Post: #1
Title: البايرن و المريخ مباراة لل...شو فقط
Author: د. ياسر عبد القادر
Date: 01-05-2014, 08:16 PM
Parent: #0
ولا أعتقد أن رئيس المريخ قد فكر أبعد من ذلك و هو يدفع تمن المباراة دي
|
Post: #2
Title: Re: البايرن و المريخ مباراة لل...شو فقط
Author: د. ياسر عبد القادر
Date: 01-05-2014, 08:20 PM
وحتي لو قال فوزي التعايشة غير ذلك....وبنفس طريقة الرشيد المهدية
|
Post: #3
Title: Re: البايرن و المريخ مباراة لل...شو فقط
Author: د. ياسر عبد القادر
Date: 01-05-2014, 08:23 PM
Parent: #2
فالسائد......أن من يشتري العروسة ....يجب أن يدفع للزفة
|
Post: #4
Title: Re: البايرن و المريخ مباراة لل...شو فقط
Author: د. ياسر عبد القادر
Date: 01-05-2014, 08:34 PM
Parent: #3
و هذا الشو قد يكلف المريخ كثيرا......
لأن من يعرف ألف باء كرة القدم .....يعلم أن المريخ لم يبدأ إستعداده لتمهيدي أفريقيا....و البداية تكون بالتمارين و التقسيمات و مباريات خفيفة أشبه بالتمارين ...ثم التدرج
أما أن تقابل البايرن في مباراة قبل أن تبدأ إستعدادك....فهي بالتأكيد مسألة لا علاقة لها بكرة القدم و إنما للشو فقط
أدفع و أتصور
|
Post: #5
Title: Re: البايرن و المريخ مباراة لل...شو فقط
Author: د. ياسر عبد القادر
Date: 01-05-2014, 08:40 PM
Parent: #4
نسأل الله أن تكون خفيفة
فألالمان لا يهزرون أبدا......ولا زال المنتخب السعودي بكل جبروته يدفع تمن ملاقاته للمنتخب الالماني في كأس العالم قبل الاخير.....وهو لايزال يدفع التمن حتي الان
كان ممكن تكون بعد عدة معسكرات و مباريات إعدادية ممكن تكون مهضومة
أما قبل أن تبدأ إعدادك..........الله فرجيني يا نوريت
|
Post: #6
Title: Re: البايرن و المريخ مباراة لل...شو فقط
Author: ناصر احمد الامين
Date: 01-05-2014, 08:48 PM
Parent: #5
الذي يعرف الف باء الاداره لا يمكنه التفريط في هيثم مصطفي (سيدا)
بعدين زي ما قالو العندو قروش بحنن (رقبتو)
محاوله مننا بس عشان ندخل لعيبتنا حالة الشعور بالعالمية و نخلي الصحف الاوروبية تكتب اسم المريخ في العناوين الرئيسية
و زي ما قالو الجاور السعيد سعيد برضو
د. ياسر تحياتي و كل سنه و انت طيب ياخي
|
Post: #7
Title: Re: البايرن و المريخ مباراة لل...شو فقط
Author: د. ياسر عبد القادر
Date: 01-05-2014, 09:14 PM
Parent: #6
ناصر
سلامات و كل سنة وانت بألف خير
سيدا دا موضوع عايز نفاج تاني
لو القصد انو لاعبينا يدخلو العالمية ....مافي مشكلة
لكن المشكلة عندنا...إنو إداريينا عايزين يدخلوا العالمية و يلحقوها من أي باب
وعايزين يحننوا رقبتهم بي صبغة....إن شاء الله تسمم الباقين
يعني ذنبو شنو هسي بلة جابر دا يقابل ريبيريه في الصقط دا و هو ليهو سنتين قاعد كنبه
الله يستر بس
|
Post: #8
Title: Re: البايرن و المريخ مباراة لل...شو فقط
Author: Dr. Ahmed Amin
Date: 01-05-2014, 09:43 PM
Parent: #7
كل عام وانتم بخير د.ياســر وأستاذ ناصـــر
Quote: محاوله مننا بس عشان ندخل لعيبتنا حالة الشعور بالعالمية و نخلي الصحف الاوروبية تكتب اسم المريخ في العناوين الرئيسية
و زي ما قالو الجاور السعيد سعيد برضو |
قصدك بهدلة عالمية يا ناصـــر ...
فاتلعالمية لا يمكن الدخول اليها بهكذا باب ... بكره نصير مسخرة للقطريين والبقية
نحن ناقصين يااااخ ؟؟
غايتو كدي نشوف ...
|
Post: #9
Title: Re: البايرن و المريخ مباراة لل...شو فقط
Author: د. ياسر عبد القادر
Date: 01-05-2014, 10:06 PM
Parent: #8
ينصر دينك يا دكتور أحمد أمين
المشكلة إنو عندنا ناس عندهم عضلات بس....
يعني ننتظر و نشوف شنو؟؟؟؟
اللهم إلا سباق ال Rabbit and the turtle
وما الداعي من أساسو سوي ال show و النظرة القاصرة
|
Post: #10
Title: Re: البايرن و المريخ مباراة لل...شو فقط
Author: ملهم كردفان
Date: 01-05-2014, 11:08 PM
Parent: #9
مادى المصيبه ماقادرين نتجاوز الشو للفعل الجاد فى كل شئون السودان
كل أمورنا المصيريه والتى ترفع مكانة البلد
تعمها العشوائيه والجوبكه ودق أب ظرطه يادكتور
....
هلالابى قلبو محروق
|
Post: #11
Title: Re: البايرن و المريخ مباراة لل...شو فقط
Author: طارق حرسي
Date: 01-05-2014, 11:24 PM
Parent: #10
Quote:
هلالابى قلبو محروق |
والما بحرقو شنو لكن ؟
83 سنة وسنة تنطح سنة .. ورصيدكم صفر كبير
تحياتي
|
Post: #12
Title: Re: البايرن و المريخ مباراة لل...شو فقط
Author: ملهم كردفان
Date: 01-05-2014, 11:39 PM
Parent: #11
ياطارق ياخ انا بشجع هلال الابيض ..
انت قايلنى بشجع هلال العاصمه
بدعمو معنويا بس
لأنو
نحنا لسه ما وصلنا السن دى ياجلاكين
|
Post: #13
Title: Re: البايرن و المريخ مباراة لل...شو فقط
Author: طارق حرسي
Date: 01-05-2014, 11:44 PM
Parent: #11
Quote:
البايرن و المريخ مباراة لل...شو فقط |
لو افترضنا انو مبارة البايرن للشو
طيب دي لي شنو ؟؟
غايتو ربنا يصبركم يا صفيراب علي ابتلاكم من اصفار
مباة البايرن دي غايتو موجعاكم وحارقاكم حريق
ياخي مدوا رجولكم قدر اصفاركم وشوفوا مباريات ودية مع فريق الداخلية والدخان والعصمة الكاملين
والداخلية ده فريق في مصر فاز علي هلالكم في احدي المعسكرات السابقة
تحياتي
|
Post: #14
Title: Re: البايرن و المريخ مباراة لل...شو فقط
Author: عبد اللطيف بكري أحمد
Date: 01-05-2014, 11:50 PM
Parent: #13
هلا يادكتور ياسر وضيوفه
الان فقط سمعت بتوقيع استيفن وارغو في كشوفت. الهلال...
والله خبر عظيم ، وارغو دا احرف زول في القارة دي
ليه مافي خبر لتسجيله ولا اناا بس ما مواكب؟؟
|
Post: #15
Title: Re: البايرن و المريخ مباراة لل...شو فقط
Author: طارق حرسي
Date: 01-05-2014, 11:59 PM
Parent: #14
Quote:
الان فقط سمعت بتوقيع استيفن وارغو في كشوفت. الهلال...
والله خبر عظيم ، وارغو دا احرف زول في القارة دي
ليه مافي خبر لتسجيله ولا اناا بس ما مواكب؟؟
|
خجلانيين من تسجيلو
يموسرو فيهو 3 سنة
وفجأة كده يلقو معاهم
البخليهم يتكلمو بي تسجيلو تاني شنو
|
Post: #16
Title: Re: البايرن و المريخ مباراة لل...شو فقط
Author: حمزاوي
Date: 01-06-2014, 06:51 AM
Parent: #15
مريخنا عالمي
لا تناقنشني
|
Post: #17
Title: Re: البايرن و المريخ مباراة لل...شو فقط
Author: حمزاوي
Date: 01-06-2014, 07:01 AM
Parent: #16
ايها الصفراب اينما كنتم
السادة المحليين الصفراب الكرام
اوضح لكم
بان ملاقاة الكبار ابطال العالم ( شعر ما عندكم ليه رقبة )
|
Post: #18
Title: Re: البايرن و المريخ مباراة لل...شو فقط
Author: حمزاوي
Date: 01-06-2014, 07:07 AM
Parent: #17
ود اختي الدكتور ياسر عبدالقادر ابوالنسب
هاو ار يو
| Quote: وما الداعي من أساسو سوي ال show و النظرة القاصرة |
من حقك تعرف الــ show
يا دكتور الشو بتاعنا نحن كمريخاب عالميين قلنا نطهر سيكافا ون
وبهذه المناسبة طهور نجلنا البكر سيكافا ون سنلاقي بطل العالم بايرميونخ
والعاقبة عندكم في الصفر
|
Post: #19
Title: Re: البايرن و المريخ مباراة لل...شو فقط
Author: وضاح عبدالرحمن جابر
Date: 01-06-2014, 07:18 AM
Parent: #18
(ابسلوتلى) للشو
امال حا تكون لايه ؟
|
Post: #20
Title: Re: البايرن و المريخ مباراة لل...شو فقط
Author: Jamal Mustafa
Date: 01-06-2014, 07:26 AM
Parent: #19
Quote: استمتع بالمشاهدة يا دكتور وبيض النية ....
وانسى عقدة ما يسمى بالصفيراب فهى دائما
ماتعيق تمتعهم بما يبدعه صانعى الأحداث |
|
Post: #21
Title: Re: البايرن و المريخ مباراة لل...شو فقط
Author: Sayed Bekab
Date: 01-06-2014, 10:06 AM
Parent: #20
بالتوفيق للمريخ بس اهم حاجه تكوني وقعتي فى العقد انو عدد الاهداف لا يزيد عن 17 هدف :) .... سلامات يا دكتور و كل عام و انت طيب .
|
Post: #22
Title: Re: البايرن و المريخ مباراة لل...شو فقط
Author: ولياب
Date: 01-06-2014, 10:51 AM
Parent: #21
فألالمان لا يهزرون أبدا......ولا زال المنتخب السعودي بكل جبروته يدفع تمن ملاقاته للمنتخب الالماني في كأس العالم قبل الاخير.....وهو لايزال يدفع التمن حتي الان .
شكراً دكتور ياسر
فخوفنا على المريخ نابع من شفقتنا عليه وعلى الكرة السودانية ، ولست شامتاً لانتمائي للهلال ، ربنا يستر من (ماكينة الفرامة الألمانية) .
|
Post: #23
Title: Re: البايرن و المريخ مباراة لل...شو فقط
Author: طلحة عبدالله
Date: 01-06-2014, 10:59 AM
Parent: #22
هههههههههه
يا دكتور كدا كترت المحلبية شديد ..
بعد كدا أنا ح استغرب منك والله .
|
Post: #24
Title: Re: البايرن و المريخ مباراة لل...شو فقط
Author: د. ياسر عبد القادر
Date: 01-06-2014, 11:32 AM
Parent: #23
كان مني عيني و قلبي أشوف المريخ لاعب أمام البايرن في كأس العالم للأندية......خدمة يمين و عرق جبين
|
Post: #25
Title: Re: البايرن و المريخ مباراة لل...شو فقط
Author: د. ياسر عبد القادر
Date: 01-06-2014, 11:51 AM
Parent: #24
بعدين والله أشك في كروجر دا إنو ألماني بيور...يمكن شيكي أو ألباني.....مافي مدرب في العالم يقبل بمواجهة البايرن الان وهو لم يبدأ إستعداداته بعد.......ياخ أرسين فينغر وهو متصدر الان لو عرضت عليه مقابلة البايرن وديا....حيرفض....
اللهم إلا يكون في إتفاق علي النتيجة يا طلحة في العقد....
جاييكم يا أحباب
|
Post: #29
Title: Re: البايرن و المريخ مباراة لل...شو فقط
Author: د. ياسر عبد القادر
Date: 01-06-2014, 07:27 PM
Parent: #18
الخال حمزاوي
سلامات يابو النسب
والله كان ودي انو تلاقو البايرن دا في مباراة رسمية.........لكن بقول إنو المريخ إستعجل شوية ...كان تنتظروا مش يمكن تقابلوهو السنة ج
الجاية رسميا....إنتو هسه في إجازة......والموسم ما بدأ....مافي لياقة ولا حساسية مباريات....ولا أي حاجة يعني قصة ملاقاتكم لي بايرنميونيخ هسي دي زي الفار الوقع في قلة مريسة و شرب و سكر و طلع في الحوش وقال....وين الكدايس ال....... ديل؟؟ ههههههههههه
|
Post: #28
Title: Re: البايرن و المريخ مباراة لل...شو فقط
Author: د. ياسر عبد القادر
Date: 01-06-2014, 07:11 PM
Parent: #14
صديقنا العزيز عبداللطيف بكري
سلامات
وين أراضيك ؟؟؟
ستيفن وارغو طلبه الهلال بعد مباراة الهلال و أنيمبا...وإتفق الرئيسان علي ذلك
ولكن بما إنو عندنا ناس عندهم عضلات.....فتعطلت لغة العقل
وأهلنا هنا يا عبد اللطيف بيقولوا ( النية زاملة سيدا) فالحكاية أدتهم بقدر نواياهم
الان رجع الوضع شبه الطبيعي ...بس بعد شوشرة....فعاد وارغو لمكانه المفترض...وبسعره المفترض.......ومانابه من قبل ماهو إلا رزقا قد ساقه الله له....فهنيئا له....ولننتظر و لنري هل
سيمتع و يبدع مع الهلال حيث لا دلع و لا دلال.... أم أن ال damage is irreversible
تحياتي
|
Post: #27
Title: Re: البايرن و المريخ مباراة لل...شو فقط
Author: د. ياسر عبد القادر
Date: 01-06-2014, 07:01 PM
Parent: #13
طارق حرسي سلامات
تعرف الصحيح هو أن يقابل المريخ فريق ريدبول هذا في نهاية معسكره و بعد أن يكون قد لعب عدة مباريات ودية تدريجية و حينها سيستفيد المريخ أي إستفادة
لكن قصتكم إعلامية بحتة للاسف...و القايدكم دا وصل مرحلة إنو يقنعكم إنو مريخ الوالي دا سيم سيم بايرن ميونيخ....ودي مرحلة متأخرة جدا ...وصعب علاجها
نسأل الله السلامة
|
Post: #26
Title: Re: البايرن و المريخ مباراة لل...شو فقط
Author: د. ياسر عبد القادر
Date: 01-06-2014, 06:41 PM
Parent: #10
ملهم كردفان سلامات
صدقت والله....الحاصل دا نتيجة طبيعية لما يحصل
نسأل الله السلامة
|
Post: #30
Title: Re: البايرن و المريخ مباراة لل...شو فقط
Author: قلقو
Date: 01-06-2014, 07:44 PM
Parent: #26
QUOTE :(( فألالمان لا يهزرون أبدا......ولا زال المنتخب السعودي بكل جبروته يدفع تمن ملاقاته للمنتخب الالماني في كأس العالم قبل الاخير.....وهو لايزال يدفع التمن حتي الان .))
يادكتور ياسر طالما المباراة صارت أمر واقع والألمان ماعندهم ( يمة أرحمينى ) فلا نملك إلا أن ندعو ( اللهم لا نسألك رد القضاء ولكننا نسألك اللطف فيه )
.
|
Post: #31
Title: Re: البايرن و المريخ مباراة لل...شو فقط
Author: خليفة موسى حمدان
Date: 01-07-2014, 03:08 AM
Parent: #26
حسب معلوماتى الاكيدة ان المريخ لم ولن يدفع مليما واحداً.. فشركة الفلوسكواجن الالمانية هى التى تتحمل كل نفقات المباريات التى يلعبها البايرن لانها متعاقدة مع البايرن لمدة 12 سنة لاقامة معسكره الاعدادى السنوى فى الدوحة وقد انتهت ثلاثة سنوات لعب خلالها مع كثير من الفرق الخليجية وهزمها بالاتناشرات .. وتبقت 9 سنوات وهنالك من يختار الفرق الاكثر شعبية للتبارى مع البايرن,, ولو اجتهد الهلال فى السنوات المقبلة ربما يلعب مع البايرن.. فالمسألة كلها دعاية لشركة الفولولكسواجن فى اسواق الخليخ والشرق الاوسط...
اما مسألة التبارى مع الفرق العالمية فالهلال كان قد سبق المريخ لها بعقود حينما تبارى الهلال بالسودان مع فريق سانتوس البرازيلى عندما كان يلعب له اسطورة كرة القدم على مر التاريخ اللاعب البرازيلى الشهير ب( بيلى)..
|
Post: #32
Title: Re: البايرن و المريخ مباراة لل...شو فقط
Author: سفيان بشير نابرى
Date: 01-07-2014, 05:54 AM
Parent: #31
سلام يا ياسر
لو افترضنا ( دجلا) انو رئيس المريخ دفع و برضو لو افترضنا انو العداد بداء معكوس
انتو الغايظنكم شنو يا هلالاب !!!؟ يعني خلاااااس قلبكم على المريخ و قروشو و استعدادوا؟
امركم و الله يحير !!!!!
ياخ بطلوا حسادة ( ود العطاء) و اشتغلوا في فريقكم حبه ياخ!!!
اسمع دي:-
هلالابي محموم شديد ..
بعد ما سمع بانو المريخ سيلعب مع بايرن ميونخ
جسمو مسخن وعندو رجفة ..
حالتو متأخرة جدا ..
وبيعطس كتييير ..
وعندو قلق وارق ..
يزوزي اليوم كلو ..
ما قادر ينوم !
ولا قادر يفكر ..!
ولا قادر يأكل !
ما خلى دكتور ما مشي ليهو ..
والحال في حالو ..
وحالتو ماشه متدهورة !
الجماعة نصحوهو بي دكتور ..
دكتور خيالو واسع جدا
عيادتو في (مركب)
والحجز بي (صنارة) ..!
الهلالابي مشي ليهو
والصف (طوييييل ) ..
كلهم هلالاب ..!
وكلهم حالتهم متأخرة ..
صاحبنا لما دخل للدكتور ..
قعد يبكي ..!
الدكتور قاليهو اقيف فوق ..
قبل يمين !
قبل شمال ..
طلع لسانك .. !
قوول ععااااااععع ..!
ععاااااعععع ..
ععاااااعععع ..
دخل لسانك ..
افتح خشمك ...!
غمض عيونك ..
يلاا طلع لسانك تاني ..
ما تتحرك ..!
قوول ععااااااععع ..!
ععاااااعععع ..
ععاااااعععع ..
الدكتور جاب مسطرة ..
وقاس اللسان ..!
وبيكتب في ورقة ..
قاليهو قوم خلاص ..
وبدأ يكتب في الروشتة ..!
الدكتور سألو ..
بتشجع الهلال من متين ..؟
قاليهو من الستينات ..
الدكتور إستغرب ..!!
وقاليهو ..
الفترة دي كلها ..
ما مشيت لاي دكتور ..؟
الهلالابي قاليهو لا ..!!
بس انت يا دكتور ..
عرفتني هلالابي كيف ..؟
الدكتور قاليهو ما مهم ..
بس حالتك متأخرة شديد ..!
ولازم تمشي الحوادث ..
الهلالابي بدا يرجف ويهضرب ..
انا عندي شنو يا دكتور ..؟؟؟
الدكتور قاليهو ..
عندك بلهارسيا في اللسان ..
وإزرقاق في الغدة ]الصفراوية..
وإضطراب في]الشعار الغليظ ..
وعندكم وحم شدييييد ..
يعني زي العاوز تولد ..!
وما ح تولد ..!
الهلالابي قاليهو ايواا ايواا ..
ده من شنو يا دكتور ..
الدكتور قاليهو ..
عندك هلال دهنى ..
في الرأس ...
لازم تستأصلو سريع
..!!!
|
Post: #33
Title: Re: البايرن و المريخ مباراة لل...شو فقط
Author: Nader Abu Kadouk
Date: 01-07-2014, 06:37 AM
Parent: #32
| Quote: العندو قروش بحنن (رقبتو) |
ناصر هوي ما تبشتن الامثال............
دكتور ياسر الهلالابي ازيك................
|
Post: #34
Title: Re: البايرن و المريخ مباراة لل...شو فقط
Author: حمزاوي
Date: 01-07-2014, 07:22 AM
Parent: #32
الله يجازي محنك يا اخوي سفيان نابري
دا ذكرني المشى للدكتور وقال عندي بواسير
هههههههههههههههههههههه
انا بس داير اعرف الحارق رز الصفراب شنو
بقليل من العقل معقولة ندفع المليارات عشان نمشي نقابل الباير في قطر
مادام دافعين ما نلاقيه في ام درمان وسط جمهورنا وفي ارضنا ونستفيد من كل الامتيازات
صاحب العقل يميز
يا سفيان يا صفوة عن اذنك انا حاخذ كلامك واوديه الفيس بوك عشان يشوفو الحمى بتاع الهلالاب من شنو
|
Post: #35
Title: Re: البايرن و المريخ مباراة لل...شو فقط
Author: وليد محمد المبارك
Date: 01-07-2014, 07:37 AM
Parent: #34
شو ذي ده كده يعني مثلا ؟!
ولا شو نوع تاني ؟
|
Post: #36
Title: Re: البايرن و المريخ مباراة لل...شو فقط
Author: الصادق عز الدين
Date: 01-07-2014, 08:28 AM
هلالابي ثم هلالابي ثم هلالابي
بس في المباراة دي بشجع المريخ من مبدأ الإنتماء للسودان ورفع إسم السودان عاليا
|
Post: #37
Title: Re: البايرن و المريخ مباراة لل...شو فقط
Author: صبري طه
Date: 01-07-2014, 02:19 PM
Parent: #36
بمناسبة التصوير شوف ديل معاك
Quote: عقدت اللجنة المنظمة للمباراة التاريخية،التى تجمع فريق الكويت الكويتي ونظيره بايرن ميونيخ الالماني يوم الأثنين 13 يناير الجاري، مؤتمرا صحفيا ظهر اليوم بالمركز الاعلامي بنادي الكويت بحضورعضو مجلس إدارة النادي معن الرشيد ومؤيد شهاب والمتعهد السويسري مارك ميوني ومدير العلاقات العامة بشركة زين وليد الخشتي.
وأكد المتحدثون أهمية المباراة التاريخية، التى تحظي برعاية رئيس مجلس الامة الرئيس الفخري لنادي الكويت مرزوق الغانم، حيث تم الكشف عن أن الهدف من إقامة المباراة هو ادخال السعادة والبهجة الى نفوس الجماهير الكويتية وخصوصا عشاق الفريق البافاري المتعطشين الى رؤية أبطال العالم وأوروبا والفائز بالخماسية في البلاد.
وأوضح معن الرشيد انه من المقرر ان يصل الفريق الالماني يوم 13 الجاري على متن طائرة خاصة وبكامل نجومه فيما عدا نجمه الفرنسي فرانك ريبيري المرتبط بحدث عالمي اخر يتزامن مع وصول البايرن الى الكويت حيث من المقرر أن يتوجه اللاعب الى سويسرا لحضور حفل الفيفا للكشف عن هوية الفائز بجائزة الكرة الذهبية والمرشح لها البرتغالي رونالدو والارجنتيني ميسي علاوة على ريبيري.
وأضاف الرشيد أنه تم ضع برنامجا للفريق البافاري يتضمن التشرف بمقابلة سمو امير الكويت ثم التوجه إلى مقر الاقامة في فندق "راديسون ساس" لتناول طعام الغداء، على ان تنطلق المباراة في تمام السادسة مساء.
وتابع عضو مجلس ادارة نادي الكويت :" سيؤدي الفريق الالماني الضيف تدريباً صباحياً على استاد جابر في اليوم التالي للمباراة على ان يغادر بعدها الكويت متوجها الى ميونيخ حيث من المقرر ان يخوض تجرية ودية ثالثة أمام سالزبورج النمساوي قبل بدء منافسات البوندزليجا بمواجهة بوروسيا مونشنجلادباخ 25 يناير الجاري".
وشدد الرشيد على ان الاستعانة بلاعبي الفرق المحلية الآخرى هو قرار يخص الجهاز الفني بقيادة الروماني ايوان مارين،وقال الرشيد ان المبارة ستنقل على تلفزيون الكويت القناتين الاولى والثالثة الرياضية على اعتبار ان الحدث عالمي ويهم الكويت وينسب لها.
ولفت الرشيد إلى تقدير اللجنة المنظمة لوزير الاعلام ووزير الدولة لشئون الشباب الشيخ سلمان الحمود لتعاونة الكبير مع الحدث متمنيا ان يمتلىء استاد الكويت بالجماهير يوم المباراة.
من جانبه أشاد عضو اللجنة المنظمة مؤيد شهاب بدعم ورعاية رئيس مجلس الامة الرئيس الفخرى لنادي الكويت مرزوق الغانم، وقال ان الحدث تاريخي بمعنى الكلمة والهدف منه هو اسعاد جميع الكويتيين،لافتا الى ان الشكر والتقدير موصول لرئيس اتحاد الكرة الشيخ د. طلال الفهد على دعمه للمباراة خصوصا وان اتحاد الكرة هو المعني بإقامة المباريات وتنظيمها في البلاد.
وكشف شهاب النقاب عن سير المفاوضات مع الفريق البارفاري وقال لم تكن الاتفاقية سهلة مع فريق عالمي بحجم البايرن لكن صديقنا المتعهد السوسيري مارك ميوني قام بجهود كبيرة مع الجانب الالماني وهو من الكفاءات ذات الخبرة حيث سبق وان رتب زيارة منتخب البرازيل للبلاد عام 2007.
وأشار شهاب إلى ان المباراة عرضت على فريقي القادسية والكويت،وقال لقد فشلت المفاوضات مع العربي مبكرا وقطعنا شوطا مع القادسية حيث تحمس للفكرة نائب الرئيس بسام البسام لكن المفاوضات لم تكتمل في النهاية حيث عرضت احدي الشخصيات الكويتاوية التكفل باحضار الفريق الالماني.
وذكر مؤيد شهاب أن الفريق الماني تقاضي مليون ومائة الف يورو مقابل الحضور للكويت مشيرا الى ان هناك العديد من المفاجأت مستقبلا ،وشدد على الشرط الجزائي في حال عدم التزام البايرن بمشاركة لاعبية الاساسيين هو مليون يورو.
من جانبه كشف المتعهد السويسري مارك ميوني أن المفاوضات مع بايرن بدأت في سبتمبر الماضي واصفا اياها بالصعبة، وأشار إلى امكانية التصوير مع لاعبي البايرن بعد المباراة وقبل التدريب الصباحي ثاني يوم الوصول.
المصدر
|
|
Post: #38
Title: Re: البايرن و المريخ مباراة لل...شو فقط
Author: Mirghani Taitawi
Date: 01-07-2014, 02:38 PM
Parent: #37
دي كمان الحالة الـ ما ليها علاج نهائي!!!.
شو قال!!!.. أنتو ما تعمل شو لو قادرين
ليهو!!!.
البعض يحب المريخ بـ شكل!!! أكتر من كرهه للهلال!!!.
يا أخي ريح نفسك من المريخ!!!.
|
Post: #39
Title: Re: البايرن و المريخ مباراة لل...شو فقط
Author: د. ياسر عبد القادر
Date: 01-08-2014, 10:46 AM
Parent: #38
فالج ولا تعالج
|
Post: #40
Title: Re: البايرن و المريخ مباراة لل...شو فقط
Author: د. ياسر عبد القادر
Date: 01-08-2014, 09:34 PM
Parent: #39
جمال مصطفي و سيد بيكاب و ولياب نورتو المكان
طلحة يا صديق.......أتمني و الله المحلبية تتقلب صندلية لكن الله غالب .... كامل تضامني
صبري طه.....غوارديولا قال عمرو ما سمع بالمريخ و أحبابنا ديل مصرين إنو غوارديولا إختار المريخ عاد كيف الشورة
أحيي ناس الكويت علي الشفافية و المبلغ الدفعوهو........عموما بالرغم من عردتهم ديك لكن طلعوا أرجل مننا
|
Post: #41
Title: Re: البايرن و المريخ مباراة لل...شو فقط
Author: Mirghani Taitawi
Date: 01-09-2014, 03:18 AM
Parent: #40
| Quote: فألالمان لا يهزرون أبدا......ولا زال المنتخب السعودي بكل جبروته يدفع تمن ملاقاته للمنتخب الالماني في كأس العالم قبل الاخير.....وهو لايزال يدفع التمن حتي الان |
يا زووول!!!.
2002 السعودية هزيمة من المانيا بالـ تمانية ( كانت فى كوريا واليابان).
2006 السعودية لم تقابل المانيا (كانت فى المانيا).
2010 جنوب افريقيا السعودية لم تتأهل.
قبل الأخير قال!!!!!!!!!.
مازال هناك أمل فى الله.
واصل!!!.
|
Post: #42
Title: Re: البايرن و المريخ مباراة لل...شو فقط
Author: Mirghani Taitawi
Date: 01-09-2014, 09:35 PM
Parent: #41
Quote: الخال حمزاوي
سلامات يابو النسب
والله كان ودي انو تلاقو البايرن دا في مباراة رسمية.........لكن بقول إنو المريخ إستعجل شوية ...كان تنتظروا مش يمكن تقابلوهو السنة ج
الجاية رسميا....إنتو هسه في إجازة......والموسم ما بدأ....مافي لياقة ولا حساسية مباريات....ولا أي حاجة يعني قصة ملاقاتكم لي بايرنميونيخ هسي دي زي الفار الوقع في قلة مريسة و شرب و سكر و طلع في الحوش وقال....وين الكدايس ال....... ديل؟؟ ههههههههههه |
.
|
|