ليه طريقتنا كدا نحن السودانيين مع مكالمة التلفون !!!!!!!!

السوداني لا يجيد السلوك الحضاري مع المكالمات ( التلفون + الجوال )

صوت عالي جدا يزعج من حوله على الرغم من ان المكالمة ممكن تكون ما فيها اي حاجة تزعلو


عكس الجنسيات الاخرى تجدها تتحدث بهدوء وصوت منخفض


طبعا التعميم مخل ما كل السودانيين بس الغالبية كده ليه ما عارف والله !!!


دمنا حار حتى في المكالمات التلفونية او الجوال يمكن !!

حبيبنا حسين خالص التحايا

إنت ما شفت مصري بتكلم في التلفون أو الجوال ولا شنو ؟

السودانيون من النادر جداً أن أجد شخص يرتفع صوته أمام الاحرين اللهم إلا يكونوا أصحابه أو ناس مقربين جداً منه

ملاحظتك دي قد تكون على نطاق جيدة وعينات لا تصلح كإحصائية تمثل السودانيين


ممكن تتصل علي أول حاجة حتقولها لي هي: ممكن ترفع صــــــــــــــوتك !

مع خالص ودي

تصدق بالعكس؟؟


نحن اكتر ناس ما بنرفع صوتنا في التلفون..

والله لو قعد جنبك سوري والا فلسطيني والا مصري والا بنغالي والا باكستاني والا هندي....وهو بتكلم في الجوال..

تكره روحك..

جبت الكلام ده من وين؟؟؟

ارفع صوتك انت سوداني

Quote: and#199;صوت عالي جدا يزعج من حوله

أنت في دا ياحسين ولا أنا قبل يومين كِده ماشي في السوق في البلد الأنا قاعد
فيها دي شايف لي بلديات سوداني بِلوِّح بي يدينو في الهوا وبيرفس بي رجلينو
وفي جنسيات مختلفة بعاينو ليهو .... قلت الموضوع فيهو شكله.
ومن باب أنصرأخاك لقيت لي ماسوره شلتها ومشيت على الزول، لقيت
نفسي بعرِفو .. وحقيقة الموضوع كان بتكلم بالجوال مع أم العيال في البلد!

لكل بلد فى العالم شخصيات مخله بالمظهر القومى
الذى يعكس خلل التمثيل الدبلوماسى الشعبى
ويلفت النظر للسلوك المنحرف فى التعاطى الإجتماعى السوى مع الآخر
كلام
ملبس
طريقة اكل
ضحكه
لغه محكيه وهلم جرا ...

فهون على نفسك ياصديقى وكل سنه وانت طيب

Quote: إنت ما شفت مصري بتكلم في التلفون أو الجوال ولا شنو ؟

يا عاصم كيفك ـ
شفت والله لاكن السوداني دا مبالغة

3 سودانيين وفي مواقع مختلفة لنفس ليوم

كواريك وصياح يا اخ مبالغة

Quote: لكل بلد فى العالم شخصيات مخله بالمظهر القومى الذى يعكس خلل التمثيل الدبلوماسى الشعبى ويلفت النظر للسلوك المنحرف فى التعاطى الإجتماعى السوى مع الآخر

ملهم كردفان

سنة سعيدة على الجميع

مشكور على جمال الاضافة

Quote: شايف لي بلديات سوداني بِلوِّح بي يدينو في الهوا وبيرفس بي رجلينو وفي جنسيات مختلفة بعاينو ليهو

يا محمد نفس الفلم دا بالكربون وقدام مدخل مستشفى

صوتو بسمع الفي الشارع الرابع

الايادي شغالة في كل الاتجاهات

التقول في حلبة مصارعة ما بكلم في ام العيال (رومانسية معدومة اح من اللبناني في الحتات دي )


والداخل و الطالع يعاين ليهو باستغرلب و دهشة

تخيل بكلم في ام العيال

Quote: ارفع صوتك انت سوداني

انت سوداني دي ظاتها ام الازمات

Quote: نحن اكتر ناس ما بنرفع صوتنا في التلفون..

صحي لاكن تخيل الشيخ حسيو وكثير من ضيوف القنوات الفضائية في اللقاءات الحوارية ذات لونية الرأي والرأي الاخر كانوا بتنافشوا عبر الجوال بالله كيف يكون المشهد !!!

اسوو شنو ياحسين ،انت رخيت اضانك سمعت النضمي ،ماهو الفي كلو حلة،،- اتو اجماعة تطير عيشتي معاكم القروش طيرتوها وين.
- ات اراجل وحات ابوي بقيت خرفان،هن حاقن الرسلتهن،لي هسع قسمت بي الله حق الجرورة ما خلستو- ياوليه اجروك من اضانك ،ات القروش ديل بتلعبي بيهن قمار- هوي ا الغبيان ده، ات معمنك ماك جايب خبر،الليلة دي رطل اللبن بقي بي اربعة،،البصلة فرد واحدة بي الف ،حقن المراريا بي ستين ،الكباسيل الليلات الخبيتة ،معلما الله بلعتهن تلات مرات الاخيرة بي 60الف،البنية طار ليها جندب في اضانة قرب اودرها شالو مننا مية للعملية،الحيطة هديك واقعة داير مليون ال...-ياولية اسكتي اصلك ما بتبشري،والله حقو الزول اطفش زاتو الكفيل مجننا وانت مجننانا والله تكترو تقللو الا امرق في اسرائيل و...،و-ان شاءالله تمرق في الدار الاخرة،رسل لي دين الناس ديل،،وليداتك مخير فيهن ان شاءالله تبيعن....
ثم تهرول المسكينة تفتش لرغيفات لوليداتها من فرن بعيد في ليل مظلم،،،،وتقول ما يكوركو ياحسين اخوي.

وتنبهل الاسرار الخصوصية جدا
مرة في بص الولية بتتكلم مع ابوعيالها والله لولا المدام هرشتني داير انضم معاها
يا راجل دي قلت شغله منك ساي
عليك امان الله البص كبير ومكيف وقزازو مقفل وكل الناس صانه تتابع في الحوار وبي اهتمام كمان

مدير الشركة هندي
سافر دبيعن بطيران فلاي دبي
الطيارة ملانة سوادنة باطفالهم ونسائهم
جاء رتجع قال لي السودانين غر متحضرين ولا يعرفون الاتكيت
سخنت معاي شدي قلت ليهو كيف؟؟؟؟؟؟؟
قال لي الرحلة كلها كوراك ونبيح والواحد لو المضيفة قالت ليه اقعد هنا ما بقعد والقاعد بي جاي يكورك لي الزول القاعد في اخر الطائرة والواحد ينهر طفلو بي اعلى صوت

الاخ/ حسين عبدالمجيد ،،، تحياتي

قبل شهرين بالظبط كده وانا راكب مع بتاع تاكسي من المطار للبيت ، رن تلفونه ودارت المكالمة والله ما في اي اعتبار للزبون الراكب .


مودتي


الرحــــال

الاخ/ حسين عبدالمجيد ،،، تحياتي

قبل شهرين بالظبط كده وانا راكب مع بتاع تاكسي من المطار للبيت ، رن تلفونه ودارت المكالمة والله ما في اي اعتبار للزبون الراكب .


مودتي


الرحــــال

في يوم ..المرحوم (محمد توفيق) ...وكان وزير الخارجية ..
كان مارّي أمام واحد من المكاتب في الوزارة
سمع واحد بيصرخ بأعلى صوتو...
قال للمعاهو ..الحاصل شنو ؟
قال ليهو ده فلان بيتكلّم مع واحد في كوستي ...
ردّ عليهو محمد توفيق بسخريتو المعهودة..
(طيب ما يتكلّم معاهو بالتليفون؟)

في يوم ..المرحوم (محمد توفيق) ...وكان وزير الخارجية ..
كان مارّي أمام واحد من المكاتب في الوزارة
سمع واحد بيصرخ بأعلى صوتو...
قال للمعاهو ..الحاصل شنو ؟
قال ليهو ده فلان بيتكلّم مع واحد في كوستي ...
ردّ عليهو محمد توفيق بسخريتو المعهودة..
(طيب ما يتكلّم معاهو بالتليفون؟)

Quote: وتنبهل الاسرار الخصوصية جدا

ما في اي اعتبار لذلك رش كواريك التقول ما في زول غيرو في المكان

Quote: ...-ياولية اسكتي اصلك ما بتبشري،والله حقو الزول اطفش زاتو الكفيل مجننا وانت مجننانا والله تكترو تقللو الا امرق في اسرائيل و...،و-ان شاءالله تمرق في الدار الاخرة،رسل لي دين الناس ديل،،وليداتك مخير فيهن ان شاءالله تبيعن.... ثم تهرول المسكينة تفتش لرغيفات لوليداتها من فرن بعيد في ليل مظلم،،،،وتقول ما يكوركو ياحسين اخوي

يا عبد العزيز زولي الرخيت ليهو اضاني دي التقول هو زولك ظاتو !!

يرغي و يزبد مع ام العيال في القروش الرسلها واسبوع ما تمت ودايره يرسليها تاني