إنها ظواهر مزعجة ( توجد نماذج ........ .......... م أهل الكثيرين في السودان )

هل فعلا تكره الزوجة اهل زوجها؟

Quote: اتهامات الرجل للمرأة حول الكثير من أمور الحياة، أما الاتهام الذي وجه لها من قبل الرجل هذه المرة فهو أن النساء يكرهن أهل الزوج مهما قدموا لهن من مساعدات، أو تصرفوا معهن بحسن نية أو بطيبة. «سيدتي» وجهت هذا الاتهام إلى شريحة من النساء المتهمات والرجال أيضًا وكانت إجاباتهم متفاوتة. بداية، روى عبد العزيز معاناته مع زوجته وكرهها الدائم لأهله قائلاً: «تزوجت منذ عامين، ومازال كره زوجتي لأهلي موجودًا، بل أصبح مع الأيام يتضاعف، فهي تسعى لخلق المشاكل أو تفسير أي كلمة تصدر منهم على حسب مزاجها، وبدا ذلك الكره واضحًا للجميع، ويلاحظونه في التجمعات الأسرية وأثناء زيارتهم لها بالمنزل، مع أن والدتي وشقيقاتي يتعاملن بكل ذوق معها، لكن المشكلة تكمن بتفكير زوجتي هدى التي تعتقد أن أهل الزوج دائمًا يكيدون لزوجة ابنهم، ومن المستحيل أن يكونوا طيبين معها، والمشكلة أن الزوجة دائمًا تكره أهل الزوج من دون مبرر». رجال يتهمون: الفنان عبد الرحمن الخطيب من خلال تجربته مع زوجته يقول: «بالغ عبد العزيز باتهام النساء أنهن يكرهن أهل الزوج، وقد تكون هناك فئة ولكن بسيطة، ويجب ألا يعمم». ويضيف قائلاً: «من خلال تجربتي لاحظت أن زوجتي كانت تتحمل أشياء كثيرة، ولا تضخم الأمور مع أهلي وحتى لو كانت هناك أخطاء واجهتها منهم كانت تتذكرهم بالخير دائمًا، ما جعل حبل المودة والحب والاحترام بينهم يكبر يومًا بعد يوم وسنة بعد سنة. لا أعلم هل لأن زوجتي كانت طيبة جدًا، واستطاعت أن تحتوي جميع المواقف بعقلانية إلى أن زالت ولم يصبح لها وجود أم لأن تعاملي كزوج وإنصاف للطرفين الزوجة والأهل كان السبب بعدم وجود كراهية بينهم، فقد كنت أحاول أن أعدل بالاهتمام بين زوجتي وأهلي، وكنت أفصل بين علاقتي بالاثنين، والحمد لله مرت السنوات وكل شيء على ما يرام، ونتج عن ذلك علاقة قوية ومتينة بين الطرفين، زوجتي وأهلي». يخالفه الرأي الإعلامي محمد المقبل، ويرى أن هناك حساسية بعد الزواج من قبل أهل الزوج، وقد يكون ذلك هو سبب كره هدى لأهل زوجها، وصدق عبد العزيز باتهامه لها بكرههم، وقد يكون الأهل هم السبب في ذلك الشعور أو التصرفات التي تتصرفها زوجته، ويقول: «إن ثمة حساسية تحدث بعد الزواج من قبل أهل الرجل تجاهه، وتجاه زوجته بالأخص، فيتصور الوالدان، وبخاصة الأم، أن هذه الزوجة قد سلبت ابنهم منهم وما إلى ذلك من تصورات، ولتفادي حدوث ذلك من وجهة نظري ومن خلال تجربة يجب على الزوجين أن يدركا عدة أمور، أولها أن يعلم الرجل أن أولى الناس بالاهتمام والإرضاء أمه بالدرجة الأولى ثم أبوه ثم زوجته، كما يجب مداراة الأم بعد الزواج، وإظهار هذه المداراة وإشعارها بها، وكذلك على الرجل تحمل أخطاء أمه والصبر على تجاوزاتها ومقابلة الإساءة منها بالإحسان، وأن يأمر زوجته بذلك، وأن تصطنع المحبة إن لم تكن فعلاً تحبهم، وأكرر أن الأهل سبب في كره الزوجة لأهل الزوج». نساء يجبن بغضب: الفنانة وجنات الرهبيني قالت بغضب: «لو كان كلام عبد العزيز واتهامه صحيحين فهو السبب بما تشعر به زوجته هدى من كره لأهل زوجها؛ لأن الرجال هم سبب تشتت الأسرة بعد الزواج». وتضيف: «أتذكر عندما تزوجت والد أبنائي _يرحمه الله_ سكنت مع أهل زوجي، ودخلت على عائلة كبيرة، كان الرأي فيها جماعيًا بكل أمور حياتنا، وكنت أخجل حتى أن آكل قبل أن يأذنوا لي، فالمرأة دائمًا مطيعة لأهل زوجها مهما كانت طباعهم، وأنا أعتقد أن الزوج هو المسؤول عن الخلافات التي تنشب بين المرأة وأهله، وتعتمد بالدرجة الأولى على قوة شخصيته وضعفها، ولا ننسى أن الرجل اعتاد على رمي مصائبه وأخطائه على المرأة، وهو دائمًا يتهم المرأة وهي لا ذنب لها بأمور كثيرة، قد تكون بالحياة بسبب عدم امتلاكها للحكمة والرأي وحسن التصرف بالأمور». أما الإعلامية إيمان المنديل فلا تعتقد أن عبد العزيز محق باتهامه لهدى، وتقول: «من وجهة نظري لكل فعل ردة فعل، فإذا كان أهل عبد العزيز حاولوا احتواء هدى من البداية واعتبروها كابنتهم لما كانت كرهتهم بالصورة التي رآها عبد العزيز. وصدقوني لو احتووها فسيكونون بنظرها الأهل والأقرب لها، ولكن للأسف أحيانًا أهل الزوج يتصيدون على زوجة ابنهم كل صغيرة وكبيرة، لذلك يولد ذلك كرهًا تجاههم، ويعود كذلك إلى تربية كل امرأة؛ فإذا كانت بمنزلها اعتادت من والدتها احترام أهل الزوج، وتربت على ذلك فهي ستطبق ما رأته بالمستقبل إذا تزوجت مع أهل زوجها حتى لو لم يكونوا يعاملونها بلطف، لكن لا مبرر لاتهام الرجل لزوجته بكره أهله وتعميم ذلك على جميع الزوجات». وتشاركها الفنانة أمل حسين الرأي، وتستنكر تعميم عبد العزيز من خلال تجربته مع زوجته هدى وكرهها لأهله، وترى أن التعميم بأي أمر خطأ، وتعتقد أنها عادات وتقاليد تعودت عليها الزوجة، والصراع بين الكنة والحماة توارثته النساء، وتقول: «أحيانًا تأخذ الزوجة فكرة قبل زواجها بأن تكون حذرة من حماتها وأقل نقاشًا حول أي موضوع يحدث بنهايته صراع بين الزوجة وأهل زوجها. وأعتقد أن كل هذه الأمور والصراعات تكون تراكمية نفسية؛ بسبب العادات والتقاليد التي تربت المرأة عليها، وكذلك قد يكون السبب من الأم التي لا تحب أن يبتعد ابنها عنها فتغار من زوجة ابنها، وهنا يأتي دور الزوج الذي يجب أن يكون صمام الأمان بين أهله وزوجته، وهو يجب أن يتفهم حتى لا يحدث عراك بينهما. والزوجة عندما تحب زوجها نجد أنها تحب أهله وتحترمهم حتى لو وجدت بعض المضايقات منهم».

مخموش من : C:\Users\altyeb\Documents\هل الزوجات يكرهن اهل الزوج ؟.mht

انها ظواهر إجتماعية افضت الى عدم استقرار الكثير من الاسر السودانية وغيرها

الدعوة للجميع للنقاش الموضوعي حول هذا الموضوع .

شوفو الزول محنو،غاب داير اجيب ليهو قليلة معاهو...
الامات والزوجات ،سمن علي عسل،مبسوطات ومتفاهمات.
يعني ما لقيت الا الملف ده ،،شوف قدام.

Quote: شوفو الزول محنو،غاب داير اجيب ليهو قليلة معاهو... الامات والزوجات ،سمن علي عسل،مبسوطات ومتفاهمات. يعني ما لقيت الا الملف ده ،،شوف قدام.

اي سمن على عسل


لكن اوصيك بالاتي يا عزو : لو حصل اي سيك ميك بين زوجتك واهلها قوم قول ليها انا اليوم متغدي مع ناس امي وتقوم تغشى السوق وتشيل ليك معاك بنّات لأمك قول ليها ، يا امي ، ام اولادي مشت السوق ولقت عينة بن حبشي ، وعمرها ما شافت عينتو في السودان وطوالي حلفت على قالت لي لازم تودى البن دا لامك خليها تشوفو.

اها وقت تجي راجع من امك - يا عزو - تغشى السوق تاااااني وتشوف ليك فتيل عطر باريسي ولعة بس . ولما تجي البيت داخل كون مبتسم عشان لو جيت صار وشك زوجتك بتقول قطع شك حرضوك عليها . المهم مع ابتسامتك الحلوة طوالي مد الفتيل لزوجتك وقول ليها بختك ايامك هابة الفتيل دا جابوا هدية لامي من المدينة المنورة وحلفت قالت مافي حد يستاهل الفتيل دا غيرك انت .

وطوالي تكون شغال كدا لحدى تتلحس

اولا حمدا لله على سلامتكم ابن العم العزيز

بعدين بنرجع ليك

وشكرا

ود الباوقة ود عمي

كيفك يا العشاء

والله متابع شكر عدوك ليك وعاجبني ليك بالحيل

كان بقيت كدا كلنا بنبقى كيزان يا اللخو

Quote: لكن اوصيك بالاتي يا عزو : لو حصل اي سيك ميك بين زوجتك واهلها قوم قول ليها انا اليوم متغدي مع ناس امي وتقوم تغشى السوق وتشيل ليك معاك بنّات لأمك قول ليها ، يا امي ، ام اولادي مشت السوق ولقت عينة بن حبشي ، وعمرها ما شافت عينتو في السودان وطوالي حلفت على قالت لي لازم تودى البن دا لامك خليها تشوفو. اها وقت تجي راجع من امك - يا عزو - تغشى السوق تاااااني وتشوف ليك فتيل عطر باريسي ولعة بس . ولما تجي البيت داخل كون مبتسم عشان لو جيت صار وشك زوجتك بتقول قطع شك حرضوك عليها . المهم مع ابتسامتك الحلوة طوالي مد الفتيل لزوجتك وقول ليها بختك ايامك هابة الفتيل دا جابوا هدية لامي من المدينة المنورة وحلفت قالت مافي حد يستاهل الفتيل دا غيرك انت .

أنت

ما تكتر غيابك تاني عشان ما يبقي عادي

سيد احمد السنجك

قلت لي دا الشغل؟

ياخ الدبلوماسية دي الا عند ناس المحجوب وجمال محمد احمد ومنصور خالد؟

هلا يا شيقوق

موضوع مهم جدا ويجب ان يتناقش بكثافة,,

د. بيان

Quote: موضوع مهم جدا ويجب ان يتناقش بكثافة,,

اها انت هسه لما ترجعي السودان ما بتصري ليك حاجة لعول اب جناك؟

ياخ دا موضوع كبير جدا تسبب في كثير من حالات الطلاق وتشتيت الاسر والعياذ بالله

كيفك وكيف اخبار واخبار سنار وسنجة
الاستطلاع يبدو لي لايخص السودانيين
ناس مقبل ورويني ومنديل لا اعتقد انهم سودانيين
وهذا لايعني ان مثل هذه الظواهر لاتهمنا
فهي كثيرة جدا
لكن انا ارى ان السكن المشترك هو احد الأسباب الرئيسة في الخلافات والمشاكل
الواحد لو وجد له غرفة واحدة من طين
افضل الف مرة من ان تسكن في بيت فخم مع عائلة كبيرة
في مرة من المرات أتاني ابن أختي
وقال يريد ان يبني في الحوش مع أمه
وقلت له هذه اختي ويهمنا أمرها كثيرا
ولكن نصيحتي لك طلما لديك قطعة ان تبني منفردا
المهم الراجل خرت يده وبنى وسط الحوش
وبعد اقل من سنة بدا يشتكي من الازعاج 00 وهلمجرا كما يقول المهدي
الآن ترك البيت بكل مافيه
ورجعت حليمة لعادتها القديمة حيث بنى بيت آخر
السكن المستقل لاينهي المشاكل
ولكنه يقلل منها كثيرا

ابو حراز

كيفك ياخ وكل عام وانت وجميع اهلنا ناس ابو حراز في اماني الله

Quote: الاستطلاع يبدو لي لايخص السودانيين ناس مقبل ورويني ومنديل لا اتقد انهم سودانيين وهذا لايعني ان مثل هذه الظواهر لاتهمنا فهي كثيرة جدا لكن انا ارى ان السكن المشترك هو احد الأسباب الرئيسة في الخلافات والمشاكل الواحد لو وجد له غرفة واحدة من طين افضل الف مرة من ان تسكن في بيت فخم مع عائلة كبيرة في مرة من المرات أتاني ابن أختي وقال يريد ان يبني في الحوش مع أمه وقلت له هذه اختي ويهمنا أمرها كثيرا ولكن نصيحتي لك طلما لديك قطعة ان تبني منفردا المهم الراجل خرت يده وبنى وسط الحوش وبعد اقل من سنة بدا يشتكي من الازعاج 00 وهلمجرا كما يقول المهدي الآن ترك البيت بكل مافيه ورجعت حليمة لعادتها القديمة حيث بنى بيت آخر السكن المستقل لاينهي المشاكل ولكنه يقلل منها كثيرا

صحيح الاستطلاع ليس بسوداني لكن المعطيات متماثلة اينما كنا

و حقيقة السكن المشترك هو احد اسباب الصدام

يديك العافية

السكن المنفصل للاسرة الكبيرة والأسرة الصغيرة ، هو مفتاح الحل

سلام اخي هاني

Quote: السكن المنفصل للاسرة الكبيرة والأسرة الصغيرة ، هو مفتاح الحل

كلامك سليم جدا لكن والله في امات كان سكّنت زوجتك في مثلث برمودة يحصلنها

وفي زوجات كان كسيت امك توب ساي تاني عييييييييييييييك .... قدحة بس

Quote: [Bشوفو الزول محنو،غاب داير اجيب ليهو قليلة معاهو...

أها يا عبد العزيز
سعادة اللواء عمر قال ليهم خلوه مع صدمة الجلاكسي
قاموا صحّوه!

ـــــــــــــــــــــــــــــــ
الأمُّ سليلة أمهرا
والوالِدُ من قلب أثينا

جنابو ود المكي

حبابك عشرة - والله كنت منجم ومرتاح اتلحني ود الشبلي لهمني المنبر وكمان عملت بوست بقيت حابسو زى ###### القنيص زى ما قالت خالتو وضاحة

Quote: الأمُّ سليلة أمهرا والوالِدُ من قلب أثينا

حليك يا محمد سعد دياب امانة ما كنت فحلا وصاف بالحيل

الخال - عينة البوستات دى ولا بتحرك ليك فيهو شعرة - باقي لي الامور محكم صيانتها تماما - اكان دخلت عليهو ما بتسمع بغم اصلا .

لنا عودة

ود شيقوق
كل عام وأنتم بخير ..وعام جديد يعود عليك بالتخا والرخا وجنبك هذه الظواهر من البردانة لجليدات يازول الأمور سالكة ..ناس جليدات ديل معاي في البيت بجيبوا خبر الصعيد بالتفاصيل المملة ..يازول كن بخير

عبد الرحمن الحلاوي - كل عام انتم بالف خير - تحياتي لجميع اهلنا ناس جليدات

هلا هلا آ المسنينيح
بقيت تقدم فوق النصائح اللت صدع الرأب ولا شنو كدا ما عارف
في البكانات الساخنة بين الحبيبة والنسيبة
هلا هلا
أها وإن بقتن تلاتي أربعة
إن العمل
أكمل يومي جت مساسقي



والله ليك وحشة نجيضة
تنجض أباليسك جت



وبرضك
تحياتي، محبتي واحترامي

بلة ود الفاضل

سلام

Quote: أها وإن بقتن تلاتي أربعة إن العمل أكمل يومي جت مساسقي

هههها آآآآآآآآآآآي تحوم زى جمل العصارة - وكل واحدة تتحكر جنبها وتقول ليها الغريبة الساعة جنبك تبقى اقصر من دقيقة وهي الساعة جنبها جمرة نار بس .

حبيبة الكل سلمي الشيخ سلامة

Quote: الحمد لله الذى جعلنا على طنقوق رقبتنا

ويييييييييييييين؟ جايين احفادك اولاد عزة اصلو سيك سيك معلق فيك .

شيقا
ويا حبوبة سلمى الشيخ سلامة .... طولتي الغياب ، كل سنه وإنت طيبة.

أشاعت المسلسلات المصرية أن زوجة الإبن في حالة كراهية وعداء
دائم مع أم زوجها ( حماتها ). كما برع رسامو الكاريكاتير في تصوير
الحماة المتسلطة على زوجة إبنها، واستحكم الأمر في عقول القوم حتى
صار ثقافة تسير بها النُّكت والحكايات والفوازير ، وفي تقديري إن الأمر موجود
في مصر ، ولكنه ليس بالدرجة المبالغ فيها التي تصورها المسلسلات والأفلام
والكاريكاتيرات.
بالنسبة لنا فإن الأمر في تقديري يختلف عن ما هو في مصر، روح الأسرة
الإلفة الشديدة بين الناس إن كانوا أهل أوجيران ، أو مساكننهم في الحي ، ودائماً
بنستحي من النسابه لما يكونوا أغراب ، والأمر إن وُجِد فهو في حدود ضيقة.

إلا مسؤولين من الخير؟
هل العلاقة بتكون (عسل ) بين الزوجة وحماتها، لما يكون الزوج قريب ؟ ولا لما يكون غريب؟

يا جنابو

اصبحت طيب انت؟

Quote: هل العلاقة بتكون (عسل ) بين الزوجة وحماتها، لما يكون الزوج قريب ؟ ولا لما يكون غريب؟

بس الغرباء ذاتم خشم بيوت يا سعادتك

في الغريب الاجنبي وفي الغريب السوداني

اها انت بتقصد اي غريب ؟ لانو لاي منهم خصائصه ولونيته وطعمه

ورينا - يا جنابو - عشان الجماعة يتكرموا بالرد وهم على هدى من امرهم - ما تخمنا ساي .

الأخ الفاضل \ شيقوق وضيوفك الكرام ...

تحياتي واحتراماتي ...

والله يا شيقوق يا خوي وبكل أسف مشيت السودان لقيت مشاكل الزوجة واهل الراجل
بقت دقة قديمة المشاكل بقت بين الاخوان والام والابو والاخوات والعائلة وجميع الاسر
السودانية اصبحت حياتهم جحيم لدرجة كل فرد فرز عيشتو عمل ليهو غرفة وحوش
وما طايق التاني . غايتو دي الظواهر المزعجة عندنا ولا احتمال عشان معظم الناس
المشيت ليهم لقيتهم زوجات اولادهم طلقوهن ومافي زول اختلفوا معاهم غير بعض برضو
احتمال !!!! ومشكور علي الموضوع المهم .

الاخت منى عمسيب

اولا لك بالغ اسفي في تاخير الرد والسبب في ذلك يعود الى عدم رؤيتي لتلك المداخلة الا الان والله

فلك منى العتبى حتى ترضى

Quote: والله يا شيقوق يا خوي وبكل أسف مشيت السودان لقيت مشاكل الزوجة واهل الراجل بقت دقة قديمة المشاكل بقت بين الاخوان والام والابو والاخوات والعائلة وجميع الاسر السودانية اصبحت حياتهم جحيم لدرجة كل فرد فرز عيشتو عمل ليهو غرفة وحوش وما طايق التاني . غايتو دي الظواهر المزعجة عندنا ولا احتمال عشان معظم الناس المشيت ليهم لقيتهم زوجات اولادهم طلقوهن ومافي زول اختلفوا معاهم غير بعض برضو احتمال !!!! ومشكور علي الموضوع المهم .

المشاكل بين الاخوان والام والاب والاخوات والعائلة دى تعتبر حالات استثناية وان حصلت بين الاخوان فغالبا يكون السبب هو زوجاتهم وربما اولادهم احيانا

نواصل

النسيه و الزوجه و اخوات الزوجه. عدة نساء يحببن نفس الرجل لاسباب مختلفه و من هنا المشكله. العائله السودانيه في معظم الاحوال يعتمدون علي الولد ماديا عشن كده بزواج الولد بيشعروا ان الامان المادي ممكن ينتهي و انه حيقصر فيهم و السبب بت ال###### الدخلت حياته. احينا بتكون قريبتهم او اختيارهم لكن برضه بشوفوها العدو الكبير. جارتنا كانت بتقول ما تعرسوا راجل عنده كرفته و كرور عده. الكرفته امه بتكون ماسكه رقبته طوالي و طاعتها واجبه و كرور العده اخواته. دايما محتاجين ليه و هو المسكين بين ديل و ديل حيران و اصله كبيدته وا ورمها. لي عوده.

شيقوق يا لذيذ طبعا مخك نضيف شارب لبن ألبل وماكل التمر بالهين
وقاعد سلطان فى السلطنه بتمشى السودان يا أك وتجى راجع
أمك وأبوك فى القواسمه وأم العول فى أمدرمان أها الإسكايب أمدرمان
وبالتلفون للقواسمه وبتسوى فى شغل فتيل ريحتك دا ياخ إنت متزوج من
المهديه أطلع منها ياخ ولك السلام

Quote: مخموش من

ناس الضهاري نضميهم ظاهر مهما تدثروا بالثقافة هاهاها!!!!
وينك يا راجل يا شفيف مطول الغيبة، الشوق بالأرادب....

كل عام وأنت والأسرة والأهل وناس البردانة وعموم الدندر بألف خير.

تحياتي

العمدة ود الخليفة

كيفك وكيف عولك؟

Quote: ناس الضهاري نضميهم ظاهر مهما تدثروا بالثقافة هاهاها!!!! وينك يا راجل يا شفيف مطول الغيبة، الشوق بالأرادب....

خلى نضمي ناس الضهاري دا - ات ماك متكاملنا تاني بجاي؟

صاحبك دموك الليل ود حاج النور يا الطيب .
في زيارتو لي نسيبتو البريدة وبتريدو . حلف الا يشيل
معاو نص شوال دوم من دوم نهر عطبرة المكان دأك .
بعد السلام والمطايبات سألتو :
هي يا ولدي التعب ده شنو ؟ هسع الفي الشوال ده دوم ؟
زولك برم شنباتو وقالها : نان عاد جايبلك Laptops ؟ ههههههها

( يا الطيب يا أخوي في شاعر ايطالي قال : لو لا النسيبة كان أي زول مشيء علي عجل الحديد ) شايف

عثمان موسى -

الزول الهدي و رضي والبتاكل وبتقش في طرفو

كيفك انت؟ وعولك ناس نهر النيل ؟

Quote: صاحبك دموك الليل ود حاج النور يا الطيب . في زيارتو لي نسيبتو البريدة وبتريدو . حلف الا يشيل معاو نص شوال دوم من دوم نهر عطبرة المكان دأك . بعد السلام والمطايبات سألتو : هي يا ولدي التعب ده شنو ؟ هسع الفي الشوال ده دوم ؟ زولك برم شنباتو وقالها : نان عاد جايبلك Laptops ؟ ههههههها

ههههههههههههههها نان هو زولك ساهل يا عثمان اخوي؟

Quote: ( يا الطيب يا أخوي في شاعر ايطالي قال : لو لا النسيبة كان أي زول مشيء علي عجل الحديد ) شايف

زولك دا فضل ليهو يقول لينا النسيب عين شمس ( يعني ما بتقدر تملأ عينك فيهو من الاستحاء والاحترام ليهو )

ود المفتاح يا عنكوليب فداسي

كيفك انت؟

Quote: شيقوق يا لذيذ طبعا مخك نضيف شارب لبن ألبل وماكل التمر بالهين وقاعد سلطان فى السلطنه بتمشى السودان يا أك وتجى راجع أمك وأبوك فى القواسمه وأم العول فى أمدرمان أها الإسكايب أمدرمان وبالتلفون للقواسمه وبتسوى فى شغل فتيل ريحتك دا ياخ إنت متزوج من المهديه أطلع منها ياخ ولك السلام

ههههههههههههههها مسنوووووح الله يجازى محنك يا هامل اميركا

ياخ ارجع عولك السقط دا .... ام اهلك

Dania Malik

Quote: النسيه و الزوجه و اخوات الزوجه. عدة نساء يحببن نفس الرجل لاسباب مختلفه و من هنا المشكله. العائله السودانيه في معظم الاحوال يعتمدون علي الولد ماديا عشن كده بزواج الولد بيشعروا ان الامان المادي ممكن ينتهي و انه حيقصر فيهم و السبب بت ال###### الدخلت حياته. احينا بتكون قريبتهم او اختيارهم لكن برضه بشوفوها العدو الكبير. جارتنا كانت بتقول ما تعرسوا راجل عنده كرفته و كرور عده. الكرفته امه بتكون ماسكه رقبته طوالي و طاعتها واجبه و كرور العده اخواته. دايما محتاجين ليه و هو المسكين بين ديل و ديل حيران و اصله كبيدته وا ورمها. لي عوده.

والله ويعلم الله تشخيص وتحليل صاح 100%

البيطلع من الكلام دا الا عايز يفلسف الامور ساي

بالله تأملوا في العبارة دى وبس

Quote: (النسيبه و الزوجه و اخوات الزوجه. عدة نساء يحببن نفس الرجل لاسباب مختلفه)

الله ينصر دينك يا دانيا بت الحوش

Quote: [B ما تعرسوا راجل عنده كرفته و كرور عده [/QUOT وقطعت دانيا قول كل خطيبِ

---

Post: #31 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: محمد فضل الله المكى Date: 01-08-2014, 07:28 AM Parent: #30 Quote: [Qهل العلاقة بتكون (عسل ) بين الزوجة وحماتها، لما يكون الزوج قريب ؟ ولا لما يكون غريب؟ دانيا قالت شِنو؟

---

Post: #35 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: الطيب شيقوق Date: 01-08-2014, 08:24 AM Parent: #31 جنابو ود المكي Quote: دانيا قالت شِنو؟ دانيادي خليها طاب نجضت الشغل بالحيل - انت وين رد على استفساراتنا اعلاه ؟

---

Post: #36 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: الطيب شيقوق Date: 01-09-2014, 05:34 AM Parent: #35 نواصل

---

Post: #37 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: محمد فضل الله المكى Date: 01-09-2014, 05:43 AM Parent: #36 منتظرين دانيا تقول قوله بعدين بجيك ؟

---

Post: #38 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: Dania Elmaki Date: 01-09-2014, 07:40 AM Parent: #37 تعالوا نمسكها واحده واحده. اولا السكن مع اهل الزوج دي اول مشكله بالضافه لانه البنت بتدخل علي معركه لان كثرة الاختلاط بتجيب الغلط. حبوبه وصتنا كلنا انه مافب داعي لسلام بلا غرض و طيبين بلا مرض و ادونا بيضه و ناولونا حبة ويكه. لانه في النهايه انت زوجة الولد و علاقتك حساسه جدا و خصوصا في البدايه لازم تضعي قواعد التعامل و اللطافه و الظرافه و ما تختي في بالك انهم اعداء و تخشي خشة قندران. ارفعي رجلك من الابنص شويه و خشي حبه حبه و جره جره لمن تعرفي الناس ديل شنو. و كيف تتعاملي معاهم. اياك و النقه و اياك و نقل الكلام ما تبقي مرا قواله خشمي خفيف و شلاليفك الرهاف ديل لميهن عليك. و ما تبقي مرا مهجومه الضيوف في خشم الباب و انت بدل ماترحبي بيهم لجوا بتكوني بتفكري في تقدمي ليهم شنو عشان بيتك يابس. ما تكوني حوامه ولا نوامه. اليوم كله من بيت ام كروش لبيت ام مصارين. ما تبقي تجم و دمك تقيل خليك ظريفه و بسامه. اهل الراجل في البدايهيتصيدوا اخطاء العروس. ما بتعرف تطبخ ما بتعرف تلبس الخ الخ. عسان كده تسكن براها بتستر عسوبها لمن تتعلم امور البيت.

---

Post: #39 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: محمد فضل الله المكى Date: 01-09-2014, 08:18 AM Parent: #38 Quote: and#202; عشان كده تسكن براها بتستر عيوبها لمن تتعلم امور البيت. ما عندو إمكانيات عشان يفرِز ليها عيشتها من قولت تيت يا دانيا!؟ لكن يجب أن لا يستمر الوضع كِده لحد بِتَّهُم البكر تعرس. شيقا قال شِنو؟

---

Post: #40 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: الطيب شيقوق Date: 01-09-2014, 09:39 AM Parent: #39 Quote: شيقا قال شِنو؟ نان كلام دانيا دا كلوووو ما كفاك يا كمندان ؟ المبروكة دي قالت ليك ولكل المهتمين بهذا البوست :- Quote: تعالوا نمسكها واحده واحده. اولا السكن مع اهل الزوج دي اول مشكله بالضافه لانه البنت بتدخل علي معركه لان كثرة الاختلاط بتجيب الغلط. حبوبه وصتنا كلنا انه مافب داعي لسلام بلا غرض و طيبين بلا مرض و ادونا بيضه و ناولونا حبة ويكه. لانه في النهايه انت زوجة الولد و علاقتك حساسه جدا و خصوصا في البدايه لازم تضعي قواعد التعامل و اللطافه و الظرافه و ما تختي في بالك انهم اعداء و تخشي خشة قندران. ارفعي رجلك من الابنص شويه و خشي حبه حبه و جره جره لمن تعرفي الناس ديل شنو. و كيف تتعاملي معاهم. اياك و النقه و اياك و نقل الكلام ما تبقي مرا قواله خشمي خفيف و شلاليفك الرهاف ديل لميهن عليك. و ما تبقي مرا مهجومه الضيوف في خشم الباب و انت بدل ماترحبي بيهم لجوا بتكوني بتفكري في تقدمي ليهم شنو عشان بيتك يابس. ما تكوني حوامه ولا نوامه. اليوم كله من بيت ام كروش لبيت ام مصارين. ما تبقي تجم و دمك تقيل خليك ظريفه و بسامه. اهل الراجل في البدايهيتصيدوا اخطاء العروس. ما بتعرف تطبخ ما بتعرف تلبس الخ الخ. عسان كده تسكن براها بتستر عسوبها لمن تتعلم امور البيت. المهتمون بهذا البوست اعدادهم لا تحصى لكون القضية هذه داخلة اي بيت مهما ادعى من يوتوبية في التعامل الاسري . بس - يا سعادتك ويا استاذة دانيا - احب اضيف حاجة وهي ان المنافع المشتركة بتزيد من الاحتكاكات والمشاكل . انا حاسي وكاننا اختزلنا القضية في فرضية واحدة متمثلة في السكن المشترك . الراي عندي هو حتى مع غياب هذه الفرضية ، وان تبعادت المسافات ، فان احساس الكراهية سيظل موجود . واي ضحكات او ابتسامات متبادلة بين الاشخاص المعنيين بتكون مصطنعة ومجرد تجمل لكن الجوة مولع نار. في تقديري المتواضع - هو ان ما يحدث في هذا الشان ، سواء بيننا نحن معشر السودانيين او غيرنا من الشعوب ، لهو امر يمكن تصنيفه من قبيل المجرى العادي لطبائع الاشياء - ومن ثم علينا ان نسلم به كازمة طبيعية في حاجة لفنون ومهارة اي اسرة في إدارتها بغية التقليل من غلوائها واثارها السلبية التي قد تكون اجتماعية وعاطفية وتربوية .

---

Post: #41 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: الطيب شيقوق Date: 01-09-2014, 09:57 AM Parent: #40 بعدين يا اخوانا في حاجة غريبة جدا في النفس البشرية دي - يعني - مع افتراض وجود كراهية بين اهل الزوج والزوجة حيث لا يمكن اطلاق تعميم هذه الحالة على جميع الاسر ، فالغريب في الامر نجدهم جميعهم يجمعون على حب الخير لابناء الزوج والزوجة. وفي راي كلما تزايد عدد الابناء وتهيأت لهم سبل التواصل مع اهل ابويهما كلما زاد دور هولاء الابناء في زراعة حب صادق بين الزوجة واهل زوجها. وعلى العموم فالابناء هم صنّاع الحب المتأخر بين الزوج والزوجة الذين لم يكن الحب اساس علاقتهما الزوجية _ اقصد ناس غطي قدحك - يا جنابو ود المكي

---

Post: #42 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: الطيب شيقوق Date: 01-09-2014, 10:00 AM Parent: #41 Galal E Omar Quote: .. حياك الله و بياك يا جميل .. المسألة عندي محتاجة الي تحكيم العقل و تفهم مواقف وظروف الشريك و ليس العاطفة التي تحتمل الانانية .. اهلنا زمان قالو الكرم مرة .. اكرمها تكرمك وتكرم ابو اهلك زاتو صدقت يا عزيز والف شكر على الطلة من نافذة الفيس بوك

---

Post: #43 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: الطيب شيقوق Date: 01-09-2014, 10:13 AM Parent: #42 الولد الناجح بعد يكبر وربنا يسّر ليهو في الرزق بقوم بطبق امه وزوجتو بتلهم بيهم ارض الحجاز . اها دى كمان فرصة تانية للزوجة الناجحة تكون لقت ليك النسيبة مطرفة برااااااااااها ومنقطعة في ارض الحجاز بعيدة من بناتها بتاعات الشمارات عشان تورى نسيبتها معدنها الحقيقي من الاهتمام بيها في كل شيئ - اي كل شيئ يا دانيا - نامن تأمن ذاتا وتعرف انو الكلام البقولوا في زوجة ولدها دي مكايدات ساي . طبعا في نوع من النسيبات اكان اكلوها في خشمها ما بجيب فيها خبر لانها مبرمجة برمجة تمام الحج اصلا ما بيعمل ليها فورماتنغ .

---

Post: #44 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: معاوية المدير Date: 01-09-2014, 10:27 AM Parent: #42 Quote: فتيل عطر باريسي ولعة بس .مد الفتيل لزوجتك ... الفتيل دا جابوا هدية لامي... قالت مافي حد يستاهل الفتيل دا غيرك انت . سلآمات يا قريبي، وبركة الجيت. فتيل !!!... يا اخي طممت بطني عديييل كدا. يا عربي قول قارورة عطر. نزار قباني قال، وكيف حطمتِ إناء طيبٍ. فتيل !!!، قااااادر الله في ملكوا العظيم. دي زي أفقعولكم جنا جدادات للضيف الجا دا. يا أخوي البركة في شوفتك، لكن وكت تنضم أطرا معاك ناس البندر...

---

Post: #45 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: عمار عبدالله عبدالرحمن Date: 01-09-2014, 10:44 AM Parent: #44 مولانا ود شيقوق قلة العجين اليومين دي هي العامله الضيق المشاكل ,, والباقي متلازمات واثار جانبيه

---

Post: #46 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: الشيخ سيد أحمد Date: 01-09-2014, 10:54 AM Parent: #45 Quote: وطوالي تكون شغال كدا لحدى تتلحس هههههههههههه يا مولانا ده موضوع متعب خالص ياخي. تخريمه: أعجبتني رسالتك إلى "حسين خوجلي"....يعني إنت شغال مع التلفزيون وناسينا هنا ؟؟ عودآ حميدآ .

---

Post: #47 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: معاوية المدير Date: 01-09-2014, 11:04 AM Parent: #46 Quote: أعجبتني رسالتك إلى "حسين خوجلي"....يعني إنت شغال مع التلفزيون وناسينا هنا ؟؟ قال شِنو ؟؟؟...

---

Post: #48 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: الشيخ سيد أحمد Date: 01-09-2014, 11:13 AM Parent: #47 الرساله كانت شحمانه يا معاويه شيقوق تحدث بإعتباره قانوني عن أمر متعلق بالشيكات على ما أعتقد "إن لم تخني الذاكره". بعدين يا معاويه ياخي إنت ما متابع لبرنامج "حسين خوجلي"!!! برنامج أشبه بالحكواتي فيه قصص كثيره ومن اشهرها "بت الريده"(ما تقوم تسألني عن بت الريده) لأن معناها اقوم احكي ليك الموضوع وبي كده نخستك البوست بتاع شيقوق ههههههه. كن بخير.

---

Post: #49 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: معاوية المدير Date: 01-09-2014, 11:33 AM Parent: #48 Quote: بعدين يا معاويه ياخي إنت ما متابع لبرنامج "حسين خوجلي"!!! تبالغ يا ود سيد أحمد. والله صحي...

---

Post: #61 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: الطيب شيقوق Date: 01-12-2014, 05:51 AM Parent: #49 ود المدير ابن عمي الاعلامي الضليع Quote: تبالغ يا ود سيد أحمد. والله صحي... انت طاشي وين؟ قطع شك تكون شغال وتسبة ساااااااااااى

---

Post: #50 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: محمد حمزة الحسين Date: 01-09-2014, 12:33 PM Parent: #48 يا شيقوق المحيرني الحاجات ديل يمشن يعزلنها بين ايييدن ويبقي ليهن حااااااار صديقي لا ليهو في العير ولا في النفير قال عايز يعرس امو تِف بث بت اُختي دا ما لا عيبا لي وعينك ما تشوف إلا النور كُع وكُف ما خلتن يتنو النصيحة ليك يا الله الود اختار أُمو الزوجة التانية استفادة من أخطأ الزوجة الاولي ماشاء الله حسيب كمية من الاشبال حفظهم الله ورعاهم الاخت دانيا بالعكس الغريب دائماً راسي وأديب : : : : : : مع التحيات لله الزاكيات

---

Post: #62 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: الطيب شيقوق Date: 01-12-2014, 05:55 AM Parent: #50 صديقي محمد حمزة Quote: يا شيقوق المحيرني الحاجات ديل يمشن يعزلنها بين ايييدن ويبقي ليهن حااااااار صديقي لا ليهو في العير ولا في النفير قال عايز يعرس امو تِف بث بت اُختي دا ما لا عيبا لي وعينك ما تشوف إلا النور كُع وكُف ما خلتن يتنو النصيحة ليك يا الله الود اختار أُمو الزوجة التانية استفادة من أخطأ الزوجة الاولي ماشاء الله حسيب كمية من الاشبال حفظهم الله ورعاهم والله والله كلامك في الصميم امامي وبجواري مشهد مما ذكرت فيه الكثير من المرارات والتجني من اخوات الزوج على زوجة اخيهن

---

Post: #60 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: الطيب شيقوق Date: 01-12-2014, 05:49 AM Parent: #48 مولانا الشيخ Quote: شيقوق تحدث بإعتباره قانوني عن أمر متعلق بالشيكات على ما أعتقد "إن لم تخني الذاكره". بعدين يا معاويه ياخي إنت ما متابع لبرنامج "حسين خوجلي"!!! برنامج أشبه بالحكواتي فيه قصص كثيره ومن اشهرها "بت الريده"(ما تقوم تسألني عن بت الريده) لأن معناها اقوم احكي ليك الموضوع وبي كده نخستك البوست بتاع شيقوق ههههههه. عفوا موضوع الشيكات دا كان في حلقة قديمة - اما الموضوع الجديد فكان عن حرص محامي ايام الزمن الجميل على الحقوق الاساسية ومنها ان يكون لكل مواطن الحق في محاكمة عادلة وان يختار من يمثله من المحامين امام القضاء. ورد هذا الموضوع في حلقة ( مع حسين خوجلي) يوم 3 ديسمبر 2013 م .

---

Post: #59 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: الطيب شيقوق Date: 01-12-2014, 05:40 AM Parent: #46 استاذنا الشيخ Quote: هههههههههههه يا مولانا ده موضوع متعب خالص ياخي. لازم يا سنجك في شان تأكل عنكوليب وانت قرير العينين Quote: تخريمه: أعجبتني رسالتك إلى "حسين خوجلي"....يعني إنت شغال مع التلفزيون وناسينا هنا ؟؟ تسلم يا العزيز - لا انتو خاتيكم للحارة ساي وكمان الشغلانية جابت ليها وتسبة ساااااااااااى ( من الوات ساب يعني) خلال يومي الخميس والجمعة

---

Post: #51 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: Dania Elmaki Date: 01-09-2014, 02:35 PM Parent: #45 حل المشكله في يد الراجل. بعد الشكيه الكتيره و النبيح و الكواريك مفروض يكون عادل و حاسم لنت يشتكن ليه نسوان البيت بعد دقة الجرس. في رجال كتار بيظلموا زوجاتهم عشان يرضي اهله عشان اهله ما يقولوا ليه انت ما راجل و بتهرشك و ما بتقدر تادبها. اها كمان و في الدلدول البيقيف يكورك لاهله مرتي دي خلوها في حالها مالكم بيها ( النوع دع بيحبوه الزوجات). لازم الراجل يكون واضح من البدايه و عادل و مل يظلم زوجته لحساب اهله عشان ده بيقوم المشاكل. السكن حتي لو مشترك لازم المطبخ يكون منفصل باي طريقه و اي راجل عارف طبع اخواته و طبع امه فما في داعي يظلم بنت الناس بكلمة استحملي و ما تفتحي خشمك. استحمل ليه الذل و الاهانه و انا عزيزه في بيت ابوي

---

Post: #52 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: Osman Musa Date: 01-09-2014, 06:30 PM Parent: #51 يا الطيب صاحبك ود ناس كبشوري نسيبتو السمحة الكريمة أم حجول سيدة الفدادين أمات عجول جاتو . جاتو يا الطيب يا أخوي وبهلت عليهو قزاز السمن أب ضقل هيع . زولك بي الليل يكرع فنجان فنجان . وبي الصباح في الكرارة . شرايين صاحبك لابسدهن سمن لا بادوبة جروف .

---

Post: #53 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: Dania Elmaki Date: 01-10-2014, 02:29 AM Parent: #52 البنت لمن تتزوج بتكون اميره في بيت ابوها و عاوزه تكون ملكه في بيتها و مملكتها. اها بعض اخوات الزوج و امه بيحسوا انه ده بيت اخونا و قرش اخونا ليه نخليه ليها. هنا المشاكل بتجر و الحساسيات. عدم احترام الخصوصيه و التدخل و التحشر و دخول غرفة النوم و فتح دولاب ست البيت و استعمال حاجاتها بحجة اخوي جايبهم و حق اخونا. احيانا بتكون مافي مراعاة لحرمة البيت. النسوان عموما في تلسودان عندهم احساس انه طتاما اخويولا ولدي عرسك معناها خلاص نحن عملنا فيك معروف و لازم تؤدي فروض الولاء و الطاعه. و مهما سمعت منهم لازم تسكت و ما ترد لانهم ادوها ولد زي الدهب و لازم تبوس يدها وش و ضهر. و مرات كتيره تلقى الام و الاخوات بيكرهوا زوجة الولد لكن ينقنقوا انها ما بتزورهم و تغيانه. طبب الما بتكرهوها عاوزينها تزوركم ليه؟ كل زول في بيته مريح راسه. كترة الزيارات بتعمل مشاكل و العجب كان قيلت عندهم. كسلانه ما قامت رصت الغدا شفعها مزعجين. و لو ما قيلت تغيانه هي يا يمه تجينا بس زياره تقنب في طرف السرير و تمشي. اها و يجوها طابين زياره بدون مناسبه عشان يشوفوها بتاكل شنو و بيتها ######ان ولا نصيف.

---

Post: #54 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: يحي قباني Date: 01-10-2014, 03:36 AM Parent: #53 شيقوق يا صديقي ... كدي نحكي ليك القصه دي ... و براك امرق من بطنها الدايرو ... قالو في حبوبه قاطعه البحر بي مركب ومعاها ولد ولدها ... وولد بتها ... اها ... الموجه قامت و قعدت بالمركب ... الجماعة اتدفقوا ... الحبوبة المسيكينه ما بتعرف تعوم ... وقربت تغرق ... والاحفاد الاتنين عوامين ... الا ( ود بتها ) ... عام براهو و خارج روحوا ... لكن ( ود ولدها ) صارع الموج ... وجرّ حبوبته من ايدها لغاية ما جابها القيفه ... اها الناس في الليل جات تحمدل السلامه ... وسألوها ليك ناس الحله ... الحصل شنو يا حبوبه ... قالتليهم ... الموجه قلبتنا ... وقربت اغرق ... قالو ليها و احفادك عملو شنو ؟؟ قالت ليهم ... ( ود الحبيبة ... ما لقي في البحر صيبه ..!! ) ( و ود العدُوّه ... جراني بي قوه ... وكسر فوقي ترقوه ..!! )

---

Post: #55 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: Dania Elmaki Date: 01-10-2014, 06:17 PM Parent: #54 يحيى قباني جاني الحبيب ود الحبيب الفي البحر ما عنده صيبه جاني العدو ود العدوه، جراني جر قوه لمن كسر لي الترقوه.

---

Post: #56 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: سيف الدولة كامل Date: 01-10-2014, 06:32 PM Parent: #55 قوم لف يا مسنووووح والفيك اتعرفت

---

Post: #57 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: السيد محمد علي Date: 01-10-2014, 08:20 PM Parent: #56 Quote: السكن المنفصل للاسرة الكبيرة والأسرة الصغيرة ، هو مفتاح الحل اضافة للتعامل الحسن و الاحترام المتبادل و عدم اعطاء اي فرصة للتسلل و خلق عكننة بين الجميع . شكرا هاني و شكرا لمولانا ود شيقوق . ............................................... يا مولانا دايما بوستاتك ليها نكهة خاصة , لاكين مسعول من الخير ( ات العنكوليب دا بتجيبو من وين ) ؟

---

Post: #58 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: يحي قباني Date: 01-11-2014, 00:31 AM Parent: #57 Quote: يحيى قباني جاني الحبيب ود الحبيب الفي البحر ما عنده صيبه جاني العدو ود العدوه، جراني جر قوه لمن كسر لي الترقوه. بت المكي ... شكرا علي التعديل ... و المعني هو المختصر المفيد ... مهما عملت برضو اسمها (مرة ولدي ) ...اصلها ما حتبقي ( بتي ) ...

---

Post: #68 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: الطيب شيقوق Date: 01-13-2014, 06:11 AM Parent: #56 العزيز الضار ود الكامل ياخ انت وين ؟ بعدين مالك بتكتب خلف الحيطة ؟ راس السوط هبشك ولا شنو؟ اصلا البوست دا ما بدخل فيهو الا زول فارس وما فارك للجرادة نار

---

Post: #67 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: الطيب شيقوق Date: 01-13-2014, 06:08 AM Parent: #54 صديقي العزيز ود قباني اولا معذرة على تاخير الرد لكم ولبقية الاخوة الاكارم والاخوات الفضليات وذلك لاسباب خارجة عن الارادة ثانيا : Quote: كدي نحكي ليك القصه دي ... و براك امرق من بطنها الدايرو ... قالو في حبوبه قاطعه البحر بي مركب ومعاها ولد ولدها ... وولد بتها ... اها ... الموجه قامت و قعدت بالمركب ... الجماعة اتدفقوا ... الحبوبة المسيكينه ما بتعرف تعوم ... وقربت تغرق ... والاحفاد الاتنين عوامين ... الا ( ود بتها ) ... عام براهو و خارج روحوا ... لكن ( ود ولدها ) صارع الموج ... وجرّ حبوبته من ايدها لغاية ما جابها القيفه ... اها الناس في الليل جات تحمدل السلامه ... وسألوها ليك ناس الحله ... الحصل شنو يا حبوبه ... قالتليهم ... الموجه قلبتنا ... وقربت اغرق ... قالو ليها و احفادك عملو شنو ؟؟ قالت ليهم ... ( ود الحبيبة ... ما لقي في البحر صيبه ..!! ) ( و ود العدُوّه ... جراني بي قوه ... وكسر فوقي ترقوه ..!! ) خم وصر يا ود الولد الطلعوا ليك حنانك ومروتك شمار في مرقة - والله - يا عزيزي - قباني انحياز الحبوبات لاولاد بناتهن على حساب ابناء الاولاد واااااااااااااااااااضحة

---

Post: #69 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: الطيب شيقوق Date: 01-13-2014, 06:18 AM Parent: #52 العزيز عثمان موسى Quote: صاحبك ود ناس كبشوري نسيبتو السمحة الكريمة أم حجول سيدة الفدادين أمات عجول جاتو . جاتو يا الطيب يا أخوي وبهلت عليهو قزاز السمن أب ضقل هيع . زولك بي الليل يكرع فنجان فنجان . وبي الصباح في الكرارة . شرايين صاحبك لابسدهن سمن لا بادوبة جروف انت فاكر النسيبة اكان ما جاتها تقارير صباحية طيبة!!! بتكرم النسيب ساي ؟ النسيبة التي وردتها تقارير طيبة!!! بطلع لنسيبها المطايب الجووووة السحارة - دى حاجات بتكون مدسوسة ابو عيالها ما بضوقا .

---

Post: #63 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: الطيب شيقوق Date: 01-12-2014, 06:22 AM Parent: #51 استاذة دانيا Quote: كمان و في الدلدول البيقيف يكورك لاهله مرتي دي خلوها في حالها مالكم بيها ( النوع دع بيحبوه الزوجات). هههههههههههههههههههههههههههههههههها الله يجازى محنك كتلتيني بضحكة قلت لي شنو؟ النوع دا بحبوهو الزوجات ؟؟؟؟؟؟؟؟؟ يلا اسمعيني وشوفي اخوك عامل كيف؟ اولادي الاتنين متزوجين وساكنين معاي باولادهم في راسي فوق اي واحد بشقتو بكامل منافعها طبعا ملح ساااااااااى اها لما اسمع النقرة طوالي بهدد ليك اي الولد فيهم بقول ليهو هووووووووووى تاني كان سمعت بغم ساي بطردك انت وزوجتك من بيتي دا - اها يا ستي بعد الاولاد عرفوا التهديد الاقتصادي دا اي واحد فيهم بقى يهمس لزوجتو بالليل يقول ليها هوووووى كان عملتي اي سيك ميك مع امي اولا اخواتي السكن الملح دا بطردونا منو طوالي . يا زولة الزوجات الاتنين بقن يتنافسن في باكرية فطورهن لحماتهن والاودهم من الصباح بجوا متلبين للحبوبة وعيك لا سيك ميك ولا بغم اها لقيتي ود عمك كيف؟

---

Post: #64 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: عماد الشبلي Date: 01-12-2014, 01:10 PM Parent: #63 Quote: اها لقيتي ود عمك كيف؟ مسنووووووووح

---

Post: #66 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: عمر علي حسن Date: 01-12-2014, 07:04 PM Parent: #64 Quote: الخال - عينة البوستات دى ولا بتحرك ليك فيهو شعرة - باقي لي الامور محكم صيانتها تماما - اكان دخلت عليهو ما بتسمع بغم اصلا . ود المكي ياجنرال خالي ده قدر ما اهديه ما بتهدي .. راسه يابس حجر .. كدي كلمه انت .. قول ليه البيدخل اصبعه في الجحّار بيقرص .. نحن يابوي كله سمن علي عسل .. والبفرفر من جاي والله من جاي فرد عكيكيز واحد بيعدله وتاني لابقول سيك ولاميك القضيه يا خال مافي الحريم .. القضيه في الراجل البخلي نفسه شخشيخه وسطهن .. انهر عصاتك يابا ولزّم كل فاراً جحره .. تسلم من عوار الراس . انا خالكم ابزرد عمر علي حسن

---

Post: #70 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: الطيب شيقوق Date: 01-13-2014, 06:25 AM Parent: #66 Quote: ود المكي ياجنرال خالي ده قدر ما اهديه ما بتهدي .. راسه يابس حجر .. كدي كلمه انت .. قول ليه البيدخل اصبعه في الجحّار بيقرص .. نحن يابوي كله سمن علي عسل .. والبفرفر من جاي والله من جاي فرد عكيكيز واحد بيعدله وتاني لابقول سيك ولاميك القضيه يا خال مافي الحريم .. القضيه في الراجل البخلي نفسه شخشيخه وسطهن .. انهر عصاتك يابا ولزّم كل فاراً جحره .. تسلم من عوار الراس . انا خالكم ابزرد ههههههههههههههههههههههها هلا هلا خالي اب حجبات جانا قادل اسمعي ، يا دانيا اختي ، خالك سعادة اللواء شن قال : Quote: القضيه في الراجل البخلي نفسه شخشيخه وسطهن اها - يا بت مالك - جوك السلاطين البمرقوا الحد في السروبة عدييييييييييييييييل

---

Post: #71 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: محمد فضل الله المكى Date: 01-13-2014, 08:56 AM Parent: #70 Quote: [Qالقضيه يا خال مافي الحريم .. القضيه في الراجل البخلي نفسه شخشيخه وسطهن .. انهر عصاتك يابا ولزّم كل فاراً جحره .. تسلم من عوار الراس . سعادة اللِـوا قال كلام وكلام اللِـوا ما فيهو لِـوا الكلام ليك ياااااااا المطير عِنيك

---

Post: #72 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: الطيب شيقوق Date: 01-13-2014, 09:20 AM Parent: #71 Quote: سعادة اللِـوا قال كلام وكلام اللِـوا ما فيهو لِـوا اخوك يا العشاء من قبيل شالوا وعلقوا في الحيطة فووووووووق - فاكرني بلعب؟

---

Post: #73 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: الطيب شيقوق Date: 01-13-2014, 08:26 PM Parent: #45 نواصل

---

Post: #74 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: Dania Elmaki Date: 01-17-2014, 03:49 AM Parent: #73 Quote: [Qالقضيه يا خال مافي الحريم .. القضيه في الراجل البخلي نفسه شخشيخه وسطهن .. انهر عصاتك يابا ولزّم كل فاراً جحره .. تسلم من عوار الراس . واحد من اصحاب جدي شيخ عرب قرر يعرس في مرته عشان دقت اخته . اها اعمامه الاتنين حلفوا عليه يعرسوا ليه بناتهم الاتنين. جدي مشى يزوروا لمن راجع حبوبتي سالته بالطواله لانها خايفه الفكره تكون عجبته. قالت ليه حاج الجعلي كيف مع نسوانه. قال ليها علي بالطلاق النسوان ساواتنه مشلعيب في هوا. شوف عيني واحده تشيله جك الفول يمشي بيه الدكان و التانيه ترسله للتونه. اها بعد سنه طلق التلاته نسوان و سافر ملكال قعد هناك لمن مات.

---

Post: #75 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: الطيب شيقوق Date: 01-26-2014, 11:21 AM Parent: #74 استاذة دانيا سلام Quote: واحد من اصحاب جدي شيخ عرب قرر يعرس في مرته عشان دقت اخته . اها اعمامه الاتنين حلفوا عليه يعرسوا ليه بناتهم الاتنين. جدي مشى يزوروا لمن راجع حبوبتي سالته بالطواله لانها خايفه الفكره تكون عجبته. قالت ليه حاج الجعلي كيف مع نسوانه. قال ليها علي بالطلاق النسوان ساواتنه مشلعيب في هوا. شوف عيني واحده تشيله جك الفول يمشي بيه الدكان و التانيه ترسله للتونه. اها بعد سنه طلق التلاته نسوان و سافر ملكال قعد هناك لمن مات. ههههههههههها وكمان عمي عبد الله ود العجب الله يرحمه حكايتو مع الاربعة حكاية ........

---

Post: #76 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: حسن طه محمد Date: 01-26-2014, 02:16 PM Parent: #75 ود شيقوق أغيب واجي القاك فاتح موضوع انت بالذات فيه برا الحلقة ازيك نمن القي وقت واجيك راجع

---

Post: #78 Title: Re: إنها ظواهر مزعجة ( توجد نماذج ........ .......... م أهل الكثيرين في السودان ) Author: الطيب شيقوق Date: 02-04-2014, 10:43 AM Parent: #76 في انتظار الخال حسن طه - ود البوب الفالح