احتفال النادي السوداني بفلادلفيا بعيد الاستقلال

مرحبتين بلدنا حبابا
حباب النيل حباب الغابة
ياها ديارنا نحن اصحابا..
نهوي عديلا ونرضي صعابا


بنعشق شمسها الحراقة
وتلهب في قلوب دفاقة
نحن شعارنا حب وصداقة
للناس الصفت اخلاقا


نحن بلدنا بي خيراتا
البلد البتشبها ياتا؟؟
هي حياتنا واحنا حياتا
وما بندور بلاها وحاتا

نحن بلادنا نتحدابا
بي خيرا الوفير وشبابا
لو ننهض جميع بصلاب
ما بتلقونا تاني غلابة


بسواعدنا راح نبنيها
وابدا ما بنفرط فيها
لو كان فتنا من واديها
لو قبلنا من واديها
من وين تاني تلقي الجيهة

في أخلاقنا في عاداتنا
إشراقات تميز ذاتنا
نحن حميدة سمحة صفاتنا
من أجدادنا ومن أبواتنا


لازم نبقي سمحين سيرة
وطنية وامانة وغيرة
نحن بلدنا لينا مصيرا
ومين عند غيرنا تلقي نصيرا


في تاريخا مافي مثيلا..بدرقا وسيوفا وخيلا
نتحزم بلدنا نشيلا..دون افكار علينا دخيلا
متشابكات جميع ايدينا..
وبنتمم جميع ما بدينا

.
التحية والإحترام لأهل فيلادلفيا ولأسرة النادي السودانى وهم يحتفلون بعيد الإستقلال أعاده الله علي الشعب السودانى بالخير والسلام.

أشرف الباقر.

التحية لك اشرف الباقر ولكل الأخوة بنيويورك وكل عام وأنتم بخير و تزدان فيلادلفيا بحضوركم