بتقول لازم تاخدو منها حاجه واذا إتحججتم بأي حاجة ، الحاجة ما مسئولة عن حاجة. وإنشاء الله ما تصيبكم حاجه

الاخ احمد حمودي لك التحية
البلاوي والمصائب كتيرة وربك يلطف بالشعب

Quote: الاخ صلاح جادات تحياتى صدق انا كنت حاسى انك حتجيب ليك مصيبة حولا بالله وصلنا للدرجة دى

اه والدكاتره موجودين وفى كل التخصصات
سودان السرور

شر البلية ما يضحك.


لا يقل طرافة عن الصورة، واحدة معلّقة على الفيسبوك بكلمة (up)
بترفع البوست وكده.

Up

بترفع البوست على صفحة المشارك بالفيس بوك

الاخ هشام عبادي لك التحية
- البلاوي كتيرة بس صبرك وحتشوف عجب
- تابع البوست ده وحاتشوف عجب :
وصورة اخري موجعة جدا من الخرطوم ... ( صورة )

Quote: ياخي معقول بس ؟؟؟؟؟؟؟؟ يا صلاح جادات الصورة دي بتحكي تردي اي حاجة في بلدنا .. الحاجة دي عندها أدوية تعتبر حساسة جدا ولا تعطى إلا بوصفة طبية .. ناهيك عن انها لازم تحفظ في ظروف معينة .. شكرا ليك والله ..

الاخ محجوب
لاحظ ان معظم الناس بتشتري قدر قروشها يعني شريط او نص شريط من الدواء
وده بخلي المسبب المرضي يكتسب مناعة ويكون مقاوم للادوية

Quote: زمان لما كنا صغار بنمشي الحكيم (طبعا نحنا ناس الخلا) بدون اي مرض. الدكتور طوالي يدينا حبوب حلوة كده زي الحلاوة و هي فعلا حلاوة (علي ما اعتقد الان) و لا تأثير صحي لها. اظن يسمونها plausible يعني ممكن تمشي الدكتور يكتب ليك دواء هو في الواقع ليس دواء بل مجرد جرعات من السكر او اي مادة طبيعية و لكن المريض ممكن نفسيا يحس انو اتعالج. المقدمة دي كلها عشان داير اعرف الناس بتفتكر انو الدواء ده شنو لو بس الواحد يمشي يشتري من الشارع بالطريقة دي؟ بالنيسبة لتجار الادوية او مصانعها اعتقد الهدف الاساسي هو در ارباح و هذه الحالة لو فيهم ذرة اخلاق مفترض يبيعو للناس الــ plausible حتي لا يتتضرر الناس كثيرا من الاثار الجانبية لهذه الادوية.

الاخ يحي قباني
كده طفشتهم

Quote: الصوره دي مفبركه ... فوتوشوب ... ( الحاجّة ) دي ما سودانيه ... الصورة دي اتعرضت في النت قبل 5 سنين من الصومال ... لا اقصد من افريقيا الوسطي !!! _______________________________________ سوري يا صلاح ... بجهز الردود المتوقعه ( للشباب ) ... عشان ما يتعبو ... يجو يقتبسو علي الجاهز ...

ود الموج
البلاوي كثيرة
وتعرف ربما يكون ربع اطباء السودان بشهادات مزورة

Quote: الترامس دى قطع شك بكون فيها فياغرا مش قالو اذا بليتم فاستتروا؟ بعدين يا صلاح اذا الحكومة زاتا اعلنت عن القبض على 40 طبيب مزيف المشكله شنو يبيعو ليهم الادوية كده؟ تعيش الانقاذ ويعيش ابو قردة ويعيش مامون حميده،،،

الاخ رضا
شكرا لتنزيل المعلومة القيمة التي توضح كيف هو حال الاقاليم

عبد الله شم
ربما يكون التنظير في حالات
وفي حالات الناس تكون مجبرة بفعل الفقر وعدم وجود وحدة طبية في المنطقة
فماذا يفعلوا ؟ سوف يتجهوا الي العلاج البلدي

Quote: للامانة نحن كمجتمع سوداني ولاننا عشاق للتنظير حتى العلاج والكشف ننظر فيهو وهو ما يسمى بالعلاج البلدي الحرجل المغلي والجردقة والكي والحلبة وبول العناق وغيرها من الجغمسات الطبية نكشف برانا ونعالج نفسنا برانا لذلك الصورة مردها لما ذكر اعلاه اكثر من تعلقها بالحكومة

الاخت محاسن
ده اندر تخصص ( بشر + حمير )

Quote: اه والدكاتره موجودين وفى كل التخصصات سودان السرور

الاخ ابو العزائم
حقو بكري يديها العضوية طوالي

Quote: شر البلية ما يضحك. لا يقل طرافة عن الصورة، واحدة معلّقة على الفيسبوك بكلمة (up) بترفع البوست وكده.

منتصر
الليلة قلعت من وين ليك زمن ؟
عايشة بكل احساسها مع المنبر ( تستحق عضوية )

Quote: Up بترفع البوست على صفحة المشارك بالفيس بوك

ود البشاري شكرا للصورة المعبرة
لازم يقفلوا حايشتغلوا كيف مع الباعة المتجولين للادوية
( رخيصة وحسب الطلب .. شريط .. نص شريط .. نص فتيل )
واحتمال يكون في بالجقمة

الاخ سمير الشيخ شكرا لتنزيل الصورة المعبرة
ديل كويسين علي الاقل عندهم مساعد طبي

لاحظوا الزول الواقف بالجنب اشتري شريط واحد من الحبوب
فحتي الادوية بقي فيها قدر ظروفك

الباحث الصيدليّ دكتور محمد يوسف
أكد أن تجارة الدواء عبر المجزومين صارت متسقة مع سوق الجنينة

Quote: للامانة نحن كمجتمع سوداني ولاننا عشاق للتنظير حتى العلاج والكشف ننظر فيهو وهو ما يسمى بالعلاج البلدي الحرجل المغلي والجردقة والكي والحلبة وبول العناق وغيرها من الجغمسات الطبية نكشف برانا ونعالج نفسنا برانا لذلك الصورة مردها لما ذكر اعلاه اكثر من تعلقها بالحكومة

و كلامك دا برضو يا عبد الله تنظير و كما ن تنظير غير مؤسس

التداوي بالأعشاب معروف و موجود عند كل الشعوب في العالم بغض النظر عن تنظيرك فيهم و تصنيفك لهم كعشاق تنظير او لا

و اكيد يا عبد الله زول مثقف و منظراتي زيك كدا بكون سمع بحاجة اسمها الطب البديل و الطب المكمل و الطب التقليدي

و بيع الأعشاب بغرض التداوي مباح في كل القوانين ما لم يكن هنالك استثناء (البنقو و الافيون مثلاً) ,, لكن ابداً ما ممكن دولة تسن قانون يمنع او ينظم بيع الحرجل و الحلبة سواء كان البيع بغرض الغذاء او بغرض التداوي

و دا بيختلف عن الأدوية المعدة معملياً (pharmaceutical drug) الفي كل العالم التعامل فيها ينظمو قانون و تراقبو المؤسسات الحكومية

الصورة تتعلق بالحكومة التي من واجبها تنظيم التداول في مثل هذه الأدوية بغض النظر عن عشق الشعب للتنظير او عدم عشق الشعب للتنظير (و أي كلام غير كدا بيبقى تنظير غير مؤسس)

و تنظيم توزيع الأدوية ما بس تمنع بيعها بالطريقة الفي الصورة دي لكين برضو بيشمل توفير العلاج للمواطن عبر قنوات مناسية و متخصصة و مؤهلة

السيدة القاعدة تبيع و الراجل الإشترى الشريط دعتهم الحاجة المآسة و عدم توفر العلاج بطريقة افضل من هذه و ليس لذلك ادنى علاقة بعشقهم للتنظير

الاخ حافظ
كلامك صاح وربما لايقصد الاخ عبد الله ان الاعشاب غير مفيدة بل تناولها يكون بطريقة عشوائية

Quote: و كلامك دا برضو يا عبد الله تنظير و كما ن تنظير غير مؤسس التداوي بالأعشاب معروف و موجود عند كل الشعوب في العالم بغض النظر عن تنظيرك فيهم و تصنيفك لهم كعشاق تنظير او لا و اكيد يا عبد الله زول مثقف و منظراتي زيك كدا بكون سمع بحاجة اسمها الطب البديل و الطب المكمل و الطب التقليدي و بيع الأعشاب بغرض التداوي مباح في كل القوانين ما لم يكن هنالك استثناء (البنقو و الافيون مثلاً) ,, لكن ابداً ما ممكن دولة تسن قانون يمنع او ينظم بيع الحرجل و الحلبة سواء كان البيع بغرض الغذاء او بغرض التداوي و دا بيختلف عن الأدوية المعدة معملياً (pharmaceutical drug) الفي كل العالم التعامل فيها ينظمو قانون و تراقبو المؤسسات الحكومية الصورة تتعلق بالحكومة التي من واجبها تنظيم التداول في مثل هذه الأدوية بغض النظر عن عشق الشعب للتنظير او عدم عشق الشعب للتنظير (و أي كلام غير كدا بيبقى تنظير غير مؤسس) و تنظيم توزيع الأدوية ما بس تمنع بيعها بالطريقة الفي الصورة دي لكين برضو بيشمل توفير العلاج للمواطن عبر قنوات مناسية و متخصصة و مؤهلة السيدة القاعدة تبيع و الراجل الإشترى الشريط دعتهم الحاجة المآسة و عدم توفر العلاج بطريقة افضل من هذه و ليس لذلك ادنى علاقة بعشقهم للتنظير

Quote: الاخ حافظ كلامك صاح وربما لايقصد الاخ عبد الله ان الاعشاب غير مفيدة بل تناولها يكون بطريقة عشوائية

الأخ صلاح جادات

تجياتي

الأخ عبد الله قصد أن يزيح المسؤلية عن الحكومة و أن يرمي باللوم على كاهل الشعب الذي هو في الواقع ضحية

الأخ عبد الله يريد أن يبرر الممارسة التي في الصورة بدمغ الشعب السوداني بالعشوائية و حب التنظير و دلل على ذلك بالعلاج البلدي

لم أختلف معه في فائدة التداوي بالأعشاب من عدم فائدتها - في رأيي أنا أن التداوي بالأعشاب في أغلب الأحيان لا يستند إلى دليل علمي

و لكن التداوي بالأعشاب و العلاج البلدي - بغض النظر عن إتفاقنا او إختلافنا حوله - موجود و ممارس لدي كل الشعوب تقريباً و هو ممارس ايضاً في بلدنا في الزمن السابق و لم يكن ابداً مبرراً للعشوائية في التعامل مع الأدوية الطبية الكيميائية المعدة معملياً

الممارسة التي في الصورة هي نتيجة لتهاون الدولة و مؤسساتها في القوانين التي تهتم بمصلحة المواطن و هي دليل على الدرك السحيق الذي وصلت إليه الدولة في الإهتمام بصحة مواطنيها


و لك شكري و تقديري أخي صلاح جادات

الاخ حافظ لك التحية
وشكرا علي التوضيح
ونرجو من الاخ عبد الله التداخل لتوضيح وجهة نظره

Quote: الأخ صلاح جادات تجياتي الأخ عبد الله قصد أن يزيح المسؤلية عن الحكومة و أن يرمي باللوم على كاهل الشعب الذي هو في الواقع ضحية الأخ عبد الله يريد أن يبرر الممارسة التي في الصورة بدمغ الشعب السوداني بالعشوائية و حب التنظير و دلل على ذلك بالعلاج البلدي لم أختلف معه في فائدة التداوي بالأعشاب من عدم فائدتها - في رأيي أنا أن التداوي بالأعشاب في أغلب الأحيان لا يستند إلى دليل علمي و لكن التداوي بالأعشاب و العلاج البلدي - بغض النظر عن إتفاقنا او إختلافنا حوله - موجود و ممارس لدي كل الشعوب تقريباً و هو ممارس ايضاً في بلدنا في الزمن السابق و لم يكن ابداً مبرراً للعشوائية في التعامل مع الأدوية الطبية الكيميائية المعدة معملياً الممارسة التي في الصورة هي نتيجة لتهاون الدولة و مؤسساتها في القوانين التي تهتم بمصلحة المواطن و هي دليل على الدرك السحيق الذي وصلت إليه الدولة في الإهتمام بصحة مواطنيها و لك شكري و تقديري أخي صلاح جادات