Post: #1
Title: يا قناة أمدرمان ..عذارى الحيّ سيدا منو ؟؟؟ جهجهتونا ..!!!
Author: عمر الفاروق
Date: 12-30-2013, 06:19 AM
Parent: #0
في برنامج الأغنيات السمراء النسخة المكررة من برنامج أغنيات من البرامج بقناة النيل الأزرق تم تقديم أغنية عذارى الحيّ.. وقبل الأغنية قامت مقدمة البرنامج بالتعريف بشاعر الأغنية لى أنه إسماعيل حسن وحكت عن نشأة وميلاد الشاعر وكل ما يتعلق بسيرته الذاتية ..
صراحة إندهشت من إنو عذارى الحي من كلمات إسماعيل حسن وإندهاشي لأنو نفس القصيدة ما حصل حسيت فيهو النفس بتاع إسماعيل حسن ولقناعتي بأن معظم اغنيات ابو داؤود ثنائية مع الشاعر عبد المنعم عبد الحي..
أكملت المذيعة التعريف بشاعر الاغنية إسماعيل حسن وقالت : لان نستمع لأغنية عذارى الحيّ للشاعر اسماعيل حسن اداء الجيلي عبد الماجد ..
مع بداية الاغنية تم كتابة إسم الاغنية وكتابة اسم شاعرها على أنه عبد المنعم عبد الحيّ !!!
صراحة جهجهوني ..و شكلها الجهجهة طلعت قصة قديمة و اختلافات من زمان ..و خشيت النت عشان أشوف تأكيدات شاعر الاغنية فإذا بي الاقي هشام شيخ الدين بيقول الاغنية وحسب روايات رشا شيخ الدين تقريباً إنو شاعر الاغنية هو إسماعيل الأزهري !!!!
أها يا قناة أمدرمان رسونا على بر الشاعر اسماعيل حسن ولا عبد المنعم عبد الحي ؟؟؟
|
Post: #2
Title: Re: يا قناة أمدرمان ..عذارى الحيّ سيدا منو ؟؟؟ جهجهتونا ..!!!
Author: يحي قباني
Date: 12-30-2013, 06:29 AM
Parent: #1
عمر سلامات
حسب معرفتي
كلمات : اسماعيل حسن
الحان : برعي محمد دفع الله
وغناء ابوداؤود طبعاً ...
و الله اعلم يا حبيبنا ...
|
Post: #3
Title: Re: يا قناة أمدرمان ..عذارى الحيّ سيدا منو ؟؟؟ جهجهتونا ..!!!
Author: Elbagir Osman
Date: 12-30-2013, 07:08 AM
Parent: #2
عذاري الحي شعر إسماعيل حسن
الأمر الذي اثار استغرابي أيضا عندما عرفته
لكن يبدو أنها من اوائل قصائد الشاعر
قبل أن يجد صوته الخاص
الباقر موسى
|
Post: #4
Title: Re: يا قناة أمدرمان ..عذارى الحيّ سيدا منو ؟؟؟ جهجهتونا ..!!!
Author: Kostawi
Date: 12-30-2013, 07:09 AM
Parent: #2
|
Post: #5
Title: Re: يا قناة أمدرمان ..عذارى الحيّ سيدا منو ؟؟؟ جهجهتونا ..!!!
Author: Kostawi
Date: 12-30-2013, 07:18 AM
Parent: #4
|
Post: #6
Title: Re: يا قناة أمدرمان ..عذارى الحيّ سيدا منو ؟؟؟ جهجهتونا ..!!!
Author: Kostawi
Date: 12-30-2013, 07:25 AM
|
Post: #8
Title: Re: يا قناة أمدرمان ..عذارى الحيّ سيدا منو ؟؟؟ جهجهتونا ..!!!
Author: Kostawi
Date: 12-30-2013, 07:30 AM
Parent: #6
|
Post: #7
Title: Re: يا قناة أمدرمان ..عذارى الحيّ سيدا منو ؟؟؟ جهجهتونا ..!!!
Author: عمر الفاروق
Date: 12-30-2013, 07:28 AM
حبايبنا يحى والباقر..
شكراً للمعلومة .. لكن عندي سؤال ..طالما المعلومة شبه مأكدة اللغط والإشتباه لزومو شنو حول الاغنية ؟؟
وعلاقة عبد المنعم عبد الحي شنو بالاغنية ؟ هل لأنه إرتبط بالفنان أبو داؤوود؟؟
وقصة هشام شيخ الدين بتاعت إنو كتبها إسماعيل الأزهري لكنه تستر خلف إسم أحد الشعراء دي شنو؟؟
فعلاً الاغنية ما بتشبه مدرسة اسماعيل حسن ولا لونيته وما حسيت فيها ريحة ونفس اسماعيل ..
تخريمة :
كوستاوي انا ما شايف الفيديوهات اليوتيوب مقفل في المكتب ..لكن عارفك أسة تلقاك منزل اغنية لي رشا شيخ الدين ..:)
|
Post: #9
Title: Re: يا قناة أمدرمان ..عذارى الحيّ سيدا منو ؟؟؟ جهجهتونا ..!!!
Author: Kostawi
Date: 12-30-2013, 08:02 AM
Parent: #7
|
Post: #10
Title: Re: يا قناة أمدرمان ..عذارى الحيّ سيدا منو ؟؟؟ جهجهتونا ..!!!
Author: خالد عبد الله محمود
Date: 12-30-2013, 08:31 AM
Parent: #9
نهائي ما بتشبه إسماعيل حسن
يمكن لأننا أتعودنا على إسماعيل حسن بالعامية
|
Post: #11
Title: Re: يا قناة أمدرمان ..عذارى الحيّ سيدا منو ؟؟؟ جهجهتونا ..!!!
Author: Kostawi
Date: 12-30-2013, 09:28 AM
Parent: #10
عذارى الحيّ سيدا
عبد المنعم عبد الحي
قصائده المنشورة
فارق لا تلم
فتنتي
سهران الليل أناجي القمرة
النيل الفاض وامتلا
رملتنا البيضا
عيوني عشقو السهر
قيف يازمن
الحجل بالرجل
ظهر نور الشروق
يوم شفت القطار شالو سافر قلبي قبالو
حليل مدني
اقيف يازمان خلي السعادة تطول
بالله يا أهل الهوى
لحن العذاري
حليل الدوام بطراهم
انتصر ياحب
ابتسمي لوتسمحي
هبت نسايم الليل-في حبك ياخليلي
ناس لالا
ندامي الراح
أوراق الخريف
فراق حبي المولع ناري
اسمر جميل
ياعين ياساهرة
ياساير ياماشي النظرة ماشة معاك وقف وقف وسوقني معاك
سلام برده ليك
اهوي الدنيا
داك الصباح أهو لاح
اسمر اسمر ياسمير
إنساني
يابانة
المامبو السوداني
كفاك صدود
حبيبي ياساكن البوادي
أرض الكنانة
مابنساك يالمسافر وين ياهناي
يامنايا
ياحبيبي تعال
هوي الفؤاد
راحت ليالي
علي ربى امدرمان
نار البعد والغربة
يا سهارا
|
Post: #12
Title: Re: يا قناة أمدرمان ..عذارى الحيّ سيدا منو ؟؟؟ جهجهتونا ..!!!
Author: Kostawi
Date: 12-30-2013, 10:08 AM
Parent: #11
|
Post: #13
Title: Re: يا قناة أمدرمان ..عذارى الحيّ سيدا منو ؟؟؟ جهجهتونا ..!!!
Author: ياسر منصور عثمان
Date: 12-30-2013, 10:50 AM
Parent: #12
والله يا عمر ...مافيها اي نفس من انفاس اسماعين ود حد الزين...
صعب جداً تكون حقتو..
عبد المنعم عبدالحي...ارجح
الزعيم اسماعيل الازهري...لم اسمع له شعراً حتى احكم...
|
Post: #14
Title: Re: يا قناة أمدرمان ..عذارى الحيّ سيدا منو ؟؟؟ جهجهتونا ..!!!
Author: يازولyazoalيازول
Date: 12-30-2013, 11:34 AM
Parent: #13
عذارى الحى ، كما روتها رشا ، عذارى الحى يا جماعة من تأليف الرئيس الشاعر الزعيم الأمدرمانى الراحل الكبير إسماعيل الأزهرى ، رحمة الله تتغشى قبره الكريم ، وده الزول الرفع علم السودان عاليا خفاقا بين الأمم ، وكان أعظم من غناها (أبو داود) الله يرحمه ويحسن اليه ، وبالتالى توارى الشاعر الكبير خلف أحد شعراء ذلك الزمان البهى ، وأبى أن تنسب إليه خشية (البرستيج) بوصفه رئيسا للسودان فكان السودان بحق من أولى أولوياته ، وكلماته كما سمعتها عن رشا تقول:
ياعذارى الحى
رفقاً بالحيارى
هل رأيتُن حبيباً قد توارى
يا عذارى الحى
عديلاً عديل
آهِ من قلبى
وليلى الطويل
ياعذارى الحى
قد راح الجميل
لم يقل حتى وداعاً فى الرحيل
خبِّرى ، أى عرفينى
أين سارا؟
يا عذارى الحى
عابدٌ ، الحبُ ديْنى ومِراحى
صابرٌ فى الحبِ لم أشكو جراحى
يا ترى المحبوبُ يدرى عهد راحى
بليالى الأمس ، واللهو المباحِ
أم تناسى؟
يا عذارى الحى
(هنا فى سكسفون عجيب)
أين ليلاتى؟؟
فقد مرت حيارى
عهدَ حبى
والأمانى يا عذارى
ليلُنا طُهرٌ بلا راحٍ سكارى
بليالِ الودِ والودِ شعارا
فنساها وتوارى ، يا عذارى الحى
رفقاً بالحيارى
هل رأيتُن حبيباً قد توارى
يا عذارى
عذارى الحى
ديل كانو رؤسانا ، شوفو النقاء والجمال فى أعظم صورة لسودانى صميم زول بسيط راس السودان كلو (مليون ميل مربع) ، ألا رحم الله (أبوالزهور)
|
Post: #15
Title: Re: يا قناة أمدرمان ..عذارى الحيّ سيدا منو ؟؟؟ جهجهتونا ..!!!
Author: Elbagir Osman
Date: 12-30-2013, 02:45 PM
Parent: #14
يا هشام
ويا رشا
أظن البيت
"يا عذارى الحى
عللن العليل"
والتعليل الوعد
وبالعليل يعني نفسه
الباقر
|
Post: #16
Title: Re: يا قناة أمدرمان ..عذارى الحيّ سيدا منو ؟؟؟ جهجهتونا ..!!!
Author: يازولyazoalيازول
Date: 12-30-2013, 02:51 PM
Parent: #15
شكراً يا باقر على التصويب
ويا عمر الفاروق ، مجالس أمدرمان تتحدث عن رواية تأليف الأزهرى لعذارى الحى ، وأنا شخصياً لا يوجد لدى شكوك حيث كان الأزهرى - رحمه الله - أديباً وكاتباً فذاً
وأرجو من أبناء أمدرمان النفى أو التأكيد إن كان لأحدهم دراية بالأمر
والتحية لكم جميعاً
|
Post: #17
Title: Re: يا قناة أمدرمان ..عذارى الحيّ سيدا منو ؟؟؟ جهجهتونا ..!!!
Author: يحي قباني
Date: 12-30-2013, 04:53 PM
Parent: #16
| Quote: عذارى الحى ، كما روتها رشا ، عذارى الحى يا جماعة من تأليف الرئيس الشاعر الزعيم الأمدرمانى الراحل الكبير إسماعيل الأزهرى ، رحمة الله تتغشى قبره الكريم ، وده الزول الرفع علم السودان عاليا خفاقا بين الأمم ، وكان أعظم من غناها (أبو داود) الله يرحمه ويحسن اليه ، وبالتالى توارى الشاعر الكبير خلف أحد شعراء ذلك الزمان البهى ، وأبى أن تنسب إليه خشية (البرستيج) بوصفه رئيسا للسودان فكان السودان بحق من أولى أولوياته ، |
سلامات استاذنا هشام
تجاورنا و( تجاورتم ) مع الزعيم الازهري سنوات طوال ...
وكان جدنا بابكر القباني وعمنا محمود الفضلي ( والد نادر ) ملازمين له معظم الاوقات ...
لم نسمع هذه الروايه ولم نعلم عن الازهري انه كان يكتب شعراً ...
والا كانت تسربت قصائد اخري ...
الشعر لو كان به مشكلة ( برستيج ) يا استاذنا لأخفي المحجوب كل ما كتب !!!
اما كاتبها عبدالمنعم عبد الحي ام اسماعيل حسن ...
فنبحث و ننقب ...
والله اعلم ... قد تكون روايتك هي الاصح ...
|
Post: #18
Title: Re: يا قناة أمدرمان ..عذارى الحيّ سيدا منو ؟؟؟ جهجهتونا ..!!!
Author: Elbagir Osman
Date: 12-30-2013, 05:25 PM
Parent: #17
شكرا كوستاوي
على نشر قصائد عبد الحي
ما أجملها
كنت أظن بعضها .. لم يكتبه بشر
أما مسألة نشر الشعر وإيضا الألحان بإسماء آخرين
فهو أمر معروف في سودان القرن الماضي
من أشهر الروايات أن قصيدة بت ملوك النيل كتبها الشريف حسين الهندي
وأنا أعرف شخصيا ملحنين ومؤلفين نصوص .. لم يريدوا أن تقرن بأسمائهم
فذاعت بأسماء آخرين
الباقر
|
Post: #19
Title: Re: يا قناة أمدرمان ..عذارى الحيّ سيدا منو ؟؟؟ جهجهتونا ..!!!
Author: Kostawi
Date: 12-31-2013, 06:40 AM
Parent: #18
I agree with Elbagir
However,
و الله يا أخوي الباقر
لو الموضوع معروض في سوق الزلعة
أرجو من عمنا المرحوم
عمر الطيب الدوش (يباصي لي)
De
بتطلعي إنتي من صوت طفلة
و سط اللمة منسية
و تمشي معاي!
تمشي معاي خطانا الإلفة و الوحشة
تمشي معاي و تروحي
تمشي معاي وسط روحي
لا البلقاه بعرفني ولا بلقا معاك روحي
(شعر نصرالدين هجام - كوستاوي)
أها كدا كيف?
و أحولك لكتاب طه حسين عن الشعر الجاهلي
البقول فيه, مافي حاجة إسمها الشعر الجاهلي
فكل ما وصف بأنه شعر جاهلي هو منحول
كل الشعر قيل في فجر الإسلام و تزاحمت قريش للنحل
و إبرز كل خشم بيت من القبائل بتاريخ بيتهم
شعرا و نسبه تاريخيا لأجدادهم لرفع مكانة القبيلة
يعني الباقر ينجر ليه قصيدة في سنة 2013 و يقدمها للمجتمع إنو شاعرها جده المولود في 1918
I think you have gotten my point
أخي الباقر
any thing possible
ال
Motives have many colors
Peace out
|
|