يـا نـاس الـبـورض،،، مـلاسـي يـحـتـاجـكُـم ...

والله صحي...

أنا سوداني أنا،
أُغنية غير وطنية.
بل هي قصيدة عاطفية كُتبت في مرا من عطبرة
ما زالت عايشة حتي اليوم، وهي شديدة ولضيضة
ولي يوم الليلة بتدخل الخيت في الخياتة...

ثورة 24 ما ثورة،
بل هي شكلة في سوق الخدار
إنتهت بتدخُل بوليس السواري...

أُغنية يا غريب يلآ لبلدك أُغنية غير وطنية،
بل هي عاطفية بحتة، كُتبت في سعاد حُسني
وإدعت نجلاء فتحي أنها المعنية بالقصيدة...

أعينوا أخاكم ملاسي علي تصحيح التاريخ.

من لديه معلومة فلا يبخل بها...

Quote: من لديه معلومة فلا يبخل بها...

نساء الشعب السوداني (غير راشدات)
فهن يستخدمن حطب الطلح.. لاستدرار عطف أزوجهن الجنسي..

بينما نساء الشعب السعودي والخليجي (الراشدات) ورجاله (الراشدين)
يستخدمونه للتدفئة..!

إن محض الرشد والوعي الإنساني أن يستخدمن تلكم النساء الغير راشدات
(الساونا) مع العود الكمبودي العتيق..
فهي أجدى في نظري المتأمل!

عبد الرحمن النجومي ما ليهو علاقة بالثورة المهدية،
ولا الثورة بالنُص.
كان إسموا علي حسنين، وكان شغال في ورشة المرمة
عطبرة، وكان جارنا الحيطة بالحيطة، وهو زاتو الخرتوم
دي بعينوا ما شافا...

بلا عيد إستقلال، بلا لمّة معاكم.
هُن الإنجليز زاتُن السودان دا ما شافهوا
بعينُن.
تاريخنا الذي يكتب بقلم القصب والدواية،
فتأمل !!!...

أغنية
حني علي أنا يا تتي الحاصل بي سببو انتي

دي أغنية وطنية اصلك ما تغالط فيها

أرحموهوا إذا تأمل وأتركوهوا إذا تجمل....

"كل صاقتي ليها لاقطي"
من اقول ثيودور هرتزل

.

أهرامات البجراوية غير سودانية
جلبها الخديوي من الأقصر
ليوهم بها حملة التعايشي لفتح الديار المصرية
بأنهم وصلوا إلى مبتغاهم وينقعوا..

ولكن الخطة فشلت..
كما جاء في كتاب سلاطين باشا
عندكم غلاط في سلاطين باشا
ما مؤرخ زيو زي بابكر بدري!
فتأمل!
.

أغنية الأهيف دي موجهة لولد ما لبنت

لو كانت لبنت كان الشاعر قال يا الهيفاء

ودا بيأكد كلام سعاد الفاتح في البرلمان


ومنو القال ليكم السودان نال إستقلاله السودان ما زال (مستغلاً)


يا أخوانا إنتوا بتغالطوا ملاسي !

_________________

معاوية المدير الله يجازي محنك

ابو ريالة وابو العفين هما وزيرا الزير والقدرة لجمهورية اكل النيم الصديقة والمقربة
من دولة الموز اللحمر ...


سلام وشوق لود المدير

Quote: أرحموهوا إذا تأمل وأتركوهوا إذا تجمل....

وارفعوهو إذا تشنقل

والله يا المدير اخوي غايتو أنا المدعو طلحة عبدالله براءة مما يعمهون
لانو قبل كدا في بوست من بوستاتي الناجحة ذات النظرة الثاقبة النافذة سألت العلي القدير
أن يفرمل لينا كيبورد ملاسي حتي لا ينزلق في مزلقان لسانك حصانك ان حافظت عليهو
فلك أجر المجتهد وان لم تفعل فالرماد كال حماد أو كما يقول المثل ..
ولن أيأس من استجابة الرحمن الرحيم .

Quote: كما جاء في كتاب سلاطين باشا عندكم غلاط في سلاطين باشا ما مؤرخ زيو زي بابكر بدري! فتأمل!

أثبتت حفريات في كنيسة اللد أنّ سلاطين باشا أغلف،
لا في زول طهرو، لا في زول ختنو .


تاريخنا الذي يكتب علي الهواء الطلق...

Quote: نساء الشعب السوداني (غير راشدات) فهن يستخدمن حطب الطلح.. لاستدرار عطف أزوجهن الجنسي..

ويلبسن البنطال، فيا لكذب التاريخ الذي يُكتب بالكتاحة،
لم تعرف مهيرة الرحط، وكذلك إيمان شخيتة.
نسبوا إليها أنها قالت، أدونا السيوف هاكم رحاطتنا.
فتأمل...

Quote: أغنية حني علي أنا يا تتي الحاصل بي سببو انتي دي أغنية وطنية اصلك ما تغالط فيها

شكراً للتصحيح يا حمد، لكن ما تستبعد يجي وآحد يقوليك،
بتاعت شماسة، علماً بأنه درسونا ليها في الإبتدائ، وقد
قيلت بسبب معركة الميل 40.
فيا للتاريخ الذي يكتب على الهوى ويا للاغنيات التي تؤول على الهوى! ...

مطلق الحرية لملاسي ان يكتب ما يريده ويتم مناقشته بادب بدون ذكر اهله الذين قدموا للسودان ما لم يقدمه اي واحد من المتشدقين

الاستعمار حاربوه واتسجنوا فبه الجهل حاربوه وكرموا فيه الحياة السياسية لعبوا دورا كبيرا فيها الفنون والثقافة لهم باع كبير فيها

يعني لو عاينا لروحنا وقارنا بعدالة حنعرف انه يجب ان نحترم اهلو ولا نتعرض لهم..


بخصوص حسين ليكم اللحم ولينا العضم اختو اهلو بالله..

Quote: بخصوص حسين ليكم اللحم ولينا العضم اختو اهلو بالله..

دكتورة نجاة مركبة وش أم التلميذ ... أيام زمان

قالت ليكم اللحم ولينا العضم

بالغتي فيها دي يا دكتورة نجاة

وغني
عمر الطيب الدوش لسعاد
حميد لنورا
القدال لأمونة
فسعاد هي زوجة الدوش
امونة هي زوجة القدال
حميد لم يتزوج فنورا لعلها حبيبته

Quote: مطلق الحرية لملاسي ان يكتب ما يريده ويتم مناقشته بادب بدون ذكر اهله الذين قدموا للسودان ما لم يقدمه اي واحد من المتشدقين الاستعمار حاربوه واتسجنوا فبه الجهل حاربوه وكرموا فيه الحياة السياسية لعبوا دورا كبيرا فيها الفنون والثقافة لهم باع كبير فيها يعني لو عاينا لروحنا وقارنا بعدالة حنعرف انه يجب ان نحترم اهلو ولا نتعرض لهم.. بخصوص حسين ليكم اللحم ولينا العضم اختو اهلو بالله..

تسلمي يا دكتورة،
وأوافقك 100%، علي ما ورد في مداخلتك.
تجاوزت المداخلآت حتي لا يأتي من يتعرض لملاسي ويصفه
بأنه غير سوداني ناهيك من التعرض لأهله...

Quote: أرحموهوا إذا تأمل وأتركوهوا إذا تجمل....

هو دائماً يتجمّل نُثبت له هذا،
لكنه كثير التأمُل، ونعيب عليه هذا...

Quote: "كل صاقتي ليها لاقطي" من اقول ثيودور هرتزل

من أراد أن يعرف التاريخ،
فليأخذه من مصدره.


شكراً يا قريبي...

Quote: ودا بيأكد كلام سعاد الفاتح في البرلمان

دي منو كمان يا عاصم،
مُؤرخة برضو ؟؟؟...

Quote: وارفعوهو إذا تشنقل

علموهوا...


حلوة يانادر

Quote: وارفعوهو إذا تشنقل

يحتاج يا نادر،
ملاسي دا زي أبو القدح، وكِت يتشنقل
ما بيقدر يرفع نفسو ...

Quote: دي منو كمان يا عاصم، مُؤرخة برضو ؟؟؟...

ما عارفه دي يا ود المدير

دي الكوزة الوثقت لزواج رجل برجل وكمان في البرلمان قالت ليهم حصل زواج رجل برجل بحضور مأذون وحفلة موسيقية

في الخرطوم دي ذاتها بتاعة المشروع الحضاري





تعديل كلمة الوثقت (وثقت)

في السلكـ يا عمك .. والله صحي

الطابية المقابلة النيل ما هي الا بيوت بناها بعض الاطفال
بجوار النيل حينما كانوا مع اهاليهم يتنزهون بتلك النواحي

الثورة المهدية ليست ثورة
بل هي فوضى عارمة قام بها بعض المخربين وشذاذ الآفاق
وقد أدت تلك الفوضى حينما تنامى مد التخريب الى مقتل الحاكم العام
وتم قطع رأسه بواسطه المخربين ... الله لا كسبهم

تاريخ السودان تاريخ مزيف كُتب بواسطة بعض المساطيل امثال نعوم شقير

قال عازه في هواك قال ..يا لنا من شعب بائس
حينما يذكرنا حسين ملاســي بحقائق تاريخنا

ويا خسارة كل حصص التاريخ التي ضيعنا فيها وقتنا حينما كنا في سن الدراسة
يعني هسي لو كان ودونا لحبوبة ملاســـي حكت لينا التاريخ دا مش كان احسن؟

وتاني في شنو؟
وتاني في شنو؟
وتاني في شنو؟

لو اتذكرته حاجة بجي اقولها ليكم ........

Quote: ابو ريالة وابو العفين هما وزيرا الزير والقدرة لجمهورية اكل النيم الصديقة والمقربة من دولة الموز اللحمر ... سلام وشوق لود المدير

سلآم واشواقي الكتيرة يا نور الدين.

أيِّ، اخير الناس توثق من هسع،
عشان بعدين ما يحصل غُلآت...

Quote: والله يا المدير اخوي غايتو أنا المدعو طلحة عبدالله براءة مما يعمهون لانو قبل كدا في بوست من بوستاتي الناجحة ذات النظرة الثاقبة النافذة سألت العلي القدير أن يفرمل لينا كيبورد ملاسي حتي لا ينزلق في مزلقان لسانك حصانك ان حافظت عليهو فلك أجر المجتهد وان لم تفعل فالرماد كال حماد أو كما يقول المثل .. ولن أيأس من استجابة الرحمن الرحيم .

نسأل الله أن يستجيب دعاءك أخي طلحة، وانا من جانبي بقترح
إجازة، تتخللها فترة نقاهة. اليومين ديل شايف الفرملة فكت، وأهلنا
العرب قالوا، المِكثار كحاطب ليل.
دي زي بتاعت خاط لي عمرو قباءُ
ليت عينيه سواءُ،
وكان خياط أعور...

=


المسكوت عنه في التاريخ السوداني أخي (معاوية المدير ) أكبر بكثير من المكشوف،
وحتى تاريخنا القريب الذي تم تدوينه في المدونات ومخطوطات بلدياتكم كاتب الشونة (الشونة = مخازن الغلال، وغرابيل العيش والحبوب) فإن الكتاب لم ينج – بأيدي المحققين- من الغربلة وإزالة البُتاب والسوس والأوساخ.

ودعنا من "الأغلف" سلاطين، فقد خضعت طبقات قريبكم الجعلي (ود ضيف الله) من ذات المحققين للتنظيف والمكيجة وإزالة غلفتها وحشفتها، وتنظيف الكثير من العفونة التي تغطي وجه وبطن ذلك التاريخ.

وبرغم جهد المؤرخين القدامي وجيوش من لحقهم من محققين وعطارين في إصلاح ما أفسده الدهر، وتنظيف ما لحق من بثور ودمامل فما تزال هناك وإلى الآن بقية من غلفة، وما تزال الكثير من العوالق/العواليق التي يسكت عنها الجميع والمبثوثة بين غلافي أو "غلَّفتي" أهم وثيقتين عموديتين في تاريخ السودان.

ونحن لسنا استثناء، فكل شعوب العرض تفعل ذلك، والتاريخ العربي/الإسلامي فيه الكثير من المسكوت عنه والذي يصعب البوح به.. ولم يُقـتل المفكر المصري (فرج فودة) قبل عدة سنوات، إلا بسبب أنه تجاسر وتحدث عن بعض ذلك المسكوت عنه في عهد الصحابة والتابعين في الثلاثين عاماً الأولى من الدولة الإسلامية.. وما عُذب وقتل وسُلخ من قبله عدد من أئمة التاريخ والفقه الإسلامي إلا لأنهم تجاسروا ودقوا الصفائح وتحدثوا ليكشفوا الغطاء عن بعض الفضائح (=الحقائق) المستفزة في مسار التاريخ العربي/الإسلامي.
------

...
..
.



وبعيداً عن الجدية وعلى الهامش كده:

أعتقد يا طلحة ويا معاوية: بأن النفع من "تأملات و" مزلقانات" و "شطحات" ملاسي أكثر من ضررها

ملاسي الذي الذي أقدم على التشكيك في بطولة مشكاة افريقيا ونبراسها (نيلسون مانديلا )، تأملته واعجبت به الشاعرة الشماسية نصرة بنت شخيتة المعروفة (بأم تُـمام) وقالت فيه ذلك البيت المشهور:

(إقدام عمروٍ في سماحةِ عاصمٍ في حِلم طلحة، في ذكاء ملاسي)؟


.
...
..
.

Quote: (إقدام عمروٍ في سماحةِ عاصمٍ في حِلم طلحة، في ذكاء ملاسي)؟

شكراً يا الصادق عبدالله على تنزيل أبيات الشاعر ابو تمام علينا

وأكيد عثمان دقنة كان أول مدير للبنك العثمانى السودانى وممثلا للباب العالى العثمانى فى هذه الديار .

أخى معاوية.....كل عام وأنت بخير....

ملاسى برع فى تمجيدالإنقاذيين وتغليف الدعاية لهم فى شكل ونسة .....
ولقد تخصص الملاسى فى تحويل أخبار الإنقاذيون الى ونسة بكاسى....

Quote: بادب بدون ذكر اهله الذين قدموا للسودان ما لم يقدمه اي واحد من المتشدقين الاستعمار حاربوه واتسجنوا فبه

والله حاجة تحير
شر االبلية ما يضحك

زول شغال فى اهلنا ورموزنا يمين وشمال ومطلوب مننا نسكت
وبادب كمان
ليه ما طلبتى منو يحترم مشاعر الناس اللبيحمل هويتهم
كان ممكن ينتقد وبادب برضو
مش بالسخرية والتبخيس البيمارس فيهو ده!!!!
وبعدين استعمار شنو الحاربوهو اهلو ده ؟؟؟
مش هم دخلوا مع الاستعمار برضو وكانو جزء منو

.. مساعدة.. لـ ملاسي في القصيدة التي ما زال يعكف عليها.. إلى الآن
منبراً ماهو هين والزمن غير الزمن!

زعموا أن المهدي سوداني وشبكونا في المنابر..
فتبين أنه من دناقلة نوبة مصر يا أم جمال وأم صابر..

زعموا أن عثمان دقنة سوداني فألمناهم حجر..
بعد أن ثبت لنا محض صدفة أنه بيجاوي إريتري من جارة البحر..

زعموا أن علي دينار سوداني حافر أبيار وكاسي الكعبة..
فثبت أنه فوراوي تشادي نصف جيد وحالتو صعبة!

زعموا أن علي عبد اللطيف سوداني ورى الإنجليز الويل..
فتراء لنا أنه دينكاوي جنوب سوداني أصيل!

زعموا أن موسم الهجرة إلى الشمال..
رواية سودانية من أديب سوداني بمعنى الجمال..
فإذا بها رواية من أنغولا.. مغسولة!
كما مريود من رواية لاتينه… مكويه!
فتأمل.. لزيف الهويه..

زعموا أن المك نمر سوداني ابن سودانيه..
فإذا به جعلي عباسي من السعوديه.. !
فتأملوا! يا مدعي الوطنيه..


***
فيا لتاريخ السودان الهامل.. الذي يكتب على الهواء السائل..!

خذوا نصف تأريخكم عن هذا الملاسي

اها يا الفحل منو القاليك اهلو دخلو مع الاستعمار?
اها الزول لما يكون ما بعرف زول ما المفروض ينجر ليه معلومات من مخه ويتكلم على اساسها
سمعت باللواء الابيض ؟؟!
فتش على ناسها ستجد جده من ضمن هؤلاء الابطال
هو ما اساء لاي رموز فقط في ناس هنا بتكتفي بالسطح وترد وتحكم احكام ساذحة
ليه ما هايجين في كاتب المقال الاصلي الذي نقله ملاسي
مشكلة ملاسي ان فايتكم بمراحل جينات نضيفة جدا وعبقرية
وانتو ناس جابر من بطن امه للمقابر

عفارم عليك اخوي ملاسي...
فعلا تاريخ السودان محتاج اعادة قراءة وهنا اشيد بالسيد ادريس البنا ومحاولته عبر جمعيته لاعادة قراءة التاريخ.
ومن القناعات الراسخة عندي وتوصلت لها باستتاجات ومحاورات : بان المستعمر خرج من السودان بارادته وكان يود الخروج قبل هذا التاريخ ولكن خوفه من استعمار مصري بديل ... أخر الجلاء.

غفرانك يا وطني

نحن لا نستحق شرف الانتماء اليك

.....

في إنتظار أن اقراء عن دراسة ميدانية يطوف فيها ملاسي
ربوع سوداننا الحبيب وأن يقراء من السن الناس تاريخهم


اما التشكيك من مكاتبهم لا يعيب الا صاحبه

...

الفخر بكل من ضحوا من اجل هذا الوطن

وووب ،، ود المدير،،اهو جاك البخاري,,
تحياتي واعتذاري لصديقي غريبة،،كنت قد ظننت به الشر.

Quote: وانتو ناس جابر من بطن امه للمقابر

يا دكتوره ...

ده اخو عبد الصبور المن بطن امو للقبور ..

بالظبط كدا يا قباني
الناس تعرف وتفهم حتى تسن كيبوردها

وبرضو نصحح ملاسى لو قال نحن ما عرب.
الم تكن نسـاء فزاعـة يلبسن الرحط؟ ويشلخن وجناتهن؟
وهل كانت تغلب وتميم وحميـر والخزرج تغطى نساؤهم صدورهن؟
فعلا التاريخ لازم يصحح وملاسى دايرلو مساعـدين.

Quote: بالظبط كدا يا قباني الناس تعرف وتفهم حتى تسن كيبوردها

يا دكتوره ... انا بالنسبه لي التاريخ زي ما قال نابليون

History is a set of lies agreed upon

لكن زى ما قالت حبوبة ابوعلي صاحبي ...

التاريخ يا ولدي حتي الما بعجبك فوقه .. ( سلّم ) بيهو ...

زي السنة ... نعملها زي ما قالوا لينا ...

حتي لو عندنا رأي فوقها ...

Quote: الطابية المقابلة النيل ما هي الا بيوت بناها بعض الاطفال بجوار النيل حينما كانوا مع اهاليهم يتنزهون بتلك النواحي

طابية شنو يا فردة ؟؟؟،
دي بيوت نمل. قالوا طابية للدفاع
عن أُم درمان، فتأمل...

Quote: ما عارفه دي يا ود المدير دي الكوزة الوثقت لزواج رجل برجل وكمان في البرلمان قالت ليهم حصل زواج رجل برجل بحضور مأذون وحفلة موسيقية في الخرطوم دي ذاتها بتاعة المشروع الحضاري

ههههههههههههه،

يا عاصم إنت أيّ سؤال يسألوك ليهو بتجاوبو ؟؟؟...

ود المدير .. سلام

Quote: السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين أشكر القائمين على موقع النسابون العرب جزاهم الله ألف خير وأرجو أن يفيدوني عن إصول عائلتي إسمي بالكامل هو: عمر إبراهيم حسين ملاسي هلول حمد التوني البهنساوي حسب علمي وكما علمت من آبائي إن جدي ملاسي إستوطن جزيرة سواكن بالسودان وقد وجدت مؤخراً وثيقة تاريخية تفيد بأن جدنا هلول حمد التوني من الجبل الأخضر من قبيلة بني علي المغاربة وقطنوا البهنساءالغراء كما هو مدون وبني مزار" بمصر " وأننا ننتمي بصلة قرابة قرابة بأسرة علي ماهر باشا بمصر حيث كتب حرفياً بأن والدة علي ماهر باشا "عمة" والدة جدي حسين ملاسي هلول حمد التوني البهنساوي وتسمى: سرية محمد عبداللة وأن والدة مصطفى ماهر باشا عمة إبراهيم عبد المقصود فراج وعلي عبد المقصود فراج ورمضان علي عبدالله وسرية علي عبدالله وأن والدة على ماهرباشا ومصطفى ماهر باشا عمة سرية علي عبد اللة والدة جدنا حسين ملاسي هلول حمد التوني البهنساوي وأن هلول حمد التوني البهنساوي له أخوات هم : كفاية حمد التوني البهنساوي ، وأم الخير حمد التوني البهنساوي وان جدنا هلول حمد التوني البهنساوي له إبنة تسمى مدللة تزوجت بحسين النحاس ، وأن جدنا هلول حمد التوني البهنساوي له أخت تسمى سرية تزوجها عبد الله فضل المولى وولد منها: فرحانة التي تزوجت من حسين تميم وأنجبت محمود بدراو ،وكفاية التي تزوجت من محمد أحمد أغا أبو خمسمائة وأن عمة جدي حسين ملاسي هلول حمد التوني البهنساوي تزوجت بدمنهور مركز ملوي من الشيخ يسين أبو الحسن من علماء الأزهر الشريف وله أولاد منها هم : حلمي ، وفكري ، ومحمد ، وفوزي علماً بأن جدي حسين ملاسي ولد عام 1896 بسواكن وقد عمل رئيساً لحسابات السكك الحديدية بالسودان وله من الأخوان علي ملاسي والذي عمل بالبريد والبرق و قد كان قائد ثورة 1924 ضد الإستعمار البريطاني ببورتسودان وهوالمولود بسواكن عام 1894م وقد سجن بسجن كوبر لمدة ستة أعوام وله من الإخوة أيضاً حسب الله ملاسي وقد عمل بالجمارك السودانية ، وله أيضا أخ أصغر يسمى هلول ملاسي هلول وقد هاجر للمملكة السعودية وتوفي لاحقاً بمصر فأرجو شاكراً مدي بمعلومات تفيدني لمعرفة إصول الأسرة وأنسابها من العوائل والقبائل ولكم خلص الشكر وأكيد التقدير .

المصــــــــدر

Quote: وأكيد عثمان دقنة كان أول مدير للبنك العثمانى السودانى وممثلا للباب العالى العثمانى فى هذه الديار .

،،،

وموقعة القلابات ما كانت موقعة قلابات،
بل كانت موقعة رقشات، فيا لتاريخنا ...

بالظبط كدا يا قباني
الناس تعرف وتفهم حتى تسن كيبوردها

بالظبط كدا يا قباني
الناس تعرف وتفهم حتى تسن كيبوردها

Quote: وغني عمر الطيب الدوش لسعاد حميد لنورا القدال لأمونة فسعاد هي زوجة الدوش امونة هي زوجة القدال حميد لم يتزوج فنورا لعلها حبيبته

،،،

والشعر فيه الرمز، والتاريخ يخضع للبحوث وتقصي الأحداث.
ملاسي بسطر وآحد طلّع الموضوع فشوش،
فتأمل...

Quote: وغني عمر الطيب الدوش لسعاد حميد لنورا القدال لأمونة فسعاد هي زوجة الدوش امونة هي زوجة القدال حميد لم يتزوج فنورا لعلها حبيبته

،،،

والشعر فيه الرمز، والتاريخ يخضع للبحوث وتقصي الأحداث.
ملاسي بسطر وآحد طلّع الموضوع فشوش،
فتأمل...

ت

Quote: المسكوت عنه في التاريخ السوداني أخي (معاوية المدير ) ــــــــ وبعيداً عن الجدية وعلى الهامش كده: أعتقد يا طلحة ويا معاوية: بأن النفع من "تأملات و" مزلقانات" و "شطحات" ملاسي أكثر من ضررها ملاسي الذي الذي أقدم على التشكيك في بطولة مشكاة افريقيا ونبراسها (نيلسون مانديلا ) ، تأملته واعجبت به الشاعرة الشماسية نصرة بنت شخيتة المعروفة (بأم تُـمام) وقالت فيه ذلك البيت المشهور: (إقدام عمروٍ في سماحةِ عاصمٍ في حِلم طلحة، في ذكاء ملاسي)؟

بالحيل يا الصادق أخوي،
بس الحكاية تحتاج لخبراء في علم التاريخ، مُش زي ملاسي
شايلوا عود وطظ، طظ، طظ، يطعن في التاريخ. أيوا ملاسي
هو الطعن نسبةً لأنه إختذل موضوع بابكر بدري في سطروا
الفرِد وحيّد وجاء طاير ليس للتقصي والمعرفة إنما للنقد من
أجل النقد. يعني ملاسي ما رمى حجر في بركة ساكنة بُغية
معرفة الحقيقة، إنما وقع في الناس فِليق.

يا الصادق يا اخي ما كان تشوف لي فرقة في بيت بِت
شخيتة دا...

Quote: أخى معاوية.....كل عام وأنت بخير.... ملاسى برع فى تمجيدالإنقاذيين وتغليف الدعاية لهم فى شكل ونسة ..... ولقد تخصص الملاسى فى تحويل أخبار الإنقاذيون الى ونسة بكاسى....

،،،

وإنت بخير أخي اسامة.
ملاسي برع ايضاً في التاريخ، والأغاني،
العاطفية منها والوطنية...

Quote: خذوا نصف تأريخكم عن هذا الملاسي

،،،

والنصف الثاني ايضاً حتي لا يندثر...

Quote: فعلا تاريخ السودان محتاج اعادة قراءة وهنا اشيد بالسيد ادريس البنا ومحاولته عبر جمعيته لاعادة قراءة التاريخ.

هل بوستات ملاسي كانت محاولة لإعادة قراءة التاريخ،
وهل يمكن ان تتم إعادة قراءة التاريخ من خلآل سطر وآحد ؟؟؟...

Quote: غفرانك يا وطني نحن لا نستحق شرف الانتماء اليك

Quote: وووب ،، ود المدير،،اهو جاك البخاري,, تحياتي واعتذاري لصديقي غريبة،،كنت قد ظننت به الشر.

يا قريبي غريبة جانبه مأمون.
والله صحي...

Quote: وبرضو نصحح ملاسى لو قال نحن ما عرب. الم تكن نسـاء فزاعـة يلبسن الرحط؟ ويشلخن وجناتهن؟ وهل كانت تغلب وتميم وحميـر والخزرج تغطى نساؤهم صدورهن؟ فعلا التاريخ لازم يصحح وملاسى دايرلو مساعـدين.

،،،

ونساعد ملاسي ببعض المراجع ككتاب،
عادات سودانية أُصولها عربية للدكتور
إبراهيم القرشي عثمان، عسى ولعلّ...

Quote: وله من الأخوان علي ملاسي والذي عمل بالبريد والبرق و قد كان قائد ثورة 1924 ضد الإستعمار البريطاني ببورتسودان وهو المولود بسواكن عام 1894م وقد سجن بسجن كوبر لمدة ستة أعوام

لا ما إسمو علي، إسمو عبد المعطي وكان جندي عادي في متحرك
صيف العبور، وهو زاتو من شندي فوق ...