Post: #1
Title: ليست عزة في هواك فحسب!
Author: Hussein Mallasi
Date: 01-01-2014, 10:54 PM
Parent: #0
بل وحتى "ماهو عارف قدمو المفارق" جعلوا منها أغنية وطنية .. فتأمل!
|
Post: #2
Title: Re: ليست عزة في هواك فحسب!
Author: Hussein Mallasi
Date: 01-01-2014, 10:56 PM
Parent: #1
فيا للتاريخ الذي يكتب على الهوى ويا للاغنيات التي تؤول على الهوى!
|
Post: #3
Title: Re: ليست عزة في هواك فحسب!
Author: Hussein Mallasi
Date: 01-01-2014, 11:20 PM
Parent: #2
والعجب (التبتل) البغنيها بيها سيف الجامعة!
|
Post: #4
Title: Re: ليست عزة في هواك فحسب!
Author: سيف النصر محي الدين
Date: 01-02-2014, 00:43 AM
Parent: #3
إن لم يقل فيها غير قدلة يا مولاي حافي حالق بالطريق الشاقي الترام لكفاه.
الوطن=المكان و عشق المكان هو عين عشق الوطن.
|
Post: #5
Title: Re: ليست عزة في هواك فحسب!
Author: معاوية المدير
Date: 01-02-2014, 00:51 AM
Parent: #4
يا ملاسي عليك الله صحح دي عشان أعرف
أتابع معاك بحوثك بمزاج.
دي زي مرقنبو قرنبو.
والله صحي...
|
Post: #6
Title: Re: ليست عزة في هواك فحسب!
Author: خالد عبد الله محمود
Date: 01-02-2014, 06:23 AM
Parent: #4
Quote:
إن لم يقل فيها غير قدلة يا مولاي حافي حالق بالطريق الشاقي الترام لكفاه.
الوطن=المكان و عشق المكان هو عين عشق الوطن. |
ملاصي كان بفهم قدر ده يا دكتور دي ما كانت حالتو 
|
Post: #7
Title: Re: ليست عزة في هواك فحسب!
Author: سيف اليزل الماحي
Date: 01-02-2014, 06:44 AM
Parent: #6
.
ياخي عندما يصدح المغني:
من علايل ابروف للمزالق،
قدله يا مولاي حافي حالق بالطريق الشاقه الترام
ترى الناس سكارى وما هم بسكارى، بعضهم قد تقع عمامته وتطير "سفته".. متأوها هائما في عشق "الترام" الوطني،
والحال كذلك فمن سابع المستحيلات أن تقنع أحدا ان ذلك ليس غناءا وطنيا ياحسين!
.
|
Post: #8
Title: Re: ليست عزة في هواك فحسب!
Author: newbie
Date: 01-02-2014, 07:11 AM
Parent: #7
يا بلادي ,,,,, كم فيك حاذق
|
Post: #9
Title: Re: ليست عزة في هواك فحسب!
Author: هشام عباس
Date: 01-02-2014, 07:50 AM
Parent: #8
انى لك من الناصحين يا ملاسى
لا تركب درب العناد
|
Post: #10
Title: Re: ليست عزة في هواك فحسب!
Author: Hani Arabi Mohamed
Date: 01-02-2014, 08:20 AM
Parent: #9
ملاسي ...
أعرض عن هذا يا صاحب :)
|
Post: #11
Title: Re: ليست عزة في هواك فحسب!
Author: محمد إبراهيم علي
Date: 01-02-2014, 08:28 AM
Parent: #10
هي بالله الغنية دي تعتبر من الاغاني الوطنية ؟
نزلت في ياتو سورة من سور كتاب الوطنية؟
|
Post: #12
Title: Re: ليست عزة في هواك فحسب!
Author: معاوية المدير
Date: 01-02-2014, 08:46 AM
Parent: #11
Quote: يقول علي المك: أنها نظمت عام 1927م كما ذكر حدباي وعام 1929م
في رواية محمد علي عبد الله وإتفق الشاعران أن خليل فرح أنشأها بمصر حين قصدها مستشفياً.
وروي المرحوم أحمد الطريفي الزبير باشا أن خليلاً أنشأها بمصر عام 1930م. وذكر بأنه كان
يلازم الشاعر عندئذٍ وقد أصر علي الرجوع إلي السودان, ويذكر الطريفي أن القاضي الشيخ زكي
عبد السيد كان في وداع الخليل فقال خليل مودعاً: (حأرجع ليكم بعد مدّة بسيطة ).فضحك الشيخ زكي
ثم قال له : (والله لو وصلت إسوان دي يكون كويس !).ولم يعد خليل.
ما هـو عـارف قدمـه المفـارق = يـــا مـحــط آمـالــي الــســلام
في سموم الصيف لاح لي بارق = لـــم أزل أرتــــاد الـمـشــارق
كان مع الأحبـاب نجمـه شـارق = مـالـه والأفــلاك فــي الـظــلام
والبيت ال (1 يقصد به أحد أبنائه ويعني ب (المغالق)المخازن لبيع الإخشاب غربي سوق أمدرمان.
ويعني ب (علايل أبوروف) الإشارة إلي علو تلك المنطقة. و(المزالق )هي المنطقة المنخفضة التي
تلي أبو روف ناحية الغرب.أي (الشجرة) و(ود البنا )و(ود أُرو) حتي المحطة الوسطي في أُمدرمان.
و(حافي حالق ) أي حافي الرأس حليقه.
|
|
Post: #14
Title: Re: ليست عزة في هواك فحسب!
Author: ismeil abbas
Date: 01-02-2014, 09:07 AM
Parent: #12
كل يغنى على ليلاه.
|
Post: #13
Title: Re: ليست عزة في هواك فحسب!
Author: عوض أبو عيش
Date: 01-02-2014, 08:59 AM
Parent: #1
.
قلنا ليكم.. (سـطـُـر) ملاسي ده ما بتحلب.. يا ناس..
وها هو الآن.. يحـرج الحلابين.. بشطُر (مِقيِّح) جديد..!
ملاسي لا يناقش في مواضيع ممكن الأخذ والعطاء فيها..
(مالاشيء) يحاول ينخر في لب عضم ضهر الهوية السودانية ..
الشعب السوداني غير راشد في نظر (مالاشيء)
ويحتاج من يؤرخ له ويشعر له بإنتمائه وينظم عاداته وتقاليده وفكره:
يعني مثلاً في (عادة الدخان) قال ليكم إنتو (شعب) ما بتتناسلوا إلا بمساعدة الحطب..
دي يناقشوهو فيها كيف!؟
|
Post: #15
Title: Re: ليست عزة في هواك فحسب!
Author: علي عبدالوهاب عثمان
Date: 01-02-2014, 09:25 AM
Parent: #13
بالغت عديل يا ملاسي ..
أحياناً الواحد كان يتعاطف معاك
ولكني الآن شعرت وقع حروفك على الآخرين ..
لأنك اصبتني في المقتل ..
ونحن نفكر الآن إعادة منزل عائلة خليل فرح صاي ليكون متحف ومزار
أمس كنا نتداول هذا الموضوع في جلسة منتدى في (جدة ) ..
والله صدمتني بطريقة لم أكن اتخيلها ..
أستغفر الله .. أعوذ بالله .. والله ما عارف اقول إيه .. أول مرة واحد في السودان يتطاول على الخليل ..
لكن الفائدة الوحيدة لهذا البوست أنني وجدت عذراً لمن اصابهم سهام حروفك التي تنثرها بدون عمق ..
خالف تذكر ..
|
Post: #16
Title: Re: ليست عزة في هواك فحسب!
Author: معاوية المدير
Date: 01-02-2014, 09:25 AM
Parent: #13
Quote: يعني مثلاً في (عادة الدخان) قال ليكم إنتو (شعب) ما بتتناسلوا إلا بمساعدة الحطب..
دي يناقشوهو فيها كيف!؟ |
بالحبر السري يا ابو عيش،
عسى ولعلّ...
|
Post: #17
Title: Re: ليست عزة في هواك فحسب!
Author: عبدالعزيز عثمان
Date: 01-02-2014, 09:41 AM
Parent: #16
ملاسي ،نكررها ، يسخف الوطن وناسه،،يستخف بكل ميراثه ،لا اعلم شئيا من ثوابتنا ما تمني ان يقلعه من جذوره ،هذا فعل قبيح وزميم،،ليس هذا نقد هذا تجريح ، النقد بناء متكامل،،هذا شخص يرمي لغما ويفر،يريد زعزعة صميم اشراقات الناس،تقزيمهم،تشئيهم وتحويلهم الي هلام.
يا ملاس نحن شعب عريق هذا ما نريد ان نورثه للاجيال فخرا وعزا.
انت تسعي لتقول انكم اكذوبة...
نحن حقيقة لنا مجدا.
تريد ان تسوق عيالنا للاحساس بالضعة والهوان..
لن يحدث هذا ابدا.
نلعن حكامنا ولكن ليس اوطاننا مجدنا وانساننا...
ملاسي ومشروع التسخيف المريب.
ودي الفضلت.
|
Post: #18
Title: Re: ليست عزة في هواك فحسب!
Author: hassan bashir
Date: 01-02-2014, 11:45 AM
Parent: #17
| Quote: اظن ملاسي يقصد مناسبة الأغنية ليست وطنية وهذا صحيح فإن وجد احدنا فيها الوطن حاضراً فلتسعنا مقولة يغني المغني وكل يبكي على ليلاه بدل الهجوم على الأخر .... |
شكراً كباشي.هكذا فهمتها أنا أيضاً وإن لم استطع التعبير عنها كما فعلت أنت.
|
Post: #21
Title: Re: ليست عزة في هواك فحسب!
Author: علي عبدالوهاب عثمان
Date: 01-02-2014, 01:44 PM
Parent: #18
الاغنية كانت في عهد الاستعمار
لم يكن هناك يوم احتفالي أو أحياء مناسبة وطنية في تاريخ او يوم محدد
كل يوم يمر كان مناسبة وطنية لأنه البلد مستعمر ..
وخليل كان من الطبقة المستنيرة وكان فاهم حقيقة الاستعمار ..
|
Post: #19
Title: Re: ليست عزة في هواك فحسب!
Author: عبدالله محمد أحمد
Date: 01-02-2014, 12:48 PM
Parent: #1
ماهو عارف قدمه المفارق
يا محط آمالي السلام
*******
في سموم الصيف لاح له بارق
لم يزل يرتاد المشارق
كان مع الأحباب نجمه شارق
ماله والأفلاك في الظلام
*******
يا دهر أهوالك تسارق
منها كم كم شابت مفارق
ما علينا الفات كله فارق
رقنا وله نعيد الملام
*******
من حطامك أنا غصني وارق
في شن أبقيت للطوارق
غير قليبا في همومه غارق
ولسانا برده الكلام
*******
ويح قلبي الما انفك خافق
فارق ام درمان باكي شافق
يا أم قبايل ما فيك منافق
سقي أرضك صوب الغمام
*******
يا بلادي كم فيك حاذق
غير الهك ما أم رازق
من شعاره دمعقولة بس المأزق
يتفاني وشرفك تمام *******
مسرح الغزلان في الحدايق
والشوارع الغر والمضايق
قول لي كيف أمسيت دمت رايق
دام بهاك مشمول بالنظام
*******
مجلس اللذات في النمارق
والترف لا زال وصفه خارق
ضاري حسك فاح جانا مارق
وله قاطعو الريح ما هو لام
*******
في يمين النيل حيث سابق
كنا فوق أعراف السوابق
الضريح الفاح طيبه عابق
السلام يا المهدي الامام
*******
أين مني الودعته شاهق
باكي ناهد لسه مراهق
عيني ما بتشوف الا شاهق
أين وجه البدر التمام
*******
أين مني الفي زهوه باسق
في شبابه نقي من مفاسق
بين ثيابه البيض المناسق
حولك اشبه رتل الحمام
*******
يا بريد الجو فوقي حالق
ميل علي الروح ليها خالق
عدت سالم قول وأنت عالق
مقرن النيلين كيلو كام
*******
الحبايب لفتوا الخلايق
بيني وبينهم قطعوا العلايق
ان دلال ان تيه كله لا يق
نحن ما مجينا الخصام
*******
يا جميل يا نور الشقايق
أملأ كأسك واصبر دقايق
مجلسك مفهوم شوفه رايق
عقده ناقص زول ولا تام
*******
من فتيح للخور للمغالق
من علايل ابروف للمزالق
قدله يا مولاي خافي حالق
بالطريق الشاقه الترام *******
ما يئسنا الخير عوده سايق
الحي يعود ان أتي دونه عايق
الي يوم اللقا وانت رايق
السلام يا وطني السلام
|
Post: #20
Title: Re: ليست عزة في هواك فحسب!
Author: ملهم كردفان
Date: 01-02-2014, 01:26 PM
Parent: #19
ضق قل يامان ضق قل براحتك ...واستمتع ...بكره الدنيا تضقل بيك
|
Post: #22
Title: Re: ليست عزة في هواك فحسب!
Author: فيصل محمد خليل
Date: 01-02-2014, 02:16 PM
Parent: #20
اذا نجدت خروفاَ من فم الذئب
فانت في نظر الخروف بطلاً
اما في نظر الذئب فانت احقر من مشى على الارض
________
المسالة نسبية
|
Post: #23
Title: Re: ليست عزة في هواك فحسب!
Author: Hussein Mallasi
Date: 01-02-2014, 02:50 PM
Parent: #22
قصيدة قيلت وداعاً لندمائه ولمجلس اللذات في النمارق فجعلوا منها وطنية .. فتأمل!
|
Post: #24
Title: Re: ليست عزة في هواك فحسب!
Author: Hussein Mallasi
Date: 01-02-2014, 02:53 PM
Parent: #23
لو كانت "الطريق الشاقي الترام" تجعل منها وطنية لفاقتها
أغنية طه سليمان "أم در يا حبيبة" الوطنية عشرات المرات!
|
Post: #25
Title: Re: ليست عزة في هواك فحسب!
Author: معاوية المدير
Date: 01-02-2014, 02:55 PM
Parent: #24
مداخلتك قبل الأخيرة،
عليك الله تمسحها يا ملاسي.
مودتي...
|
Post: #26
Title: Re: ليست عزة في هواك فحسب!
Author: Hussein Mallasi
Date: 01-02-2014, 03:03 PM
Parent: #25
وهب أن مسحتها .. فهل ستمسحونها من أصل القصيدة - أيضاً - لتجعلوا منها وطنية كسر رقبة!
|
Post: #27
Title: Re: ليست عزة في هواك فحسب!
Author: محمد عثمان الحاج
Date: 01-02-2014, 04:18 PM
Parent: #26
مرة أخرى التحية ليك ياملاسي وأنت تحاول أن تحطم الأصنام في بلد فشل شعبه في أن يكون شعبا واحدا خلال ثمانية وخمسين عاما وبدلا من التوقف وتصحيح أخطاء الماضي يصر على السير في نفس الطريق! تاريخ يسمى فيه الجبناء الغدارين فرسانا والدجالين أبطالاّ!
غايتو ياملاسي أنا سمعت قصة أغنية :" في الفؤاد ترعاه العناية" من واحد من معاصري الحدث، وبكل تأكيد لا أتجرأ على كتابتها ولن يتجرأ غيري على كتابتها، هي بعض من تاريخ السودان السري المخفي، كمثل مخطوطات مؤرخ السودان الأول محمد عبد الرحيم التي منعوها من النشر !
|
Post: #28
Title: Re: ليست عزة في هواك فحسب!
Author: عاطف عمر
Date: 01-02-2014, 04:38 PM
Parent: #27
تحياتي وسلامات عزيزنا محمد عثمان
| Quote: غايتو ياملاسي أنا سمعت قصة أغنية :" في الفؤاد ترعاه العناية" من واحد من معاصري الحدث، وبكل تأكيد لا أتجرأ على كتابتها ولن يتجرأ غيري على كتابتها، هي بعض من تاريخ السودان السري المخفي، كمثل مخطوطات مؤرخ السودان الأول محمد عبد الرحيم التي منعوها من النشر ! |
شوتها لـ ملاسي في الماسنجر
فـ ( الممطورة ما بتبالي من الرش )
|
Post: #29
Title: Re: ليست عزة في هواك فحسب!
Author: nazar hussien
Date: 01-02-2014, 04:54 PM
Parent: #28
ناقشوا وجهة نظر حسين بدون عواطف وقناعات مسبقة
لعل وعسي نخرج بحالة سودانية جديدة لنج...تخرجنا
من شباك كثيرة...
فقناعاتنا القديمة شبعتنا دموع....أ ما كفانا.!؟
|
Post: #31
Title: Re: ليست عزة في هواك فحسب!
Author: Sidgi Kaballo
Date: 01-02-2014, 07:10 PM
يا حسين يبدو إنك لم تعش الغربة حيث يختلط الخاص بالعام والوطن بوجه الحبيبة والأم والأصدقاء والذكريات.
الغناء الوطني يا حسين ليس ضروريا أن يكون هتافا، فقد يختلط فيه حب الوطن بالذكريات الشخصية وبالأماكن التي اعتاد الشخص لارتيادها. أعد قراءة القصيدة متناسيا موقفك من كأس الخليل ومجلسه الناقص زول ولا تام.
ود القرشي لما كتب الذكريات دمج بين الحب والوطن بشكل رائع وهكذا فعل بازرعة في معظم أغانيه.
أرجع لعلي المك وعبد الهادي وتأمل في الخليل مرة أخرى.
|
Post: #30
Title: Re: ليست عزة في هواك فحسب!
Author: عبد الله شم
Date: 01-02-2014, 07:06 PM
Parent: #27
Quote: تاريخ يسمى فيه الجبناء الغدارين فرسانا والدجالين أبطالاّ!
|
زي منو ؟
|
Post: #32
Title: Re: ليست عزة في هواك فحسب!
Author: معاذ الفحل
Date: 01-02-2014, 08:15 PM
Parent: #30
| Quote: تاريخ يسمى فيه الجبناء الغدارين فرسانا والدجالين أبطالاّ! |
والله يا محمد عثمان الحاج كلامك غبينتو تشق
يبدو انو فى نااس بتكتب منن غير ما تفكر!!!!
ملاسى ده مانا زعلانين منو لانو عارفين دوافعو وعازرنو !!!
انت مالك مع اهلك؟؟؟؟؟
|
Post: #33
Title: Re: ليست عزة في هواك فحسب!
Author: عبداللطيف شريف على
Date: 01-02-2014, 08:18 PM
Parent: #1
| Quote: بل وحتى "ماهو عارف قدمو المفارق" جعلوا منها أغنية وطنية .. فتأمل! |
وتأملنا وتالمنا ........!!!!
بس من هم الذين يفعلون ذاك ياااا هذااا...
|
Post: #34
Title: Re: ليست عزة في هواك فحسب!
Author: Hussein Mallasi
Date: 01-16-2014, 10:06 AM
Parent: #33
| Quote: انت تسعي لتقول انكم اكذوبة... |
نعم وبفعالكم .. وهل في ذلك ريب!
|
Post: #35
Title: Re: ليست عزة في هواك فحسب!
Author: Fathi Ali Mohammed
Date: 01-16-2014, 10:25 AM
Parent: #34
| Quote: والعجب (التبتل) البغنيها بيها سيف الجامعة! |
الضمير في (بيها) راجع لمنو؟
سيف الجامعة مذكر و التبتل مذكر
|
|