عيد الاستقلال وتمام تسعة !!!!

حكاية عيد الاستقلال المن يوم واحد شهر واحد بقوها لينا يوم اتنين شهر واحد دي ذكرتني ونحن طلبة في الكلية في حاجة اسمها (التمام الحتمي) وده كل يوم الساعة تسعة مساء وبرضو بخلاف التسمية الرسمية (التمام الحتمي) اسمو المتدوال (تمام تسعة) !! اها في رمضان بقوموا يغيروا مواعيد كل الانشطة ومن بينها التمام الحتمي ده او تمام تسعة ! يقوم اول ما ثبتوا رمضان يجيك واحد من التعلمجية شوف يا طلبة طبعاً بكرة رمضان وبالتالي كل المواعيد حتتغير يعني من بكرة تمام تسعة الساعة عشرة مفهوم ياطلبة ؟ ايوه مفهوم يا افندم تمام تسعة الساعة عشرة مزبوط ياطلبة