Post: #1
Title: وسع استثماراتك مع اقوى الفرص والعروض الاستثمارية في السودان!
Author: الامين موسى البشاري
Date: 01-05-2014, 10:56 AM
Parent: #0
دا عنوان موضوع رسالة بريد الكتروني وصلتني تروج للاستثمار في السودان
فكيف يرون السودان الذي نعرف؟
|
Post: #2
Title: Re: وسع استثماراتك مع اقوى الفرص والعروض الاستثمارية في السودان!
Author: الامين موسى البشاري
Date: 01-05-2014, 11:03 AM
Parent: #1
|
Post: #3
Title: Re: وسع استثماراتك مع اقوى الفرص والعروض الاستثمارية في السودان!
Author: الامين موسى البشاري
Date: 01-05-2014, 11:11 AM
Parent: #2
هل هناك فرص استثمار حقيقية لغير السودانيين في السودان؟
يتبع
|
Post: #4
Title: Re: وسع استثماراتك مع اقوى الفرص والعروض الاستثمارية في السودان!
Author: Asim Fageary
Date: 01-05-2014, 11:21 AM
Parent: #3
يا الأمين
سلام
أول ما تلاقي ليك عنوان عبارة عن رقم جوال وبريد إلكتروني
وليس هنالك عنوان مكتب وموقع محدد وتلفون أرضي
فهذا يعني نه نصب × نصب × إحتيال × سرقة
وكمان لمن يجيب ليك سيرة الحكومة (قال المستندات من الجهات الحكومية)
في أكتر من كدا إحتيال !
|
Post: #7
Title: Re: وسع استثماراتك مع اقوى الفرص والعروض الاستثمارية في السودان!
Author: الامين موسى البشاري
Date: 01-05-2014, 03:49 PM
Parent: #4
Quote:
أول ما تلاقي ليك عنوان عبارة عن رقم جوال وبريد إلكتروني
وليس هنالك عنوان مكتب وموقع محدد وتلفون أرضي
فهذا يعني نه نصب × نصب × إحتيال × سرقة
|
عاصم
تحياتي ...
الزول دا جادي جداد شديد في عنوانه دا
نعم هناك بعض قصص النجاح الصغيرة لافراد
من مصر وسوريا وتركيا وبعض الدول ولكنها ليست بحجم
هذه الاماني الكبار اراضي على النيل وثروة حيوانية وتنقيب عن ذهب
لذلك استغربت من الرسالة وتساءلت هل توجد فرص للاستثمار في السودان بهذا الحجم
كن بخير
|
Post: #5
Title: Re: وسع استثماراتك مع اقوى الفرص والعروض الاستثمارية في السودان!
Author: عبد الوهاب المليك
Date: 01-05-2014, 11:46 AM
Parent: #2
هذا الذي يروجون له سودان غير الذي نعرفه بدليل آلاف الفدادين على النيل مباشرة ... والأراضي الاستثمارية والسياحية على النيل مباشرة ...
والله تهبش فدان واحد على النيل مباشرة تلقى عكازي وعكازك وسكيني وسكينك ..
يا مثبت العقل والدين
|
Post: #6
Title: Re: وسع استثماراتك مع اقوى الفرص والعروض الاستثمارية في السودان!
Author: الامين موسى البشاري
Date: 01-05-2014, 03:43 PM
Parent: #5
اثناء عودتي من اجازتي الاخيرة من السودان
واثناء جلوسي في صالة المغادرة كنت جالساً بالقرب مني 3 من المصريين
ودون أن اكون مهتما بحديثهم في البداية سمعتهم يتكلمون عن العمل في السودان
وقد استرعى انتباهي أن احدهم يقول للاخرين
انا جيت السودان لي 5 ايام والآن مغادر نهائيا لأنني لم اجد عمل
وكل الكلام عن السودان وفرص العمل فيه كانت مجرد اكاذيب ولم اجد شيئاً مما قيل لي
على ارض الواقع .. بالاضافة الى سوء السودان وسوء الاحوال الجوية فيه من حيث الحرارة
وهنا بادره أحد محديثيه بانه قد تعجل وكان عليه أن يصبر قليلا وان السودان مليان خير
احدهم قال له انه حضر منذ حوالي 9 اشهر وهاهو يعود في اجازة قصيرة الى مصر
ثم سيعود بعد شهر لممارسة عمله واستطرد قائلاً بانه قد عمل في السعودية وترك السعودية وتوجه الى السودان
وان يومه في السودان احسن من يومه في السعودية
وان متوسط دخله يبلغ حوالي 200 دولار يوميا يجنيها من مهنة التبليط والنقاشه ..
نفس هذا الكلام قاله المصري الاخر لصاحبنا الذي تعجل العودة ولم يصبر في السودان حيث لم يمكث فيه الا 5 ايام فقط
الا ان صاحبنا قال بأنه سوف لن يستطيع العمل في هذا الجو الحار ..
ما اثار فضولي هو ما قاله المصريان الاخران .. وعن وجود فرص عمل كثيرة
وان متوسط الدخل ما 150 - 250 دولار في اليوم ..
عندما قرأت العنوان اليوم في بريدي تفاجأت بمستوى هذا التبشير بالفرص الاستثمارية التي يروجون لها
هل توجد فرص حقيقية للاستثمار في السودان؟
وهل يأكل خير السودان غيرنا؟
في الاعلان الترويجي هناك تبشير بالتنقيب عن الذهب كمان .. فتأمل!
اراضي على النيل .. ثروة حيوانية .... الخ الخ من البشريات
انتوا متأكدين الزول دا بتكلم عن سودانا دا ولا سودان آخر؟
|
Post: #8
Title: Re: وسع استثماراتك مع اقوى الفرص والعروض الاستثمارية في السودان!
Author: محمد حمزة الحسين
Date: 01-05-2014, 04:01 PM
Parent: #6
إذن : -
يا صديق ربيع ما غلطان سااااي شالوا حالوا 
كل عام وانت بالف خير
:
:
:
:
:
:
:
:
مع التحيات لله الزاكيات
|
Post: #34
Title: Re: وسع استثماراتك مع اقوى الفرص والعروض الاستثمارية في السودان!
Author: الامين موسى البشاري
Date: 01-06-2014, 04:54 PM
Parent: #8
مرحب يا جارنا وود حلتنا
Quote: يا صديق ربيع ما غلطان سااااي شالوا حالوا
كل عام وانت بالف خير |
ربيع كضاب حتى لو امطرت سماء السودان ذهباً .. والله صحي()
تحياتي
|
Post: #9
Title: Re: وسع استثماراتك مع اقوى الفرص والعروض الاستثمارية في السودان!
Author: معتصم محمد صالح
Date: 01-05-2014, 04:09 PM
Parent: #6
تحياتي أخي الكريم ..
نعم السودان ملئ بالخيرات وملئ بفرص العمل التي لا تحتاج لاعلانات ويمكن ان أبدأ بالذهب الذي هو مجال عملي فبلادنا تذخر بكميات خرافية من الذهب وبها مناطق واعدة جدا ولا تحتاج لرأس مال كبير وهناك الاف الشباب يضربون في الصحراء ويعودون باوضاع ممتازة .. نعم البعض ذهب ولم يجد شيئا لكنه لم يصبر او انه اتخذ طرقا خاطئة في البحث والتنقيب والحديث يطول والامثلة لا تعد ولا تحصى ..
اما عن الزراعة والماشية فهما اكثر نفعا من الذهب وفي الاونة الاخيرة اتجه اغلب الناس اليهما وتم تطوير طرق الزراعة وطرق تربية المواشي وانا شحصيا لدي اصدقاء يصدرون البرسيم الى دول الخليج واخرون البطاطس ولي صديق مهندس ترك الهندسة واصبح اشهر مربي ضأن وينتج الاف الرؤوس كل عام ويتبع احدث الطرق العملية في التربية وايضا الامثلة تكثر لكن بصورة عامة هناك استثمار حقيقي في هذين المجالين يمضي بخطى ثابتة بعد ان لمس الناس العائد الضخم منهما واصبحت الخرطوم تكتفي من التمور والموالح من انتاج مزراع حول العاصمة.
اما الاراضي فلا اعلم لها استثمارا الا ان هناك فعلا نمو وتطور في العمران في العاصمة وبعض المدن الكبيرة وهناك استغلال كبير جدا للاراضي في المواقع المميزة حول ضفتي النيل الازرق والنيل .
|
Post: #10
Title: Re: وسع استثماراتك مع اقوى الفرص والعروض الاستثمارية في السودان!
Author: عبدالعزيز عثمان
Date: 01-05-2014, 04:32 PM
Parent: #9
الاخ الامين ، تحياتنا ،،لك وضيوفك...
اولا ،بعيدا عن ما جاء بالاعلان ، ثم ناي اخر عن كل دعم من الممكن ان تجده من الدولة ،فذلك ما اشك فيه ،وانما اعتمادا علي جهدك الخاص وتوفيق من ربك،،فاقول،من مشاهدات شخصية..
نعم هناك قصص نجاحات لاستثمار ذو طبيعة محدودة ، اعرف مصريين اقامو زراعة محمية في مناطقنا،بنفسهم يتحدثون عن ارباح خرافية-الكلام ده قبل قيامة مصر-ولاحقا قامو باستئجار مئات الافدنة لعقود عشرات السنين،،من اهاليها-وقامو بانشات ضخمة واستردوا اموالهم في بضع اعوام وصارو من الاثرياء ،،اعرف اجنبي جنب ارض لي ،قام باستئجار ارض عشرة اعوام ، صنع منها جنة من الجنان،،برتقال وقريب،،وحين اتم عقده جاء صاحب الارض لياخذ منه المزرعة ،،طلب منه مليارات ليتنازل ، طبعا جري في خلد صاحب الارض انه سيفوز بالجنة،،فوجئ بقرار المحكمة،،اما ان يقوم المستاجر بازالة كل الاشجار حسب نص العقد او يتراضيان،،وتراضيا نسبة لان المليون تجيبو من طرف شدرة قريب او برتكان,,,
اخلص ،رغم اني قد بعدت عن الموضوع الاساسي ،الي ان اذا ما اراد انسان مستثمر ،سوداني اغبش،الاستثمار،وعمل بعلم وجدية وادارة جادة،فبالارقام،ليس هناك قرش ياتي متراكما كما في بلدنا،،وبالارقام وتجارب كثيرة ،، بس نحن مشكلتنا نستثمر في الاسمنت والمدينة في حين بيت المليارات ده،لو سواهو استثمار حيواني وزراعي فاهم ومدروس ومدار،،لصار في بر امان..
بس اختا الاعلانات والافندية.
|
Post: #16
Title: Re: وسع استثماراتك مع اقوى الفرص والعروض الاستثمارية في السودان!
Author: الامين موسى البشاري
Date: 01-05-2014, 09:42 PM
Parent: #10
| Quote: اخلص ،رغم اني قد بعدت عن الموضوع الاساسي ،الي ان اذا ما اراد انسان مستثمر ،سوداني اغبش،الاستثمار،وعمل بعلم وجدية وادارة جادة،فبالارقام،ليس هناك قرش ياتي متراكما كما في بلدنا،،وبالارقام وتجارب كثيرة ،، بس نحن مشكلتنا نستثمر في الاسمنت والمدينة في حين بيت المليارات ده،لو سواهو استثمار حيواني وزراعي فاهم ومدروس ومدار،،لصار في بر امان.. |
عبد العزيز عثمان
تحياتي وشكرا لرفد البوست بهذه التجارب الواقعية
أكثر ما يخيف السوداني من الاستثمار فيما ذكرت هو العوائق التي تضعها الدولة احيانا
امام اي مستثمر سوداني بينما الاجنبي يجد العديد من التسهيلات التي تعينه على العمل
اشهد للمصريين بخبرتهم في الزراعة وصبرهم عليها من خلال تجاربي معهم في السعودية
وثانيا المشكلة الاكبر تتمثل في عدم صبرنا على الاستثمار
اعرف بعض الاشخاص هنا يعملون مع اهاليهم يشترون المحاصيل ويتم تخزينها
حتى ترتفع اسعارها ثم تباع ويجنون منها ارباحاً مقدره
كذلك اعرف احدهم يعمل مع اخيه في شراء الخراف السواكني ويقوم بتربيتها
لتباع في موسم الضحية وايضا يحققون ارباحا طائلة تكاد توازي دخلهم في الخليج
الشاهد أن الاعلان مبالغ فيهو شوية ولكن يوجد استثمار .. بس مين يشتغل ويجتهد
شكرا لك مرة اخرى...
|
Post: #11
Title: Re: وسع استثماراتك مع اقوى الفرص والعروض الاستثمارية في السودان!
Author: ودقاسم
Date: 01-05-2014, 04:37 PM
Parent: #9
هناك فرص كبيرة لمن يرغب في الاستثمار في السودان
الزراعة وتربية المواشي والدواجن والألبان فيها فرص ومكاسب كبيرة
الصناعات والحرف والعمالة الماهرة تجد حظا وافرا من الدخل
راس المال والجدية واليد الماهرة كلها له مردود اقتصادي عالي جدا في السودان
والسودانيين ينقصهم كثيرا رأس المال والجدية
|
Post: #12
Title: Re: وسع استثماراتك مع اقوى الفرص والعروض الاستثمارية في السودان!
Author: معتصم محمد صالح
Date: 01-05-2014, 04:54 PM
Parent: #11
تحياتي ود قاسم ,,
والله عوائد الاستثمار في السودان مقارنة بمنصرفاته لن تجدها في اي بلد آخر وبالفعل العوائد عالية جدا ، مشكلتنا الجدية والمتابعة واهم شي الـ finishing ..
|
Post: #20
Title: Re: وسع استثماراتك مع اقوى الفرص والعروض الاستثمارية في السودان!
Author: الامين موسى البشاري
Date: 01-06-2014, 07:39 AM
Parent: #11
Quote: هناك فرص كبيرة لمن يرغب في الاستثمار في السودان
الزراعة وتربية المواشي والدواجن والألبان فيها فرص ومكاسب كبيرة
الصناعات والحرف والعمالة الماهرة تجد حظا وافرا من الدخل
راس المال والجدية واليد الماهرة كلها له مردود اقتصادي عالي جدا في السودان
والسودانيين ينقصهم كثيرا رأس المال والجدية |
ود قاسم
تحياتي ...
اعلم ان لك الكثير من التجارب في مجال الاستثمار خصوصا وانك مغترب بالمعاش
يا ريت ترفد لينا بالبوست ببعض تجاربك الذاتية حتى تعم الفائدة
استمعت لك خلال اجازتي السابقة وكنت قد تحدثت عن بعض التجارب
وهي تجارب قيمة وناجحة فما تبخل علينا بها
كن بخير
|
Post: #18
Title: Re: وسع استثماراتك مع اقوى الفرص والعروض الاستثمارية في السودان!
Author: الامين موسى البشاري
Date: 01-05-2014, 09:54 PM
Parent: #9
الاخ معتصم
تحياتي..
Quote: اما عن الزراعة والماشية فهما اكثر نفعا من الذهب وفي الاونة الاخيرة اتجه اغلب الناس اليهما وتم تطوير طرق الزراعة وطرق تربية المواشي وانا شحصيا لدي اصدقاء يصدرون البرسيم الى دول الخليج واخرون البطاطس ولي صديق مهندس ترك الهندسة واصبح اشهر مربي ضأن وينتج الاف الرؤوس كل عام ويتبع احدث الطرق العملية في التربية وايضا الامثلة تكثر لكن بصورة عامة هناك استثمار حقيقي في هذين المجالين يمضي بخطى ثابتة بعد ان لمس الناس العائد الضخم منهما واصبحت الخرطوم تكتفي من التمور والموالح من انتاج مزراع حول العاصمة.
|
كل الشكر والتقدير لك ايضا على رفد البوست بهذه التجارة الناجحة
ويا ريت تستفيض في ابرازها ..
هناك الكثيرون عالقون في الخارج وهم بحاجة لهذه التجارب
المشكلة دوما هي في كيفية المبادرة والكثيرين تنقصهم الشجاعة والخبرة
لاقتحام مثل هذه المجالات ...
كان لنا زميل في الكلية وهو صاحب ذهنية متفتحة جدا ولكنه كان رجل عصامي
كان معه 2 من الصبيان يشترون البضاعة من سوق الجملة في السوق العربي
ويبيعونها في سوق وكانوا يجنون ارباحا مقدره ..
اذكر هذا المثال فقط بأن كل حركة فيها بركه
كن بخير وفي انتظارك اكيييييييييييد
|
Post: #15
Title: Re: وسع استثماراتك مع اقوى الفرص والعروض الاستثمارية في السودان!
Author: الامين موسى البشاري
Date: 01-05-2014, 08:13 PM
Parent: #5
| Quote: هذا الذي يروجون له سودان غير الذي نعرفه بدليل آلاف الفدادين على النيل مباشرة ... والأراضي الاستثمارية والسياحية على النيل مباشرة ... |
عبد الوهاب المليك
تحياتي ... والله دا (زاتو) المحير بوبي
بس خلي عكازك المضبب جاهز وانا معاك
|
Post: #13
Title: Re: وسع استثماراتك مع اقوى الفرص والعروض الاستثمارية في السودان!
Author: عبدالكريم أحمد الامين
Date: 01-05-2014, 04:59 PM
Parent: #2
| Quote: تتم الإجراءات بأوراق رسميه فى الجهات الحكوميه حيث يتم التسجيل بوازرة العدل وإدارة تسجيلات النائب العام . والشهر العقارى |
** ود البشارى..
** سلام ..
## الإقتباس الفوق دا :- دى أول مكنه صياغةً وفعلاً وقانوناً ,, الإجراء الوحيد الذى يتعلق بالشركات يتم فى إدارة الشركات وهى تابعه للنائب العام ,, االباقى أنسى يامنسا لاوجود له على أرض الواقع ##
## قال إستثمار فى ظل قوانيين الإستحمار .... إذا كان الكيزان و ناهبى المال العام منهم يستثمرون أموالهم فى دبى وماليزيا والصين وهونق كونق وتايلاند !! ومشركين للدايشيين بمثل هذه الإعلانات ,, والله لو إستثمرت الف دولار تكون الضرائب والزكاه ورسوم النفايات ورسوم المحليات ورسوم أُخرى 3 أضعاف استثمارك (الالف دولار) تدفعا قبل مامشروعك يربح سنت ,, وفى روايه أُخرى قبل مايبدأ ##
(اللهم أنقذنا مِمن أتوا لإنقاذنا )
|
Post: #14
Title: Re: وسع استثماراتك مع اقوى الفرص والعروض الاستثمارية في السودان!
Author: الشفيع وراق عبد الرحمن
Date: 01-05-2014, 05:49 PM
Parent: #13
| Quote: نحن مشكلتنا نستثمر في الاسمنت |
صدقت يا عبد العزيز
والله استثمار بائس جدا
ود اختي مهندس بترول نزل البلد الموسم ده وزرع مما شاء الله 80 فدان بصل
والصور دي اول امس
وبتوقع ارباح لا تقل عن 120%
وبحول الله الموسم الجاي شهر 4 ناوي اخش معاهو بي 50 فدان
ويا اللمين والحضور تحياتي
|
Post: #17
Title: Re: وسع استثماراتك مع اقوى الفرص والعروض الاستثمارية في السودان!
Author: Dr. Ahmed Amin
Date: 01-05-2014, 09:52 PM
Parent: #14
سلام مربع يالالمين وكل عام وانتم بخير ...
خلاس ااا زول رايك شنو نتشارك لنا في منجم ماس ودهب ...
عشان نطلع فوووووق مره واحده .. وبعد داك نقبل على اراضي النيل والمزارع لزوم مزمزه كدي ...
انا جادي ..... ههههههههههه
|
Post: #19
Title: Re: وسع استثماراتك مع اقوى الفرص والعروض الاستثمارية في السودان!
Author: Hani Arabi Mohamed
Date: 01-05-2014, 10:35 PM
Parent: #17
سلامي وتحياتي
عقدة الأجنبي
تجعل العامل الأجنبي يحصل على فرص أكثر ومدفوعات أكبر لقاء نفس العمل الذي يقوم به عامل سوداني داخل السودان ...
وكذا ب النسبة للمستثمرين
فمن أراد أن ينجح في السودان ... فليأته غريباً
|
Post: #35
Title: Re: وسع استثماراتك مع اقوى الفرص والعروض الاستثمارية في السودان!
Author: الامين موسى البشاري
Date: 01-06-2014, 05:00 PM
حبابك يا هاني
Quote: عقدة الأجنبي
تجعل العامل الأجنبي يحصل على فرص أكثر ومدفوعات أكبر لقاء نفس العمل الذي يقوم به عامل سوداني داخل السودان ...
|
ههههههههههه ذكرتني قريباً لينا ..
كان عنده شغلانه كدا وقال لي ماشي افتش لي عمال عشان التبليط والدهان
وذكر انو ماشي يفتش سوريين أو مصريين
قلته ليهو ليه؟
قال لي: السودانيين ما بشتغلو الواحد داير حق الفول والسجاير والعرقي هههههههههههه
الشغل الممكن يتعمل في 3 يوم السوداني بعمله في اسبوع أو 10 يوم
|
Post: #33
Title: Re: وسع استثماراتك مع اقوى الفرص والعروض الاستثمارية في السودان!
Author: الامين موسى البشاري
Date: 01-06-2014, 04:49 PM
Parent: #17
Quote: خلاس ااا زول رايك شنو نتشارك لنا في منجم ماس ودهب ...
عشان نطلع فوووووق مره واحده .. وبعد داك نقبل على اراضي النيل والمزارع لزوم مزمزه كدي ...
انا جادي ..... ههههههههههه |
طوالي يا دكتور احمد أمين
يمكن نسوي لينا قروش مع الكيزان ديل ههههههههههههههه
بلا وظيفه بلا وهم .. قعاد المكاتب غير ما يجيب لينا الضغط ما بسوي لينا حاجة
ودي الذي تعلم
|
Post: #26
Title: Re: وسع استثماراتك مع اقوى الفرص والعروض الاستثمارية في السودان!
Author: حماد الطاهر عبدالله
Date: 01-06-2014, 12:21 PM
Parent: #14
باشمهندس الشفيع
تحياتي
البصل دا حصدو أخضر كدا مالو؟
تجربة شكلها رائدة وعلماأن التعطيش قبل الحصاد يزيد المحصول جودة وتحمل للتخزين.
|
Post: #32
Title: Re: وسع استثماراتك مع اقوى الفرص والعروض الاستثمارية في السودان!
Author: الامين موسى البشاري
Date: 01-06-2014, 04:46 PM
Parent: #14
Quote: ود اختي مهندس بترول نزل البلد الموسم ده وزرع مما شاء الله 80 فدان بصل
والصور دي اول امس
وبتوقع ارباح لا تقل عن 120%
وبحول الله الموسم الجاي شهر 4 ناوي اخش معاهو بي 50 فدان |
الشفيع وراق يا هندسة
تحياتي ... يا زول على بركه الله بس شوف لأخوك 30 فدان كدا النجرب معاكم
شنو يعني قاطع صوت ولا ليك حس ولا خبر
|
Post: #21
Title: Re: وسع استثماراتك مع اقوى الفرص والعروض الاستثمارية في السودان!
Author: الامين موسى البشاري
Date: 01-06-2014, 07:51 AM
Parent: #13
عبد الكريم الما كيكي
تحياتي يا ملك ..
| Quote: والله لو إستثمرت الف دولار تكون الضرائب والزكاه ورسوم النفايات ورسوم المحليات ورسوم أُخرى 3 أضعاف استثمارك (الالف دولار) تدفعا قبل مامشروعك يربح سنت ,, وفى روايه أُخرى قبل مايبدأ ## |
مع الاسف هذا يحدث كثيرا في السودان
ولكن السؤال هل تتم معاملة الاجنبي بشكل مختلف عن السوداني؟
هذه الوعود التي وردت في الاعلان سقفها عالي جدا واعتقد انها لا تخرج
عن بيع السراب للمستثمر ....
نعم السودان ارضه خصبة وزاخرة بالخيرات ولكن ليس كما ورد في الاعلان
الناس دي انقذتنا من شنو بالضبط كدا؟
كن بخير
|
Post: #22
Title: Re: وسع استثماراتك مع اقوى الفرص والعروض الاستثمارية في السودان!
Author: ابوحراز
Date: 01-06-2014, 08:23 AM
Parent: #21
انا ماعارف اعلان او فدادين على النيل
ولكن نصيحة لوجه الله تعالى
اياك ان تعطي شخص اموالك بان يستثمرها لك بالسودان
فإما أن تذهب لتستثمر بنفسك
وإما أن تخت قروشك تحت المخدة
واذا عاينت ليها كل يوم ورجعتها مكانها فهذا افضل استثمار
ياخي مرات تدي واحد قروش تجي بعد سنة مش تلقى ارباح
بل قروشك نفسها ماتلقى منها اي شيء
ولمن تسال القروش مشت وين
مرة يقول ليك أمي كراعها انكسرت
ومرة يقول ليك أختي عضاها كــــلـــــب !!!
واعمل بمقولة واحد اخونا هنا الله يطراه بالخير في سودانيز
قال لو عاوز ترسل هايس
لازم ابوك يكون السواق
وأمك تكون الكمساري
ولو حصل العكس { الكمساري } حاياكلك !!!
قال عضاها كــــلـــــب قال !!!!
|
Post: #23
Title: Re: وسع استثماراتك مع اقوى الفرص والعروض الاستثمارية في السودان!
Author: عبد الوهاب المليك
Date: 01-06-2014, 10:31 AM
Parent: #22
Quote: ولكن نصيحة لوجه الله تعالى
اياك ان تعطي شخص اموالك بان يستثمرها لك بالسودان |
نصيحةً تبيض طريقك أخي أبو حراز
280 الف ريال راحت شمار في مرقة ولي هسه بعضي في أصبعي ..
ويا مثبت العقل والدين ..
|
Post: #24
Title: Re: وسع استثماراتك مع اقوى الفرص والعروض الاستثمارية في السودان!
Author: صلاح الدين نزلاوى
Date: 01-06-2014, 11:39 AM
Parent: #23
وسع استثمتراتك مع اقوى الفرص والعروض الاستثماريه فى السودان
دا كلام صحيح 100%
انا صاحب تجربه استثماريه صغيرة وهى تربية الابقار الحلوب
مشروع ناجح 100%
كثيرين توجهوا الى الاستثمار الحيوانى عائده افضل
كل ما ذكر فى هذا البوست صحيح
هنالك معوقات
وهنالك محفزات
الصبر والاعتماد على النفس اهم حاجة
اراضى مافى بس تشترى من الاهالى وتوثق عند الحكومة او تشترى من الحكومة وتوثق عند الاهالى
الاهالى يدعون ان المساحات هى مملوكة لهم ورثوها عن اجدادهم
الحكومة تقول كل اراضى السودان ميرى
العمالة السودانيه تتصف بالمزاج وعدم الطموح
الاخوة العرب والاتراك عندهم الصبر
عزيمتهم وهمتهم عاليه
منتجات الاسمنت
منتجات الالبان
منتجات البيوت المحمية ( الخضروات)
الرى بالتنقيط
البساتين
اللحوم الفاخرة
الدواجن ومنتجات الدواجن
.......الخ
استثارات صغيرة وكبيرة فى هذه القطاعات
اتراك وشوام
زكل سنة وانتو طيبين
|
Post: #25
Title: Re: وسع استثماراتك مع اقوى الفرص والعروض الاستثمارية في السودان!
Author: حماد الطاهر عبدالله
Date: 01-06-2014, 12:11 PM
Parent: #24
باشمهنس اللمين
تحياتي
| Quote: اقوى الفرص والعروض الاستثمارية في السودان! |
صدق وشوفوا البصل دا كيف؟؟؟
Quote: اياك ان تعطي شخص اموالك بان يستثمرها لك بالسودان
فإما أن تذهب لتستثمر بنفسك |
- خليك من الإعلان .. أمسك في النصيحة دي من ابي حراز والقول ما قال ابوحراز.
- لو إنت شخصيا عايز تستثمر فالفرص المتاحة لك تعلمها ( رز ووز وورل كبير ما بفز ونقارة بتقول دز) بقر حمر ولا الصمغ العربي
ولا الفول السوداني ولا القدر بنات سعدان، ولا منافس لك، كل ما في الأمر توكل.
- ترويج الحكومة للزراعة بلغ الآفاق، شوية حركة وشوية توفيق من الله جل جلاله وشوية تواصل مع
المواطنين ممن يدعون ملكية الأرض وشوية توكل على الله جل جلاله يمكنك أن تمتلك فدادين وتزرعها
وتخلطها بشوية عجول وإنت عارف الباقي- تذكر تجربة الأخ/ صلاح نزلاوي مع الأبقار وهو غير بقاري...
- حقيقة تعاملت مع مكتب بالخرطوم وساعدني بدراسات وتحركات رسمية وحاليا وصلت مرحلة إستلام ألفين
فدان بمنطقة و600 فدان بمنطقة أخري، غير أن نصيب الأهالي من القسمة قد يصل 25% من الأرض لتخصيصها لهم
أو مساومتهم أو تسليمها لهم كما هي للتصرف بها....
الخلاصة نصيحة أبي حراز أولا ثم لا تقف......
|
Post: #27
Title: Re: وسع استثماراتك مع اقوى الفرص والعروض الاستثمارية في السودان!
Author: Hassan Senada
Date: 01-06-2014, 12:21 PM
Parent: #25
انت عارف عندى مواطنين من الامارات ذهبوا الى السودان واستثمروا فى المياه المعدنية فى جهة سوبا
لاكن بعد فترة شردوا عديل شى ضرائب شى ماعارف عوائد والله قالو حاجات كتيرة فى نهاية رجعوا خسرانين
تحياتى البشارى
|
Post: #28
Title: Re: وسع استثماراتك مع اقوى الفرص والعروض الاستثمارية في السودان!
Author: عصام علي أحمد
Date: 01-06-2014, 12:44 PM
Parent: #27
ويوسسسسسسسسسسسسسسسسسع
|
Post: #29
Title: Re: وسع استثماراتك مع اقوى الفرص والعروض الاستثمارية في السودان!
Author: Asim Fageary
Date: 01-06-2014, 12:50 PM
Parent: #28
Quote:
ويوسسسسسسسسسسسسسسسسسع
|
عصام علي قلت لي يوســـــــــــــــــــــع طوالي من غير (ينظر في الأمر ويفاد فيه)
|
Post: #30
Title: Re: وسع استثماراتك مع اقوى الفرص والعروض الاستثمارية في السودان!
Author: Alshafea Ibrahim
Date: 01-06-2014, 02:13 PM
Parent: #29
ود البشاري
تعرف الجماعة ديل ناوين نية قوية يحفرو ليهم كم نيل في الشرق والغرب لزوم العدالة في توزيع الموارد وكده ، غايتو أنا بحاول أوفر لي قريشات أشتري لي أرض نيلية في شرق الله البارد ، إذا ربنا مد في العمر وعشنا لغاية أفتتاح هذه المشاريع المنتظرة ...
الشفيع إبراهيم
|
Post: #31
Title: Re: وسع استثماراتك مع اقوى الفرص والعروض الاستثمارية في السودان!
Author: nazar hussien
Date: 01-06-2014, 04:11 PM
Parent: #30
بلد محتاج لكل حاجة وفيه كل الوسائل والمعينات...
كيف ما تكون فيه فرص..
ارض فضاء واسعة وخصبة...ومياه عذبة
وذهب الناس تلقط فيه من الصحراء وبوسائل
بدائية جدا...غابات ...مد البصر...شجرتين منها
بصدروا ليك فحم لما علي بابا يحتار...
مواشي ترعي وسط المرعي...من
نباتات قائمة في الخلا سااااكت...
كل المشكلة هي في الحكم والادارة...
جيبوا ناس يديروا السودان دا صاح
الاستثمار حا ينبهل بهلة تحير العدو
في اجازتي الاخيرة سافرت من الخرطوم الي الابيض بعربة خاصة
ووقفت علي سوريين ينتجون الا######## ويصدرونها رأسا...
وصفيحة الحليب تصلهم لا مصنعهم بي عشرة جنيه..
كوستي وما ادراك ما سمك كوستي...بلطي وبياض مراكب مليانة\
وما عارفين يعملوا فيها شنو؟
بينما البلطي ببلاد الخليج يأتيهم من تايلاند زي عكف النحل...وفي الخرطوم البلطية بي 30 الف...في كوستي اكلتها بي خمسة الف وكوستي والخرطوم ساعات معدودات
بلطي نيل والله بلطي تايلاند
ممكن تشتري مركب بلطي...بي مبلغ تااافه
بينما نشتري هنا البلطية بي 20 و30 ريال
شوف المركبة فيها كم بلطية وكم ريال...
في سوء ادارة وتخطيط...ودنيا ماشة هبتلي ساكت...
هسي لو قبلوا علي حاجة حاجة ونجضوها...كان لا هسي نحن بي نيمارنا زي البرازيل واحد
|
Post: #36
Title: Re: وسع استثماراتك مع اقوى الفرص والعروض الاستثمارية في السودان!
Author: محمد مجيدو
Date: 01-07-2014, 09:16 AM
Parent: #1
يا هندسه .. وضيوفك الكرام .. السلام عليكم ..
بوست مفيد .. ولقد فتحت اعيينا الى استثمارات كنا نخاف من عائدها ...
وكما تعلم .. ان كل استثمارتي في العقارات ( استثمار ج ب ا ن ) الا ان عائده مجدي
خاصة للمغتربين البعيدين عن البلد ولا يحتاج الى متابعة كبيره زي الاستثمارات الاخرى
اللهم ... توكل واحد يلقط ليك الايجارات والسلام ..
في اجازتي الفاتت اشتريت مزرعة 20 فدان بالقرب من العيلفون ..
وان شاء الله ناوي اربي فيها ابقار ودواجن .. مع زراعه بعض المساحه بالخضروات..
ونشوف يا ظبطت معانا .. يا خابت ....
وفعلا بلدنا بها كل مقومات الاستثمارات الناجحه ...
الا ان سياسة الحكومه في فرض الضرائب والجبايات الكثيره نفرت الناس عن
الدخول في اي مغامره وخيمة العواقب ....
ونسأل الله التوفيق للجميع ,,,
التعديل على كلمه كاورد ( عكس شجاع ) .. حيث لغاها النظام ...
|
Post: #37
Title: Re: وسع استثماراتك مع اقوى الفرص والعروض الاستثمارية في السودان!
Author: الامين موسى البشاري
Date: 01-08-2014, 00:30 AM
Parent: #36
شكرا لكل من رفد البوست برأيه او اشركنا في تجربته
غايتو طمنتوا الزول بانو الاستثمار ممكن في بلدنا دي
سأعود لكم فردا فردا
|
|